blaðið - 27.02.2007, Side 4

4 ÞRIÐJUDAGUR 27. FEBRÖAR 2007
blaðið
REYKJAVÍK
Fór inn til nágranna og stal málverkum
INNLENT
Lögreglan á höfuðborgarsvæðinu handtók í fyrrinótt
konu sem farið hafði inn í nágrannaíbúð í Breiðholtinu
og stolið málverkum þaðan. Nágrannar urðu varir við
að einhver hefði farið inn í íbúðina, en eigandi hennar
er á sjúkrastofnun, og létu lögreglu vita.
ÍSLANDSPÓSTUR
240 milljóna hagnaður
Hagnaður af rekstri fslandspósts nam 240 milljónum
króna árið 2006. Heildartekjur félagsins á siðasta ári
námu 5,7 milljörðum króna og höfðu aukist um fjórtán pró-
sent frá fyrra ári. Heildareignir voru 4,3 milljarðar króna í
árslok 2006 og höfðu aukist um tólf prósent frá fyrra ári.
HVALFJARÐARGÖNGIN
Veggjald lækkar á miðvikudaginn
Veggjaldið í Hvalfjarðargöngum lækkar á miðviku-
daginn og mun stök ferð í fyrsta gjaldflokki nú
kosta 900 krónur. Á heimasíðu Spalar segir að ríkið
sjái af tekjum upp á um 70 milljónir króna á ári með
helmingslækkun virðisaukaskatts á veggjöldum.
Lagt hald á tölvur Búið er að yfirheyra þrjá
menn grunaða um að tengjast eriendum
klámhring og barnaklámi.
Erlendur klámhringur:
Unnið úr gögnum
„Mennirnir eru grunaðir um
að hafa tengst barnaklámi. Við
bíðum núna eftir niðurstöðum úr
rannsókn á tölvunum til að geta
sýnt fram á það,“ segir Björgvin
Björgvinsson.aðstoðaryfirlögreglu-
þjónn höfuðborgarlögreglunnar.
Þrír karlmenn á fertugsaldri eru
grunaðir um að tengjast erlendum
klámhring sem býður upp á klám-
fengið efni tengt börnum. Aust-
urríska lögreglan kom upp um
hringinn og rannsóknin leiddi í
ljós að einstaklingar frá sjötíu og
sjö löndum sóttu sér myndefni.
Björgvin segir að búið sé að yfir-
heyra mennina og leggja hald á
tölvur þeirra. „Þetta eru allt prívat-
tölvur og mikilvægast er að vinna
úr gögnunum," segir Björgvin.
Frjálslyndir:
Jón og Magnús
fram í Reykjavík
Jón Magnússon, sem var þing-
mannsefni Nýs afls í síðustu
kosningum, skipar efsta sæti
framboðslista Frjálslynda flokks-
ins í Reykjavík suður. I Reykjavík
norður skipar Magnús Þór Haf-
steinsson þingmaður efsta sæti.
Ákveðið hefur verið að Kolbrún
Stefánsdóttir, ritari flokksins,
verði í fyrsta sæti í Kraganum.
Valdimar Leó Friðriksson, sem
áður var þingmaður Samfylking-
arinnar, sóttist eftir því sæti.
Sigurjón Þórðarson þing-
maður verður í fyrsta sæti
Norðausturkjördæmi
en Guðjón Arnar Krist-
jánsson í fyrsta sæti í
Norðvesturkjördæmi.
Miðstjórn, sem
kemur saman t. mars,
mun þó hafa síðasta
orðið um skipan
listans.
Frjálslyndir Jón Magnússon og Magnús Þór Hafsteins
'Æfc t son leiða sinn listann hvor i Reykjavfkurkjördæmunum.
Gytfoflöt 3-112 Reykjovik • Sími 567 4468
dekk@gummitteypo.is • www.gummisteypa.it
GENERAL TIRE ®.
Vist eftir skóla Erla Gunnarsdótt-
ir, skólastjóri Safamýrarskóia, seg-
ir það jákvætt að yfirvöld hafi séð
og viðurkennt þörfina fyrir vistun
handa börnunum.
ilatrófið
'fi ■ ! U
WÍMmi
Mynd/Frikki

i 1- í

Frístundaheimili fyrir fötluö börn í Reykjavík:
Ekki í framkvæmd
fyrr en næsta haust
■ Undirbúningur stendur yfir ■ Ekki jafnræði meðal barnanna
■ Foreldrar hætta að vinna
Eftir Heiðu Björk Vigfúsdóttur
heida@bladid.net
Börnum með fötlun, sem eru í 5. til
10. bekk grunnskóla, mun standa til
boða vistun eftir skóla næsta haust í
Reykjavík. Foreldrar þessara barna
hafa haft litlar bjargir og í mörgum
tilfellum hefur annað foreldrið
þurft að minnka við sig vinnu og
jafnvel hætta, samkvæmt Hrefnu
Haraldsdóttur, foreldraráðgjafa hjá
Sjónarhóli.
Vilja rjúfa félagslega einangrun
I lok síðasta árs var ákveðið að
bjóða öllum fötluðum börnum
upp á frístundaheimili sem nú er
einungis í boði fyrir börn í 1. til 4.
bekk í almennum grunnskólum.
ÍTR hefur verið falið að undirbúa
frístundaheimilin fyrir Reykja-
víkurborg samkvæmt Soffíu Páls-
dóttur, skrifstofustjóra skrifstofu
tómstundamála ÍTR.
„Við stefnum að því að vera komin
með þessa þjónustu næsta haust,“
segir Soffía. „Við erum núna í næstu
viku að fara að leggja fram könnun
meðal foreldra þessara barna til að
kanna hverjar þarfirnar eru. Fjár-
magn fyrir verkefnið er komið en
núna eigum við eftir að útvega hús-
næði, starfsmenn og akstur.“
Samkvæmt Soffíu eru 177 börn
á þessum aldri í Reykjavík sem
gætu nýtt sér þetta úrræði í haust
og verða hafðar nokkrar stöðvar í
borginni. „Með þessu verður reynt
að rjúfa þessa félagslegu einangrun
sem þessir krakkar lenda svo mikið
í. Þetta var stórt skref sem þarna var
tekið. “
Hafa gefist upp á skólunum
Öskjuhlíðarskóli og Safamýrar-
skóli eru þeir einu í Reykjavík sem
hafa vistun fyrir börn upp í 10. bekk.
Hrefna hjá Sjónarhóli segir fá úrræði
fyrr í boði fyrir þau sem ganga í aðra
skóla. „Foreldrar hafa hreinlega gef-
ist upp á því að vera með barnið í al-
mennum skóla,“ segir Hrefna. „Jafn-
ræðis hefur ekki verið gætt varðandi
þjónustuna eftir því hvort barnið er
í almennum skóla eða sérskóla. Það
er hins vegar mjög mikilvægt. Hvar
sem barnið er á það að fá sömu þjón-
ustuna. Fólk á ekki að þurfa að velja
þennan skóla eða hinn bara eftir
þjónustunni sem er í boði.“
Erla Gunnarsdóttir, skólastjóri
Safamýrarskóla, segir það jákvætt
að yfirvöld hafi séð og viðurkennt
þörfina fyrir vistun handa börn-
unum. „Það er skelfilegt að öllum
fötluðum börnum skuli ekki vera
tryggð vistun eftir skóla því að
þörfin minnkar ekkert þó þau eld-
ist. Fyrir þessa nemendur þá er ekki
hægt að hætta eftir fjórða bekk. Þau
þurfa þessa þjónustu áfram og fjöl-
skyldurnar þurfa líka á því að halda
að börnin fái þessa þjónustu.“
Kostar blóð, svita og tár
Bryndís Snæbjörnsdóttir er móðir
10 og 12 ára gamalla daufdumbra
stelpna en þær misstu heyrn þegar
þær voru um 5 ára og sjón um 7 ára.
Við stefnum að
því að þjón-
ustunni næsta
haust
Soffía Pálsdótfir,
hjá ITR
Sú eldri er nú orðin ósjálfbjarga í
hjólastól. Bryndís var í fullu starfi
þangað til í fyrrahaust þegar hún
fór í hlutastarf en hefur nú hún hins
vegar þurft að hætta alveg að vinna
til að sjá um stelpurnar sínar.
„Ég hefði viljað sjá þetta fyrir
löngu síðan. Ef þeim hefði staðið
til boða vistun þá hefði ég hugsan-
lega getað verið í fullri vinnu. Ég
er ekki í neinum vafa um það að
þótt ég vildi vera í einhverju starfi
eða eiga mér eitthvert líf þá hefði
ég ekki val um það. Við sem eigum
börnin erum sjálfskipuð í þetta
umönnunarhlutverk.“
Stelpurnar tvær eru í almennum
skóla og fylgja þær námskrá bekkjar-
ins. „Það er búið að kosta blóð, svita
og tár að ná því í gegn. Þær standa
sig ágætlega námslega séð en ekkert
sérstaklega vel félagslega myndi ég
segja.“ Bryndís segir það hugsanlegt
að þær væru sterkari félagslega ef þær
hefðu aðgang að frístundaheimili
eftir skóla. „Venjuleg börn á þessum
aldri geta bjargað sér og farið heim
eftir skóla. Foreldrar fatlaðra barna
senda þau ekki bara heim með lykil.
Önnur börn geta líka farið sjálf og
spurt eftir vinum sínum. Það geta
stelpurnar mínar ekki gert.“