Bændablaðið - 01.08.1987, Blaðsíða 11
Bændablaðið — BÚ ‘87
11
Magnús Sigsteinsson framkvæmdastjóri BÚ
’87 tekinn tali:
FÓLK FÆR MIKID
FYRIR PENINGINN!
„Kostnaðurinn er einhversstaðar í kringum 20 milljónir og þá er ekki
talið það sem einstakir sýnendur leggja í sina bása. Þetta er bara það
sem þarf að setja upp á vegum sýnenda sem eru Búnaðarfélag ís-
lands, Framleiðsluráð, Markaðsnefnd, Stéttarsamband bænda og
Landbúnaðarráðuneytið. Það er ekki stefnt að því að þetta verði
gróðafyrirtæki en þetta verður að standa undir sér...“ Bændablaðið
tók framkvæmdastjóra BÚ ’87 tali; Magnús Sigsteinsson heitir hann
og starfar sem ráðunautur í byggingum og bútækni en hefur nú haft
í nógu að snúast við að koma BÚ ’87 á laggirnar.
Fundurinn ályktar, að stefna samtakanna
hljóti að höfða til manna hvar í flokki sem
þeir standa, enda styðji þau engan stjórn-
málaflokk sérstaklega og telji félaga sína og
stuðningsfólk frjálst að skipa sér hvar í
flokk sem það kýs.
Landsfundurinn Ieggur á það þunga
áherslu, að Alþingi samþykki að láta kjósa
stjórnlagaþing, er setji lýðveldinu íslandi
verðuga stjórnarskrá og bendir á störf á veg-
um samtakanna sem mikilsvert framlag þar
til.
Landsfundurinn telur, að sem allra fyrst
verði að vinna því form og fylgi að lands-
hlutasamtök sveitarfélaga fái aukið vald yfir
sínum sérmálum og tilsvarandi hlutdeild í
samfélagstekjum hvers svæðis. Mætti hugsa
sér sem byrjunar áfanga, að innan tveggja
ára hafi um helmingur samfélagsumsvif-
anna komist „heim“. Fundurinn skorar sér-
staklega á þingmenn í öllum stjórnmála-
flokkum, sem lýst hafa fylgi við aukið
landshlutavald, að standa við stóru orðin og
styðja þessar tillögur.“
Ekki á móti Reykjavík
Að lokum þetta: í Rómverjasögu er sagt frá
keppinautum þeirra, Púnverjum og höfuð-
borginni Kartagó. í letur er fært að Róm-
verjinn, Cató gamli, lauk jafnan ræðum sín-
um, sem voru margar, þannig: „Að síðustu
legg ég til að Kartagó verði lögð í eyði.“
Sumir bera sér í munn að samtökin um jafn-
rétti milli landshluta séu á móti Reykjavík
og vilji gengi hennar sem minnst. Þetta er
hin mesta fjarstæða. Við erum aðeins and-
stæðingar ranglætis. Flestir — landsbyggða-
menn og Reykvíkingar — gera sér þess grein,
að hvorugur getur án hins verið, ef vel er, og
margir Reykvíkingar eru áhugasamir félag-
ar samtakanna. Sjálfsagt gæti borgin um
stundarsakir staðist án bakhjarls í byggð. —
Um stundarsakir — en hversu lengi eftir að
hafa glatað gimsteinum þeirra sérkenna,
sem gera fólk að þjóð. Það er spurn. Sam-
búð okkar við landið „allt“ mold þess og
mið, harðbýli þess og blíðu, fegurð þess —
hrikalega eða smágerða — er sá aflvaki og
brýning, sem gerir okkur að merkum félaga
í fjölskyldu þjóðanna. Ef ég héldi margar
ræður og endaði þær með áþekku stefi —
gæti stefið verið: Erfiðleikarnir, sem mæta
þér eru ekki aðalatriði heldur hvernig þú
snýst við þeim Mætum þeim með bjart-
sýni og kjarki og leitum í félagi þeirra leiða,
sem öllum koma til nokkurs þroska.
Hlöðver Þ. Hlöðversson.
— formaður S.J.L.
Björgum, S-Þing.
Landbúnaðarsýningin sem nú er haldin er
talin fjórða alvöru landbúnaðarsýningin
sem haldin hefur verið. Sú fyrsta var í
Reykjavík 1921, næsta 1947 og sú þriðja
1968. í annan tíma hafa verið búvörusýning-
ar; á Selfossi 1974 og í Reykjavík 1984. Þá
var haldin búfjársýning löngu fyrir minni
elstu manna, árið 1874. Það er lika 19. aldar
atburður sem er tilefni sýningarhaldanna
nú. 28. janúar 1837 stofnuðu bændur
Suðuramtsins húss- og bústjórnarfélag og
af því félagi er núverandi félagskerfi Búnað-
arfélags íslands sprottið.
En hvernig getur sýningin staðið undir
sér...?
„Við tökum leigugjald af sýnendum og
svo kemur eitthvað inn með aðgangseyri.
Það er ógerningur annað en að rukka að-
gangseyri á svona sýningu því einhver verður
að bera þennan kostnað. Ég held líka að fólk
fái mikið fyrir peninginn, með allri þeirri
matvælakynningu sem hér verður, skemmti-
atriðum, nýjungum og fólki gefst kostur á
að kaupa landbúnaðarvörur á vildarverði og
smakka...
Það er til dæmis meiningin að vera með
heljarmikla grillveislu fyrstu helgina þar
sem stjórn Félags sauðfjárbænda grillar eitt
kvöldið og svo kemur stjórn Félags svína-
bænda annað. Þessutan verður grillað öll
kvöld þegar veður leyfir...
Við reiknum með að hafa flestallar teg-
undir af kjöti nema hvað fuglabændur
treystu sér ekki til að vera með.“
Starfsmannafjöldi á sýningunni, — hvað
verður margt?
„Ef við tökum allt með þá verða aldrei
færri en 200 starfsmenn. Sýningarstjórnin
ræður 30 manns til vinnu rneðan á sýning-
unni stendur auk þess sem einhver Ijöldi
verður í búvörukynningum. Síðan verða
sýnendur með geysilegan starfsmanna-
fjölda.“
Fiskeldi
Bændaskólinn á Hólum óskar eftir sérfræðing (fiskeldi. Verk-
efni: Kennsla — rannsóknir — leiðbeiningar.
Umsóknir sendist til landbúnaðarráðuneytisins f. 1. september
n.k.
Landbúnaðarráðuneytið, 5. ágúst 1987.