blaðið - 18.11.2005, Page 16

16 I VEIÐI
FÖSTUDAGUR 18. NÓVEMBER 2005 ! blaðið
Þori alveg að mæla með
Beyglunni næsta sumar
- segirfluguhönnuðurinn Gylfi Kristjánsson á Akureyri sem hefur nokkrar áhyggjur af sjóbleikjuveiðinni
Silungsveiðin s.l. sumar var æri
misjöfn. Sjóbleikjuveiðin víðs-
vegar um land var til að mynda í
allra slakasta lagi og veldur það
mönnum nokkrum áhyggjum
þar sem sumarið 1994 var einnig
slakt í sjóbleikjunni. Blaðið hafði
samband við Gylfa Kristjánsson
á Akureyri sem hefur um langt
árabil stundað bleikjuveiði í
Eyjafjarðará og ræddi þetta mál
við hann, og einnig um nýjar
flugur frá honum, en Gylfi hefur
á undanförnum árum hannað
silungaflugur sem hafa gert það
mjög gott.
Selurinn hefur áhrif
„Það er ef til vill óþarfi að vera að
hafa áhyggjur af sjóbleikjunni þótt
manni verði óneitanlega hugsað til
þess hvort einhverjar ytri aðstæður
hafi spilað inn í“ segir Gylfi. „Ég
þekki best til í Eyjafjarðará og þar
var veiðin með slakasta móti í sumar
og minni en í fyrra þótt það sumar
hafi ekki verið gott heldur. Það var
þannig í sumar að það virtust aldrei
koma alvöru göngur í ána. Reyndar
er ekki gott að fullyrða neitt um
heildarveiði því margir veiðimenn
trössuðu það að bóka veiðina en það
er alveg ljóst að ástandið í ánni s.l.
0 H
At mm

GUNNARBENDER
sumar var lélegra en oft áður.
Maður er auðvitað að velta fyrir
sér hvað valdi þessu. Um árabil
hefur mikið af bleikju verið tekið í
net í Eyjafirði og mig grunar að það
gerist í meira magni en margir vilja
viðurkenna. Þá er talsvert veitt á
Pollinum á stöng og ennfremur má
nefna að mikið virðist hafa verið um
sel við ósa árinnar undanfarin ár.
En vonandi er þetta ástand sem var
í sumar í ánni aðeins tímabundið
og ljósi punkturinn er sá að sjóbirt-
ingur er í mjög auknum mæli að
veiðast í Eyjafjarðará síðsumars".
Beyglan reyndist vel
Komstu með einhverjar
nýjarflugur í sumar?
„Ný fluga sem ég hannaði og fékk
nafnið Beygla var fyrst prófuð í
sumar og reyndist mjög vel. Hún
var vígð í bleikju í Breiðdalsá og
mokveiddist á hana þar. Síðan
veiddist vel á hana i urriðanum í
Mývatnssveit bæði sem „kúluhaus"
og einnig sem straumflugu. Seinna
um sumarið var henni svo kastað
fyrir bleikju með alveg prýðilegum
árangri. Ég þori alveg að mæla með
þessari flugu og hún verður senni-
lega til sölu á krafla.is strax í vor“.
Eru fleiriflugur á leiðinni?
„Það er alltaf eitthvað í pípunum, en
ekkert sem ég get sagt frá í augna-
blikinu. Ég reikna þó örugglega með
því að næsta sumar verði eitthvað
prófað sem ég set saman í vetur“.
Áhyggjur Gylfa eru réttar, sjóbirt-
ingur er í auknum mæli að veiðast
þar sem bleikjan var áður fyrir,
sem er ekki gott. Bleikjuveiðin
hefur minnkað síðustu tvö árin
og bleikjan verður að koma upp á
næsta ári, annars gæti illa farið fyrir
henni. Niðursveiflur í bleikjuveiði
hafa ekki staðið í þrjú ár í einu.

Veiöimenn á veiöislóöum í Breiðdalsá en ágæt bleikjuveiði var þar í sumar.
Lögreglan hefur lítil afskipti
haft af rjúpnastyttum
Það sem af er rjúpnatímabilinu
hefur lögreglan aðeins þurft að
hafa afskipti af rjúpnastyttum, í
kringum Húsavík og í nágrenni
Borgarness. Sem dæmi um afskipti
var ein rjúpnastytta með útrunnið
veiðikort og annar með of mörg skot
í byssunni. Ef hinsvegar er miðað
við fjölda veiðimanna er þetta alls
ekki mikið.
Erfitt er að segja til um hvað hefur
verið skotið mikið af rjúpum það
sem af er veiðitímabilinu. Þó hafa
menn verið að skjóta á að á milli
40 og 50 þúsund fuglar hafi verið
skotnir.
Erfitt veðurfar og snjóalög hafa
sett strik í reikninginn hjá mörgum
veiðimönnum að undanförnu.
Vegna þessa má gera ráð fyrir að
margir veiðimenn hafi enn ekki
náð að veiða nóg í jólamatinn. Eftir
að rjúpa hefur ekki verið á borðum
landans undanfarin ár er líklegt
að margir muni ekki gefast upp
fyrr en fullreynt hefur verið við þá
hvítu. Tímbilið styttist nú hratt í
annan endann og gera má ráð fyrir
að margir muni nota tækifærið og
halda á veiðar nú um helgina.
Vœngir óskast
Verið er að safna sýnum úr rjúpna-
afla til að meta aldursdreifingu í
stofninum. Þessar upplýsingar nýt-
ast ásamt veiðitölum til að reikna út
heildarstofnstærð rjúpunnar. Óskað
er eftir öðrum væng af hverjum
fugli.
Hægt er að klippa vænginn af
við handarliðinn og fer þá lítið
fyrir honum. Nauðsynlegt er að
greina sýnin eftir landssvæðum,
og því þarf hver veiðimaður að
setja saman í poka fugla sem felldir
voru í sömu sveit og merkja þá með
nafni sínu, heimilisfangi og veiði-
svæði. Veiðimenn fá síðan skýrslu
um aldurssamsetningu í aflanum
sínum ásamt upplýsingum um heild-
arniðurstöður. Vinsamlega skilið
sýnum til Náttúrufræðistofnunar í
Reykjavík.
Landssamband Stangaveiðifélaga:
Skorað á alþingi
ad fella niður tolla
af veiðistöngum
Stangveiðin er holl og góð útivera
Aaðalfundi Landssambands
Stangaveiðifélaga sem
haldin var í vikunni, var
ýmislegt rætt en þetta var 55. aðal-
fundur félagsins og var hann hald-
inn í Hafnarfirði.
Meðal annars var samþykkt þessi
tillaga til alþingis, um tolla á veiði-
stangir og offitu landans.
Offita er að verða einn helsti heil-
brigðisvandi nútímans. Við íslend-
ingar förum ekki varhluta af þessari
slæmu þróun. í skýrslu OECD um
heilbrigðismál í aðildarríkjunum,
sem skýrt var frá nýlega, kemur
fram að tíðni ofþyngdar og offitu
hefur vaxið í öllum aðildarrikj-
unum. Á íslandi hefur tíðnin aukist
um 50% frá 1990, eða frá því að vera
8% í það að vera 12% nú.
I ljósi þessa mætti ætla að ríkis-
valdið vildi hvetji til hollrar hreyf-
ingar og útiveru með skattastefnu
sinni. Stangveiði er víða mjög
vannýtt auðlind, en býður upp
á skemmtilega útiveru og hollar
gönguferðir inn á heiðar landsins
jafnt sem útiveru við veiðar nær og
íbyggð.
Stangveiðar eru að margra mati
auðveldast og skemmtilegast að
stunda með flugustöng. Það mætti
því ætla að þessi saklausu leikföng
til hollrar útiveru fyrir veiðimenn
væru ekki sérstaklega skattlögð af
hinu opinbera. Það er engu að síður
svo. Helstu framleiðendur flugu-
stanga og veiðistanga almennt eru
utan Evrópu og á þær er lagður 10%
tollur.
Aðalfundur Landssambands
stangaveiðifélaga skorar á Alþingi
að fella niður tolla af veiðistöngum
og leggja þannig sitt af mörkum til
heilnæmrar útiveru og hreyfingar.