blaðið - 13.02.2007, Qupperneq 18
26 ÞRIÐJUDAGUR 13. FEBRÚAR 2007
blaöiö
TT
Hreiðar Eiríksson, BA í lögfræði, fiytur í dag erindi um hernaðarí-
hlutun af mannúðarástæðum á Lögfræðitorgi Háskólans á Akureyri.
Erindið hefst klukkan 12 í stofu L201 Sólborg v/Norðurslóð.
Pan's Labyrinth eftir Guillermo Del Toro sem
sýnd er um þessar mundir í Græna Ijósinu.
Snilldarlegt ævintýri fyrir fullorðna.
menning@bladid.net
Terem-
kvartettinn í
Salnum
Rússneski Terem-kvartettinn
heldur tónleika í Salnum (
Kópavogi fimmtudagskvöldið
15. febrúar. Piltarnir eru þegar
orðnir átrúnaðargoð í heimalandi
sínu en þessi fjörugi og lífsglaði
kvartett hefur unnið til fjölda við-
urkenninga, fengið persónulega
blessun páfa og móður Theresu,
auk þess að hafa hlotið nafnbót-
ina þjóðargersemi Rússlands hjá
gagnrýnendum.
Terem-kvartettinn kom fyrst fram
á fslandi á rússneskri menningar-
hátíð í Kópavogi í október 2005
og sló þá eftirminnilega í gegn.
Þeir nutu dvalarinnar hér og vildu
gjarnan koma á ný í Salinn og
leika fyrir (slendinga. Að þessu
sinni óskuðu þeir eftir að fá Diddú
í lið með sér og nú eru þessir
tónleikar að verða að veruleika.
Terem og Diddú halda aðeins
þessa einu tónleika í TÍBRÁ, tón-
leikaröðinni í Salnum.
Pjóðleikhúsið á
bak við blæju
Þjóðleikhúsið æfir nú af fullum
krafti leikritið Hálsfesti Helenu
eftir margverðlaunaðan kanad-
ískan höfund, Carole Fréchette.
Verkið gerist á okkar tímum fyrir
botni Miðjarðarhafs og er í stuttu
máli stefnumót okkar vestrænu
viðhorfa við þau austrænu, séð
með augum aðalpersónunnar He-
lenu sem kemur úr norðri. Verkið
var frumflutt í Damaskus í Sýr-
landi árið 2002 þar sem líþanskur
leikstjóri, Nabil El Azan, setti það
á svið en hann er giftur íslenskri
konu, Ragnheiði Ásgeirsdóttur
leikhúsfræðingi.
Aðalhlutverkið, Helenu, leikur ein
af okkar allra norrænustu leik-
konum, Edda Arnljótsdóttir. og
leikstjóri er María Sigurðardóttir.
Carmina flytur
Requiem
Kammerkórinn Carmina mun
flytja Requiem eða Sálumessu
eftir spænska endurreisnartón-
skáldið Tomás Luis de Victoria í
fyrsta sinn á íslandi á tónleikum (
Kristskirkju í mars næstkomandi.
Victoria var fremsta tónskáld
Spánverja á 16. öld og sálu-
messan þykir hans merkasta verk.
Hún var samin við andlát Maríu
keisaraynju Spánar árið 1603, en
Victoria hafði verið hirðtónskáld
hennar um áratuga skeið.
Kórinn vakti mikla athygli þegar
hann söng ásamt breska söng-
hópnum The Tallis Scholars á tón-
leikum í Langholtskirkju fyrir rúmu
ári. Tónleikarnir í Kristskirkju
verða 17. og 18. mars og hefjast
klukkan 16 báða dagana.
Tónskáldið Háskótakór-
inn flytur Hrafnamál eftir
Hreiðar Inga á morgun.
Mynd/Frikki\
Þjóðlegt Broadwaystykki
áskólatónleikar eru
löngu orðnir að föst-
um lið í menningar-
lífi borgarinnar og sí-
fellt fleiri sem nýta sér
það að setjast niður í hádeginu og
næra andann á fögrum tónum. A
tónleikunum á morgun verða ung
tónskáld í aðalhlutverki og mun
Háskólakórinn flytja verk eftir þau
Egil Guðmundsson, Mamiko Dís
Ragnarsdóttur, Pál Ragnar Pálsson,
Hafdísi Bjarnadóttur og Hreiðar
Inga Þorsteinsson sem öll stunda
nám við Listaháskóla íslands.
Hreiðar Ingi Þorsteinsson hefur
árum saman fengist við tónlist þó
ungur sé að árum. Hann hefur lært
söng, kórstjórn og er nú að ljúka
námi frá tónsmíðadeild Listahá-
skólans. „Kórinn flytur eftir mig
stutt verk sem nefnist Hrafnamál
og var samið í fyrra og frumflutt af
Hljómeyki. Þar vísa ég í hin ýmsu
þjóðlegheit og poppa þau svolítið
upp. Þar bregður til dæmis fyrir lag-
inu Krummi svaf í klettagjá sem ég
krydda með stappi, hvísli og klappi.
Ég myndi helst vilja lýsa þessu sem
þjóðlegu Broadway-stykki,“ segir
Hreiðar Ingi Þorsteinsson hlæj-
andi.
Ræturnar dýrmætar
„Ég fékk mitt tónlistarlega uppeldi
í Skálholti hjá Hilmari Erni Agnars-
syni sem var mér ótrúlega dýrmætt.
Hann kenndi mér að bera virðingu
fyrir allri þeirri tegund tónlistar
sem gefur mér eitthvað. Ég kláraði
svo tónmenntakennaradeildina
árið 2001 og að því loknu sneri ég
mér að því að gefa út geisladiska
með verkum mínum, stjórnaði kór-
um og brallaði ýmislegt. Svo kom
sá tími að mér fannst ég þurfa að
fara yfir í tónsmíðarnar. Eg skellti
mér í Listaháskólann þar sem ég
sérhæfi mig í því að skrifa kór- og
einsöngsverk. Það finnst mér vera
mest spennandi, draumurinn er
að verða kórstjóri þannig að það er
ómetanlegt sem slíkur að þekkja
hljóðfærið sitt.“ Hreiðar hóf nám
sitt í tónsmíðum hjá Þorkatli Sig-
urbjörnssyni og fór síðan til Hróð-
mars Inga Sigurbjörnssonar sem
hann hefur verið hjá í tvö ár. „Svo
eru ótal aðrir kennarar sem hafa
haft mikil áhrif á mig, til dæmis
Árni Heimir Ingólfsson tónlistar-
fræðingur."
Finnland heillar
Aðspurður um næstu verkefni
segir Hreiðar að nóg sé á döfinni.
„Mitt lokaverkefni er Stabat Mater
og ég er að vinna í því núna. Það
verður frumflutt á föstudaginn
langa í Finnlandi. Ég fór þangað
sem skiptinemi í fyrra og kynntist
þar mikilli kraftaverkakonu sem
heitir Rita Varonen og er einn af
færustu kórstjórum Finna. Hún
pantaði þetta verk hjá mér og það
var mikill heiður fyrir mig að fá
tækifæri til að vinna að því. Næsta
vetur langar mig að dvelja í Finn-
landi, læra finnsku og setjast svo
á skólabekk við Sibeliusarakadem-
íuna í tónlistarfræði. Þar ætla ég að
stúdera finnskan ljóðasöng sem er
mikill fjársjóður en sárafáir vita af,”
segir Hreiðar Ingi að lokum.
Tónleikarnir eru á morgun, mið-
vikudaginn 14. febrúar, og hefjast
klukkan 12:30 í Hátíðarsal Háskóla
íslands.
Bregovic væntanlegur á Listahátíð
Áhugafólk um balkanska menn-
ingu kannast vel við tónskáldið
og gítarleikarann Goran Bregovic
sem um árabil hefur verið einn
helsti merkisberi balkanskrar tón-
listar. Bregovic nýtur mikillar hylli
um alla Evrópu þó ferillinn hafi byrj-
að fremur brösulega en honum var
barnungum vikið úr tónlistarskólan-
um í heimabæ sínum Sarajevo fyrir
skort á hæfileikum. Það átti þó held-
ur betur eftir að rætast úr piltinum
og í dag þekkja flestir tónlistarunn-
endur nafn hans.
Aðdáendur Bregovic á íslandi hafa
heldur betur ástæðu til að kætast
þessa dagana því kappinn sjálfur er
væntanlegur á Listahátíð í Reykjavík
þann 19. maí með fríðu föruneyti
sem í eru um 40 manns, meðal ann-
ars serbneskur karlakór, strengja-
sveit og brassband.
Nýverið steig Bregovic á stokk fyr-
ir 200 þúsund manns á tónlistarhátíð
í Montreal og mjög góður rómur var
gerður að tónleikum hans í Lincoln
Center í New York fyrr á þessu ári. í
lok níunda áratugarins fór Bregovic
að leggja lag sitt við kvikmyndatón-
list og öðru fremur er það sú tónlist
sem hefur aflað honum allra þeirra
vinsælda sem hann nýtur nú víða um
lönd. Myndir Emir Kusturica, Und-
erground, Arizona Dream og Time
of the Gypsies, áunnu Bregovic ótal
aðdáendur aukþess sem hann samdi
líka tónlist í mynd Patrice Chéreau,
Margot drottning, frá 1994 en hún
hlaut mikið lof og tvenn verðlaun á
kvikmyndahátíðinni í Cannes það
ár. í gegnum kvikmyndatónlist sína
hefur Bregovic unnið með ýmsum
heimsfrægum tónlistarmönnum, til
dæmis Cesariu Evora, söngkonunni
yndislegu frá Grænhöfðaeyjum, og
gamla brýninu Iggy Pop.