blaðið - 28.10.2005, Blaðsíða 22

22 I BESTI BITINN
FÖSTUDAGUR 28. OKTÓBER 2005 blaöiö
Hollusta ífyrirrúmi
Kröftugt og gott kjúklingasalat
Það er sífellt meiri áhersla lögð á hollt mataræði sem er samt sem áður eins ljúffengt og aðrir óhollari réttir. Salat eitt og sér þykir oft á tíð-
um ekki nægilega matarmikið og þá datt einhverjum það snjallræði í hug að henda kjúklingi ofan í skálina. Þar með er komin prýðismáltíð
sem er holl, góð og einstaklega fjölbreytileg. Það er eitt af því góða við kjúklingasalat að það er alltaf hægt að breyta innihaldinu þó svo
að grunnhugmyndin breytist ekki enda er kjúklingur og salat alltaf til staðar í því. Kjúklingasalat þarf meira að segja ekki að vera það hollt
ef þess er óskað enda er hægt að fylla það alls kyns óhollustu. Að sama skapi er hægt að gera kjúklingasalat á mjög hollan og góðan hátt.
Blaðið ákvað að fá sér hollan hádegismat og smakkaði því kjúklingasalat á fjórum góðum stöðum hér í bæ. ...................................................................
svanhvit@vbl.is
Gómsætar dressingar
og fullkomið salat
Kaffi Sólon er alltaf jafn hressilegur og skemmtilegur staður enda búinn að
eiga sér stað í hjarta Reykjavíkur og sálum borgarbúa í fjögur ár, þó undir
mismunandi heitum. Það er jafnan gott andrúmsloft á Sólon sem og fjör-
ugt fólk. Kjúklingasalatið á Sólon ætti að draga fólk að staðnum ekki síður
en stemmningin enda er salatið með afbrigðum gott. Kjúklingasalatið sam-
anstendur af kjúklingi, salati, nachos, piparrót og engiferdressingu. Salatið
kom á borðið á mettíma og var sérstaklega vel útlítandi. f raun voru þrjár
dressingar á salatinu þó aðeins ein hafi staðið á matseðli. Önnur þeirra var
sólþurrkaðir tómatar, hrærðir í rjómaosti og sú bragðaðist svo vel að hún
bráðnaði í munni. Kjúklingurinn var bragðgóður og salatið var sérstaklega
ferskt og gott. Einnig var fetaostur í salatinu sem vakti mikla athygli enda
var hann ferskari og ljúffengari en gengur og gerist. Sagan segir að ostur-
inn sé geymdur á annan hátt á Sólon en annars staðar. Hvað sem það er þá
virkar það hiklaust. Það var góð tilbreyting að hafa nachos í kjúídingasal-
atinu enda gaf það stökkt og kryddað bragð. Kjúklingasalatið er í heildina
ótrúlega gott og dressingarnar voru svo gómsætar að segja má að þær hafi
fullkomnað annars ljúffengt salat.
Kjúklingasalat með engiferdressingu, nachos og piparrót kostar 1.250 krónur á Kaffi Sólon.
Gómsætt salat
með gulrótum
Vegamót er ákveðinn kjarni í lífi
margra Reykvíkinga, kjarni sem
hefur staðið keikur síðan 1997 og
þar eiga margir vinirnir sér sama-
stað. Vegamót er huggulegur staður
sem iðar af lífi, hvort heldur sem
er kvölds eða um eftirmiðdaginn.
Staðurinn er alltaf vinsæll og allt-
af spennandi. Á Vegamótum fæst
ferskt salat með marineruðum kjúk-
lingi, sætri hnetusósu og hvítlauks-
nanbrauði. Salatið var gómsætt og
gulrótaræmur í því vöktu mikla
ánægju hjá blaðamanni. Kjúkling-
urinn var vel útilátinn og sómdi sér
vel á prjónum. Hann var einnig ljúf-
fengur á bragðið og gaf salatinu ekk-
ert eftir. Dressingin var sæt eins og
stóð í matseðli en utan þess var hún
gómsæt. Ekki var verra að fá auka-
hnetusósu með enda stóð hún full-
komlega undir væntingum og áfyll-
ing var því nauðsynleg. Á heildina
litið var kjúklingsalatið sérstaklega
bragðgott og því vænlegur kostur.
Ferskt salat með marineruðum kjúklingi,
sætri hnetusósu og hvítlauks-nanbrauði
kostar 1.190 krónur á Vegamótum.
Vel útilátið
kjúklingsalat
American Style er góður íslenskur
staður sem er alltaf fullur af fólki all-
an daginn. Staðurinn er huggulegur
og rokkaður og sumir telja að þar
sé seldur besti hamborgari lands-
ins. Víst er að ekki er kjúklingasal-
atið verra en það samanstendur af
kjúklingi, salati, papriku, fetaosti,
brauðteningum, tómötum og dress-
ingu. Kjúklingurinn í salatinu á
American Style er mjög vel útilátinn
og ljóst er að þar fær maður mikið
fyrir aurinn. Kjúklingurinn var vel
kryddaður með gómsætu kryddi
sem kitlaði bragðlaukana. Salatið
var ferskt og ljúffengt en brauðten-
ingarnir stóðu upp úr enda stökkir
og seiðandi. Dressingin var góð og
rann ljúflega niður ásamt öllu salat-
inu. Salatið er án efa mjög hollt og
gott og er eflaust valkostur margra
sem líta við á American Style.
Salat með kjúklingi, tómötum, rauðlauk,
papriku, fetaosti, brauðteningum og
dressingu kostar 795 krónur í lítilli skál
en 1.195 í stórri skál á American Style.
Gómsæt sesam-
fræ með salati
Hornið á sér sérstakan stað í hjört-
um Reykvíkinga enda hefur það
staðið stolt á horninu síðan árið
1979. Það sem dregur fólk að Horn-
inu er ekki síst heimilislegt yfir-
bragð staðarins sem og gómsætur
matur. Það er alltaf fullt af fólki á
Horninu enda sígildur staður. Kjúk-
lingasalat á Horninu er með kjúk-
lingi, sóltómötum, sesamfræjum,
engiferdressingu og brauði. Þegar
salatið kom á borðið leit það með
eindæmum vel út, myndrænt og fal-
legt. Kjúklingurinn var gríðarlega
bragðgóður og safaríkur og stóð
algjörlega upp úr. Það kom á óvart
hvað sesamfræin hentuðu salatinu
fullkomlega og bættu ákveðinni
vídd við salatið. Það má hins vegar
segja að engiferdressingin hafi sett
punktinn yfir i-ið og gefið óvænt en
skemmtilegt bragð. Kjúklingasalat-
ið var sérstaklega ljúffengt og aug-
ljóst að vandað var til verka.
Salat með kjúklingi, sóltómötum, se-
samfræjum, engiferdressingu og brauði
kostar 1.300 krónur á Horninu.