blaðið - 20.10.2006, Blaðsíða 6

6 FÖSTUDAGUR 20. OKTÓBER 2006
blaöiA

MATVÖRUVERÐ
Skilar minni verðbólgu
Fyrirhugaðar aögerðir stjórnvalda til aö lækka matvöruverð mun valda því að verðbólga
snarminnkar á næsta ári, samkvæmt spá greiningar Glitnis. I upphaflegri þjóðahagspá
bankans fyrir næsta ár var gert ráð fyrir 3,2 prósent verðbólgu en nú er þvi spáð aö hún
verði 1,8 prósent. Þá telur bankinn ólíklegt að íbúðaverð muni lækka mikið á næstunni í
kjölfar yfirlýsinga stjórnvalda um að hækka hlutfall íbúðalána á ný upp í 90 prósent.
INNLENT
Virkjunarframkvæmdir Orkuveitu Reykjavíkur á Hengilsvæðinu:
Borað í trássi við lögin
■ Lögleysa aö veita bráðabirgðaleyfi ■ Samningurinn jaðrar við mútur
Leynivopnið á
brauðið
- pepperoni frá 55
Pepperoni álegg er gómsætt og spennandi til að
brydda upp á nýjungum í skólanestinu og krydda
tilveruna. SS pepperoni er bragðmikið og kröftugt og
hressir skólafólk og aðra sem smyrja sér nesti. Þú
þekkir SS álegg á gulu umbúðunum.
Eftir Trausta Hafsteinsson
trausti@bladid.net
„Samþykkt fyrir virkjunarfram-
kvæmd liggur ekki fyrir, hvorki
í aðal- né deiliskipulagi. Þeir eru
hins vegar byrjaðir á framkvæmd-
unum án allra leyfa,“ segir Hróð-
mar Bjarnason, framkvæmdastjóri
Eldhesta ehf, sem situr í skipulags-
nefnd sveitarfélagsins Ölfuss.
Bæjarstjórnin veitti i vor Orku-
veitu Reykjavíkur bráðabirgðaleyfi
til virkjunarframkvæmda á Skarðs-
mýrarfjalli og við Hverahlíð án
þess að framkvæmdin komi fram á
núgildandi aðal- og deiluskipulagi.
Gerður var sérstakur samningur
sem metinn er á fimm hundruð
milljónir króna sem renna í sjóði
sveitarfélagsins.
Hjörleifur B. Kvaran, lögfræð-
ingur Orkuveitu Reykjavíkur, segir
fyrirtækið hafa ráðist í framkvæmd-
irnar út frá leyfi frá sveitarfélaginu.
„Við störfum einfaldlega eftir því
framkvæmdaleyfi sem sveitarfé-
lagið hefur gefið út. Sveitarfélagið
þarf að ábyrgjast að þau leyfi séu í
lagi. Málið er ekki flóknara,“ segir
Hjörleifur.
Samræmist ekki iög
Jakob Gunnarsson, sérfræðingur
hjá Skipulagsstofnun, staðfestir
að veiting bráðabirgðaleyfis til
framkvæmda samræmist ekki lög.
„Samkvæmt bygginga- og skipulags-
lögum er ekki hægt að veita bráða-
birgðaleyfi tilþessara framkvæmda,"
segir Jakob. „Allar framkvæmdir
þurfa að vera í samræmi við stað-
festar breytingar á aðalskipulagi og
án þess má ekki veita leyfi.“
Má bara rannsaka
Ólafur Áki Ragnarsson, bæjar-
stjóri Ölfuss, er ósammála og telur
SAMNINGUR
MILLi ORKUVEITU
REYKJAVÍKUR OG ÖLFUSS
UNDIRRITAÐ 28. APRÍL 2006
2. gr. Bæjarstjórn Ölfuss veitir fram-
kvæmdaleyfi og greiðir fyrir skipulagsmál-
um eins hratt og unnt er vegna umræddra
framkvæmda enda byggi þær á lögum um
mat á umhverfisáhrifum fyrir hvern áfanga
og viðkomandi verkþætti. Orkuveita Reykja-
víkur greiðir Sveitarfélaginu Ölfuss fyrir
aukið álag og vinnu sem framkvæmdinar
kalla á hjá sveitarfélaginu. Þetta gerir sveit-
arfélaginu kleift aö hraða öllum umsögnum
og leyfisveitingum sem þörf er á.
MEÐ SAMNINGNUM FÆR
ÖLFUSS FÉ TIL AÐ:
■ lýsa við Þrengslaveg
■ uppgræða sanda við Þorlákshöfn
■ koma á háhraðatengingu í Þorlákshöfn
■ mæta auknum umsvifum vegna
virkjunarframkvæmda
Sveitarfélagið þarf
að ábyrgjast að
leyfln séu I lagi
Hjörleifur B. Kvaran
Lögtræðingur Orkuveitu
Reykjavíkur
bæjarstjórnina hafa haft heimildir
til að veita umrætt bráðabirgðaleyfi.
„Það er alveg rétt að framkvæmdin
er ekki komin í gegnum skipulags-
ferli. Leyfið sem við veittum er ein-
göngu til rannsókna á svæðinu en
ekki framkvæmda," segir Ólafur
Áki. „Framkvæmdaleyfi liggur ekki
fyrir þar sem ekki er búið að breyta
skipulaginu. Við erum hins vegar
ósammála túlkun Skipulagstofn-
unar og teljum ekki þurfa að breyta
aðalskipulagi út af öllum rannsókn-
arleyfum sem veitt eru.“
Engin samþykkt
BjörnPáísson.héraðsskjalavörður,
hefur verið leiðsögumaður um Hen-
gilsvæðið síðasta áratug og hefur
kynnt sér fundargerðir bæjarstjórn-
arinnar. „í fundargerðum Ölfuss-
hrepps kemur fram að ekki sé heim-
ilt að leyfa framkvæmdir þarna fyrr
en samþykkt og breytt aðaiskipulag
liggur fyrir,“ segir Björn. „Leyfið
var veitt án slíkra samþykkta og
þarna er verið að fórna gífurlegum
fjársjóðum með ólöglegum hætti.“
Aðspurður segir Olafur Áki þetta
ekki vera rétt. „Okkar niðurstaða
er sú að þar sem landsvæðið var
raskað fyrir þá mætti veita leyfi
Virkjun án leyfa Bæjarstjórn Ölfuss
veitti Orkuveitu Reykjavíkur bráða-
birgðaieyfi fyrir framkvæmdum á
Hengilsvæðinu án staðfestingar í að-
al- og deiluskipulagi. Leyfisveitingin
er umdeild og samningur milli aðila
jaðrar við mútur.
til rannsókna. Það er ekki víst að
þarna komi til framkvæmda, aðeins
er verið að rannsaka svæðið.“
Vopn í kosningum
Hróðmar segir ljóst að allir máls-
aðilir viti að málið hafi ekki farið lög-
boðnar leiðir í stjórnkerfinu og setur
spurningamerki við þá staðreynd
að áðurnefndur samningur hafi
verið notaður sem vopn í kosninga-
baráttu fyrir síðustu sveitarstjórnar-
kosningar. „Orkuveitan styðst við
framkvæmdaleyfi frá bæjarstjórn
og samninginn sem gerður var. Bæj-
arstjórnin hefur hins vegar hvorki
rétt né vald til að veita þetta leyfi,“
segir Hróðmar. „Þetta hefur ekki
farið lögboðnar leiðir innan kerfis-
ins og það vita allir málsaðilar.“
Skjóta fyrst
Aðspurður segir Björn fram-
kvæmdir fyrir nokkru hafnar og
furðar sig á þeim vinnubrögðum
sem viðhöfð eru. „Hreppurinn
hefur selt Orkuveitu Reykjavíkur
sálu sina fyrir þessa framkvæmd,"
segir Björn og bendir á að hægt sé
að túlka samninginn sem mútu-
greiðslur. „Búið er að leggja vegi
upp á fjallið og gröfurnar byrjaðar.
Vinnubrögðin í málinu kalla ég að
skjóta fyrst og spyrja svo.”
Framkvæmdaleyfi
liggur ekki fyrir
þarsemekkier
búið að breyta
skipulaginu
Ólafur Áki Ragnarsson
Bæjarstjóri Ölfuss
Um þrjú þúsund heilabilaðir:
Hundruð bíða hjúkrunarrýmis
Eftir Ingibjörgu B. Sveinsdóttur
ingibjorg@bladid.net
„Heimaþjónustan gagnast heilabil-
uðum takmarkað. Þeir fá heims-
endan mat en borða hann ekki
og þeir taka ekki inn lyfin sín,”
sagði Ásta Ragnheiður Jóhannes-
dóttir, þingmaður Samfylkingar-
innar, í utandagskrárumræðu á
Alþingi í fyrradag um þjónustu við
heilabilaða.
Ásta kveðst hafa verið fundar-
stjóri á ráðstefnu sem haldin var í
september um málefni heilabilaðra.
Þar hafi komið fram sláandi upp-
lýsingar sem henni hafi þótt mjög
alvarlegar og þess vegna hafi hún
farið fram á utandagskrárumræðu
á þingi um málið.
1 máli Ástu Ragnheiðar kom
fram að á íslandi séu um 3.000
manns með heilabilun á einhverju
stigi og þar af séu 60 prósent með
Alzheimer-sjúkdóminn. Að sögn
þingmannsins hafa 300 til 400
manns greinst árlega, þar af 15
yngri en 65 ára. Biðin eftir grein-
ingu á minnisstöð er margir mán-
uðir. Dagdeildir eru nú sex á höfuð-
borgarsvæðinu en þær anna bara
broti eftirspurnar. Á höfuðborg-
arsvæðinu bíða á fjórða hundrað
manns eftir hjúkrunarrými en af
tæpum 1.200 hjúkrunarrýmum á
höfuðborgarsvæðinu eru rúmlega
200 fyrir heilabilaða.
I