blaðið - 07.07.2007, Blaðsíða 27

blaðiö
LAUGARDAGUR 7. JÚLÍ 2007
27
Einkasýning Guðrúnar Veru í Gallery Turpentine
Þjóðfélagsrýni í fígúrum
Guðrún Vera Hjartardóttir hefur
opnað skúlptúrsýningu i Gallery
Turpentine við Ingólfsstræti 5a, en
hún var formlega opnuð klukkan
fimm í gær. Um er að ræða einka-
sýningu Guðrúnar Veru á svoköll-
uðum „fígúratívum skúlptúrum"
sem að þessu sinni eru í stærra
lagi miðað við hennar fyrri verk.
„Verkin eru að mestu leyti unnin
úr plastefni sem ég get mótað beint
í auk þess sem ég notast stundum
við tré, klæði og fleira“ útskýrir
Guðrún. „Það er mikil nálægð í sýn-
ingunni, en ég held við þurfum dá-
lítið á nálægð að halda nú til dags.
Ég fjalla þarna um græðgi, met-
orðagirni og holdlegar fýsnir sem
einkenna að mörgu leyti okkar
þjóðfélag, þannig að vissulega
má sjá þjóðfélagsádeilu úr verk-
unum. 011 þessi þensla, græðgin
í virkjanamálum og fleiru og allir
þessir nýríku einstaklingar, allt
þetta er tekið fyrir. Svo er svolítill
ævintýrabragur yfir þessu og það
má sjá vissar tilvísanir til dæmis í
Grimms-ævintýrin.“
Guðrún Vera stundaði nám í
skúlptúrdeild Myndlista- og hand-
íðaskóla íslands og í framhaldi
af því í listaháskóla í Enschede í
Hollandi, en það var þar sem hún
byrjaði að vinna með fígúratíva
skúlptúra af alvöru. „Þá var ekki
mikið um slíkt hérna heima en úti
í Evrópu var mikil gróska í þessu.
Ég gerði lokaverkefni sem fjallaði
um skynfærin og síðan þá hef ég
að mestu leyti einbeitt mér að því
að vinna að svona skúlptúrum,"
segir hún.
Guðrún Vera er í fullu starfi
sem listamaður og hefur verið frá
árinu 2000. „Maðurinn minn er
líka myndlistarmaður auk þess
sem hann fæst við skriftir. Þar
sem við eigum þrjú börn þurfum
við svolítið að skiptast á og púsla
tíma okkar saman til að allt gangi
upp,“ segir hún að lokum.
Guðrún Vera Hjartardóttir Fjallar
um græðgi, metorðagirni og holdleg-
ar fýsnir í list sinni.
Tónleikar í
Vatnasafni
Guðlaugur Kristinn Óttarsson
og Einar Arnaldur Melax spila
á tónleikunum „Vatn úr myllu
Kölska“ í Vatnasafninu í Stykk-
ishólmi í kvöld, laugardaginn 7.
júlí klukkan 20.30. Þar flytja þeir
nýtt tónverk ásamt því að spila
verk eldri meistara og leika á raf-
gítar, tölvugítar og slagverk
Einar lauk BA-prófi í tónlistar-
kennslu frá Tónlistarskólanum
í Reykjavík árið 1989 og síðar
framhaldsnámi í tónsmíðum
og tónvísindum frá sama skóla.
Hann hefur starfað síðan sem
tónlistarkennari og skólastjóri á
íslandi, en á sínum yngri árum
vann hann með ýmsum fjöllista-
mönnum á borð við „Medúsu-
hópinn“ með Þór Eldon, síðar
Sykurmola, sem og Sjón.
Guðlaugur Kristinn Ottarsson
er þekktur fyrir gítarleik sinn og
tónsmíðar en hann hefur leikið
með ýmsum hljómsveitum og tón-
listarmönnum á borð við Björk
og Megas, Þeyr og Kukl.
Para-Dís á
safnadaginn
Dúóið para-Dís heldur tónleika á
Gljúfrasteini á morgun, safnadag-
inn mikla, þann 8. júlí klukkan
16. í tilefni dagsins er ókeypis
inn á safnið og þar af leiðandi
einnig á tónleikana. Flutt verður
fjölbreytileg frönsk flautu- og
píanótónlist, en báðir flytjendur
stunda nám í Frakklandi um
þessar mundir.
Dúóið er skipað þeim Hafdísi
Vigfúsdóttur flautuleikara og
Kristjáni Karli Bragasyni píanó-
leikara. Þau starfa sem dúó á
vegum Hins hússins í sumar þar
sem þau bjóða meðal annars
upp á þá nýjung að færa Reykvík-
ingum tónlist heim i stofu þeim
að kostnaðarlausu. ónleikanna á
morgun eru Sónata númer 8 eftir
Jean-Marie Leclair, Barcarolle
opus 60 eftir Frédéric Chopin og
Sonatine eftir Pierre Sancan.
Landsvirkjun býður landsmönnum að heimsækja sex stöðvar í sumar þar sem bæði er hægt að kynna sér staðreyndir
um umhverfisvæna íslenska orku og skoða fjölbreyttar sýningar um menningu, list og sögu.
„Hvað er með Ásum?“
Ævintýraferð í goðheima fyrir alla fjölskylduna.
Goðastyttur Hallsteins Sigurðssonar við texta
Árna Björnssonar, þjóðháttafræðings.
Laxárstöövar í Aðaldal

Kraftverk
Listaverk sem sjaldan hafa komið fyrir almenn-
ingssjónir - mörg hver með áhugaverða sögu
sem tengist Landsvirkjun og orkumálum.
Kjarval, Ásgrímur, Gunnlaugur Blöndal og fleiri.
^ f Ljósafossstöð viö Sog
Líf í Þjórsárdal
Ómissandi viðkomustaður á leiðinni inn á
Sprengisand og í Veiðivötn.
Sultartangastöð ofan Þjórsárdals
Orka í iðrum jarðar!
Heimsækið gestastofuna í Kröflu, sjáið myndir
frá Kröflueldum. Kynnist jarðvarma og
orkuvinnslu.
Kröflustöð í Mývatnssveit
Kynnist okkur af eigin raun
Heimsækið Landsvirkjun í sumar.
Stöðvarnar eru opnar alla eftirmiðdaga í sumar.
Nánari upplýsingar á www.landsvirkjun.is og í síma 515 9000

Kynnist Kárahnjúkavirkjun!
Upplýsingar um Kárahnjúkaframkvæmdirnar
ásamt ferðamennsku og útivist norðan
Vatnajökuls. Góður viðkomustaður áður en
haldið er upp á Fljótsdalsheiði.
Végarður í Fljótsdal. Opiö 9-17 alla daga.
Heimsókn í Húnaþing
Kynnið ykkur orkumál og starfsemi
Blöndustöðvar í starfsmannahúsi stöðvarinnar.
Blöndustöð, Húnaþingi
C
Landsvirkjun