blaðið - 19.07.2005, Page 16
16 I BÖRN OG UPPELDI
ÞRIÐJUDAGUR 19. JÚLÍ 2005 blaöiö
Það er alltaf líf og gaman á Landsmóti
Fjölmenn
útisamkoma
Landsmót skáta 2005
Landsmót skáta er ein stærsta og fjöl-
mennasta útisamkoma ungs fólks sem
haldin er hér á landi og 25. landsmótið
verður sett í kvöld kl. 20.30. Mótið, sem
er haldið þriðja hvert ár, mun standa
yfir dagana 19. - 26. júlí í Útilífsmið-
stöð skáta, á Úlfljótsvatni. Fjölmargir
skátar, ungir sem aldnir, koma saman
í náttúrunni, njóta fegurðar hennar og
lífsins í samfélagi sem þekkir ekkert
kynslóðabil þar sem gleðin er eina vím-
an. Mótið er fyrst og fremst fyrir hinn
hefðbundna skáta en eldri skátar, björg-
unarsveitafólk og fjölskyldur skátanna
eru einnig hjartanlega velkomnar. Á
mótinu eru starfræktar sérstakar tjald-
búðir þar sem fjölskyldur skátanna og
allir sem áhuga hafa á skátastarfi og úti-
lífi geta sett niður tjaldið sitt, tjaldvagn
eða fellihýsi og tekið þátt í landsmóts-
ævintýrinu.
Heilbrigðar lífsvenjur barna
Fjölbreytt dagskrá er í boði á Lands-
móti fyrir alla aldurshópa og því ættu
allir að finna sér eitthvað við sitt hæfi.
Ekki þarf að tilkynna þátttöku í fjöl-
skyldubúðum og hægt er að dvelja þar
eins lengi og gestir óska þess. Þátttöku-
gjald í fjölskyldubúðum er 1.600 krónur
fyrir hvern einstakling 10 ára og eldri
fyrir fyrstu nótt, óháð því hversu lengi
dvalið er. Síðan er greitt 600 krónur á
nótt fyrir einstakling eftir það. íslenska
skátahreyfmgin hefur frá upphafi lagt
grunn að heilbrigðum lífsvenjum barna
og ungmenna. Markmið skátahreyfing-
arinnar er að þroska börn og ungt fólk
til að verða sjálfstæðir, virkir og ábyrg-
ir einstaklingar í samfélaginu. Frekari
upplýsingar fást á heimasíðu mótsins
(www.skatar.is/landsmot) þar sem verð-
ur daglegur fréttaflutningur með nýj-
um myndasyrpum auk þess sem sýnt
verður beint frá fjórum stærstu athöfn-
um mótsins á netinu. ■
i
Járn- og plastmódel í miklu úrvali
Tómstundahúsið
Nethyl 2,
sími 5870600,
www.tomstundahusid.is
Unglingar i afbrotum
bœta fyrir brot sitt
Verkefni í Grafarvogi sem miðar að samvinnu allra aðila.
í Grafarvogi er verkefnið Hring-
urinn í fullum gangi þar sem
unglingar í afbrotum fá tækifæri
til að hitta brotaþola og bæta fyrir
brot sitt. Hringurinn er samstarfs-
verkefni Miðgarðs, Þjónustumið-
stöðvar Grafarvogs og Kjalarness,
og lögreglunnar í Reykjavík og er
úrræði sem byggir á ákveðnum
kenningagrunni og aðferðafræði
sem miðar að samvinnu allra aðila
sem að málunum koma, gerenda,
þolenda og samfélagsins.
Ingibjörg Sigurþórsdóttir, framkvæmda-
stjóri Miðgarðs, segir verkefnið hafi
gengið mjög vel síðan það hófst árið
2001 og áframhald sé á. „Það hefur verið
mjög góður árangur af þessu, við höfum
reyndar engar langtímarannsóknir á að
byggja þar sem verkefnið hefur ekki ver-
ið í gangi það lengi. En við höfum gert
kannanir meðal þeirra sem hafa farið í
Hringinn, bæði brotaþola, brotamanna,
foreldra og tengiliða og þær hafa komið
Hringurinn minnkar líkurnar á að ungiing-
ar leiðist á braut afbrota
vel út.“ Það eru einna helst skemmdar-
verk og þjófnaðir sem koma til kasta
Hringsins. Ingibjörg segir þó að að-
ferðafræðin sem slík gagnist alveg öðr-
um brotum. „Við einbeittum okkur að
þessum brotaflokkum á sínum tíma því
þeir voru algengastir. Nú hefur þessum
brotum fækkað þannig að við þurfum
að endurskoða þetta eitthvað."
Minni líkur á frekari brotum
Hringurinn gengur út á það að brota-
maður og brotaþoli hittast ásamt starfs-
manni Hringsins og jafnvel einhverjum
öðrum hagsmunaaðila úr samfélaginu.
Einnig eru forráðamenn kallaðir til og
99............................
Vinnan erhugsuð til
að byggja viðkomandi
einstakling upp.
•••••••••••••••••••••••••
sitja þeir með í Hringnum. Ingibjörg tal-
ar um að það sé mikil styrking fólgin í
Hringnum. „Vinnan ( Hringnum geng-
ur fyrst og fremst út á að finna leiðir til
að styrkja brotamann og minnka þar af
leiðandi líkurnar á að viðkomandi haldi
áfram á sömu braut. Hluti af starfsemi
Hringsins felst í að brotamennirnir fari
I vinnu hjá einhverri stofnun, fyrirtæki
eða félagasamtökum til að styrkja sig
og bæta fyrir brot sitt. Vinnan stendur
þá yfir í nokkra tíma á viku í 2-3 vikur.“
Ingibjörg leggur þó áherslu á að þessi
vinna sé alls ekki hugsuð sem refsing
heldur frekar til að byggja viðkomandi
upp og efla sjálfstraust. Brotamennirnir
hafa farið á ýmsa staði, í leikskóla, á sam-
býli, í sundiaugina eða á vélaverkstæði
svo eitthvað sé nefnt. „Við erum með þó
nokkuð af svona tengiliðum í hverfinu,"
segir Ingibjörg. „Það er okkar auður að
hafa þessa fínu tengiliði í hverfinu sem
eru til í að koma inn í þetta. Enda er mik-
il hverfavitund hér í Grafarvogi.“
Ábyrgari og sterkari einstaklingar
Hugmyndafræði Hringsins er fengin
frá Minnesota fylki í Bandaríkjunum
en starfsfólk Miðgarðs hefur fengið
fræðslu þaðan að sögn Ingibjargar.
„Hugmyndin er nákvæmlega sú að við
bjóðum upp á einhverja vinnu sem er
til þess fallin að við skilum sterkari ein-
staklingum út í samfélagið heldur en
fyrir. Einstaklingar sem eru ábyrgari og
virða betur umhverfi sitt. Við leggjum
mikla áherslu á að þetta sé innan hverf-
isins því við erum að styrkja þau í sínu
nærsamfélagi. Þar af leiðandi bera þau
meiri virðingu fyrir öllum í kringum
sig og samfélaginu og því starfi sem þar
fer fram.“
Valfrjáls þátttaka
1 Hringnum er þeim einungis sinnt sem
ekki eru sakhæfir og er því í raun og
veru hluti barnaverndarvinnu. Barna-
verndarnefndir fá skýrslu um öll börn
Ingibjörg Sigurþórsdóttir, framkvæmda-
stjóri Miðgarðs
sem komast í kast við lögreglu og þaðan
fer málið til Miðgarðs. „Stundum hefur
viðkomandi fengið lítinn stuðning og
jafnvel bara eitt bréf verið sent vegna
málsins. Þá fórum við þessa leið og bjóð-
um upp á Hringinn sem meiri stuðning,“
segir Ingibjörg. „Þátttaka í Hringnum
er valfrjáls og bæði unglingar og for-
ráðamenn geta og hafa hafnað þátttöku.
Þá er ekkert frekar gert nema í alvarleg-
ustu málunum.“ ■
svanhvit@vbl.is
Hjólað með smáböm
Það er ýmislegt
sem hafa þarf
í huga þegar
hjólað er með
smábörn. Hér á
landi er ekkert
1 lögum sem
segir til um hve-
nær má byrja
að reiða börn á
hjólum. 1 Dan-
mörku eru hins vegar lög sem kveða á
um að ekki má reiða barn yngra en 9
mánaða. Lögin byggja á þroska barns-
ins, því þegar það hefur náð 9 mánaða
aldri getur það setið upprétt og reynir
því ekki eins mikið á líkamann og hjá
yngri börnum. Það erýmislegt sem hafa
þarf í huga þegar verið er að reiða smá-
börn. Mikilvægt er að velja vandaðan
stól sem styður vel við höfuð, háls og
bak. Mikilvægt er að fætur barnsins séu
varðirþannig að erfitt sé fyrirbarnið að
stinga fótum á milli teina. Þegar festa
á stólinn á hjólið í fyrsta sinn er mikil-
vægt að fara eftir leiðbeiningunum sem
fylgja honum. Herða þarf á festingum
með reglulegu millibili. Það er einnig
mikilvægt að athuga að barninu getur
orðið kalt þar sem það hreyfir sig lítið
þrátt fyrir að þeim sem hjólar sé heitt af
áreynslunni. Ekki er æskilegt að sá sem
hjólar sé með bakpoka, því ef barnið sit-
ur fyrir aftan hann þá rekst pokinn oft
í andlit barnsins og veldur því óþægind-
um. Barnið þarf að nota reiðhjólahjálm
af réttri stærð og mikilvægt er að það
noti ekki húfu undir heldur „buff“ eða
lambhúshettu úr þunnu efni. Mikil-
vægt er að fylgst sé vel með þyngd barns-
ins þannig að það verði ekki of þungt
fyrir stólinn. Hámarksþyngd er gefin
upp í leiðbeiningum. Eftir því sem barn-
ið stækkar eru meiri líkur á að það geti
troðið fótum á milli teina en þannig
99.....................
Mikilvægt er að velja
vandaðan stól
verða flest slys þegar verið er að reiða
börn. Hægt er að fá skerm fyrir teina
en þeir eru einungis útbúnir fyrir vissar
tegundir hjóla.
Mikilvægt er að fólk skilji aldrei barn
eftir eitt á hjólinu en þannig hafa slæm
slys orðið.
Kerrur eru að verða vinsælli fyrir
smábörn en mikilvægt er að undir-
strika það að börn þurfa einnig að nota
hjálmíþeim.
Hægt er að finna frekari upplýsing-
ar um hjólreiðar og hjálmanotkun á
heimasíðu Lýðheilsustöðvar www.lyd-
heilsustod.is undir Árvekni, slysavarnir
barna. ■
Herdís L. Storgaard
Verkefnastjóri
Árvekni, Lýðheilsustöð.
herdís@lydheilsustod. is