Neytendablaðið - 01.06.2004, Blaðsíða 21

að átta sig á því hvað er í boði á því verði
sem þeir ráða við og á þeim stað sem
þeir hafa í huga? Það hefur verið beðið
allt of lengi með að láta alla þá sem
skipta við fasteignasölurnar njóta lækk-
unarinnar sem þessi nýja tækni býður
upp á því seljendur fasteigna eru yfirleitt
látnir borga blaðaauglýsingar. Þeir þurfa
að fara að láta heyra í sér, passa sína
pyngju og hjálpa fasteignasölum upp úr
úreltu fari.
Einhver harðasta og dýrasta auglýsinga-
herferð sem við höfum séð spratt upp
úr markaðssetningu á nýja e-kortinu.
Þar átti að vera komið „fundið fé".
Með viðbrögðum VISA dembdust yfir
dagblöðin heilsíðuauglýsingar nýliðans
og gamla risans sem boðuðu sparnað
og gróða þeirra sem kaupa nógu mikið!
Enn eitt dæmið um að hve skynsemi
neytenda er lágt skrifuð hjá fjársterkum
auglýsenduni og markaðsráðgjöfum
þeirra. Hvenær skyldi þeim lærast að
lækkun gjalda kemur þeim betur en
kostnaðarsamt auglýsingaskrum og ónýt
ímyndasmíði.
Ónýt ímyndasmíði og endurmörkun
Fyrirtæki skapa sér ímynd til að auka
sölu, skapa traust og fjölga þannig
viðskiptavinum. Imyndasmíðin færist
í aukana eftir því sem auðveldara
verður að framleiða markaðsvörur og
erfiðara að selja þær. Vöxtur og fyrirferð
ímyndsmíðinnar tengist jojóðfélags-
og menningarþróun sem einkennist
af sýndarmennsku. Neytendur borga
kostnaðinn þegar upp er staðið.
Svokölluð mörkunarvinna (branding),
sem gat af sér nýtt merki Símans; ný
slagorð, útgáfu íburðarmesta tímarits-
heftis sem unnt er að ímynda sér og
víðtæka auglýsingaherferð hlýtur að
hafa kostað hundruð milljóna. Hún gekk
ekki út á að segja frá lækkun gjalda
eða nýjungum sem geta sparað útgjöld
símnotenda. í fréttatilkynningum og
auglýsingum var rausað um „hugmynd-
ir sem gerast" og framandlega ímynd
sem átti að staðfesta að „traust, heilindi,
lipurð, einfaldleiki og eldmóður" væru
þau grunngildi sem Síminn mundi standa
fyrir í framtíðinni. Nokkur gagnrýni
á bramboltið birtist f fjölmiðlum og
e.t.v. er hér enn komið dæmi um að
fyrirtæki skaðist á hæpinni ráðgjöf
og dýrkeyptri þjónustu kynningar- og
auglýsingafyrirtækja. Ef svo er hafa stjórn
og framkvæmdastjóri Símans sofið á
verðinum.
Þótt undarleg klæðaskipti Símans hafi
þótt með eindæmum stunda mörg stór-
fyrirtæki yfirborðskennda ímyndasmíði.
Lengi vel létu bankarnir nægja að tyg-
gja í fólk eitthvað um |:>jónustu, ánægju,
að vera allra eða að vera þar sem við
erum. Stóru verslunarmiðstöðvarnar,
Kringlan og Smáralindin, senda inni-
haldslítil skilaboð reglulega um farveg
fjölmiðlanna. Enn telja mörg stórfyrirtæki
vænlegt að hamra á fallegum, merkingar-
litlum frösum í því skyni að vekja athygli
og örva viðskipti.
Það örlar á endurmati
Hvorki neytendur né fyrirtæki þola til
lengdar fjáraustur í merkingarsnautt
auglýsingaglamur og við erum farin að
greina ýmis merki þess að þeir sem ráða
ferðinni skilji það. Herferð KB-banka í
framhaldi af nafnbreytingu um áramót-
in ber önnur einkenni en Símadæmið.
Þar voru flutt tíðindi af því sem kemur
viðskiptavinunum vel, endurgreiðslu og
lækkun gjalda, lækkun skuldabréfavaxta
o.fl. Auglýsingar fleiri banka bera þess
nú vitni að ekki er látið nægja að skjóta
út í loftið. Nú er farið að upplýsa um
kjör, jafnvel bæta þau og endurgreiða
brot af þeim ævintýralegu uppgripum
sem ársreikningar bankanna greindu
frá. Neytendur vilja sjá lækkun á verði
og gjöldum hjá þeim sem græða fremur
en að sjá hagnaðinum eytt í innantómar
auglýsingar og ímyndasmíði byggða á
sandi.
Hörður Bergmann
Neytendastarf er í
allra þágu
Sláturfélag Suðurlands
Vífilfell hf.
ÍSAGA ehf.
Ömmubakstur ehf.
Norðlenska ehf.
Myllan-Brauð
íslenska útflutningsmiðstöðin hf.
Kringlan
Glópus hf.
Júmbó, matvælaiðja
Kjarnafæði hf.
Góa-Linda, sælgætisgerð
Harðviðarval ehf.
Fönix hf.
Hampiðjan hf.
Öndvegi, húsgögn
Norðurmjólk ehf.
KB Banki
Pharmaco hf.
VÍS - Vátryggingafélag íslands hf.
Sparverslun, Bæjarlind
Tryggingamiðstöðin hf.
Síminn
Sjóvá-Almennar
Samskip
SHELL Skeljungur
Samband íslenskra sparisjóða
Samkaup
Nettó
Úrval
Sparkaup
Kaskó
Og Vodafone
Osta- og smjörsalan
Mjólkurbú Flóamanna
Mjólkursamsalan
Lyf og heilsa
Apótekarinn
íslandstrygging hf.
Kaupás
Nóatún
Krónan
11-11 verslanirnar
Kjarvalsverslanirnar
[slandsbanki hf.
íslandspóstur hf.
Frumherji hf.
Húsasmiðjan hf.
Blómaval
Europris, Létt kaup ehf.
Hagar hf.
Bónus
Hagkaup
10-11-verslanirnar,
OLÍS - Olíuverslun íslands
NEYTENDABLAÐIÐ 2.TBL. 2004 21