blaðið - 31.08.2007, Síða 26

34
FÖSTUDAGUR 31. ÁGÚST 2007
blaðið
ORÐLAUSTÓNLIST
tonlist@bladid.net
Eiður er með í þessu og ætlar að
hjálpa mér að gefa út plötuna.
Hann er mjög duglegur að hjálpa
fólki sem hann hefur trú á.
Tvöföld skífa
frá Sigur Rós
Sveitin hyggst gefa
út áður óútgefin
lög í nóvember
Hjómsveitin Sigur Rós hyggst
gefa út tónleikamyndina Heima
og nýja tvöfalda skífu í Bandaríkj-
unum þann 6. nóvember og á sama
tíma hérlendis. Heima verður frum-
sýnd á Alþjóðlegri kvikmyndahátíð
í Reykjavík í september.
Tvöfalda skífan hefur hlotið
nafnið Hvarf/Heim. Fyrri skífan
inniheldur lög sem meðlimir Sigur
Rósar telja að hafi horfið úr sögu
sveitarinnar vegna þess að þau voru
aldrei gefin út eða tekin upp. Lögin
voru tekin upp órafmögnuð á tón-
leikaferðalagi síðasta sumar.
Seinni skífan inniheldur lifandi
órafmagnaðar útgáfur af lögum af
öllum fjórum breiðskífum Sigur
Rósar, Von, Ágætis byrjun, () og
Takk. Lögin voru tekin upp á ís-
landi síðasta sumar og nú í vor.
atli@bladid.net
Amiina frestar
Ameríkutúr
íslenska hljómsveitin Amiina
hefur frestað fyrirhugaðri tón-
leikaferð sinni um Norður-Am-
eríku, en til stóð að sveitin héldi
utan í september og myndi byrja
í Washington 4. september. Stelp-
urnar sendu frá sér tilkynningu
til amerískra aðdáenda sinna þar
sem fram kemur að veikindi hafa
plagað nokkra meðlimi hljóm-
sveitarinnar og því verði ekki af
túrnum að svo stöddu. „Okkur
þykir leiðinlegt að tilkynna
að vegna veikinda innan sveit-
arinnar þurfum við að fresta
túrnum sem átti að hefjast í Wash-
ington DC í næstu viku. Þetta er
ekki eitthvað sem við vildum og
eðli málsins samkvæmt urðum
við fyrir vonbrigðum, en við
komum áður en þið vitið af!“
Mjög flottir leðurskór með
góðum innleggjum í stœrðum
41-46 akr. 6.885,-
Þœgilegir, mjúkir óreimaðir
leðurskór með innleggjum í
stœrðum 41-46 á kr. 6.885,-
Misty, Laugavegi T78
Sími 551 2070
Góð þjónusta - fagleg ráðgjöf
I Adapt gefur út nýja breiðskífu
Mamma þín gefur út
„Við vorum að gefa út plötu. Við sem sagt
spiluðum hana, sömdum og tókum upp ásamt
upptökumanni. En svo gáfum við hana út í sam-
starfi við mömmu þína,“ segir Birkir Viðarsson,
söngvari hljómsveitarinnar I Adapt. Mamma-
þín! er útgáfufyrirtæki sem er rekið af Páli Hilm-
arssyni og Hönnu Guðmundsdóttur.
Ferðast um Bandaríkin
I Adapt gaf nýverið út sína þriðju breiðskífu,
Chainlike Burden. „Hún hefur hlutfallslega fleiri
hæg lög og yfir línuna mun þyngri," segir Birkir
um skífuna. „Hún hefur alvarlegt og þungt yfir-
bragð. Tónlistin er líka þyngri. Textarnir gerðu
það að verkum að við urðum að semja þyngri lög
sem hæfa yrkisefninu.“
„Við ætlum aftur til Bandaríkjanna vegna þess
að það gekk svo lygilega vel síðast,“ segir Birkir
um fyrirhugaða landvinninga I Adapt, en sveitin
fór í tónleikaferð til Bandaríkjanna í fyrra. „I
Adapt 2007 er eiginlega betur tekið í Bandaríkj-
unum en á Islandi, sérstaklega af viðbrögðum á
Netinu að dæma.“
Koma víða við
I Adapt ætlar að ferðast um austurströnd
Bandaríkjanna og kemur meðal annars við í Fíla-
delfíu, New Jersey, Boston, Portland og Pittsburg.
„Þetta er allt frá því að vera kjallaratónleikar, þar
sem ekki fleiri en 30-40 manns komast fyrir, og
alveg upp í að fara yfir 100 manns.“
atli@bladid.net
Duglegir I Adapt er gríðarlega dugleg hljómsveit og er á
leiðinni til Bandaikjanna.
Sverrir Bergmann er á slóðum Oasis og Muse í hljóðveri í Englandi
Eiður Smári
borgar brúsann
Sverrir Bergmann dvelur
nú í Englandi við upp-
tökur á sinni fyrstu sólól-
skífu. Eiður Smári hjálpar
Sverri við útgáfuna.
Eftir Atla Fannar Bjarkason
atli@bladid.net
„Eiður er með í þessu og ætlar
að hjálpa mér að gefa út plötuna.
Hann er mjög duglegur að hjálpa
fólki sem hann hefur trú á,“ segir
sjónvarps- og tónlistarmaðurinn
Sverrir Bergmann um samstarf
sitt við fótboltakappann Eið Smára
Guðjohnsen. Eiður hjálpar Sverri
að fjármagna útgáfu á hans fyrstu
Sólóplötu, sem er væntanleg í
byrjun næsta árs.
Eiður hefur áður komið ná-
lægt útgáfubransanum, en hann
stofnaði Samskeytin-inn Records í
kringum útgáfu Plötu ársins, með
tljómsveitinni Ég. „Þetta datt inn
ægar ég var að syngja í afmælinu
íans Sveppa. Þá tók maður smá
Led Zeppelin. Eiður bara fílaði
þetta og langaði að gera eitthvað,“
segir Sverrir, en hann var staddur
í Sawmills-hljóðverinu í Englandi
þegar Blaðið náði í hann. Sverrir
hefur unnið að breiðskífu í tvö og
hálft ár, svo hjálparhönd Eiðs gat
ekki komið á betri tíma.
Sögufrægt hljóðver
„Það gengur mjög vel. Við tökum
bara vikuna í þetta,“ segir Sverrir
en hann var mættur í hljóðver
síðasta sunnudag ásamt gítarleik-
aranum Franz Gunnarssyni úr Dr.
Spock og trommaranum Þórhalli
Stefánssyni úr Lights on the
Highway.
Nokkrar magnaðar breiðskífur
hafa verið teknar upp í Sawmills-
hljóðverinu. Muse tók þar upp
Showbiz, Origin of Symmetry og
Absolution og Oasis Definitely
Maybe. Þá tók The Verve þar upp
A Storm in Heaven og Stone Roses
Fool’s Gold.
„Þetta [hljóðver] er algjört rugl,“
segir Sverrir. „Þetta er í rauninni
bara risastórt hús. Á neðri hæðinni
er stúdíó en við búum á efri hæð-
inni. Við erum bara inni í skógi
og komumst ekki frá nema það sé
flóð.“
Ekki of sykurkennt
„Þetta verður geggjuð plata,“ segir
Sverrir. „Þetta er smá rokk og
alvörugefið popp. Ég ætla að hafa
þetta vandað og ekki of sykurkennt.
Það eru mjög jákvæðir straumar á
plötunni, ekkert voðalega mikið
um depurð þó maður detti niður í
einu eða tveimur lögum.“
Skífan er væntanleg í byrjun
næsta árs, en Sverrir neitar því að
hún verði týpísk janúarskífa með
tilheyrandi þunglyndi sem margir
kljást við í skammdeginu. „Þetta er
meira svona febrúarplata, þar sem
fólk er að rífa sig
úr þunglynd-
inu.“
í hljóðveri í Englandi Sverrir er
ásamt hljómsveit á slóðum sveita á
borð við Muse og Oasis.
Blaöiö/Krlstinp
Skrópar á Mtv-hátíð
Söngkonan Amy Winehouse
hefur hætt við að koma fram á
MTV-tónlistarhátíðinni sem fram
fer í Las Vegas þann 9. september.
Aðstandendur hátíðarinnar höfðu
bókað Winehouse fyrir löngu og
auglýst hana sem eitt aðalnúm-
eranna á hátíðinni, en hafa nú
tilkynnt að ekki verði af téðri
áætlun. Þetta er ekki í fyrsta skipti
sem Amy sniðgengur tónleika og
miðað við mjög svo vafasaman
lífsstíl söngkonunnar undanfarin
misseri er ljóst að ekki er þetta síð-
asta skiptið. Þá var einnig tilkynnt
að fyrirhuguð tónleikaferð hennar
um Bretland, sem hefjast átti í
september, verður frestað til ársins
2008.
Söngkonan er nú í Sankti Lúsíu
í fríi með eiginmanninum Blake
Fielder-Civil og hefur þar heimsótt
meðferðarheimili reglulega til þess
að leita sér ráðgjafar.
Keith vill af-
sökunarbeiöni
Gítarleikari Rolling Stones, Keith
Richards, hefur farið þess á leit
við sænska dagblaðið Aftonbla-
det að það biðjist velvirðingar á
tónlistargagnrýni sem birt var
eftir tónleika hljómsveitarinnar í
Gautaborg. Sveitin fékk eingöngu
tvær af fimm stjörnum og gerði
blaðamaður því meðal annars
skóna að Richards hefði verið
blindfullur á sviðinu. Richards
var stórlega misboðið vegna um-
mælanna og sakaði blaðamann
um lygar í bréfi sínu til blaðsins.
„Skrifið sannleikann! Þetta voru
góðir tónleikar. Hvernig dirfist
þig að gera lítið úr upplifun
56.000 manns sem voru á tón-
leikunum og gengu ánægðir út?“
sagði Richards í bréfinu. Blaða-
maðurinn umræddi, Markus
Larsson, segist þó standa við
afstöðu sína og hyggst ekki biðja
hljómsveitina afsökunar.
Aödáandi Amy
Winehouse
Amy Winehouse á sér þó nokkra
aðdáendur í hópi stjarnanna og
nú síðast opinberaði rapparinn
og furðufuglinn Snoop Dogg
hrifningu sína á Winehouse.
Nýjasta plata rapparans ku vera
undir áhrifum frá söngkonunni
og segist hann elska tónlist
hennar. „Þegar ég hlusta á tónlist
hennar er ég raunverulega að
læra hver hún er. Þetta er eins og
að hlusta á James Brown. Hann
gerði þetta sjálfur og Curtis
Mayfield - allt sjálfur,“ sagði
Snoop á dögunum. Eftir að hafa
hlustað á plötuna segist Snoop
hafa afráðið að gera næstu plötu
sína án aðstoðar annarra, en rap-
parinn hefur áður unnið með 50
Cent, Dr. Dre og fleirum. „í þetta
skipti vil ég engan með mér. Bara
Snoop Dogg. Ég vil að þið finnið
fyrir mér!“