blaðið - 01.04.2006, Síða 23

blaðift LAUGARDAGUR l.APRÍL 2006
VIÐTAL I 23
Bandalag andstæðna
Víkjum frá pólitíkinni. Hvernig
heldurðu að þú hefðir staðið þig í
lífinu án Bryndísar?
„Ætli ég hefði ekki bara farið mér
að voða.“
Hefur þetta verið skemmtilegt
hjónaband?
„Já, stöðugt gaman. Ef sam-
bandið er heilt þá dýpkar það með
árunum. Samkvæmt venjulegri
rökhugsun hefði hjónabandið alls
ekki átt að ganga upp. Ég var bara
unglingur, og þar að auki sein-
þroska unglingur, 19 ára þegar sam-
bandið varð alvarlegt. Hún var mér
miklu fremri. Fegurðardrottning
og leikkona og geislandi af sjarma.
Ég var mislukkaður á alla lund,
argur og kargur uppreisnarmaður
sem rakst ekki í skóla, ómögulegur
námsmaður, sjálfsagt haldinn van-
metakennd sem braust út í derringi
og yfirlæti. Þegar börnin okkar sjá
myndir af mér ungum manni þá
spyrja þau mömmu sína: „Mamma,
hvernig gat þér dottið í hug að taka
upp samband við þennan mann?“
Ég kann enga skýringu á því. Bryn-
dís verður að skýra það sjálf.
Við erum svo gjörsamlega ólík á
alla lund. Þetta er hið fullkomna
bandalag andstæðnanna. Þú ert
hér í húsi í Mosfellsbæ sem hún
hefur byggt og er hannað utan um
hennar persónu. f svona húsi býr
Bryndís. Ef ég hefði átt að byggja
þetta hús, sem ég var ekkert beðinn
um, þá hefði það litið allt öðruvísi
út - og ekki orðið svona aðlaðandi.“
Jafnaðarmaður af tilfinningu
Stundum var því haldið fram að
þú vœrir hrokafullur stjórnmála-
maður. Er eitthvað til íþví?
„Já, ætli það sé ekki eitthvað til í
því að ég hafi haft tilhneigingu til
að vera „besserwisser“. Samt held
ég að þetta hafi rjátlað af mér í tím-
ans rás. Ætli ég hafi nokkurn tím-
ann verið eins hrokafullur og ég
var um fermingu með Marx upp á
vasann. Þá kunni ég ráð við öllum
vandamálum heimsins.
Ætli það megi ekki segja um mig
að ég hafi nokkuð afdráttarlausar
skoðanir. Ef ég hef hugsað um ein-
hver mál og komist að niðurstöðu
þá haggar því ekkert. Þetta virð-
ist vera hroki í augum þeirra sem
ekki skilja það. En eftir því sem ég
þekki mig best þá er ég afskaplega
hrokalaus maður.“
En þú talar ekki mikið á tilfinn-
inganótum. Leggurðu mikið upp úr
rökhugsun?
„Þó það nú væri, já. Það þýðir
til dæmis ekki að tala um efna-
hagsmál nema út frá rökhugsun
og þekkingu. Það er ekki hægt að
hlaupast frá því í nafni einhverrar
tilfinningasemi. Annað hvort hef-
urðu rétt fyrir þér eða þú hefur
rangt fyrir þér. Þetta þýðir ekki að
verið sé að hafna tilfinningum. Af
hverju er ég jafnaðarmaður? Það er
af tilfinningalegum ástæðum. Ég
er jafnaðarmaður af því að ég finn
til með fólki sem á bágt, ekki bara
í mínu þjóðfélagi heldur um allan
heim og vil leggja þvi lið. Ég er jafn-
aðarmaður af nákvæmlega sömu
ástæðu og Fjallræðumaðurinn var
jafnaðarmaður. Þetta er spurning
um réttlætiskennd.“
Trú á sannleiksleit
Þú sagðir mér einu sinni að þú
tryðir ekki á Guð. Af hverju trúir
þú ekki á Guð?
„Hvaða Guð? Ertu að biðja mig
um að trúa á 2000 ára gamlar þjóð-
sögur gyðinga og afneita þróunar-
kenningunni eða stjarneðlisfræði.
Hvað er verið að biðja mig um að
trúa á?
Eiginlega ætti ég að segja: Þér
kemur ekkert við hvort ég trúi eða
trúi ekki því það er mitt einkamál.
Trú á að vera einkamál. Ég lít svo á
að andlegt frelsi sé það sem skiptir
mestu máli í lífinu. Ég trúi á sann-
leiksleit. Ég er skoðanabróðir Fjall-
ræðumannsins. Ég þarf enga guð-
spekinga til að segja mér til um
hvað er rétt eða rangt, gott eða vont
og ég geri mikinn ágreining við
handhafa rétttrúnaðarins í öllum
trúarbrögðum. Ég er enginn skoð-
anabróðir George Bush sem segist
vera trúaður maður. Heiminum
stafar mest ógn af trúarofstækis-
mönnum í Bandaríkjunum, ísrael
og í múslimaheiminum. Þessir
menn eru lausir við allt umburðar-
lyndi. Að bera virðingu fyrir skoð-
unum annarra er grundvallargildi
í minni siðfræði og lýðræðisþjóð-
félag stenst ekki nema þau gildi
séu vernduð en réttur annarra til
að þröngva sinni trú upp á mig er
ekki sjálfsagður.
Það er fáránlegt að halda því
fram að trú á hið góða sé útilokuð
nema algóður Guð sé þarna uppi.
Littu á þessa veröld. Tugþúsundir
barna deyja úr hungri á degi
hverjum. Hundruð milljóna sak-
lausra eru fórnarlömb ofbeldis,
fátæktar og sjúkdóma. Það gerist
í heimi þar sem við höfum þekk-
ingu, kunnáttu, tækni og fjármuni
til að leysa þetta. Ef Guð er almátt-
ugur þá stýrir hann þessum heimi.
Ef hann er almáttugur og algóður
og þetta er hans niðurstaða þá er
ég guðleysingi."
Pólitík er skítadjobb
Finnurðu fyrir aldrinum?
„Mér finnst ég vera yngri en
ég var þegar farg stjórnmálanna
hvíldi þyngst á mér. Eg fór burt úr
þessu umhverfi í átta ár. Hætti sem
stríðsmaður sem átti aldrei stund
aflögu til nokkurs hlutar. Ég hef
hlaðið batteríin. Ég er stútfullur af
skoðunum og hugmyndum. Ég er
líkamlega hraustari en ég var. Þótt
árunum fjölgi þá yngist ég.“
Staða Samfylkingar samkvcemt
skoðanakönnunum mœtti vera
betri. Margir viljafá þig aftur ípól-
itík. Þér hlýtur að þykja vœnt um
það.
„Mér ber engin skylda til að fara
aftur í pólitík. Pólitíkin gleypti
mig með húði og hári í að minnsta
kosti tvo áratugi. Ég lagði mig
fram af lífi og sál. Ég veit að þetta
er skítadjobb. Það þarf enginn að
segja mér neitt um það. Ég veit
að menn koma út úr þessu starfi
nokkurn veginn ærulausir en fá
hugsanlega uppreisn æru eftir að
þeir eru dauðir. Það er ekkert eft-
irsóknarvert við þetta. Örfá augna-
blik ef þú ert svo heppinn að geta
gert eitthvað sem máli skiptir, sem
gerist yfirleitt ekki í lífi stjórn-
málamanna, nema fárra útvalinna.
Hvað er svona eftirsóknarvert við
að vera í pólitík? Ekki neitt.“
Af hverju eyddirðu þá áratugum í
að hugsa ogstarfa ípólitík?
„Það er réttlætiskenndin.
Ástríðan. Þessi siðfræðilega ástríða
guðleysingjans sem vill ekki svíkj-
ast undan merkjum heldur leggja
fram sinn skerf til að skapa mann-
sæmandi þjóðfélag hér og nú, hérna
megin grafar."
Geta menn sem hugsa þannig nokk-
urn tímann hcett ipólitík?
„Hvar er þessi unga kjnslóð? Er
ekki komið að henni? Ég er alveg
til í að segja þessum börnum til
eftir því sem þurfa þykir. Og ef fólk
sannfærir mig um að ég hafi eitt-
hvað fram að færa sem aðrir hafa
ekki þá hlusta ég.“
kolbrun@bladid.net
FERMINGARTILBOÐ
á rúmum

CAPRI
NÝ SENDING
TILBOÐ 69.000.-
Verð áður 89.000.-
Meðan byrgðir endast
•• f-
............
KAROLIN
NÝ SENDIN
TILBOÐ 119.000.-

m’ss.
DORIS
90 x 200 áður 42.000 / nú 29.900,-
120 x 200 áður 49.000 / nú 38.500,-
140 x 200 áður 58.000 / nú 48.000,-
160 x 200 áður 69.500 / nú 59.500,-
ELECTA - sjálfstœð fjöðrun
120 x 200cm áður 53.600- verð nú kr 49.600-
140 x 200cm áður 68.000- verð nú kr 58.000-
160 x 200cm áður 89.000- verð nú kr 79.500-
Electa erhágæða pokagormadýna með 240 gormum á hvem
fermetir. Hún er svæðaskipt 15 misstlf svæði.
Hver gormur er sór í ofnum poka, sem kemur i veg fyrír að einhver
einn álagspunktur myndist og tryggir afslöppun fyrir hrygginn.
MEMORY
5 svæöa pokagormadýna
með 6cm visco þrýstijöfnunarefni á
svefnyfirborðinu.
160 x 200cm tilboð kr. 139.000,-
180 x 200cm tilboð kr. 159.000,-
OPTIFLEX
Ein vandaðasta uppbygging á
rafstillanlegum rúmum.
80 x 200 cm verð frá 69.000.-
cn
ö
c
ö
u
co
O
£
£
£
* • v,-;
gagnaverslun
SCANA
JUVEGI 2. KÓP S: 587 6090
HÚSGÖGNIN FÁST EINNIG IHÚSGAGNAVAL, HÖFN S: 478 2535