blaðið - 12.09.2007, Blaðsíða 2
2
FRÉTTIR
MIÐVIKUDAGUR 12. SEPTEMBER 2007
blaöiö
Félagsmálaráðherra
Herferð gegn ólöglegri
starfsemi fyrirtækja
Jóhanna Sigurðardóttir félags-
málaráðherra segir að ákveðið hafi
verið á fundi hennar með forystu-
mönnum Alþýðusambands íslands
í gær að ráðast í skipulagt átak eða
herferð gegn fyrirtækjum sem starfa
hér á landi en hafa ekki tilkynnt til
Vinnumálastofnunar um ráðningu
erlendra starfsmanna og upplýst
um réttindi þeirra og kjör. Segir Jó-
hanna að áætlað sé að um íooo er-
lendir starfsmenn séu óskráðir hér
á landi og um sé að ræða 2-300 fyrir-
tæki hið minnsta.
mbl.is
Slökkvilið höfuðborgarsvæðisins auglýsir eftir slökkviliðsmönnum
Engin kona í slökkviliði borgarinnar
Engin kona er starfandi slökkviliðsmaður á höfuð-
borgarsvæðinu í dag. Fyrir 4-5 árum voru þær hins
vegar tvær. Konur eru hvattar til þess að sækja um í ný-
legri auglýsingu frá Slökkviliði höfuðborgarsvæðisins.
Þorsteinn Karlsson, deildarstjóri hjá Slökkviliði höf-
uðborgarsvæðisins, segir að almennt sæki mun færri
konur en karlar um störf slökkviliðsmanna og auk þess
hafi þær átt erfiðara með inntökuprófin. „Prófin sem
verðandi slökkviliðsmenn gangast undir eru erfið, á því
er ekki vafi og þau eru að flestu leyti eins hvort sem um
karla eða konur er að ræða. Þó eru gerðar eilítið minni
kröfur til kvenna þegar kemur að styrkleikaprófinu.
Við viljum fá konur til starfa og höfum lagt áherslu á að
hvetja þær til að sækja um þegar við höfum auglýst eftir
fólki undanfarin ár. Hins vegar hefur ekki verið farið
út í neinar sértækar aðgerðir til þess að fjölga konum
af okkar hálfu enn sem komið er,“ segir Þorsteinn. Um-
sóknarfrestur um starf slökkviliðsmanna rennur út 26.
september næstkomandi. freyrr@biadid.net
Slökkviliðið að störfum Engin
kona er innan raða Slökkviliðs
höfuðborgarsvæðisins. Stjórn-
endur vonast til að breyting verði ;
á því næst þegar verður ráðið.
Símauglýsing
afturkölluð
Auglýsing Símans, þar sem
síðasta kvöldmáltíðin er sviðsett
hefur verið afturkölluð. Mótmæli
kristinna hafði þó ekkert með
afturköllunina að gera heldur
sýndust í auglýsingunni bæði
Jesú og Júdas viðskiptavinir
Vodafone. í auglýsingunni
umdeildu var Síminn að auglýsa
þriðju kynslóðar farsíma og
mátti í einu myndskeiði sjá merki
Vodafone.
Whole Foods
auglýsir (sland
Afstaða bandarísku verslanakeðj-
unnar Whole Foods til markaðs-
setningar á íslenskum matvörum
hefur breyst eftir að Einar K. Guð-
finnsson sjávarútvegsráðherra
tiikynnti að ekki yrðu gefnir út
nýir hvalveiðikvótar í bili.
Fram kemur í Bændablaðinu í
dag að ákveðið hafi verið að hefja
auglýsingaherferð fyrir þessar
vörur í þessari viku en henni var
slegið á frest eftir að umræður
um hvalveiðar íslendinga náðu
hámarki á liðnu vori. mbl.is
Yfirlögregluþjónn á Omega
Geir Jón Þórisson segir að nær
væri að senda trúboða í bæinn
heldur en lögreglumenn.
Geir Jón telur trú-
boð leysa vandann
■ Óeirðaseggir í miðbænum myndu láta af óæskilegri hegðun með trúnni ■ Lögreglu-
stjóri segir það ekki vanann að menn tjái sig um annað en löggæsluna í einkennisbúningi
Eftir Frey Rögnvaldsson
freyrr@bladid.net
Geir Jón Þórisson, yfirlögreglu-
þjónn hjá lögreglu höfuðborgar-
svæðisins, sagði í viðtali á sjón-
varpsstöðinni Omega að það væri
heillavænlegri lausn að senda trú-
boða út af örkinni til að leysa mið-
borgarvandann heldur en að fjölga
þar lögregluþjónum.
í viðtalinu sagði Geir Jón meðal
annars: „Það er verið að tala um
að það þurfi að fjölga mikið í lög-
reglunni í miðborginni og annað
til að taka á óeirðaseggjum, en það
væri miklu betra að vinna það frá
hinum endanum; að láta þá kynn-
ast Drottni og breyta um líf og
lífshætti og verða góðir og gegnir
þegnar [...] Það er líklega það eina
sem myndi leysa þetta, að auka
trúboð í miðbænum, ekki fjölga
lögreglumönnum heldur trúboðum
sem benda á þessa leið sem er út úr
þessu myrkri.“
Stefán Eiríksson, lögreglustjóri
höfuðborgarsvæðisins, kannast
ekki við að Geir Jón hafi verið í er-
indum lögreglunnar í þessu viðtali
á Omega.
Samkvæmt 17. grein reglugerðar
um einkennisbúninga og merki
lögreglunnar er lögreglumönnum
óheimilt að nota einkennisfatnað
HERT LOGGÆSLA
W Lögreglan hefur aukið
eftirlit sitt í miðborginni að
næturlagi um helgar. Um
síðustu helgi gengu fjórir
sérsveitarmenn frá embætti
ríkislögreglustjóra vaktir
með lögreglumönnum höf-
uðborgarsvæðisins.
► Um 60 manns voru handtekn-
ir um helgina vegna brota
á lögreglusamþykkt, flestir
vegna ósæmilegrar hegðun-
ar svo sem að kasta af sér
vatni, brjóta flöskur og sýna
lögreglunni mótþróa.
utan lögreglustarfs, nema með
heimild lögreglustjóra. Aðspurður
sagði Stefán að hann hefði ekki
séð umræddan sjónvarpsþátt og
þekkti ekki efni hans eða tilurð og
vildi ekki tjá sig um hvort þarna
hefði verið brotið gegn reglugerð
um einkennisbúninga og merki
lögreglunnar.
„Það er hins vegar ekki vaninn
að menn tjái sig um önnur málefni
en málefni lögreglunnar þegar þeir
koma fram í einkennisklæðnaði,“
sagði hann.
Stefán segist ekki hafa fengið
neinar athugasemdir eða ábend-
ingar varðandi þáttinn en ef um
eitthvað athugunarvert sé að ræða
af hálfu starfsmanns embættisins
þá verði það mál afgreitt gagnvart
honum en ekki opinberlega. Að
öðru leyti vildi hann ekki tjá sig um
það.
Þegar haft var samband við Geir
Jón sagði hann að þessi orð sin hefðu
verið látin falla í því samhengi að
ef menn hættu að neyta áfengis og
fíkniefna meðfram því að taka trú
þá væri það betri lausn en að fjölga
lögreglumönnum. „Hugsunin hjá
mér var að vinna í þessum einstak-
lingum sem eru til vandræða en
ekki því sem væri að gerast í mið-
borginni í heild. Að boða þeim trú
myndi geta bjargað þeim.“ Geir Jón
segist hafa verið að lýsa sinni per-
sónulegu skoðun í viðtalinu. „Það
má kannski segja að það hafi verið
mistök hjá mér að mæta þarna í ein-
kennisbúningi vegna þess, ég get
tekið undir þá gagnrýni á mig.“
Þetta er vélin
handa þér!
Mikil úrkoma
Gengur í suðaustan 10-18 m/s með
talsverðri rigningu og ennþá hvassari norð-
vestanlands síðdegis. Mikil úrkoma um allt
sunnanvert landið mestan hluta dags. Hiti 5
til 13 stig, hlýjast suðaustanlands.
Á MORGUN
Slydda fyrir norðan
Norðaustan 15-23 m/s með talsverðri
rigningu og jafnvel slyddu fyrir norðan. Mun
hægari suðlæg eða breytileg átt á Suður- og
Austurlandi fram eftir degi. Kólnandi veður
og hiti 3 til 8 stig undir kvöld.
Banaslys á
Suðurlandsvegi
Banaslys varð á Suðurlandsvegi
á milli Hvergerðis og Selfoss á
sjöunda tímanum í gærkvöld.
Karlmaður lést og annar var
fluttur á slysadeild Landspítalans.
Fólksbíll og vörubíll skullu saman
og hafnaði vörubíllinn úti í skurði.
Ökumaður hans var fluttur á
slysadeild.
Leiðrétt
Ritstjórn Blaðsins vill leiðrétta hvaðeina,
sem kann að vera missagt í blaðinu.
Leiðréttingar birtast að jafnaði á síðu 2.
Vlðvðrun: Búist er við mikilli úrkomu á sunnanverðu landinu í dag.
VÍÐA UM HEIM
Algarve 26 Halifax 18 New York 24
Amsterdam 17 Hamborg 17 Nuuk 4
Ankara 29 Helsinki 15 Orlando 25
Barcelona 28 Kaupmannahöfn 17 Osió 16
Berlín 17 London 20 Palma 25
Chicago 18 Madrid 32 París 18
Dublin 18 Mflanó 28 Prag 17
Frankfurt 19 Montreal 15 Stokkhólmur 14
Glasgow 16 Miinchen 18 Þórshöfn 12