blaðið - 04.02.2006, Blaðsíða 28

28 I VIÐTAL
LAUGARDAGUR 4. FEBRÚAR 2006 bla6iö
Heí aldrei haldið svartan kladda
Þegar ég lít yfir feril þinn finnst
mér eins og þú hafir byrjað á öllu
mjög ungur, orðið ungur ritstjóri
Vísis, ungur formaður Sjálfstœð-
isflokksins og ungur forscetisráð-
herra. Hverjir voru kostirnir og
hverjir voru gallarnir á því að
koma ungur til þessara starfa?
„Þrátt fyrir ungan aldur hafði ég
mótaðar skoðanir og hugmyndir.
í mínum huga byggðist pólitík
fremur á hugmyndum en völdum.
Þegar ég lít til baka hefði ég gjarnan
viljað hafa meiri reynslu þegar ég
tókst á við ýmis þessara verkefna.
Það að koma ferskur og án fortíðar
að störfum hefur vissulega kosti en
með aukinni reynslu kemst maður á
raun um að hún er um margt undir-
staðan að því sem maður gerir."
Þegar þú varðst ritstjóri Vísis
voru margir sem litu á það sem
pólitíska ráðningu. Var það ekki
þannig?
„Ég fór ekki inn á Vísi til að gera
það að flokksblaði. Þvert á móti
var mér mætavel ljóst að slíkt væri
gjörsamlega út í hött, ekki í takt við
tímann og alls ekki það sem blaða-
markaðurinn var að óska eftir. Ég
held að skrif mín á blaðinu hafi sýnt
að ég lét ekki stjórnast af flokkshags-
munum heldur því sem ég taldi rétt
og eðlilegt að blaðið birti og hefði
forgöngu um. Vísir var býsna hvasst
blað á þessum árum og tók á hverju
því sem miður þótti fara. Vegna
þessa lenti ég í orðakasti við ýmsa
flokksmenn mína. Annars var það
svo að ungir menn á þessum árum
vildu breyta hlutum. Það var svolítil
uppreisn í tíðarandanum."
Á eigin forsendum
Nú ertu að verða ritstjóri Frétta-
blaðsins og þá er einnig talað um
pólitíska ráðningu.
„í sjálfu sér er það skiljanlegt að
þetta sé sagt þegar ráðnir eru menn
sem hafa verið þátttakendur í pólit-
ískum átökum. Er það ekki nokkuð
langsótt að búa til þá kenningu að
eigendur Fréttablaðsins hafi talið sig
þurfa að gera Sjálfstæðisflokknum
einhvern greiða með því að ráða
mig? Ég fer inn á Fréttablaðið til að
vinna á mínum eigin forsendum. Ég
er sá sem ég er og þykist ekki vera
neitt annað. Þegar gamall stjórn-
málamaður mætir efasemdum af
þessu tagi á hann engan annann
kost en vísa mönnum í búð reynsl-
unnar. Þegar upp verður staðið fást
svörin þar. Mér finnst Fréttablaðið
hafa þróast á mjög skömmum tíma
og orðið öflugur fjölmiðill og það er
enginn vafi að það er hægt að þróa
það áfram og gera gott betra. Frétta-
blaðið á að vera öflugt, áreiðanlegt
og vandað fréttablað sem endur-
speglar þjóðfélagsumræðuna á lif-
andi hátt. Ég hlakka mjög til þessa
verkefnis. Eftir að hafa notið þess
að sitja á friðarstóli í nokkur ár er
tilhlökkunarefni að takast á við iðu
þjóðlífsins."
Finnst þér að blaðamennska hér
á landi megi vera hvassari en hún
er?
„Það er ekki tilgangur í sjálfu sér en
ef tilefni eru til að taka fast á málum
þá eiga fjölmiðlar að gera það.“
Finnst þér þeirgera það?
„Stundum og stundum ekki. Mér
finnst að sumu leyti að hér hafi ríkt
full mikil yfirborðsmennska í fjöl-
miðlum og það vantar um margt
skarpari og dýpri umfjöllun um
þjóðfélagsmál."
En það að taka á málum kemur
gulri pressu ekkert við?
„Nei, hún getur tæpast átt mikið
framlag til þeirra hluta sem ég er að
tala um.“
Þú ert ekki hrifinn afgulu
pressunni?
„Nei, satt best að segja sé ég engan
tilgang með henni.“
Leið best í kröppum dansi
Víkjum að pólitíkinni fyrr á árum.
Þú þóttir beittur ritstjóri og fram-
kvæmdastjóri Vinnuveitendasam-
bandsins en var hinn pólitíski
heimur harðari en þú bjóst við?
„í sjálfu sér var hann ekki harðari
en ég bjóst við. Það voru hins vegar
mikil umskipti að fara frá Vinnuveit-
endasambandinu yfir í pólitíkina.
Sem framkvæmdastjóri Vinnuveit-
endasambandsins átti ég náin sam-
skipti við forystumenn verakalýðs-
hreyfingarinnar. Það var skóli út af
fyrir sig og gaf mér mjög mikið að
eiga næturviðtöl við menn á samn-
ingafundum eins og Eðvarð Sigurðs-
son og Guðmund J. Við Ásmundur
Stefánsson áttum líka mikil og náin
samskipti. Samskiptin á milli aðila
voru afskaplega traust. Það var hægt
að treysta mönnum og trúa þeim
fyrir hlutum og ekkert af því brást.
Menn vissu alltaf hvar þeir höfðu
hvern annan. Þessi öguðu sam-
skiptalögmál voru ekki fyrir hendi
í pólitíkinni. Maður varð alltaf að
gæta sín og vissi ekki endilega hvar
maður hafði samherjana. Þetta kom
mér einna helst á óvart vegna þess
að ég hafði kynnst svo miklu agaðri
og vandaðri samskiptaháttum milli
aðila vinnumarkaðarins. En ég fór
í pólitík vegna þess að málefnaátök
heilluðu mig. Mér leið alltaf best í
kröppum dansi málefnalegra átaka“
Myndirðu viðurkenna að þú hafir
verið ofhrekklaus ípólitík ogekki
kunnað klækina?
„Ég ætla ekki að gera lítið úr því að
refskapur upp að ákveðnu marki sé
nauðsynlegur eiginleiki í pólitík. Pól-
itík er sambland af mjög mörgum
þáttum. Menn þurfa að hafa skýrar
hugmyndir en þurfa einnig að kom
þeim í framkvæmd. Þá þurfa menn
kannski að grípa til refskapar í já-
kvæðri merkingu þess orðs. Senni-
lega hefði ég alveg getað nýtt mér
meiri refskap."
Pólitískir örlagavaldar
Það eru nokkrir pólitískir örlaga-
valdar í þínu lífi■ Albert Guð-
mundsson sem klauf Sjálfstæð-
isflokkinn, Davíð Oddsson sem
sigraði þig í formannskjöri og
Steingrímur Hermannsson og Jón
Baldvin sem sprengdu ríkisstjórn t
beinni sjónvarpsútsendingu. Þetta
hljóta að hafa verið þung högg.