blaðið - 28.10.2005, Blaðsíða 4

4 I INNLENDAR FRÉTTIR
FÖSTUDAGUR 28. OKTÓBER 2005 blaAÍA
Norrœn verðlaun
Islenskur
leikur fær
verðlaun
Islenskur gagnvirkur hermi-
leikur hlaut í gær verðlaun
norrænu ráðherranefndar-
innar fyrir besta námsefnið
um neytendamál. Það var
Valgerður Sverrisdóttir, iðnað-
ar- og viðskiptaráðherra, sem
afhenti Ómari Erni Magn-
ússyni, kennara, verðlaunin.
Þau námu 100.000 dönskum
krónum. Ómar þróaði leikinn
og hannaði en á bak við hann
liggur margra ára vinna. Ómar
segist vera þakklátur fyrir verð-
launin og þau séu staðfesting
á þessu góða verkefni. „Þetta
er verkefni sem við höfum
unnið í einkageiranum og þetta
er svona heilbrigðisstimpill
á það. Fyrst og fremst mjög
skemmtileg viðurkenning."
Leikurinri er eftirlíking af þeim
aðstæðun) sem bíða ungs fólks
þegar frariihaldsskóla lýkur.
Nemendur byrja með ákveðna
byrjunarupphæð á bankareikn-
ingi en líf þeirra er að öðru
leyti óskrifað blað. Síðan tekur
við lífsbaráttan í öllu sínu veldi.
Dragtardagar
frá
föstudegi-miðvikudags
Opnunartími
mán-fös. 10-18
laugardaga 10-16
Nýbýlavegi 12
200 Kópavogi
Sími 5544433
Hamfarir í S-Asíu
Engar frekari ákvarðanir
um aðstoð liggja fyrir
Þjóðir heimsins hafa verið gagnrýndar fyrir lélegaframmistöðu við að komafórnarlömbum
jarðskjálftans í Pakistan til bjargar. Ögmundur Jónasson kallar eftir auknum framlögum.
Þann 11. október veitti ríkisstjórn
íslands 18,5 milljónum til hjálpar-
starfs vegna jarðskjálftanna í S-Asíu.
.Upphæðinni var skipt á milli Rauða
krossins, UNICEF og matvælaáætl-
unar SÞ. Þetta er það sem liggur fyr-
ir og ekkert annað hefur verið rætt
að svo stöddu,” sagði Ragnheiður El-
ín Árnadóttir, aðstoðarmaður utan-
ríkisráðherra. Ragnheiður segir að
það sé ákvörðun ríkisstjórnar hve
há upphæðin er hverju sinni þegar
ákveðið er að veita fé til aðstoðar á
hamfarasvæðum. 30 milljónum var
varið til hjálparstarfs vegna fellibyls-
ins Katrinar í Bandaríkjunum og
150 milljónir fóru til hamfarasvæða
í Asíu þegar flóðbylgjan reið yfir um
síðustu áramót. Hjálparstofnunin
Oxfam hefur gagnrýnt ríkari þjóð-
ir heims fyrir að bregðast illa við
hjálparbeiðnum frá svæðunum sem
jarðskjálftinn skók í byrjun október.
í fyrradag barst yfirlýsing frá fulltrú-
um 65 ríkja þar sem lofað er að auka
fjárframlögin vegna jarðskjálftanna
verulega. Þetta var ákveðið á fundi á
vegum Sameinuðu þjóðanna í Genf
að því er kemur fram hjá BBC.
Verðum að endurskoða
afstöðu okkar
„Mér finnst fráleitt annað en að ís-
lendingar láti meira af hendi rakna
og það er nöturlegt til þess að hugsa
að ríkisstjórnin er reiðubúin með
fjárframlög þegar NATO kallar,“ seg-
ir Ögmundur Jónasson, þingmaður
VG. „En þetta sama hernaðarbanda-
lag hefur nú verið beðið um að koma
til hjálpar á jarðskjálftasvæðunum
en segist ekki hafa tæki og tól tiltæk
til að sinna því. I þessu birtast okkur
miklar mótsagnir og ég tel að okkur
beri skylda til að koma þessu fólki til
hjálpar. Það ætti að standa okkur Is-
lendingum nær að skilja hvað í húfi
er þegar náttúruhamfarir valda eins
miklu tjóni og þarna hefur orðið. Ég
held því að ríkisstjórnin og við öll
ættum að endurskoða afstöðu okk-
ar og ég vona að það þurfi ekki að
gerast hið sama og átti sér stað um
síðustu áramót þegar þjóðin neydd-
ist til að taka fram fyrir hendurnar
á ríkisstjórninni og safna peningun-
umbeint. Þá blöskraði fólki hve mag-
urt framlagið var frá ríkisstjórninni.
Ég styð það því mjög eindregið að
meira fé verði látið af hendi rakna
og vek jafnframt athygli á þessum
grófu mótsögnum sem við erum að
verða vitni að.“ ■
Verðbólga:
Lækkun?
Verðbólga mun mælast 4,5% í
þessum mánuði og lækka um
0,1% ef spá íslandsbanka frá
því í gær gengur eftir. Það þýðir
að ennþá er gert ráð fyrir að
verðbólga muni mælast yfir
efri þolmörkum verðbólgu-
markmiðs Seðlabanka Islands
sem er 4% og langt yfir 2,5%
verðbólgumarkmiði hans. Gerir
Islandsbanki ráð fyrir að vlsi-
tala neysluverðs hækki um 0,1%
aðallega vegna hækkunar á mat-
vöru- og húsnæðisverði.Á móti
gerir bankinn ráð fyrir frekari
lækkun á bensínverði.
„Reikna má með því að verð-
bólgan muni hjaðna lítillega
á næstu mánuðum þótt hún
nái sennilega ekki undir efri
þolmörkin fýrr en á næsta
ári. Miðað við fast núverandi
gengi krónunnar er útlit fyrir
að verðbólgan reynist 4,3%
yfir þetta ár en aðeins 2,4%
á næsta ári,“ segir í Morgun-
korni íslandsbanka i gær.
Kvennaathvarfið:
Lyf og heilsa oefur miUién
- skorar á önnurfyrirtœki að sigl
Lyf og heilsa gaf í gær Kvennaathvarf-
inu eina milljón króna í styrk og
vill fyrirtækið með því sýna í verki
þann stuðning sem ríkir innan fyr-
irtækisins í garð starfsins, sem þar
er unnið.
Hrund Rudolfsdóttir, fram-
kvæmdastjóri Lyf og heilsu, segir að
starfsfólk fyrirtækisins af báðum
kynjum telji mikilvægt að leggja
lóð á vogarskálarnar í þessum efn-
um. „Vegna lögbundinnar skyldu
lyfjaverslana til að veita þjónustu
sína gátu hvorki konur né karlar
lagt niður störf á kvennafrídaginn,"
segir Hrund og bætir við að innan
fyrirtækisins hafi ríkt einhugur um
að sýna kvennabaráttunni stuðning
um leið og starfsfólkið og fyrirtækið
sinni lögboðnum skyldum sínum.
Hrund segir þó sárt að hafa ekki
getað tekið þátt í kvennafridegin-
um, en mikilvægt sé að horfa fram á
veginn og gera sitt til að halda þeim
mikla krafti lifandi sem þarna var
leystur úr læðingi til að breyta hlut-
um til batnaðar. „Margt smátt gerir
eitt stórt og þessar milljón krónur
eru okkar framlag til þess. Þá vilj-
um við hvetja önnur fyrirtæki til að
velja sér eitthvað af þeim fjölmörgu
félögum sem starfa að jafnréttismál-
efnum og veita einu þeirra eða fleir-
um myndarlegt framlag." ■

Viðskiptakort
einstaklinga
Nánari upplýsingar i síma:
591 3100
ATLANTSOLIA Atlantsolla - VotturvAr 29 - 200 Kópavogur • Siml 591-3100 - atlantsollaOatlantsolia.il
Landsbankinn og
Vesturport semja
Leikhópurinn Vesturport og forráða-
menn Landsbankans undirrituðu
í gær samstarfssamning til þriggja
ára. Samningurinn kveður á um
að Landsbankinn styrki leikhópinn
fjárhagslega sem mun hjálpa honum
til frekari útrásar. Samningurinn
var undirritaður á leiksviði Borgar-
leikhússins en þar frumsýnir leik-
hópurinn í kvöld leikritið Woyzeck
sem hlotið hefur lofsamlega dóma
erlendis. ■