blaðið - 12.09.2007, Blaðsíða 13
blaóiö
MIÐVIKUDAGUR 12. SEPTEMBER 2007
13
Tilraunin um strætó
Stúdentar allra
landa bera í
sér breytingar
sem fylgja nýrri
kynslóð.
VIÐHORF
Gísli Marteinn Baldursson
„Strætó smekkfullur á morgnana"
sagði á forsíðu Blaðsins á dögunum,
og með fylgdi mynd af strætisvagni
fullum af fólki. Fleiri fréttir segja
svipaða sögu og varlega áætlað
er aukningin á notkun strætó að
minnsta kosti 20 prósent. Það
hefur verið ákaflega ánægjulegt að
fylgjast með því hvernig tilrauna-
verkefnið um að bjóða nemendum
framhalds- og háskóla á höfuðborg-
arsvæðinu ókeypis í vagnana í vetur
hefur farið af stað. Verkefnið hófst
formlega með kynningu á Grænum
skrefum í Reykjavík í mars, en
fyrsta skrefið ber heitið Miklu betri
strætó. Þar var tilkynnt að Reykja-
vík ætlaði sér að borga í strætó fyrir
reykvíska nemendur í framhalds-
og háskólum. Síðar slógust hin sveit-
arfélögin á höfuðborgarsvæðinu í
hópinn, og úr varð sterk heild sem
stendur á bak við þetta mikilvæga
verkefni. Auk þess að gefa náms-
mönnum ókeypis í vagnana, fólst
margskonar bæting á þjónustu í
skrefinu Miklu betri strætó. Meðal
annars var því lofað að biðstöðvar
strætó í borginni
skyldu fá nafn og verða merktar,
og hefur það verkefnið þegar verið
klárað.
Fækkun síðustu tvo áratugi
Þótt það sé mikið fagnaðarefni að
námsmenn skuli flykkjast i strætó,
er ekki síður mikilvægt að þessari
góðu byrjun sé fylgt vel eftir og að
fjölgunin verði varanleg. Farþegum
í strætó hefur fækkað stöðugt síð-
ustu tvo áratugi og lítið verið gert
af hálfu eigendanna til að bæta
þjónustuna. Það kom til dæmis
fram á dögunum að erlendir ferða-
menn í Reykjavík nota almennings-
samgöngur sáralítið. Það þarf ekki
að koma á óvart þegar horft er til
algerlega nafnlauss kerfis, fyrir
þá sem ekki þekkja til í borginni.
Hvernig eiga ferðamenn að vita hvar
Kringlan er, nema biðstöðin þar
beri nafnið Kringlan? Með nýjum
merkingum og betri leiðabókum
er von til þess að gestir borgarinnar
geti notað strætó í auknum mæli.
Strætó gegnir lykilhlutverki
Ástæður þess að við borgarfull-
trúar viljum efla strætó eru margar.
Grunnástæðan er sú að við viljum
bjóða upp á þá grunnþjónustu að
fólkið í borginni geti komist um í
henni án bíls. Önnur ástæða er sú að
það margborgar sig fyrir borgina að
fólk taki strætó, fremur en að allir
ferðist um á bíl. Viðgerðir á malbiki
og bygging samgöngumannvirkja
er meðal þess sem kostar minna fé
ef fleiri nota strætó. Bílaeign í borg-
inni hefur aukist gríðarlega á síðasta
áratug, farið úr 450 bílum á hverja
1000 íbúa, í u.þ.b. 650 bíla á hverja
1000 íbúa. Þetta sést á götum borg-
arinnar, þar sem borgarbúar þurfa
að sitja í umferðarteppum á leið í
og úr vinnu. Fyrir utan nauðsyn-
legar vegabætur í borginni, stokka á
réttum stöðum og mislæg gatnamót,
þurfum við að gera borgina þannig
úr garði að aðrir samgöngumátar en
bíllinn séu aðgengilegir. Þar gegnir
strætó lykilhlutverki. Stúdentar
allra landa bera í sér breytingar sem
fylgja nýrri kynslóð. Það er vonandi
að þeir námsmenn sem nú fylla
strætó séu að stíga fyrsta skrefið í
skynsamlegri notkun almennings-
samgangna í Reykjavík.
«*»• m
Góð byrjun „Þótt það sé mikið fagnaðarefni að
námsmenn skuli flykkjast í straetó, er ekki síður
mikilvægt að þessari góðu byrjun sé fylgt vel eftir og
fjölgunin verði varanleg."
Allianz (jii
www.volkswagen.is
.1
1
5
r
i
Fáar»\egur
sÍá\HWp'or
Kostar frá adeins 16.090 kr. á mánudi*
Volkswagen kann þá list að sameina ósamrýmanlega kosti. Volkswagen Polo
er gott dæmi, nettur og lipur en á sama tíma sterkur og traustur. Þannig nýtist
hann fullkomlega við fjölbreyttar íslenskar aðstæður, í borgarumferðinni og á
vegum úti, hvað sem á dynur.
Volkswagen Polo er grænn bíll
1II-KIA grciAir fyrir kolcfnisjöfiuin allra nýrra Volkswagcn-bíia 1 eitt ár.
Kolcfnisjöfnun fclst f því aö binda samsvarandi magn gróðurhúsalofttcgunda
og bfllinn gcfur frá sér. Þctta gcnun viö mcÖ skógrækt og landgræöslu.
* Miöaö viö 30% útborgun og gcngistryggöan bflasamning tii 84 mánaöa. VerÖ 1.620.000 kr.
m
HEKLA
Höfundur er formaður umhverfis- og
samgönguráðs Reykjavikur
HEKLA Laugavegi 172-174 • sími 590 5000 • www.hekla.is • hekla@hekla.is
Umboösmenn HEKLU um land allt: Akureyn • Akranesi • isafiröi • Reyöartiröi • Reykjanesbæ • Selfossi