blaðið - 07.07.2007, Blaðsíða 2

FRETTIR
LAUGARDAGUR 7. JULI 2007
blaöió
Viðskiptaráðherra vegna bráðabirgðalaga um rafmagn á gamla vamarsvæðinu
Ætla ekki að stöðva uppbyggingu
Leyfilegt að nota
raflagnirnar í þrjú ár
„Það var einfaldlega ekki komin
fram ósk um þetta á meðan þingið
sat. Hins vegar blasir við að annað-
hvort er leitað leiða til að gera Þró-
unarfélagi Keflavíkurflugvallar og
Keili kleift að hefja mikilvæga og
brýna skólastarfsemi á vallarsvæð-
inu eða ekki. Við látum það ekki
stranda á þessu,“ segir Björgvin G.
Sigurðsson viðskiptaráðherra vegna
bráðabirgðalaganna um heimild
til notkunar raflagna og raffanga á
fyrrum varnarsvæðinu á Keflavíkur-
flugvelli til 1. október 2010. Forseti
fslands undirritaði í gær lögin sem
afgreidd voru á fundi ríkisstjórnar-
innar í gærmorgun.
Þingflokkur Frjálslynda flokksins
átaldi í gær ríkisstjórnina fyrir að
sniðganga Alþingi með bráðabirgða-
lagasetningunni. Bent var á að þingið
sæti allt árið og að hægt væri að kalla
það saman með stuttum fyrirvara.
„Þetta kom inn á okkar borð núna.
Það vita það allir að þing er ekki
kallað saman í júlí. Þetta er smávægi-
leg ákvörðun í sjálfu sér,“ leggur við-
skiptaráðherra áherslu á.
Spurður um hvort ekki sé einkenni-
legt að ósk um lagasetningu hafi ekki
komið fyrr segir ráðherrann: „Það
má alveg segja að það sé skrýtið en
þetta skiptir engu máli. Það er alltaf
leiðinlegt að setja bráðabirgðalög en
þetta eru bara brýnir almannahags-
munir. Ég ætla ekki að stöðva upp-
byggingu á svæðinu út af þessu.“
Skólastarf hefst á fyrrum varnar-
svæðinu í haust og til stendur að af-
henda fyrstu íbúðir þar um miðjan
ágúst.
ingibjorg@bladid.net
ÞEKKIRÞÚTIL?
Hringdu í síma 510 3700 eða
sendu póst á bladid@bladid.net
Bráðabirgðalög
• Sumarið 2007: Bráðabirgðalög
um notkun raflagna og raffanga
í núverandi ástandi á íbúða- og
skólasvæði fyrrum varnarsvæðis
á Keflavíkurflugvelli.
• Sumarið 2003: Bráðabirgðalög
sem staðfestu tilskipun ESB um
viðskipti með eldisfisk. Sett til að
hnekkja innflutningsbanni íra og
Breta á eldisfiski frá fslandi.
• Árslok 2001: Bráðabirgðalög
sem heimiluðu ríkisstjórninni
að veita ábyrgð á tryggingum
íslenskra flugfélaga í kjölfar
hryðjuverkanna f Bandaríkjunum
íi. september sama ár.
• Sumarið 1998: Bráðabirgðalög
um breytingu á sveitarstjórnar-
lögum vegna efasemda um gildis-
töku laga um breytingarnar.
ibs
Háskóli íslands
Sértekjur rúmir
þrír mi Ijarðar
Sértekjur Háskóla fslands árið
2006 voru 3,2 milljarðar eða
39 prósent af heildarveltu. Á
ársfundi skólans kom fram að
framlag ríkisins hefði verið
rúmir fimm milljarðar og
rekstrargjöld um 8,2 milljarðar.
Nemendur voru 8.939 og heildar-
fjöldi ársverka starfsmanna 993.
Kristín Ingólfsdóttir rektor sagði
að árið hefði einkennst af stefnu-
mótunarstarfi háskólans. aí
Umferðarmenning
Svína á bif-
hjólafólkinu
„Umferðarstofu hafa borist
fregnir af óbeislaðri og óheftri
andúð einstaka bílstjóra á bif-
hjólafólki," segir Einar Magnús
Magnússon, upplýsingafulltrúi
umferðarstofu. Hann bendir á
að bifhjólamenn séu stór hluti
vegfarenda og hafi sama rétt í
umferðinni og aðrir. ai
Skriffinnska hamlar
samkeppni í lyfjum
■ 100 milljóna króna sparnaður TR á ári af tveimur samheitalyfjum
M Bið eftir samþykki Lyfjastofnunar allt að 16 mánuðir
Eftir Ingibjörgu B. Sveinsdóttur
ingibjorg@bladid.net
„Tryggingastofnun hefur sparað
um 100 milljónir á ársgrundvelli
frá því að fyrstu tvö samheitalyfin
okkar komu á markað 2006, fyrir
utan þær upphæðir sem neytendur
hafa sparað." Þetta segir OÍgeir 01-
geirsson, framkvæmdastjóri Port-
farma sem flutt hefur inn samheita-
lyf í tvö ár. Hann segir sparnaðinn
geta verið enn meiri væri biðtím-
inn eftir afgreiðslu Lyfjastofnunar
styttri, en hann getur verið allt að
16 mánuðum.
„Biðin eftir því að Lyfjastofnun
samþykki lyf getur tekið allt að 16
mánuði. Á meðan er ekki hægt að
selja vöruna. Þessi töf kemur niður
á lyfjaverðinu og þar með neyt-
endum,“ segir Olgeir. Hann segir
Lyfjastofnun eiga að hafa 7 mánuði
til verksins en yfirleitt geri menn ráð
fyrir að þurfa að bíða tvöfalt lengri
tíma. „Þar segja menn manneklu
um að kenna. Mér finnst að auka
eigi íjárframlög til stofnunarinnar
svo að hún geti fjölgað starfsfólki. Á
meðan þessu er svona háttað verður
ekki samkeppni á lyfjamarkaðnum
og þess vegna lækkar ekki lyfja-
verðið. Það kostar nefnilega að reka
fyrirtæki."
Rannveig Gunnarsdóttir, for-
stjóri Lyfjastofnunar, segir mann-
eklu bara einn hluta skýringarinnar.
„Yfirleitt tekst okkur að afgreiða um-
sóknir innan tilskilins tíma. Það er
hins vegar alveg ljóst að það þyrfti
að fjölga hjá okkur til að hraða af-
greiðslu. En það er ekki bara töf hjá
okkur. Stundum þurfum við líka að
bíða eftir upplýsingum frá umsækj-
anda varðandi tæknileg atriði sem
hann þarf að uppfylla.“
Portfarma var stofnað árið 2005
en undirbúningur stofnunar inn-
flutningsfyrirtækisins hafði þá
tekið tvö ár. „Þegar maður er búinn
að velja lyf sem maður ætlar að selja
þarf að kaupa svokölluð skráningar-
gögn, það er að segja uppskrift að
lyfinu. Þessi gögn geta kostað 50 til
70 þúsund evrur en verðið fer eftir
því hversu stóra markaði maður fer
inn á. Svo þarf að kanna hvort allt
sé framleitt eftir þeim gæðastöðlum
sem krafist er. Greiða þarf lyfjafræð-
ingum og sérfræðingum fyrir þá
vinnu. Það er rosalega kostnaðar-
samt að koma upp svona fyrirtæki
og þess vegna er mikilvægt að varan
komist sem fyrst á markað,“ leggur
Olgeir áherslu á.
Hið opinbera ekki í viðskiptum
Portfarma er nú með markaðs-
leyfi fyrir 4 samheitalyfjum en fram-
kvæmdastjórinn gerir ráð fyrir að
um áramótin verði lyf fyrirtækisins
á markaðnum orðin 10 til 15. Hingað
til hefur hið opinbera ekki skipt við
fyrirtækið.
LYFJAVERÐ
W Niðurgreiðsla lyfja hefur
™ numið 5 tij% milljörðum
króna á ári á undanförnum
árum. í
► Á síðasta ári nam sala á
frumlyfjum á íslandi 85 pró-
sentum af lyfjasölunni hér
á landi.
„Það eru flest apótek á landinu
í viðskiptum við okkur nema þau
sem eru á vegum hins opinbera.
Það er mikilvægt ef samkeppni á
að verða á lyfjamarkaðnum að ríkið
skipti í smátíma við þá sem eru að
koma inn á markaðinn. Það tekur
nokkur ár að komast inn á þennan
markað," segir Olgeir.
Hann bætir því við að auðvitað
geti fyrirtækið tekið þátt í útboðum.
„Við munum gera það. Viðskipti rík-
isins fara aðallega þannig fram en
þeir mega kaupa lyf þótt ekki fari
fram útboð.“
Portfarma lætur framleiða lyf í
5 Evrópulöndum og hefur, að sögn
Olgeirs, aðgang að mörg hundruð
lyfjategundum. „En þar sem okkur
skortir viðskiptavini flytjum við
ekki inn þessi lyf,“ segir hann.
VILTU VITA A/IEIRA?
Hringdu í síma 510 3700 eða
sendu póst á bladid@bladid.net
’slgPænmeti
sérmerkt þér!
Væta vestanlands
Hæg noröaustlæg átt, dálítil væta á
vestanverðu landinu fram eftir degi en
annars skýjað með köflum. Þokuloft með
noröur- og austurströndinni. Hiti 13 til 20
stig, hlýjast inn til landsins, en svalara úti
við norður- og austurströndina.
Skýjað
Norðaustlæg átt, skýjað að mestu norðan-
og austanlands og súld austanlands síð-
degis en annars skýjað með köflum. Hiti 14
til 20 stig sunnanlands, en annars svalara.
VÍÐA UM HEIM
Algarve 30 Halifax 23 New York 23
Amsterdam 15 Hamborg 17 Nuuk 13
Ankara 28 Helsinki 18 Orlando 24
Barcelona 26 kaupmannahöfn 17 Osló 23
Berlln 21 London 20 Palma 24
Chicago 32 Madrid 34 París 20
Dublin 18 Milanó 26 Prag 24
Frankfurt 21 Montreal 19 Stokkhólmur 20
Glasgow 17 Munchen 20 Þórshöfn 14
Skilorö fyrir
líkamsárás
Héraðsdómur Reykjaness
dæmdi í gær karlmann í tveggja
mánaða skilorðsbundið fang-
elsi fyrir líkamsárás. Hinn
dæmdi veittist að manni, sló
hann þrjú hnefahögg í andlitið
og sparkaði í höfuð hans með
þeim afleiðingum að hann
hlaut nefbrot, blóðnasir og
mar á öðrum hlutum höfuðs.
Ákærði krafðist vægustu refs-
ingar. Þá greiddi hann fórnar-
lambi sínu skaðabætur og féll
fórnarlambið því frá skaðabóta-
kröfu sinni í málinu. Ákærði
játaði skýlaust brot sitt og
staðfesti að það væri rétt fært
til refsiákvæða í ákæru.
Leiðrétt
Ritstjórn Blaðsins vill leiörétta hvaðeina,
sem kann að vera missagt í blaðinu.
Leiðréttingar birtast að jafnaði á síðu 2.