blaðið - 04.02.2006, Blaðsíða 42

42 i baRnAeFni
LAUGARDAGUR 4. FEBRÚAR 2006 blaöiö

■ Heimur dýrana
Kanínur
Kanínur eru örugglega með krúttlegustu dýrum jarðar. Allir
elska kanínur. Þær eru bæði villtar á íslandi en svo eru líka
margir sem eiga kanínur sem gæludýr.
Kaninur ferðast um með því að hoppa krúttlega á milli staða
en þær geta lika farið rosalega hratt og eru mjög snöggar i snún-
ingum, til dæmis þegar þær eru eltar af hundum eða fólki. Þeim
finnst samt ekki gaman að láta elta sig enda eru þær ekki gerðar
fyrir slíkt þar sem þær eru grænmetisætur og grænmetisætur
þurfa aldrei að elta matinn sinn. Eina náttúrulega ástæða þess
að kanína þarf að hlaupa er sú að hún er hrædd og þess vegna
er gott að láta það eiga sig að elta hana á hlaupum.
Kanínur og mannfólk hafa átt samleið síðan um þúsund
árum fýrir Krist og kannski lengur. Kanínum finnst samt ekk-
ert sérstakt að láta hnoðast mikið með sig enda hafa þær við-
kvæman hrygg og því er það ekki heppilegt fyrir þær.
í Öskjuhlíðinni býr fullt af kanínum og á sumrin getur
maður stundum séð þær hoppa um. Sumar hafa lagt það í vana
sinn að mæta á kaffihúsið Nauthól og fá sér að borða og það er
mjög skemmtilegt að hitta þær þar á sumrin.
Lœrðu lagið
1 gamla daga kom mjólkurbíllinn
úr sveitinni og mjólk var bara
seld í mjólkurbúðum í Reykjavík.
Stundum fékk fólk far út í sveit með
mjólkurbílnum og þeir sem þurftu
að fara í bæinn fengu líka far. Mjólk-
urbílstjórar gátu oft verið hressir
karlar sem þekktu marga og Bjössi
var einn þeirra.
Einu sinni söng Haukur Mort-
hens mjög vinsælt lag um Bjössa á
mjólkurbílnum og allir sungu með.
Við erum líka viss um að mamma
þín eða pabbi kunna þetta lag. Fáðu
þau til að kenna þér lagið, lestu text-
ann á meðan og lærðu lagið.
Bjössi á mjólkurbílnum
Hver ekur eins og ljón
með aðra hönd á stýri?
Bjössi á mjólkurbílnum,
Bjössi á mjólkurbílnum.
Hver stígur bensínið
í botn á fyrsta gíri?
Bjössi á mjólkurbílnum,
hann Bjössi kvennagull.
Við brúsapallinn bíður hans mær,
Hæ, Bjössi keyptirðu þetta i gær?
Og Bjössi hlær, ertu öldungis ær,
alveg gleymdi’ ég því.
Þér fer svo vel að vera svona’ æst
æ, vertu nú stillt ég man þetta
næst.
Einn góðan koss, svo getum við
sæst á ný.
Hann Bjössi kann á bíl og svanna
tökin.
Við brúsapallinn fyrirgefst mörg
sökin.
Hver ekur eins og ljón ...
Sunnudagar eru barnadagar í
aðalsafni Borgarbókasafns
... og næsta sunnudag, 5. febrúar kl. 15,
sýnir Kristín Arngrímsdóttir myndlistar-
maður hvernig hægt er að búa til
listaverk úr gömlum tímaritum
Allir velkomnir!
m
BORGARBÖKASAfN
R£YK|AVÍK.UR
Tryggvagötu 15, Reykjavík
Sími 563 1717 - www.borgarbokasafn.is
■ Litið myndina
Goðsagnadýrið Griffin
Griffin hefur líkama ljónsins og
vængi arnarins. Þú kannast kannski
við að hafa lesið um þessa furðu-
skepnu í Harry Potter bók eða Lísu
í Undralandi.
Ljónið hefur verið kallað kon-
ungur dýra á jörðu niðri og örninn
konungur fuglanna. Griffin er sam-
blanda af ljóni og erni og því talinn
með öflugustu skepnum sem til
eru. Hvort sem hann er uppi í himn-
inum eða á jörðinni er hann alltaf
sterkastur allra dýra. Stundum
hafa Griffinar líka stór eyru til að
heyra betur og þau eyru minna þá
oft á asnaeyru. Griffinar eru bæði
af kve-n og karlkyni og sumir halda
því fram að bara kvendýrin séu með
vængi. Stundum hafa þeir líka hala
eins og slöngur.
Fuglinn var sagður gera sér
hreiður eins og örninn en í stað
þess að verpa eggjum eignaðist
hann unga. Dýrinu var ætlað að
vakta gullnámur og falda fjársjóði
og aðal óvinur þess var hesturinn.
Stundum eignuðust þó hestar og
kvengriffinar afkvæmi og þá voru
þau kölluð hippogriff. Þetta gerðist
samt mjög sjaldan. Griffin fuglinn
er dýr sólarinnar og í fornsögum
var hann sagður draga hana áfram
í stórum vagni.
Það er kannski ekki skrítið að
hetjur skuli velja sér Griffin sem
fararskjóta.
margret@bladid.net