blaðið - 20.10.2006, Blaðsíða 20

blaðið
blaðid
Útgáfufélag: Ár og dagurehf.
Stjórnarformaður: Sigurður G. Guðjónsson
Ritstjóri: Sigurjón M. Egilsson
Fréttastjórar: Brynjólfur Þór Guðmundsson og
Gunnhildur Arna Gunnarsdóttir
Ritstjórnarfulltrúi: Janus Sigurjónsson
Sök bítur sekan
Merkilegt að hugsa til baka og rifja upp kjörtímabilið 1987 til 1991. Þá
myndaði Þorsteinn Pálsson ríkisstjórn með Framsóknarflokki og Alþýðu-
flokki. Formenn þeirra flokka, Steingrímur Hermannsson og Jón Baldvin
Hannibalsson, voru augljóslega aldrei sælir í samstarfinu. Steingrimur vakti
til að mynda þjóðarathygli þegar hann, þá starfandi utanríkisráðherra, boð-
aði til almenns stjórnmálafundar þar sem hann sagði ástand efnahagsmála
vera í uppnámi, sagði Róm brenna. Enda fór svo að þeir félagar Steingrímur
og Jón Baldvin sprengdu ríkisstjórnina, fóru á bakvið forsætisráðherrann
og mynduðu nýja ríkisstjórn.
Til að það tækist fengu þeir Alþýðubandalagið, undir forystu Ólafs Ragn-
ars Grímssonar, og Borgaraflokkinn í lið með sér. Svavar Gestsson varð ráð-
herra í nýrri ríkisstjórn Steingríms Hermannssonar. Fáir þingmenn hafa
verið harðari og mælskari í átökum við andstæðinga sína en Svavar. Hann
var andstæðingum sínum erfiður. Nú hefur verið upplýst að Streingrímur
og Jón Baldvin sprengdu ekki aðeins ríkisstjórn Þorsteins Pálssonar, heldur
gerðu þeir gott betur. Þeir fyrirskipuðu rannsóknir á meintum tengslum
Svavars, sem þá var orðinn samráðherra þeirra í nýju ríkisstjórninni, við
austurþýsku leyniþjónustuna, Stasi, sem var hrikaleg og vond. Þeir félag-
arnir fengu engar upplýsingar um landráð eða aðrir sakir Svavars. Ekkert
hefur komið fram sem bendir til að Svavar hafi á nokkurn hátt unnið fyrir
erlend ríki. Ekki frekar en í öðrum málum fyrri tíma. Allar þær símahler-
anir og persónunjósnir sem sannarlega voru stundaðar hér eiga það sam-
merkt að hafa engu skilað, enga sekt sannað og aðeins verið byggðar á ótta
ráðandi afla hverju sinni. Rannsóknir að beiðni Steingríms og Jón Baldvins
eru svo nærri okkur í tíma að réttast er að byrja á að leiða fram allan sann-
leika um þær. Er það svo að ráðherrar geti fengið embættismönnum það
verk að fara um heiminn og tína saman gögn fyrri ára í von um að þau komi
pólitískum andstæðingum illa? Þarf ekki sérstakar heimildir til þannig skít-
verka, eða geta einstaka ráðherrar fyrirskipað slíkt og látið ríkið borga kostn-
aðinn án þess að það komi fram í reikningsbókum eða öðrum skrám? Gerist
þetta jafnvel enn?
Jón Baldvin uppástendur að sími hans hafi verið hleraður meðan hann
var utanríkisráðherra. Við verðum að trúa manninum og ganga út frá því
sem vísu að hann sé þess fullviss að svo hafi verið. Opinber rannsókn mun
væntanlega leiða fram sannleikann í því máli. Við bíðum spennt. Hvers
vegna Jón Baldvin gerði ekkert með þessa vitneskju á sínum tíma er annað
mál og sérstakt. Þá vissi hann af rannsókinni sem hann fyrirskipaði um
meint tengsl íslendinga, og sérstaklega Svavars Gestssonar, við leyniþjón-
ustu Austur-Þýsklands. Getur verið að það hafi dregið úr vilja Jóns Baldvins
á að láta rannsaka hugsanlegar símahleranir fáum árum síðar? Kann að
vera, en auðvitað verður þetta allt rannsakað og niðurstöðurnar munu ým-
ist hreinsa gerendur af ásökunum eða sanna sektir.
Sigurjón M. Egilsson.
Auglýsingastjóri: Steinn Kári Ragnarsson Ritstjórn & auglýsingar: Hádegismóum 2,110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: bladid@bladid.net, frettir@bladid.net, auglysingar@bladid.net
Prentun: Prentsmiðja Morgunblaðsins
Öryggismál íslands
Gæsla ytra og innra öryggis
-j
Opinn fundur um öryggismál íslands
verður í Valhöll á morgun,
laugardaginn 21. október, kl. 10.30.
Framsögumenn verða
Geir H. Haarde forsætisráðherra,
og Björn Bjarnason dómsmálaráðherra.
Allir velkomnir!
Sjálfstæðisflokkurinn
sr 515 1700 www.xd.is
20 FÖSTUDAGUR 20. 0KTÓBER 2006
SUS og samsæriskenningar
Fyrir þremur dögum samþykkti
stjórn Sambands ungra sjálfstæðis-
manna ályktun þar sem hugmyndum
um stofnun leyniþjónustu var alfarið
hafnað. Það er gleðilegt að ályktanir
ungra sjálfstæðismanna skapi um-
ræðu í samfélaginu og að sjónarmið
þeirra nái þar með athygli. í ofan-
greindri ályktun er lýst því grundvall-
arviðhorfi ungra sjálfstæðismanna
að ekki eigi að færa ríkisvaldinu of
miklar valdheimildir því það bjóði
hættunni heim.
Á síðustu misserum hafa íslensk
yfirvöld lagt sífellt meiri áherslu á
að gæta öryggis borgaranna. Björn
Bjarnason, dómsmálaráðherra, hefur
opnað fyrir viti borna umræðu um ör-
yggismál með sínum hugmyndum og
áherslum. Því miður er stjórnarand-
staðan í flestum tilvikum ófær um
leggja til málanna þannig að gagn
sé af. Það kemur því oftar en ekki í
hlut SUS að andmæla hugmyndum
ráðherra flokksins. Raunar eru þær
hugmyndir sem SUS leggst gegn í
ofangreindri ályktun ekki allar frá
dómsmálaráðherra komnar, heldur
er einnig um að ræða viðhorf lögregl-
unnar sem sífellt kallar eftir rýmri
valdheimildum.
Andrés Magnússon, blaðamaður á
Blaðinu, gerir ofangreinda ályktun
SUS að umtalsefni í viðhorfspistli
sínum í gær sem ber yfirskriftina
Nótt hinna löngu hnífa. En í stað
þess að taka þátt í þeirri málefnalegu
rökræðu sem nú er að hefjast um
nauðsyn, kosti og galla íslenskrar
leyniþjónustu, ræðst á hann á undir-
ritaðan og aðra nafngreinda menn
með alvarlegum og algerlega órök-
studdum dylgjum og staðlausum
staðhæfingum.
Heldur Andrés því fram að ofan-
greind ályktun sé „úthugsuð sem
árás“ á Björn Bjarnason, dómsmála-
ráðherra, beinlínis sett fram í þeim
tilgangi að skaða möguleika Björns
í komandi prófkjöri í Reykjavík.
Andrés staðhæfir að nýráðinn fram-
kvæmdastjóri Sjálfstæðisflokksins,
Andri Óttarsson, hafi ásamt undir-
rituðum samið ályktunina. Andri
Óttarsson kom hvergi nærri samn-
ingu eða samþykkt ofangreindrar
ályktunar og með ólíkindum að
slíkum ósannindum sé haldið fram
fullum fetum. Þótt Andrés hafi
látið ýmislegt flakka um ævina, þá
eru þessi ummæli ekki samboðin
Borgar Þór Einarsson
honum og ætti hann að biðjast afsök-
unar á þeim þegar í stað.
Varðandi það hvort forysta SUS
sé með ályktun sinni um leyniþjón-
ustu að ráðast sérstaklega gegn Birni
Bjarnasyni í þeim tilgangi að skaða
möguleika hans í komandi prófkjöri,
þá er sú ásökun jafntilhæfulaus og
hún er fáránleg. Þó svo að ungir
sjálfstæðismenn séu ekki sammála
dómsmálaráðherra í þessu tiltekna
máli, þá nýtur hann mikillar og
verðskuldaðrar virðingar í okkar
röðum. Ungir sjálfstæðismenn geta
hins vegar ekki látið óttann við að
ályktanir þeirra verði túlkaðar út og
suður af samsæriskenningasmiðum
koma í veg fyrir að þeir láti til sín
taka í þjóðamálaumræðunni.
Það vill þannig til að stjórn SUS
samþykkti á áðurnefndum fundi
ályktanir um fleiri mál en hug-
myndir um leyniþjónustu. Til að
mynda var fjármálaráðherra harð-
lega gagnrýndur fyrir að stórauka
útgjöld ríkisins samkvæmt nýju fjár-
lagafrumvarpi og menntamálaráð-
herra var gagnrýndur fyrir að ganga
gegn grundvallarhugmyndum sjálf-
stæðisstefnunnar með stefnu sinni
í málefnum Ríkisútvarpsins, auk
þess sem ríkisstjórnin, og þar með
fyrst og fremst forsætisráðherra, var
gagnrýnd fyrir að aflétta frestun á
opinberum framkvæmdum.
Hlutverk SUS í þessum efnum
er skýrt og klárt: Að veita forystu-
mönnum flokksins málefnalegt að-
hald. Ráðherrar flokksins og aðrir for-
ystumenngerasérvelgreinfyrirþessu
hlutverki ungra sjálfstæðismanna og
taka gagnrýninni að jafnaði vel, jafn-
vel þótt hún kunni á köflum að vera
nokkuð hörð. Þannig er því farið með
Björn Bjarnason. Ólíkt Ándrési, sem
sér samsæriskenningar á hverju strái,
þá hefur dómsmálaráðherra með við-
brögðum sínum við ályktun SUS sýnt
að honum er full alvara með því að
vilja efna til málefnalegrar og hrein-
skilinnar umræðu um öryggismál.
Stjórn SUS er að nokkru leyti á
öndverðum meiði við dómsmálaráð-
herra í þessu máli en mestu skiptir
að gagnleg skoðanaskipti leiði til
farsællar niðurstöðu um hvernig rík-
isvaldið geti og eigi að gæta öryggis
borgaranna. Ungir sjálfstæðismenn
munu glaðir ganga til þeirrar um-
ræðu sem vonandi fer fram í friði
fyrir þeim sem ekki geta hugsað um
pólitík án þess týnast í ímynduðum
heimi samsæriskenninga.
Höfundur er formaður SUS
Klippt & skorið
Jón Baldvin Hannibalsson, fyrrverandi
utanríkisráðherra, sparar ekki stóru orðin í
Morgunblaðinu þegar hann er spurður út í
grein Þórs Whiteheads. Þar
var greint frá því að hann og
Steingrímur Hermanns-
son hefðu beðið diplómatann
Róbert Trausta Árnason að
grennslast fyrir um það hvort
Svavar Gestsson, þáverandi menntamálaráð-
herra, hafi verið í einhverju sambandi við austur-
þýsku leyniþjónustuna. Jón Baldvin sakar Róbert
Trausta um uppspuna, róg og níð, sem hlýtur að
teljast óvenjulegt af fyrrverandi ráðherra um
fyrrverandi undirmann sinn, flekklausan embætt-
ismann og fyrrverandi forsetaritara, sem aukin
heldurstyðstviðdagbækursínarummálið.
Eins og fram kom á forsíðu Biaðsins
í gær komu þessi tíðindi Svavari
Gestssyni algerlega f opna skjöldu,
en varla hefur honum komið á óvart að ein-
hverjir væru forvitnir um
tengsl hans við félagana í
austri, enda var hann bein-
línis gerður út af örkinni
þangað til þess að læra að
verða kommúnistaleiðtogi.
Hann hefur þó tæpast átt von á að þessir
samráðherrar sínir væru að gramsa í fortíð
sinni. Málið er svo enn óþægilegra fyrir það
að nú eru þeir Jón Baldvin og Svavar flokks-
bræður í Samfylkingunni, en innganga í
þann flokk var verðið sem Svavar keypti
sendiherratign sína fyrir.
Frambjóðandinn Róbert Marshall
hefur komið sér upp vef (marshall.is)
þar sem hann bloggar m.a. um hvala-
málið hið nýjasta: „Að leggja
j hvalveiðar án þess að hafa
útbúið vinnslustað hvalsins,
er það ekki svipað og að fara
í lundaveiði án þess að vera
með veiðikort?" Telur hann
þetta mikið óráð allt saman, ekki síst þar sem
það geti spillt fyrir möguleikum íslands við að
komast í Öryggisráð Sameinuðu þjóðanna. Vef-
Þjóðviljinn (andriki.is) telur það á hinn bóginn
óvæntan glaðning, þangað eigi ísland ekkert
erindi.
andres.magnusson@bladid.is