blaðið - 23.02.2006, Blaðsíða 4

4 I INNLENDAR FRÉTTIR
FIMMTUDAGUR 23. FEBRÚAR 2006 blaöiö
Laun hækka
Laun hækkuðu almennt um
3,3% í janúarmánuði síðast-
liðnum samkvæmt útreikn-
ingum Hagstofunnar á launavísi-
tölunni. I janúar var vísitalan
282,8 stig og hafði hækkað um
3,3% frá í desember 2005. Á síð-
astliðnum tólf mánuðum hefur
launavísitalan hækkað um 8,3%
en síðustu þrjá mánuði nemur
hækkunin hins vegar 19,3%.
Kaupa bíó í
Danmörku
SAMfélagið, sem m.a. rekur
Sambíóin og Háskólabíó, hefur
fest kaup á kvikmyndahúsakeðju
Cinemaxx i Danmörku. Þetta
kemur fram í yfirlýsingu sem fé-
lagið sendi frá sér í gær. Um er að
ræða þrjú kvikmyndahús í Dan-
mörku sem staðsett eru í Óðins-
véum.Árhúsum og Kaupmanna-
höfn og taka þau alls um 6.100
manns í sæti. Cinemaxx er þýskt
fyrirtæki sem á og rekur kvik-
myndahúsakeðju undir sama
nafni víðs vegar í Evrópu. Danski
hluti keðjunnar var stofnaður
árið 2000 og er með um 30%
markaðshlutdeild í Danmörku.
„Erfltt að vera með þetta gamla kyn"
Benjamín Baldursson bóndi, segir stefna í vöntun á mjólk í landinu vegna fœkkunar búa.
Hann segir öll rök hníga að innflutningi á erfðaefni og mikilvœgt aðfá betri kýr.
Kúabændur i þremur héruðum í
landinu hafa samþykkt tillögur
þess efnis að gerðar verði til-
raunir með að kynbæta íslensku
kúna með erlendu erfðaefni.
„Það er svo erfitt fyrir okkur að
vera með þetta gamla kyn, segir
Benjamín Baldurson, bóndi á Ytri-
Tjörnum. „íslensku kýrnar standast
engan samanburð við erlend kyn.“
Hann segir þetta valda bændum
miklum erfiðleikum því að júgrin
séu jafnvel orðin það sigin að mjalta-
vélin hvíli á gólfinu í stað þess að
hanga. Þegar það gerist er miklu
meiri hætta á að kýrin mismjólkist,
það er að segja, að framspenarnir
mjólkist á undan afturspenunum,
eða öfugt. Þetta getur að sögn Benj-
amíns valdið júgurbólgu. „Þessi er-
lendu kyn sem verið er að spá í eru
miklu betri hvað þetta varðar."
Kúabændum fer fækkandi
í samtali við Blaðið í gær sagði
Guðni Ágústsson landbúnaðarráð-
herra íslensku kúna vera dýrmætari
eign en „einhver verksmiðjubelja,“
eins og hann orðaði það. „Þróunin
■ ■■ w w

“ JJ'Uli 1/dlTU
komum og genum venðtilboú
ÁLFABORG
Skútuvogi 6 • Sími 568 6755
er einfaldlega sú að kúabændum fer
fækkandi," segir Benjamín. „Fækk-
unin í stéttinni síðustu ár hefur
verið slík að það lætur nærri að
tveir bændur leggi niður búskap í
hverri viku, þó að aðeins hafi dregið
úr þeirri fækkun síðustu misserin.”
Hann segir þessa fækkun hafa það
í för með sér að búin verði einfald-
lega að stækka til þess að hægt sé
að svara eftirspurninni eftir mjólk.
„Við getum ekki einu sinni svarað
þessari eftirspurn í dag, og útlit er
fyrir vöntun á mjólk þar sem kúnum
hefur fækkað með bændunum.“
Fjölskyldubúin ekki á útleið
Benjamín segist ekki hræðast þá
spádóma að meðalstór fjölskyldubú
hverfi, heldur verði þau áfram til
inn á milli. „Mér sýnist stefna í að
það verði svona 300 þúsund lítrar á
búi og þá væri það mun hagkvæm-
ara fyrir bóndann að vera með kúa-
kyn sem verið hefur kynbætt með
erlendu erfðaefni. „Kynbætur eru
alltaf til góðs,“ segir Benjamín og
ítrekar að ekki sé verið að tala um
að skipta alfarið um kúakyn heldur
fremur að kynbæta hið íslenska.
Svipaðar tillögu felldar
á sínum tíma
Á sínum tíma var svipuð tillaga um
að gera tilraun með innflutning á
erfðaefni felld í atkvæðagreiðslu
Blaðið/lngó
Kýrnar í Svarfaðardalnum mjólka að sögn minna en systur þeirra í nágrannalöndunum.
af miklum meirihluta bænda. Benj-
amín segir það hafa verið mikil
mistök að láta kjósa um þá tilraun á
sínum tíma. „Ég held hins vegar að
andstaðan við þetta hafi minnkað
mikið síðustu mánuðina.“
Hann segist þó ekki sérlega bjart-
sýnn um að þetta nái fram að ganga
í þetta skiptið. „Ég trúi nú ekki öðru
en að landbúnaðarráðherra hugsi
sig vel um því að mínu mati er það
gríðarlega mikilvægt fyrir framtíð-
ina að fá betri kýr.“
Benjamín segir ísland vera eina
landið í heiminum þar sem svona
strangar reglur séu í gildi um þessi
mál. Hann gefur heldur lítið fyrir
það að vernda þurfi íslenska kúa-
kynið. „Ég hef enga trú á því að ferða-
menn hópist hingað til lands til þess
að skoða íslenskar kýr og ég held að
þeim sé nokk sama þó að þeir sjái
bara svartskjöldóttar kýr eða rauð-
skjöldóttar, eða fleiri liti.“ Hann
bendir einnig á að það sé vel hægt að
halda íslenska kyninu við, eftir sem
áður, „ef einhverjir vilja það, sem ég
hef nú ekki mikla trú á.“
íslensku farfuglarnir
koma flestir frá Bretlandi
w
Náttúrufræðistofnun íslands hefur
veitt yfirdýralækni ráðgjöf varð-
andi farfugla, hvaðan þeir koma og
hvenær. Einnig hefur verið fundað
um hættuna sem gæti verið yfirvof-
andi berist fuglaflensan hingað
til lands með farfuglunum. „Við
funduðum í vetur og í framhaldi
af þeim fundum hjálpuðum við
yfirdýralækni við að ná í sýni á
Tjörninni og á fleiri stöðum,“ segir
Jón Gunnar Ottósson, forstjóri Nátt-
úrufræðistofnunar fslands. Það
hafa ekki verið teknar fleiri ákvarð-
anir varðandi frekari sýnatökur
að svo stöddu, en Jón Gunnar gerir
ráð fyrir að það verði fundað aftur
með yfirdýralækni mjög fljótlega.
Farfugiarnir koma frá Bretlandi
„Við höfum bent á þá staðreynd að lang-
flestir farfuglar sem koma hingað
til lands koma í gegnum eða frá
Bretlandi,“ segir Jón Gunnar. Hann
segir Breta skima mjög rækilega eftir
fuglaflensu-veirunni þar 1 landi. „Því
höfum við sagt að það sé miklu skyn-
samlegra að fylgjast vel með hvað
gerist í Bretlandi.“ Jón Gunnar segir
fremur ólíklegt að þetta hættulega
afbrigði fuglaflensu berist hingað til
lands, finnist hún ekki í Bretlandi. „Ef
hún hins vegar finnst þar, þá er mjög
líklegt að hún berist hingað til lands.
Við höfum því lagt áherslu á að menn
horfi til Bretlands, í stað þess að líta
til Norðurlandanna vegna þess að það
er nánast engin hreyfing á fulgum á
milli Skandinavíu og Islands. Það eru
ákveðnar tegundir sem koma annars
staðar frá, en ekkert sem skapar neina
hættu.“
Litlar líkur á smiti frá vilitum fuglum
Að sögn Jóns Gunnars hefur fugla-
flensan aðallega fundist í andfuglum,
„það er að segja álftum, öndum og
gæsum.“ Hann ítrekar þó að menn
megi ekki gleyma því að fuglar geta
fengið flensu eins og mannfólkið.
„Þarna er verið að tala um eitt ákveðið
afbrigði sem reynst hefur hættulegt
mönnum.“ Jón Gunnar segist ekki
þekkja til þess að þetta hættulega af-
brigði hafi smitast úr villtum fugli y fir
í mann.
„Þetta er í gegnum alifuglana sem
smit hefur borist í menn og þess vegna
hafa menn horft til þess að reyna að
halda villtum fuglum frá alifuglum."
Jón Gunnar segir, að hafi fuglaflensan
ekki fundist á Bretlandseyjum þegar
farfuglarnir koma hingað til lands, þá
séu litlar líkur á því að flensan muni
greinast hér.
Fleiri vilja Dag
en Vilhjálm
MBL.is | Samkvæmt könnun, sem
Félagsvísindastofnun Háskóla
íslands gerði
fyrir Sam-
fylkinguna,
vilja fleiri
að Dagur B.
Eggertsson,
frambjóðandi
Samfylkingar,
verði borgar-
stjóri enVil-
hjálm Þ. Vilhjálmsson, oddviti
Sjálfstæðisflokks, ef valið stæði
einungis á milli þeirra tveggja.
Um 43% nefndu Dag í könn-
uninni og 40% Vilhjálm en
10% svarenda voru óviss, 4%
vildu hvorugan og 3% neituðu
að svara. Ef einungis er litið
til þeirra sem tóku afstöðu
nefndu tæp 52% Dag og rúm
48% Vilhjálm. Munurinn er þó
ekki tölfræðilega marktækur.
Spurt var: Hvorn vildir þú
sjá sem borgarstjóra eftir
kosningarnar í vor, Dag B.
Eggertsson eða Vilhjálm Þ.
Vilhjálmsson, ef valið stæði
einungis á milli þeirra tveggja?
Könnunin var gerð f síma
dagana 14.-19. febrúar. Stuðst
var við 800 manna slembiúr-
tak úr þjóðskrá sem náði til
Reykvíkinga á aldrinum 18
til 80 ára. Alls svöruðu 571 og
var svarhlutfall því 71,4%-
H ÚSGAGNA
Bæjarlind 14-16, Kópavogi
LINDIN
10.000 MÖGULEIKAR - fyrirfólkmeð
sjálfstæðan smekk
Þú velur sófa
Þú velur stól
Þú velur áklæði
Þú velur lit
Þú hannar
Bara gaman
Xavira Sessalong + 3 púðar
Áklæði frá kr 48.000
Leður frá kr 77.000
Cube sófasett 2.5+1+1+4 púðar
Áklæði frá kr 104.000
Leðurfrá kr 172.000