blaðið - 20.10.2006, Blaðsíða 18

18 FÖSTUDAGUR 20. OKTÓBER 2006
blaöið
ÞEIR SOGÐU
SIGUR HLUNKANNA
/ 40 ára upprifjunarprógrammi RÚV á dögunum var sláandi hvað
JJ allir voru slank og fitt í gamla daga. [...] Elvis ræfillinn átti að hafa
verið afmyndaður vegna fitu...en myndi teljast meðalmaður í dag.“
DR. GUNNII BAKÞÖNKUM FRÉTTABLAÐSINS.
skyr.co.uk eða skyr.com?
Eftir að hafa skoðað málið ýtarlega er ég sann-
j/færður um að samkeppni verður mun meiri í
framtíðinni og fyrst og fremst erlendis frá. “
GUOBRANDUR SIGURDSSON, FORSTJÓRI MS, LEGGUR KALT MAT A STÓÐUNAI MORGUNBLADINU I GÆR.
Munur milli hæstu
og lægstu launa
vex Hefur nærri tvö-
faldast frá árinu 1994
Kynbundinn launamunur:
Lítið áorkast á
síðustu tólf árum
Lítið hefur dregið úr kyn-
bundnum launamun á síðast-
liðnum tólf árum samkvæmt
nýútkominni rannsókn um launa-
myndun og kynbundinn launa-
mun. Rannsóknin var unnin af
Capacent Gallup fyrir félagsmála-
ráðuneytið og var hún kynnt á sér-
stökum blaðamannfundi í gær.
Þegar búið'var að taka tilliti
til starfsstéttar, aldurs, starfsald-
urs og vinnutíma reyndist launa-
munur nú milli karla og kvenna
vera 15,7 prósent að meðaltali.
Árið 1994 mældist munurinn
16 prósent og hefur því aðeins
minnkað um 0,3 prósent á síðast-
liðnum tólf árum.
Þá kemur fram í niðurstöðu
rannsóknarinnar að munur milli
hæstu og lægstu launa hefur
nærri tvöfaldast á því tímabili
sem rannsóknin nær yfir. Árið
1994 reyndist munurinn áttfaldur
meðal karla og fimmfaldur meðal
kvenna. I dag er munurinn hins
vegar fjórtánfaldur hjá körlum og
ellefufaldur hjá konum.
Fagleg ræsting
fyrirtækja
er bæði betri og ódýrari

Gúmmívinnustofan
SP dekk
__ POIAR
VETRARDEKK
JEPPLINGADEKK
POLAR RAFGEYMAR
GÚMMÍVINNUSTOFAM
Skipholti 35 105 RVK
Sími: 553 1055
www.gummivinnustofan.i
Opið: Mán - fös 8-18 • Lau
HreinC
Auöbrekku 8, 200 Kópavogi, sími 554 6088, hreint@hreint.is, www.hreint.is
Bandarísk stjórnvöld móta nýja geimstefnu:
Öryggi tryggt
úr geimnum
■ Áskilja sér rétt til þess að koma í veg fyrir árásir utan úr geimi
■ Segja stefnuna ekki forleik að vígvæðingu himingeimsins
Eftir Örn Arnarson
orn@bladid.net
George Bush, forseti Bandaríkjanna,
hefur . staðfest nýja geimstefnu
Bandaríkjanna. Stefnan þykir
marka áherslubreytingu stjórn-
valda og útilokar hún meðal annars
að stjórnvöld staðfesti afvopnunar-
samninga sem takmarka svigrúm
þeirra til að vígvæðast í geimnum.
Einnig áskila stjórnvöld sér með
stefnunni rétt til þess að koma í
veg fyrir að einhverjir komi sér upp
getu til þess að ógna öryggi og hags-
munum Bandaríkjamanna utan úr
himingeimnum.
Geimstefnunni er ætlað að
tryggja þjóðaröryggi og auka getu
stjórnvalda til þess að ná fram mark-
miðum utanríkisstefnu sinnar. I
stefnunni er lagt til að varnarmála-
ráðuneytið þrói búnað sem getur
stutt við eldflaugavarnir á jörðu
niðri frá himingeimnum.
Geimstefna Bandaríkjanna hefur
ekki verið endurskoðuð í tíu ár.
Stefnan sem var mótuð í forsetatíð
Bills Clintons á tíunda áratug síð-
ustu aldar lagði meiri áherslu á vis-
indarannsóknir en útilokaði ekki
þróun vopna sem er hægt að nota
í geimnum. Að sögn sérfræðinga
gengur stefna Bush-stjórnarinnar
skrefinu lengra og orðalag hennar
er með þeim hætti að stjórnvöld úti-
loka ekkert varðandi vígvæðingu
geimsins. En þrátt fyrir að ekkert
sé útilokað varðandi vígvæðingu
Bandaríkjahers í geimnum og að
stjórnvöld áskilji sér rétt til þess að
beita úrræðum til þess að koma i veg
fyrir að aðrir geri það þá segja stjórn-
völd að stefnan sé ekki forleikur að
nýrri stjörnustríðsáætlun. Banda-
ríska dagblaðið Washington Post
hefur eftir ónafngreindum embætt-
ismanni að stefnan snúist alls ekki
um vígvæðingu eða beitingu vopna
í geimnum. Hinsvegar bendir tals-
maður Þjóðaröryggisráðsins á að
stefnan endurspegli þá staðreynd
að tækniþróun hefur gert það að
verkum að himingeimurinn er orð-
inn mikilvægur hluti af viðskipta-,
hernaðar- og öryggishagsmunum
Bandaríkjanna.
Þrátt fyrir að stjórnvöld neiti því
að einhverskonar vígvæðing geims-
Stefnu Bush mótmælt
Sumir sérfræðingar telja
að vígvæðist Bandaríkja-
menn úti igeimnum muni
það leiða til vigbúnaðar-
kapphlaups.
ins felist í nýjugeimstefnunni bendir
margt til annars. Stefnan var mótuð
í kjölfar vinnu sem Þjóðaröryggis-
ráðið réðst í fyrir nokkrum árum
og lagði meðal annars mat á þáver-
andi stefnu stjórnvalda i málefnum
hernaðar og himingeims. Hinn
gríðarlegi hernaðarmáttur Banda-
ríkjamanna byggir meðal annars
á samskiptakerfum og upplýsinga-
öflun gegnum gervihnetti og óttast
er að óvinir Bandaríkjanna gætu
lamað hernaðaraðgerðir þeirra með
því að „ráðast” á þá. Óvarðar eignir
bandarískra stjórnvalda í geimnum
kunna að verða að veikleika. Mat
manna innan hersins er að nauðsyn-
legt sé að koma upp kerfi í geimnum
sem ver gervihnetti, og hugsanlega
geimför, fyrir slíkum árásum. And-
stæðingar slíkra áætlana benda
á að þær myndu leiða til þess að
aðrar þjóðir myndu bregðast við
Hálfklárað helstirni Samkvæmt
geimstefnu Bush-stjórnarinnar
myndu Bandaríkjamenn koma í veg
fyrir smíði helstirnis.
með sambærilegum aðgerðum og
vopnakapphlaup myndi hefjast í
geimnum. Mörg ríki hafa barist
fyrir alþjóðasamningi sem bannar
vígvæðingu himingeimsins. Banda-
risk stjórnvöld hafa alla tíð verið
andvíg slíkum samningum.
Landbúnaðarráðherra:
Lætur skólann drabbast niður
„Landbúnaðarráðherra hefur ekki
sinnt skólanum nokkurn skapaðan
hlut og lætur hann drabbast niður,“
segir Kjartan Ólafsson, þingmaður
Sjálfstæðisflokksins. Kjartan er
mjög óánægður með menntamál í
landbúnaði,
„Garðyrkjuskólinn í Ölfusi var
sameinaður Landbúnaðarháskól-
anum á Hvanneyri fyrir nokkrum
árum síðan og ráðherra hefur látið
þá stofnun morkna niður.“
Guðni Ágústsson, landbúnaðar-
ráðherra, hefur lagt fram frumvarp
Hólar í Hjaltadal Hólskóli verðurað
Hólaskóla-Háskólanum á Hólum.
þar sem skólinn á Hólum ( Hjalta-
dal verður gerður að sérstökum há-
skóla. Kjartan segir Hólaskóla verða
örháskóla með örfáum nemendum.
, f þessu skólakerfi okkar eru allir
skólar undir menntamálaráðuneyt-
inu nema Landbúnaðarháskólinn
á Hvanneyri og Hólaskólinn. Við
verðum að skoða og klára málin
heildstætt, en ekki vera að mola
þetta niður og sleppa því að sinna
öðru sem verið er að gera. Skólinn
á Reykjum í Ölfusi er stofnun sem
varðar allt sem er grænt og umhverf-
isvænt í samfélaginu. Þörfin og
áhuginn er mikill í samfélaginu en
landbúnaðarráðherra sinnir þrátt
fyrir það þessum skóla ekki neitt.“