blaðið - 11.02.2006, Page 26

26 I VXÐTAL
■+
LAUGARDAGUR 11. FEBRÚAR 2006 blaðiö
BlaÓiÓ/Frikki
Það þarf vart að kynna Selmu
Björnsdóttir sérstaklega en þessi
hæfileikaríka, myndarlega kona
með fallegu brúnu augun er fyrir
löngu orðin þjóðareign okkar
íslendinga. Hvort það gerðist í
ísrael árið 1999 þegar hún kom
íslandi í 2. sætið í Söngvakeppni
Evrópskra Sjónvarpsstöðva eða
hvort hún hafi sungið, dansað og
leikið sig inn í hjörtu okkar löngu
áður skal ósagt látið en ljóst er að
hún er eftirlæti margra. Það er
nóg að gera hjá henni þessa dag-
ana eins og endranær en auk þess
að vera móðir leikur hún í Túskild-
ingsóperunni, þjálfar Idolkepp-
endur í sviðsframkomu og æfir
hlutverk sitt í nýjum íslenskum
barnasöngleik þar sem hún fær
að leika vondu konuna. Selma
gaf sér tima til að hitta Svanhvíti
Ljósbjörgu Guðmundsdóttur til
að spjalla um móðurhlutverkið,
ímyndir og Silvíu Nótt.
„Þessa dagana er ég að æfa nýjan ís-
lenskan barnasöngleik eftir Þorvald
Bjarna Þorvaldsson og Kristlaugu
Maríu Sigurðardóttir sem heitir
Hafið bláa og verður frumsýndur í
lok febrúar. Það er ofboðslega mikil
tónlist í verkinu og knappar senur.
Verkið fjallar um lítinn fisk sem
heitir Klettur og þarf að synda aleinn
um hafið í leit að ákveðinni hetju til
að bjarga mömmu sinni sem er föst
í neti ásamt fleirum. Hann kynnist
stelpu sem heitir Lukka en þau eru
bæði karfar. Það erii ýmsar hættur
sem leynast í hafinu og þar er meðal
annars skatan Harpý sem ég leik en
hún er ofboðslega vond. Hún étur
allt sem að kjafti kemur en það besta
sem hún fær eru kornungir karfar.
Þau lenda því í ýmsum lífsháska í
leit sinni að Skugga. Búningarnir
í verkinu eru magnaðir og ég hef
sjaldan séð svona sjónarspil. Það er
líka svo margt fallegt í hafinu sem
er sjónrænt og það hefur greinilega
kveikt í ótæmandi hugmyndabanka
Maríu Ólafs sem er með búningana.
Arna Valsdóttir gerir leikmyndina
og hún nýtir sér birtu á spegla og
steina til að búa til vatn. Það kemur
ótrúlega vel út og það er eins og við
séum ofan í hafinu á sviðinu.“
Móðurhlutverkið er
krefjandi og skemmtilegt
Þú ert nýgengin í hnapphelduna með
Rúnari Frey Gíslasyni. Hvernig er að
vera gift?
„Þetta er mjög skemmtilegt. Við
höfum verið saman í sjö og hálft ár
og fannst kominn tími á að giftast.
Þetta er búið að standa til lengi en
við höfðum aldrei tíma. Þetta var
yndislegur dagur með okkar bestu
vinum og kunningjum. Ég vaknaði
dálítið önnur næsta dag. Mér fannst
ég hafa þroskast, svona eins og ég
hafi hoppað upp um eitt þroskastig
og það var dálítið merkilegt."
Nú áttu þriggja ára gamlan son
auk þess að vera (annasömu starfi.
Hvernig er móðurhlutverkið?
„Það er krefjandi og skemmtilegt.
Ég er alltaf að læra meira og meira.
Þetta er í raun meira krefjandi en ég
hélt að það yrði en líka ótrúlega gef-
andi. Ég hef alltaf verið mikil barna-
kona og hef haft gaman af börnum
vina minna og systra. En það er allt
öðruvísi þegar maður er sjálfur kom-
inn með einstakling sem maður ber
fulla ábyrgð á og sá einstaklingur
þarfnast þin fullkomlega. Nú erum
við bæði í annasömum störfum og
þetta getur stundum verið strembið.
Tildæmisvorumviðbæðiísömusýn-
ingu, Halldór Kiljan Laxness í Holly-
wood, síðasta haust og það var erfitt.
En við erum með mjög góða barn-
apíu sem passar og svo eru mömmur
okkar einstaklega hjálpsamar. Þetta
reddast alveg en stundum er þetta
heilmikið púsluspil. Það er gríðar-
legt álag að vera útivinnandi og með
börn svo ég tali nú ekki um þessa
klisju að þú verðir að vera í formi,
hafa ákveðið útlit og eiga þetta
og hitt. Ég held að ef maður ætli
að reyna að eltast við allt þetta þá
kemur það niður á einhverju. Við
þurfum bara að fara varlega, hugsa
um okkur og hugsa um hvað skiptir
máli.“
Er öðruvísi að leika í barnaleikritum
eftir aðþú hefur sjálfeignast barn?
„Ég upplifi þetta öðruvísi því ég
upplifi þetta í gegnum hann. Hann
er ofboðslega hrifinn af leikritinu
Ávaxtakörfunni og það er gaman
H
!