blaðið - 21.10.2005, Síða 4

4 I INNLENDAR FRÉTTIR
FÖSTUDAGUR 21.OKTÓBER 2005 blaöiö
Leikskólar í Kópavogi:
Deildum lokað
einn dag í
viku hverri
Baugsmálið:
Björn vísar vangavelt-
umum vanhæfi á bug
Dómsmálaráðherra segir val á sérstökum saksóknara í Baugsmál-
inu vandaverk, sem lokið verði innan skamms.
Gríðarleg óánœgja er meðal foreldra leikskólabarna
í Kópavogi. Ástandið er einna verst í nýjustu hverfum
bæjarins og á sumum skólum þurfa börn að vera heima að
minnsta kosti einn dag í viku sökum manneklu.
Á fundi leikskólanefndar í vikunni
lagði fulltrúi Samfylkingarinnar
fram tillögur um úrbætur til þess
að bæta úr því ástandi sem skapast
hefur á leikskólum bæjarins sökum
manneklu. Tillögurnar áttu að miða
að því að bæjaryfirvöld gætu gripið
inn í án þess að koma beint inn á
kjarasamningsatriði, ásamt því að
gera leikskólana samkeppnishæfari
um vinnuafl. Tillagan var felld
„Inngrip í kjarasamning
Á bæjarráðsfundi í gær lét
meirihlutinn bóka að minnihlutinn
ætti að kynna sér nýundiritaðann
kjarasamning og að mörg atriði í
tillögum minnihlutans væru hrein
inngrip í þann samning. „Það er
með ólíkindum að minnihlutinn
standi að slíkri tillögu í
miðjum samningaumleitunum
hagsmunaaðilasagði í bókuninni.
Flosi Eiríksson, bæjarfulltrúi
Samfylkingarinnar bókaði einnig á
fundi bæjarráðs í gær eftirfarandi.
,j tillögu Samfylkingarinnar er
tekið á fjölda atriða sem ekki
tengjast kjarasamningi beint og
höfum við ítrekað undanfarið lagt
til að gripið verði til aðgerða vegna
vandræða í starfsmannamálum.
Því hefur ítrekað verið hafnað
að hálfu Sjálfstæðisflokks og
Framsóknarflokks.“
Gott að búa í Kópavogi?
Iris Björnsdóttir sem á börn á
leikskólanum Rjúpnahæð hefur
ekki farið varhluta af manneklunni
og þarf að vera heima með börnin
einn og hálfan dag í viku. „Þetta
hefur verið svona á fjórðu viku
núna og þetta kemur mjög illa við
mig þar sem ég er í vinnu þar sem
ég þarf að mæta daglega og hafa
mikla viðveru. Sem betur fer er ég
með mjög skilningsríka yfirmenn
en ég er alvarlega að hugsa um að
skipta um leikskóla fyrir börnin
mín því þetta gengur ekki lengur.
Maður fær heldur engar upplýsingar
um ástandið. Leikskólastjórinn
hefur ekki staðið sig nógu vel og
nú er hann farinn í leyfi og aðstoð
arleikskólastjórinn er í sumarfríi
svo maður hefur ekki hugmynd
um hvort eitthvað sé verið að gera
í þessum málum. „Hvað myndi
fólk segja ef svipað ástand væri í
grunnskólunum og ómenntað fólk
væri að kenna í grunnskólunum
í þetta miklum mæl,“ sagði íris
og bætti við, “Þú ættir að tala við
bæjarstjórann og spyrja hann hvað
hann sjái gott við að búa í Kópavogi,
maður skilur ekki alveg þá setningu
í þessum aðstæðum.“
Hyllir undir lausn
„I fyrradag vantaði aðeins fjórtán
stöðugildi sem er mun betra ástand
en fyrir skömmu síðan,“ sagði
Gunnar Birgisson bæjarstjóri. „Nú
er einnig búið að skrifa undir
samning við starfsmannafélagið
og ég trúi því að þegar hann verður
samþykktur verði vandamálið
úr sögunni." Gunnar bætti við að
minna væri um lokanir á deildum
nú en áður þannig að ástandið væri
að batna.
ÖðRUVIsfbtÓMAbÚð
ÚrVaI AÍ pOTTAplÖNTUM
Rýmum fyrir nýjum vörum, 20-60% afsláttur
Björn Bjarnason, dómsmálaráð-
herra, greindi frá því í umræðum á
Alþingi í gær, að hann myndi innan
skamms skipa sérstakan saksókn-
ara til að fara með meðferð þeirra
32 ákæruatriða í Baugsmálinu, sem
Hæstiréttur vísaði frá á dögunum.
Hann vísaði á bug vangaveltum um
að hann kynni að vera vanhæfur
til þess. Dómsmálaráðherra kvaðst
hafa unnið að því síðustu daga að
finna og fá löghæfan mann til að
taka að sér þetta vandasama starf
og vonaðist til þess að geta greint frá
því hver hann yrði á næstu dögum.
Ráðherra þakkaði stjórnarand-
stöðuþingmönnum fyrir umhyggju
í sinn garð er þeir ráðlögðu honum
að segja sig frá málinu þó um form-
legt vanhæfi væri ekki að ræða.
Hann sagðist hins vegar ekki búa
við þau hægindi að geta sagt sig frá
málum vegna huglægs vanhæfis eft-
ir því sem menn teldu henta. Þvert á
móti þyrftu að vera skýrar reglur og
skilyrði um hæfi og vanhæfi. Kvaðst
Björn ekki reyna að víkja sér undan
skyldu sinni í málinu, hann þyrfti
að skipa saksóknara nema gildar
ástæður væru til annars. Svo væri
ekki.
Björn sagði að fullyrðingar um
meint vanhæfi sitt til skipunar sér-
staks saksóknara, styddust hvorki
við stjórnsýslulög, lögskýringar
né dómafordæmi. Vitnaði Björn
til tveggja fræðimanna um að um-
mæli stjórnmálamanna um viðhorf
þeirra til ákveðinna mála yllu al-
mennt ekki vanhæfi þeirra.
Miklar kröfur gerðar til sér-
staks saksóknara
Björn sagði ennfremur að mikl-
ar kröfur væru gerðar til þess, sem
skipaður yrði sérstakur saksóknari.
Hann þyrfti að hafa hæfi til þess að
vera hæstaréttardómari, hafa bæði
þekkingu og reynslu og njóta óskor-
aðs trausts. 1 framhaldinu þyrfti
hann svo að fá aðstöðu, aðstoð og
tóm til þess.að leiða þennan þátt
málsins til lykta. Björn sagði brýnt
að Baugsmálið yrði til lykta leitt
með festu og alvöru, enda hvíldi það
þungt á sakborningum, réttarkerf-
inu, viðskiptalífinu og raunar þjóð-
inni allri.
Það var Lúðvík Bergvinsson, þing-
maður Samfylkingarinnar, sem hóf
umræðu utan dagskrár um skipan
ákæruvalds í málinu. Kvaðst hann
hafa miklar efasemdir um skynsemi
þess að rannsókn og saksókn mála
væri á sömu hendi og spurði ráð-
herra hvort hann teldi ástæðu til að
breyta því fyrirkomulagi. Þá nefndi
Lúðvík að margir hefðu efasemdir
um vinnubrögð embættis ríkislög-
reglustjóra í ýmsum viðamiklum
málum. Björn sagði á hinn bóginn
að fyrirkomulag þessara mála hér
væri svipað og í nágrannalöndunum
og taldi sérstök rök þurfa að færa fyr-
ir því að breyta því.
Ársfundur ASÍ
Þjóðarsáttin í uppnámi
Tiltrú almennings á stöðugleika og þjóðarsáttina minnkar ef ekki
kemur til meiriháttar framlags afhálfu stjórnvalda og atvinnurek-
enda að sögn Grétars Þorsteinssonar
Grétar Þorsteinsson, forseti ASl,
sakar ríkisstjórnina um að bregðast
ekki við varnarorðum samtakanna
um þróun í verðlagsmálum. Þetta
kom fram í opnunarræðu Grétars á
ársfundi ASl sem settur var í gær. I
ræðunni sagði Grétar einnig að ASÍ
væri fylgjandi skattalækkunum sem
beint væri til tekjujöfnunar en alls
ekki ef þær þýddu niðurskurð í vel-
ferðarkerfinu.
Ofurlaun ílandinu
Grétar varaði einnig við að verð-
bólgan væri meiri en kjarasamning-
ar gerðu ráð fyrir og ef ekki væri
brugðist við því væri ljóst að samn-
ingar væru í uppnámi. I samtali við
Blaðið sagði Grétar að launabil í land-
inu væru stöðugt að aukast og sömu-
leiðis stéttskipting. „Þeim fjölgar sí-
fellt sem flokkast undir það að vera
á ofurlaunum og síðan erum við að
sjá í afkomu fyrirtækja og þá sérstak-
lega í fjármálageiranum og stórfyrir-
tækjum milljarða tugi í hagnað í sex
mánaða uppgjörum. Almenningur
heyrir þetta og sér.“
Grétar Þorsteinsson á ársfundi ASl sem hófst í gær
Stöðugleiki mikilvægur
Grétar segir ennfremur að ef
ekki komi til meiriháttar framlags
af hálfu stjórnvalda og Samtaka
atvinnulífsins muni þjóðarsáttin
vera í uppnámi. „Við erum sammála
að stöðugleikinn er afar mikilvæg-
ur og við töldum að við værum að
leggja mikið af mörkunum við kjara-
samningsgerð síðast bæði með því
að semja til fjögurra ára, sem við
hefðum ekki gert nema fyrir tilstilli
endurskoðunarákvæða. Ef það tekst
ekki að ná saman núna þá er það al-
veg ljóst að mínu viti að trú okkar
fólks á þetta þríhliðasamstarf og
stöðugleikann er auðvitað í mikilli
hættu.“ ■

VIÐ ERUM AÐ FLYTJA!
OPNUM NÝJA OG GLÆSILEGA VERSLUN
AÐ ASKALIND 2A - NÚNA í OKTÓBER
HÚSGAGNAVERSLUN