blaðið - 27.05.2005, Síða 2

föstudagur, 27. maí 2005 I blaðið
Öryrkjum fjölgar hjá Mæðrastyrksnefnd
Sú umræða að öryrkjum hafi fjölgað
í þjóðfélaginu hefur verið óberandi á
landinu að undanförnu. Öryrkjar eru
lágtekjuhópur, sem oft og tíðum þarf
á fjárhagslegri aðstoð að halda, og ein
afleiðing af fjölgun í þessum hópi er
aukin ásókn til þeirra aðila sem slíka
aðstoð veita.
Að sögn Aðalheiðar Frantzdóttur,
framkvæmdastjóra Mæðrastyrks-
nefndar, er nú svo komið að um 60%
skjólstæðinganna eru öryrkjar.
„Öryrkjum hefur fjölgað um 10-
15% hjá okkur á stuttum tíma, sem
að mínu mati er bein afleiðing af
íjölgun öryrkja í samfélaginu," segir
Aðalheiður. „Við höfum orðið vör við
að fatlaðir einstaklingar, sem búa á
sambýlum, leiti til okkar þegar þeir
hafa ekki efni á mat. Ennfremur ger-
ist það ekki sjaldnar en einu sinni í
viku að félagsráðgjafar leita til okk-
ar, fyrir hönd skjólstæðinga sinna, til
að leita eftir aðstoð. Slíkt hefur auk-
ist mjög á síðustu misserum," segir
Aðalheiður.
Ef farið er yfir það hvaða hópar
leita til nefhdarinnar kemur eftirfar-
andi í ljós:
Öryrkjar 60%
Atvinnulausir 19%
Eldri borgarar 4%
Aðrir 17%
Miklir samningar stóðu yfir á Hótel
Loftleiðum í gær og fyrradag um að
ná Bobby Fischer aftur að taflborð-
inu til að tefla einvígi í svokallaðri
slembiskák, eða Fischer Random.
Boris Spassky fór frá landi í gær en
hann kom sérstaklega til landsins
með fjársterkum bandarískum aðila
sem virðist tilbúinn til þess að borga
Fischer töluverða upphæð fyrir að
tefla einvígi aftur. Fischer þvertekur
fyrir að tefla venjulega skák, og segir
hana „dauða“. Hann heimtar að tefla
svokallaða slembiskák, þar sem tafl-
mönnum er raðað upp samkvæmt
tilviljun. Ekki er keppt opinberlega
í slembiskák neins staðar í heim-
inum svo vitað sé, en Fischer mun
vilja kynna þetta afbrigði. Þrátt fyr-
ir að Fischer víki á þennan hátt frá
troðnum slóðum virðist ekkert hik
vera á fjárfestum. í samtali við Blað-
ið sagði Helgi Ólafsson stórmeistari
að það væri nokkuð ljóst að það yrði
Rándýrt að ná Fischer aftur að taflborðinu
ekki ókeypis að ná Fischer aftur að
taflborðinu. Ekki er komið á hreint
hversu há verðlaunaupphæð er í boði
en Blaðið hafði það frá öðrum heim-
ildum að upphæðin hlypi á nokkrum
hundruðum milljóna. Það er talið ólík-
legt að Fischer tefli fyrir undir 300
milljónum, en það var það sem þurfti
til að Fischer tefldi gegn Spassky í
Júgóslavíu 1992. Helgi sagði ennfrem-
ur að ekkert væri komið á hreint um
framkvæmd einvígis, lengd eða and-
stæðing. Ótal margir andstæðingar
koma til greina en aðspurður sagði
Helgi að ef hann mætti velja myndi
hann vilja sjá Fischer tefla slembi-
skák við Kasparov. „Ekki er komið á
hreint hvenær línur skýrast en unnið
er að nokkrum málum,“ bætti Helgi
við. Hann vildi ekki tjá sig um hverr-
ar tegundar þau mál væru.
Fjármálaráðuneytið
svarar
skýrslu OECD:
Ekki bein
merki um
ofhitnun
Fjármálaráðuneytið segir rétt
í skýrslu OECD að uppgangur
einkenni íslenskt efhahagslíf um
þess'ar mundir og að hagvöxtur
sé með því mesta sem þekkist á
Vesturlöndum. Atvinnuleysi hafi
einnig minnkað og er orðið hlut-
fallslega lítið. Þrátt fyrir þetta
eru ekki komin fram bein merki
um ofhitnun hagkerfisins, segir í
vefriti ráðuneytisins.
Að mati Fjármálaráðuneyt-
isins gerir OECD meira úr hag-
sveifluvanda en efni standa til
hér á landi næstu árin. OECD
virðist hvorki reikna með aukn-
um sveigjanleika né alþjóðavæð-
ingu hagkerfisins.
Þar segir að íslenski vinnu-
markaðurinn sé sveigjanlegur og
hafi opnast mikið. Nýleg reynsla
bendi til að vaxandi spurn eft-
ir vinnuafli sé í auknum mæli
mætt með erlendu vinnuafli.
Fyrrverandi starfsmenn
Seafood sýknaðir
Dómur fallinn
í Dettifoss-
málinu
Dómur féll í gær í máli fjögurra
manna, sem ákærðir voru fyrir til-
raun til stórfellds fikniefnainnflutn-
ings með flutningaskipinu Dettifossi
snemma á síðasta ári. 15. mars 2004
fundu skipverjar talsvert magn kóka-
íns og amfetamíns í flutningagámi
um borð í skipinu. Lögreglu var gert
viðvart og handtók hún sakborning-
ana skömmu síðar.
Jón Arnar Reynisson var dæmdur
í þriggja ára fangelsi fyrir tilraun
til innflutnings á rúmlega 2,7 kg af
amfetamíni og tæplega 600 g af kóka-
íni til söludreifingar. Jón játaði á
sig brotin og aðstoðaði við rannsókn
málsins og var það honum til refsi-
lækkunar. Hann hafði ekki komið við
sögu lögreglunnar áður. Hinrik Jó-
hannsson var dæmdur í tveggja ára
fangelsi fyrir tilraun til innflutnings
á tveimur kg af amfetamíni. Hann
hefur 15 sinnum hlotið refsidóma frá
árinu 1993 - fyrir fjársvik, umferðar-
lagabrot, skjalafals og fikniefnabrot.
Hjáp hans við úrlausn málsins var
honum til refsilækkunar. Þriðji mað-
urinn var dæmdur í eins árs fangelsi
fyrir aðild sína að málinu. Dómarnir
eru allir óskilorðsbundnir en frá refsi-
vist ákærðu dregst gæsluvarðhald
hvers um sig.
Einn maður, sem sakaður var um
aðild að málinu, var sýknaður en
hann hefur ávallt haldið fram sak-
leysi sínu.
Fjórir fyrrverandi starfsmenn Ice-
land Seafood í Hafnarfirði voru í gær
sýknaðir af þeirri kröfu fyrirtækisins
að viðurkennt væri með dómi að þeir
hefðu ekki mátt ráða sig til Seafood
Union sem launþegar, ráðgjafar,
stjórnarmenn eða sjálfstæðir verk-
takar eða taka á nokkurn annan hátt
þátt í starfsemi þess félags til 30.
júní 2005. Eins að þeir mættu ekki
hagnýta sér viðskiptaleyndarmál úr
fyrri vist. Dómurinn hafnaði þessu og
taldi samningsákvæði í þessa veru of
óskýr og að þau brytu í bága við at-
vinnufrelsi mannanna.
Dómurinn féllst ekki á kröfur Ice-
land Seafood og dæmdi fyrirtækið
til þess að greiða stefndu 920 þús-
und krónur í málskostnað. Forsend-
ur dómsins voru þær að mennimir
hefðu sagt upp störfum með löglegum
hætti, en þar sem Iceland Seafood
hefði ekki greitt þeim laun frá 15.
janúar og þannig slitið ráðningar-
samningi við mennina þá þyrftu þeir
því ekki að efna samninginn frekar af
sinni hálfu. Ákvæði ráðningarsamn-
ingsins um samkeppnishömlur eftir
að samningi væri slitið þóttu hins
vegar ekki nægilega afmarkandi og
brytu þannig á atvinnufrelsi stefndu.
Það var því metið ógilt.
Rannsókn-
arstjóri RNF
til Kanada
ÞormóðurÞormóðsson,rannsókn-
arstj óri Rannsóknarnefndar flug-
slysa (RNF), hefur verið ráðinn
til Alþjóða flugmálastofnunar-
innar, ICAO, í Kanada. Þar mun
hann gegna starfi tækniráðgjafa
í flugslysarannsóknum. Þormóð-
ur hefur fengið leyfi frá störfum
hjá RNF á meðan, í þijú ár frá
1. ágúst næstkomandi. Á næstu
dögum verður auglýst eftir stað-
gengli fyrir starf hans hjá RNF.
Austurver
Opið alla daga ársins til kl. 24
Mán.-fös. kl. 8-24
Helgar og alm. frídaga 10-24
JL-húsið
Mán.-fös. kl. 9-21
Helgar 10-21
Kringlan 1. hæð
Mán.-mið. kl. 10-18:30,
fim. 10-21, fös. 10-19,
lau. 10-18, sun. 13-17
Opið lengur
f^Lyf&heilsa
O HeiSskirt (3réttskýiað Skýjað ^ Alskýjað , Rigning,litilsháttar ///' Rigning Súld Snjókoma ^ siydda Snjóét \-'j :
Amsterdam 26
Barcelona 22
Berlin 28
Chicago 13
Frankfurt 27
Hamborg 24
Helslnki 19
Kaupmannahöfn 18
London 23
Madrid 28
Mallorka 23
Montreal 10
New York 14
Orlando 22
Osló 14
París 29
Stokkhólmur 20
Þórshöfn 4
Vin 25
Algarve 23
Dublin 14
Glasgow 10
Veðurhorfur í dag
Veðursíminn
Byggt á upptýsingum frá Veðurstofu íslands
m
o+