blaðið - 21.10.2005, Blaðsíða 26

26 I HELGIN
FÖSTUDAGUR 21.OKTÓBER 2005 blaöiö
Landvernd kennir gestum oggangandi aðflokka rusl
w
Urgangur er auðlind á villigötum
Tvær ungar konur, þær Nanna og Guðný, í bolnum vinsæla með myndinni af þjóðarblóm-
inu okkar, Holtasóley.
Á hverju ári framleiðir hver fjög-
urra manna fjölskylda á fslandi
um eitt og hálft tonn af heimilis-
sorpi. Hvernig við förum með
allan þann úrgang segir mikið
um það hver við erum og hversu
mikla umhyggju við berum fyrir
umhverfinu og komandi kyn-
slóðum. Úrgangur er auðlind á
villigötum og þess vegna leggur
Landvernd mikla áherslu á að
landsmenn flokki úrgang og skili
honum til endurvinnslu eins og
kostur er. Reynslan sýnir að með
skipulögðum vinnubrögðum má
ná verulegum árangri. Vönduð
meðhöndlun úrgangs er hluti
af menningu þjóðarinnar og þá
menningu þarf að styrkja og efla.
Mikill áhugi
Um helgina ætlar Landvernd að
leiðbeina fólki í Kringlunni ,við það
hvernig á að flokka rusl og hver er
auðveldasta leiðin til þess. Tryggvi
Felixson, framkvæmdastjóri Land-
verndar býst við að fólk muni nýta
sér þjónustuna um helgina.
„Það góða við að vera á stað eins og
Kringlunni er að fólk er á ferðinni og
oft á laugardögum og sunnudögum
hefur fólk tíma til að skoða eitthvað
sem það langar til að kynna sér eða
þyrfti að kynna sér. Það hefur yfir-
leitt verið talsverður áhugi á því sem
við höfum verið að reyna að koma á
framfæri," segir Tryggvi.
Úrgangur er auðlind
„Þetta er nú svona mál sem stendur
flestum frekar nærri, þetta er nú
eitthvað sem við gerum daglega og
þó margir haldi að þetta sé mjög auð-
velt þá vakna oft ýmsar praktískar
spurningar og við vonumst til þess
að geta svarað þeim. Við ætlum að
leyfa fólki að æfa sig að flokka rusl
og ég vona að það verði einhverjir
sem notfæra sér það.“
Það verður ýmislegt annað á dag-
skrá í boði Landverndar.
„Sýningin okkar sem snertir ýmsa
þætti í daglegu lífi okkar og hvernig
við getum gert þá umhverfisvænni
verður þarna. Svo bjóðum við upp
á vinsælu bolina okkar með þjóðar-
blóminu og svo erum við að útbúa
nýjan bol sem er með þjóðarfjallinu.
Þemað okkar er úrgangur er auð-
lind, það er að segja úrgangur getur
verið auðlind ef hann er flokkaður
og komið í réttan farveg.“
Ná út spilliefnum
Tryggvi segir að það hafi orðið ákveð-
in bylting ef litið er 10-15 ár til baka.
„Það er mikilvægast af öllu að ná
út spilliefnum sem geta eitrað og
spillt umhverfinu. Samt er árangur-
inn ekki nógu góður ennþá. Mikill
árangur hefur reyndar náðst í end-
urvinnslu á einnota drykkjarumbúð-
um eins og dósum og plastflöskum,
þar eru skilin komin upp í 80-90 %.
Hins vegar hvað fernurnar varðar
eru skilin ekki nema tíundi hluti.
Þar er ekki fjárhagslegur hvati eins
og með flöskurnar,“ segir hann.
Vistvernd í merki
„Við getum náð góðum árangri með
pappírinn en ég held að við gætum
náð hvað mestum árangri með líf-
rænan úrgang. Oft á tíðum býr fólk
þannig að hægt er að koma lífræn-
um úrgangi út í garð og breyta hon-
um þannig í mold og mjög margir
gera það,“ segir Tryggvi.
Landvernd hefur staðið að verk-
efni í nokkur ár sem heitir Vistvernd
í verki sem stendur fyrir þessu fram-
taki nú um helgina. Starfandi vist-
hópar hafa unnið markvisst að ein-
hverjum aðgerðum í heimilishaldi
þar sem árangur hefur orðið geysi-
lega mikill.
Vantar umbun
Aðpurður að því hvers vegna ís-
lendingar endurvinna ekki meira
en raun ber vitni vill Tryggvi ekki
meina að hægt sé að skella skuld-
inni á leti.
„Við erum öll bundin daglegum
rútínum. Við gerum hlutina í dag
svipað og við gerðum þá í gær. Þetta
snýst svolítið um að breyta þessari
rútínu. Þetta er lítil sem engin fyrir-
höfn og það vantar kannski svolítíð
umbunina fyrir hana af hálfu hins
opinbera. Núna hefur þetta skánað
svolítið, sérstakar tunnur eru til
dæmis komnar í notkun. Þó er þetta
ekki orðið alveg nægilega skilvirkt
til að fólk njóti þess að einhverju
leyti kostnaðarlega að vera duglegri
að flokka," segir Tryggvi.
Fyrirtæki eiga langt í land
Tryggvi segir líka mikilvægt fyrir
fólk að reyna ekki að sigra heiminn
á einni nóttu, að það byrji að til-
einka sér að flokka pappír og fernur
og vinna sig síðan upp.
„Gott er að koma á góðu kerfi þar
sem allir taka þátt. Þegar menn hafa
síðan náð góðum tökum á þessu
bæta þá við. Það ráð sem við gefum
er að gera þetta í hægum og skyn-
samlegum skrefum. Síðan er þetta
ekki einungis bundið við heimili.
Fyrirtæki eru farin að borga fyrir
sorphirðu þannig að þetta hefur
hagræna þýðingu fyrir þau, að gera
þetta vel. Ég held samt að mörg fyrir-
tæki eigi langt í land með sorpflokk-
unina."
katrin. bessadottir@vbl. is
Rússnesk menningarhátíð
Rússland og ég
Rossiyanochka-danshópurinn frá Pétursborg
Á laugardaginn milli klukkan 10
og 12 verður haldið málþing um
rússneska menningu í Salnum,
tónlistarhúsi Kópavogsbæjar. Leit-
ast verður við að kynna Rússland
út frá persónulegri reynslu og
þekkingu. Málþingið er hluti af
rússneskri menningarhátíð sem
ber yfirskriftina Rússland og ég.
Fyrirlesarar verða:
Árni Bergmann - lauk námi í rúss-
nesku og rússneskum bókmenntum
við Moskvuháskóla. Hann hefur
starfað sem gagnrýnandi, ritstjóri
og rithöfundur, þýtt bækur og leik-
rit úr rússnesku, kennt rússneskar
bókmenntir og sögu við HÍ og skrif-
að bókina Rússland og Rússar - um
helstu þemu rússneskrar sögu. Árni
flytur framsögu sem nefnist Leit-
in að sannleikanum - um líf bók-
mennta í Rússlandi.
Guðmundur Ólafsson -namstærð-
fræði og rússnesku í Leningrad á
árunum 1968- 1969. Hann lagði
stund á stærðfræði og hagfræði við
Háskóla íslands og hefur starfað við
kennslu í stærðfræði, hagfræði og
upplýsingatækni við viðskipta- og
hagfræðideild HÍ og á Bifröst. Guð-
mundur hefur ritað fjölda greina
um rússnesk málefni og fjallað um
þau í útvarpi. Hann heldur erindi
á málþinginu sem nefnist Rússland
- tilraunastofa sögunnar.
Haukur Hauksson - lærði rúss-
nesku í MÍR og stundaði síðan nám
i fjölmiðlafræði í Moskvu. Hann
hefur verið fréttaritari Ríkisútvarps-
ins um alllangt skeið jafnframt því
að reka sína eigin ferðaskrifstofu,
Bjarmaland (austur.com). Þannig
hefur hann stuðlað að auknum sam-
skiptum og skilningi milli þjóðanna.
Haukur mun leiða áheyrendur um
Rússland eftir hans eigin reynslu.
Ingibjörg Haraldsdóttir - lærði
kvikmyndagerð við Kvikmyndahá-
skólann í Moskvu (VGIK) á árun-
um 1963-1969. Frá 1981 hefur hún
starfað sem ljóðskáld og þýðandi
og m.a. þýtt úr rússnesku sjö skáld-
sögur Dostojevskís, þrjár sögur eftir
Bulgakov og fleiri. Ingibjörg hlaut
Islensku þýðendaverðlaunin 2005
fyrir þýðingu sína á Fjárhættuspil-
aranum eftir Dostojevskí. Hún mun
fjalla um rússneskar bókmenntir á
íslensku.
Pétur Pétursson - er prófessor í
kennimannlegri guðfræði við Há-
skóla íslands og doktor í guðfræði
og félagsfræði. Hann hefur fengist
við rannsóknir á kirkjulist og trúar-
legum stefjum í myndlist og kvik-
myndum. Pétur flutti fyrirlestur um
kristið myndmál í Völuspá og dóms-
dagsmyndina á Hólum á alþjóðlegri
ráðstefnu um kirkjulist í Pétursborg
vorið 2004. Hann ríður á vaðið og
og ræðir um rússnesku rétttrúnaðar-
kirkjuna og list hennar.
Sama dag verður haldin rússnesk
fjölskylduhátíð í Vetrargarðinum í
Smáralind. Dagskráin þar verður í
senn fjölbreytt og áhugaverð.
Kl. 13.40 Skólahljómsveit Kópa-
vogs tekur á móti gestum með vel
völdum rússneskum lögum undir
stjórn Össurar Geirssonar.
Kl. 14.00 Gunnar I. Birgisson,
bæjarstjóri Kópavogs, býður gesti
velkomna.
Kl. 14.05 Fimleikasýning Gerplu
- úrvalshópur og börn á 5. og 6. þrepi
íslenska fimleikastigans sýna undir
stjórn Vladimirs Antonov, Svetlönu
Makaritsevu og Mykola Vovk. Atrið-
ið byggist á dansi, áhaldafimleikum
og stökki.
Kl. 14.30 Rossiyanochka-dans-
hópurinn frá Pétursborg - tíu pör á
aldrinum 17-22 ára dansa rússneska
dansa.
Kl. 14.50 Skólakór Snælands-
skóla syngur undir stjórn Hugrúnar
Hákonardóttur. Undirleikari er Lóa
Björk Jóelsdóttir.
Kl. 15.05 Terem-kvartettinn flyt-
ur tónlistaratriði - tónlist frá hjarta
hinnar rússnesku sálar. Kvartettinn
hefur öðlast heimsfrægð fyrir sér-
stæða tónlist leikna á alþýðuhljóð-
færi.
Kl. 15.20 Rússneskur talmálshóp-
ur Alþjóðahússins - rússnesk börn
sem búsett eru á íslandi syngja lög
frá heimalandi sínu.
Kl. 15.45 Stelpurnar bregða á leik
- Gulla og Ilmur leika á als oddi á
rússneska vísu.
Kl. 16.00 Skólakór Kársness syng-
ur rússnesk lög undir stjórn Þórunn-
ar Björnsdóttur.
Kynnir er Gunnar I. Birgisson, bæj-
arstjóri Kópavogs.
Um kvöldið verður síðan diskótek
á Café Cultura í Alþjóðahúsinu. Þar
verður slegið á létta strengi og dans-
að verður við rússneska tóna - sov-
éskt popp og nútíma rússneskt rokk.
Klukkan 22 verður húsið opnað og
boðið verður upp á þjóðlegar veiting-
ar, framreiddar af rússneskum mat-
reiðslumeistara. Þeim verður skolað
niður með rússneskum vodka. DJ.
Sergey leikur fyrir dansi. ■