blaðið - 01.03.2006, Blaðsíða 8

8 I ERLENDAR FRÉTTIR
MIÐVIKUDAGUR l.MARS 2006 blaðið
Varnarmaður
seldur fyrir 15
kg af pylsum
Deila er komin upp á milli
tveggja rúmenskra knattspyrnu-
liða eftir óvænta atburðarás í
kjölfar leikmannaviðskipta.
Á dögunum var varnarmaðurinn
Marius Cioara seldur frá annarar
deildar liðinu UT Arad til fjórðu
deildar liðsins Regal Hornia fyrir 15
kg af svínapylsum. Eftir viðskiptin
lýsti talsmaður Regal Hornia sig
hæstánægðan með viðskiptin og
sagðist sannfærður um að varn-
armaðurinn myndi standa undir
verðinu sem greitt var fyrir hann.
En skjótt skipast veður í lofti og degi
eftir að fjölmiðlar komust á snoður
um að Cioara hefði verið verðlagður
í svínapylsum ákvað hann að leggja
skóna á hilluna. Hann sagðist ekki
þola niðurlæginguna og áreitið sem
fylgdi verðlagningu hans. Hann
hyggst flytja til Spánar þar sem
að hans bíður vinna á bóndabæ.
Aðstandendur Regal Hornia hafa
krafist þess að eigendur UT Arad
skili þeim aftur pylsunum sem
þeir greiddu fyrir leikmanninn.
Kjötkveðjuhátíðin endur-
reist í New Orleans
Tugþúsundir manna söfnuðust
saman í New Orleans í gær til þess
að fagna fyrsta degi kjötkveðjuhá-
tíðar borgarbúa sem gengur undir
nafninu Mardi Gras. Hátíðin í ár
er haldin sex mánuðum eftir að
fellibylurinn Katrina lagði borgina í
rúst með þeim afleiðingum að 1.300
manns týndu lífi og tugþúsundir
misstu heimili sín,
Skiptar skoðanir voru um hvort
að það væri við hæfi að halda þessa
frægu hátíð f ár og töldu margir
ótækt að borgaryfirvöld eyddu
þremur milljónum Bandaríkjadala
í hátíðarhöld meðan svo margir
eiga enn um sárt að binda eftir felli-
bylinn. Aðeins um helmingur íbúa
New Orleans hafa snúið aftur heim
eftir hamfarirnar, enn eru fjölmörg
íbúðahverfi óíbúðarhæf og rafmagn
er ekki komið á víða. Þrátt fyrir
þetta líta margir íbúar á að það sé
til marks um endurreisnarvilja borg-
arbúa að halda hátíðina. Venjulega
sækja um milljón manns borgina
þegar kjötkveðjuhátíðin stendur
yfir en þrátt fyrir að aðeins sé bú-
ist við helmingnum af því í ár eru
eigendur veitingastaða og gistihúsa
sannfærðir um að hún hjálpi til þess
að koma ferðamannaiðnaðnum í
borginni á skrið á ný.
TRíErnmOGRMS
Me BRé/IST
fbúar New Orleans tóku gleði sína á ný eftir hörmungarnar sem fylgdu fellibylnum Katrínu er þeir fögnuðu kjötkveðjuhátíðinni.
Aðalskipulag Seltjarnarness
2006 - 2024
í samræmi við 3. mgr. 18. gr. skipulags- og
byggingalaga nr. 73/1997, með síðari breytingum,
er hér með auglýst afgreiðsla bæjarstjórnar
Seltjarnarness á Aðalskipulagi Seltjarnarness 2006
-2024.
Bæjarstjórn Seltjarnarness samþykkti samhljóða
þann 22. febrúar 2006 tillögu að Aðalskipulagi
Seltjarnarness 2006 - 2024. Tillagan var auglýst og
var kynnt á heimasíðu sveitarfélagins, á bókasafni
Seltjarnarness á Eiðistorgi og á Skipulagsstofnun frá
12. desember til 12. janúar s.l. Athugasemdafrestur
rann út þann 27. janúars.l.
Alls bárust 4 bréf með athugasemdum.
Óverulegar breytingar voru gerðar á greinargerð
aðalskipulagstillögunar vegna athugasemda sem
bárust. Bæjarstjórn hefur afgreitt þær og mun senda
þeim sem gerðu athugasemdir umsögn sína.
Hefur tillagan verið send Skipulagsstofnun sem
gerirtillögu til umhverfisráðherra um lokaafgreiðslu
tillögunnar.
Þeir sem óska nánari upplýsinga um tillöguna
og niðurstöðu bæjarstjórnar geta snúið sér til
skipulagsfulltrúans á Seltjarnarnesi.
Skipulagsfulltrúinn á Seltjarnarnesi
0
SELTJARN ARNESBÆR
Pompei austursins
Vísindamenn undir stjórn Haraldar Sigurðs
sonarfinna merkar rústir í Indónesíu.
Hópur vísindamanna undir stjórn
dr. Haraldar Sigurðssonar, prófess-
ors í jarðeðlisfræði við Rhode Island
háskólann, hefur fundið rústir hins
horfna konungsdæmis Tambora
á Sumbawa-eyju í Indónesíu. Kon-
ungsdæmið grófst undir öskulagi
árið 1815 í einu kröftugasta eldgosi
sem heimildir eru um, en talið er að
hátt í hundrað þúsund manns hafi
farist í gosinu, sem hafði viðtækar
afleiðingar víðsvegar um heim. Eld-
gosið sendi um 400 milljónir tonna
af brennisteinsloftegundum út í and-
rúmsloftið með þeim afleiðingum
að hitastig á jörðinni kólnaði um-
talsvert og uppskerubrestur varð
víðsvegar um Evrópu og í Bandaríkj-
unum í kjölfarið.
Fundurinn hefur vakið athygli
um heim allan enda hafa örlög Tam-
bora lengi verið mönnum hugleikin.
Þegar breskir og hollenskir land-
könnuðir komu fyrst til eyjarinnar
við upphaf 19. aldar tóku þeir eftir
að tungumál og menning íbúa Tam-
bora var gjörólík því sem þekktist á
öðrum stöðum á Indónesíu. Enn er
uppruni menningar þeirra á huldu
en það kann að breytast þar sem að
vísindamennirnir hafa grafið upp
bein af fórnarlömbum gossins og
ýmsa muni sem tengjast einstakri
menningu konungsdæmisins, en
uppruni hennar er talinn geta
varpað nýju ljósi á tengsl á milli sið-
menninga í þessum heimshluta.
Haft er eftir Haraldi í erlendum
fjölmiðlum að líkur séu á því að
byggðin á Tambora hafi varðveist
með sambærilegum hætti og rúst-
irnar í Pompei á Italíu og því ættu að
leynast heillegar fornminjar undir
öskunni.
RAFSUÐUVÉLAR, TIG Inverter hátíðnivél, 200amp-35%,125amp-100%.
Þyngd 9Kg. IS0 9001 og CE vottun.
Verð aðelns 56.500 með þrýstijafnara og einnota argon hylki ,110L.
Pinnavél, ZX7 Inverter hátíðnivél, 200amp-35%,125amp-
100%,Þyngd 8,5Kg. IS0 9001 og CE vottun.
Verð aðeins 37.500.-
Auto dark rafsuðuhjálmar, þyngd aðeins 420gr.Stillanlegir DIN 9-13.
Verðaðeins 11.900.-
IS0 9001 og CE vottun.
Varahlutir fyrirliggjandi í bæöi vélar og hjálma.
Kvistás ehf. S. 482 2362 og 893 9503. kvistas@simnet.is

Önnur andanna sem fundust dauðar
í Svíþjóð í gær
Fuglaflensa
greinist í
Svíþjóð
Mbl.is | Stjórnvöld í Svíþjóð hafa
greint fráþví að fuglaflensuveira
hafi greinst í villtum fuglum í
suðurhluta Svíþjóðar. Að sögn
sænska dagblaðsins Dagens
Nyheter er um að ræða H5N1-
afbrigði veirunnar sem borist
getur í menn. Sýni af veirunni
hafa verið send til rannsóknar-
stofu á Englandi og er búist við
endanlegri niðurstöðu eftir um
viku.
„Því miður hefur verið stað-
fest að um er að ræða hraðvirku
tegundina. Þetta er alvarlegt en
kemur ekki á óvart. Það mik-
ilvægasta nú er að koma í veg
fyrir að alifuglar smitist,” sagði
Ann-Christin Nykvist, landbún-
aðarráðherra á fundi með blaða-
mönnum í gær.
I máli ráðherrans kom fram
að fjórar skúfendur fundust
dauðar í nágrenni kjarnorku-
versins í Oskarshamn. Tekin
voru sýni úr fuglunum og þau
tekin til rannsóknar í Upp-
sölum. í ljós komu mótefni gegn
fuglaflensuveiru og frekari rann-
sóknir leiddu í ljós að um var að
ræða veiru af H5 stofni. Fljótlega
eftir að rannsóknir hófust kom
í ljós að um var að ræða hættu-
lega og hraðvirka veiru. Saman-
burðarrannsóknir við veirur
sem greinst hafa í Kína, Rúss-
landi og Nígeríu leiddu í ljós að
þær voru eins.
Svíþjóð er níunda Evrópu-
landið þar sem sú fuglaflensu-
veira af H5 afbrigði greinist. Alls
hafa 93 látist úr H5N1 afbrigði
fuglaflensu í heiminum frá ár-
inu 2003.