blaðið - 12.09.2007, Blaðsíða 18

26
MIÐVIKUDAGUR 12. SEPTEMBER 2007
blaóið
LÍFSSTÍLLNEYTENDUR
neytendur@bladid.net
Með því að gera þetta svona fáum við mjög mik-
ilvægar upplýsingar um tómstundaiðkun barna
í borginni sem við notum í ýmsa tölfræðivinnu.
Þetta kemur líka í veg fyrir að kerfið sé misnotað.
Dýrara að
velja sæti
Iceland Express býður farþegum
sínum upp á að velja sjálfir
sæti í flugvélum en greiða þarf
aukalega fyrir þjónustuna. Fyrir
venjulegt sæti greiðir fólk 990 kr.
en fyrir sæti með auknu fótarými,
til dæmis við neyðarútganga og
fremst í vélinni, þarf að greiða
2990 kr. Matthías Imsland, fram-
kvæmdastjóri Iceland Express,
segir að munurinn á verðinu fel-
ist í því að dýrari sætunum fylgi
meira pláss. Kostnaðurinn bætist
ekki við nema fólk velji sjálft
sæti. „Þetta er bara aukaþjónusta
sem þú velur sjálfur. Þú borgar í
raun fyrir að taka frá sæti,“ segir
hann og bætir við að það færist í
aukana að fólk nýti sér þessa þjón-
ustu. „Fólk hefur tekið vel í þessa
þjónustu og er spennt fyrir henni.
Þessu fylgir ákveðinn sveigjan-
leiki og þægindi,“ segir Matthías.
L’Oréal í mál
við eBay
L’Oréal, stærsti snyrtivörufram-
leiðandi í heimi, hyggst höfða
mál gegn uppboðsvefnum eBay.
Aðstandendur uppboðsvefsins
þykja ekki hafa staðið sig sem
skyldi í baráttunni gegn sölu á
eftirlíkingum og sviknum vörum
á vefnum.
Aðstandendur eBay halda því
aftur á móti fram að þeir taki af
hörku á öllum ólöglegum eftirlík-
ingum sem upp koma á vefnum.
í franska dagblaðinu Libération
kemur fram að sala á eftirlík-
ingum af vörum L’Oréal á eBay
valdi fyrirtækinu skaða sem
nemi að öllum líkindum millj-
ónum evra. Sala á ólöglegum
eftirlíkingum snyrtivara þess
færist í aukana á ýmsum uppboðs-
vefjum á Internetinu að því er
fram kemur í fréttatilkynningu
frá L’Oréal. í ljósi þess hefur
fyrirtækið ákveðið að grípa til
lögsóknar til að vernda neyt-
endur og það orðspor sem fer af
vörum þess.
Styrkur til tómstunda Með tilkomu frístundakortsins
er börnum og unglingum í Reykjavík gert auðveldara að
stunda íþrótta- og tómstundastarf. Smávægilegs misskiln-
ings hefur gætt meðal foreldra um notkun kortsins.
-f A 1m~«$

Frístundakortið tekið í gagnið í Reykjavík
Börn styrkt til tómstundastarfs
Eftir Einar Örn Jónsson
einar.jonsson@bladid.net
Frístundakort Reykjavíkurborgar
hóf göngu sína í byrjun mánaðarins
en með því fá börn með lögheimili
í borginni styrk til að stunda tóm-
stundastarf. Slíkur styrkur kemur
án efa víða í góðar þarfir enda getur
kostnaður vegna frístundastarfs
hlaupið á tugum þúsunda, sérstak-
lega hjá barnmörgum fjölskyldum.
Foreldri eða forráðamaður barns
skráir það í starfsemi félags sem gert
hefur samning við íþrótta- og tóm-
stundaráð Reykjavíkur (ÍTR) en um
90 félög hafa gert slíkan samning.
Félagið sendir ÍTR lista yfir skráða
þátttakendur. Námskeiðið birtist á
vef Rafrænnar Reykjavíkur undir
kennitölu forráðamanns barnsins
sem getur þá ráðstafað greiðslu af
frístundakortinu til félagsins.
Missa ekki af neinu
Margir hafa nýtt sér frístunda-
kortið frá því að það var tekið í
gagnið að sögn Sólveigar Valgeirs-
dóttur, verkefnisstjóra hjá ITR. Þar
sem sum félög hafa ekki lokið skrán-
ingu iðkenda geta foreldrar ekki
enn ráðstafað styrk til þeirra. Sól-
veig hvetur foreldra til að sýna félög-
unum þolinmæði. „Fólk er svolítið
órólegt og heldur að það sé að missa
af einhverju sem er ekki raunin.
Það er best fyrir það að hafa sam-
band við félögin sjálf og sjá hvernig
staðan er hjá þeim,“ segir Sólveig
og bendir á að fyrir stór félög geti
skráning tekið sinn tíma.
Einnig hefur misskilnings gætt
meðal foreldra vegna staðfestinga
á styrkveitingum sem þeir skrif-
uðu upp á áður en kerfið komst í
gagnið. „Félögin hafa farið þá leið
að þegar þú skráir barnið skrifarðu
upp á miða þar sem þú staðfestir að
þú ætlir að ráðstafa styrknum til
þeirra. Það eru sumir sem halda að
það sé bara nóg og að þeir þurfi ekki
að fara inn í Rafræna Reykjavík og
ráðstafa honum þar til félagsins en
þaðþurfa allir að gera,“ segir hún.
„Það er mismunandi hvernig inn-
heimtu félögin hafa verið með og
margir eru þegar búnir að greiða
allt gjaldið fyrir börnin sín. Fólk
var jafnvel búið að greiða allt í júní
til að tryggja barninu pláss," segir
Sólveig og bendir á að í slíkum
tilfellum þurfi foreldrar og félög
að komast að samkomulagi um
endurgreiðslu.
Áhugi að utan
Fyrir utan þessa byrjunarörðug-
leika hefur kerfið reynst ágætlega
enn sem komið er. „Við þurfum að
leyfa þessu að þróast fram á haust og
síðan munum við gera endurbætur
eftir því sem við teljum okkur þurfa,“
segir Sólveig og bendir á að kerfið
hafi þegar vakið athygli út fyrir
landsteinana.
„Við fáum viðbrögð frá hinum nor-
rænu ríkjunum og margir eru að
skoða hvernig við gerum þetta.“
Svipuð styrktarkerfi hafa verið við
lýði í öðrum sveitarfélögum meðal
annars í Kópavogi og á Akureyri.
Reykvíkingar eru hins vegar fyrstir
til að koma upp rafrænni skráningu
sem hefur ýmsa kosti í för með sér að
mati Sólveigar. „Með því að gera þetta
svona fáum við mjög mikilvægar upp-
lýsingar um tómstundaiðkun barna í
borginni sem við notum í ýmsa töl-
fræðivinnu. Þetta kemur líka í veg
fyrir að kerfið sé misnotað. Maður
getur bara ráðstafað styrknum þarna
inni og aðeins ákveðinni upphæð á
hvert barn,“ segir hún.
I fyrsta áfanga frístundakortsins
sem var innleiddur 1. september
fær hvert barn 12.000 króna styrk
til tómstundastarfs. Annar áfangi
FRÍSTUNDAKORTIÐ
►
Meginmarkmið kortsins er
að öll börn og unglingar í
Reykjavík geti tekið þátt
í uppbyggilegu frístund-
astarfi óháð efnahag eða
félagslegum aðstæðum.
►
►
Um 20.000 börn og ungling-
ar eiga rétt á kortinu.
Heildarfjárveiting Reykjavík-
urborgar til verkefnisins á
næstu fjórum árum er 1860
milljónir króna.
hefst 1. janúar og er þá miðað við
25.000 króna framlag og með þriðja
og síðasta áfanga sem hefst 1. janúar
2009 er miðað við 40.000 kr. framlag
á ári. Hverju ári verður enn fremur
skipt í þrjú tímabil haustönn, vor-
önn og sumarönn. Heimilt er að
nýta styrkina til greiðslu fyrir fleiri
en eina grein eða starfsemi en þó
ekki fleiri en þrjár á hverju tímabili.
Eftirstöðvar, ef einhverjar eru, flytj-
ast sjálfkrafa milli tímabila en ekki
verður heimilt að flytja eftirstöðvar
milli ára. Nánari upplýsingar um
frístundakortið og notkun þess má
nálgast á vefsíðu fi’R itr.is.
Sýning á visthæfum bílum í samgönguviku
Vistvæn farartæki í brennidepli
Efnt verður til sýningar á vist-
hæfum bílum og orkugjöfum í Perl-
unni dagana 15.-17. september. Þar
verða sýnd farartæki sem ganga
fyrir nýjum orkugjöfum eða eru
búin tækni sem dregur úr eyðslu og
losun koltvíoxíðs, svo sem tvinn-,
metan-, etanól-, lífdísil- og raf-
magnsbílar. Einnig verða þar bílar
sem uppfylla skilgreiningu um vist-
hæfa bíla sem Reykjavíkurborg og
Bílgreinasambandið hafa komið sér
saman um.
Markmiðið með sýningunni er að
búa til vettvang þar sem fólk getur
kynnt sér þær visthæfu bifreiðar
sem í boði eru hér á landi og hvers
má vænta í framtíðinni. Gestum
gefst jafnvel tækifæri til að reynslu-
aka slíkum bílum.
I tengslum við sýninguna fer fram
Ökutækjakeppni Háskóla Islands
og Orkuveitu Reykjavikur fimmtu-
daginn 13. september. Þar munu að
minnsta kosti 35 bílar sem ganga
fyrir mismunandi orkugjöfum
keppa um hver notar minnsta orku,
veldur minnstum útblæstri og hver
VISTVÆNIR BÍLAR
Dísilbílar sem eyða 4,5
lítrum á 100 kílómetra eða
minna og losa 120 gr af CO2
á kílómetra eða minna.
Bensínbílar sem eyða 5,0
lítrum á 100 kílómetra eða
minna og losa 120 gr af CO2
á kílómetra eða minna.
fer hringinn á ódýrastan hátt.
Úrslit í keppninni verða kynnt á
sunnudag kl. 15.
Sýningin er opin almenningi frá
kl. 12-17 alla sýningardagana og
er aðgangur ókeypis. Sýningin og
ráðstefnan Driving Sustainbility
07 eru haldnar í tengslum við sam-
gönguviku Reykjavíkurborgar sem
fram fer 16.-22. september.