blaðið - 18.09.2007, Blaðsíða 9

blaóió
ÞRIÐJUDAGUR 18. SEPTEMBER 2007
FRÉTTIR
9
Marindrápstilraun í Danmörku
14 ára grunaður
um hnífaárás
Lögregla í Árósum í Danmörku
hefur handtekið 14 ára gamlan
dreng sem grunaður er um að hafa
reynt að myrða rúmlega fertugan
Grænlending aðfaranótt sunnudags
í úthverfi borgarinnar. Maðurinn
liggur þungt haldinn á sjúkrahúSi
en hann var stunginn í brjóstið með
hnífi eða öðrum oddhvössum hlut.
Að sögn fréttavefjarins Avisen.
dk neitar drengurinn sök. Vegna
ungs aldurs drengsins er ekki hægt
að krefjast gæsluvarðhalds yfir
honum en barnaverndaryfirvöld
hafa fengið mál hans til meðferðar
Skopmyndamál í Svíþjóð
Teiknarinn fer
huldu höfði
Hnífar Fjórtán ára drengur reyndi að
myrða grænlenskan mann.
meðan lögregla rannsakar málið
nánar. mbl.is
Sænski skopmyndateiknarinn
Lars Vilks fer nú huldu höfði vegna
líflátshótana frá hryðjuverkasam-
tökunum al-Qaeda. Vilks kom til
Svíþjóðar í fyrradag eftir að hafa
dvalið í Þýskalandi, en lögregla
leyfði honum aðeins að snúa til
heimilis síns til að sækja fáeina
persónulega muni, en hann er nú í
felum undir vernd lögreglu.
Vilks hefur bakað sér reiði músl-
íma með því að teikna skopmynd
þar sem Múhameð spámaður sést
í hundslíki. Héraðsblaðið Nerikes
Allehanda birti teikningarnar, en
birtingunni var í kjölfarið harðlega
mótmælt af múslímum og hefur
Abu Omar al-Baghdadi, leiðtogi
íraska arms al-Qaeda, heitið and-
virði 6 milljóna króna þeim sem
drepur Vilks.
Vefsíða dagblaðsins Politiken
segir frá því í dag að sprengjuleit
hafi verið gerð á heimili teiknarans
og lítur lögregla hótanirnar afar al-
varlegum augum. mbi.is
Ósáttur karlprestur í Firmlandi
Þjónar ekki með
kvenprestum
Ríkissaksóknari Finnlands hefur
ákært þarlendan prest fyrir að neita
að að taka þátt í kirkjuathöfnum
með kvenprestum. Er þetta í fyrsta
skipti sem slík ákæra er gefin út en
21 ár er liðið frá því fyrsta konan var
vígð til prests í Finnlandi.
Sr. Ari Norro, sem er prestur í Hy-
vinkaeaesókn, hefur verið ákærður
fyrir brot á jafnréttislögum en kven-
presturinn starfar þar einnig. Sókn-
arpresturinn í sókninni hefur einnig
verið ákærður fyrir að tryggja ekki
að jafnrétti ríki á vinnustað.
„Lögin gera ekki upp á milli fólks
og finnsk lög eru alveg skýr á þessu
sviði,” hefur AFP-fréttastofan eftir
Jari Auvinen saksóknara.
Deilum af þessu tagi hefur farið
fjölgandi á undanförnum árum
eftir því sem kvenprestum hefur
fjölgað. Nú er þriðjungur finnskra
presta kvenkyns og búist er við að
konur verði fíeiri en karlar í presta-
stétt árið 2015. mbl.is

Danmörk eitt
aðalskotmarkið
■ Tengsl grunaðra hryðjuverkamanna í Danmörku við al-Qaeda
talin sönnuð ■ Búist við fleiri tilraunum til hryðjuverka
Eftir Albert Örn Eyþórsson
albert@bladid.net
Það eru ekki stórveldi heimsins
sem eru hvað mest í sigti hryðju-
verkamanna að mati leyniþjón-
ustumanna heldur litla Danmörk
og búast má fastlega við að fleiri
tilraunir til skemmdar- og hryðju-
verka verði gerðar á danskri grund
í framtíðinni.
Þetta staðfestir Jakob Scharf,
yfirmaður dönsku leyniþjónust-
unnar, við bandaríska blaðið New
York Times en þrjú tilvik hryðju-
verka hafa orðið í Danmörku á síð-
ustu tveimur árum að meðtalinni
sprengjuárás þeirri sem lögregluyf-
irvöld komu í veg fyrir fyrr í þessum
mánuði.
Tengsl við al-Qaeda
Bandaríska leyniþjónustan kom
dönskum leyniþjónustumönnum á
spor þeirra átta manna sem hand-
teknir voru þann 4. september
grunaðir um að ætla að koma fyrir
öflugum sprengjum á áberandi
fjölförnum stöðum í landinu. Tveir
þeirra eru enn í haldi og verða
ákærðir fyrir meint sprengjutilræði.
Fullyrðir Scharf einnig í viðtal-
inu að minnst einn þeirra sem hand-
teknir voru þá hafi sterk tengsl við
áhrifamenn innan al-Qaeda sam-
takanna og er þetta í fyrsta sinn
sem tekst að sanna tengsl hryðju-
verkamanna í Danmörku við hin
illræmdu samtök sem lögðu á ráðin
um flugvélaárásirnar á Tvíburaturn-
ana í New York þann 11. september
2001.
Getgátur voru uppi um að hand-
taka áttmenninganna og upptaka
hættulegra efna sem fundust á heim-
ilum þeirra hafi verið á veikum
grunni byggð frá upphafi og fékk
sú fregn byr undir báða vængi eftir
að sex mönnum af átta var sleppt úr
haldi skömmu síðar. Hafa yfirvöld
vísað því á bug og stendur rannsókn
málsins enn yfir.
Versnandi sambúð
Dönsk yfirvöld hafa vaxandi
áhyggjur af versnandi sambúð
heimamanna og þeirra rúmlega
200 þúsund múslíma sem búsettir
eru í landinu. Smáskærum þeirra
í millum hefur fjölgað mjög síðan
Jótlandspósturinn birti umdeildar
skopmyndir af spámanninum heil-
aga Múhammeð og berast reglu-
lega fréttir af ungum dönskum
múslímum sem finnst sér vart vært
lengur í landinu sökum ofsókna að
þeirra mati. Ekki aðeins er áreitið
meira heldur verður þeim erfiðara
MÚSLIMAR í DANMÖRKU
►
Múslímar eru stærsti minni-
hlutahópurinn í Danmörku
en á milli 2-5 prósent íbúa
landsins teljast til þeirra.
►
Sá hópur kemur þó víða að,
m.a. frá Tyrklandi, Bosníu
og írak auk fleiri landa.
^ Nokkrar moskur fyrirfinn-
r' ast í landinu en til stendur
að byggja þá stærstu og
mikilfenglegustu á Amager í
náinni framtíð.
og erfiðara að fá atvinnu sökum
trúar sinnar sem aftur leiðir fleiri og
fleiri á stíg róttækra afla á borð við
al-Qaeda og annarra slíkra öfgasam-
taka. Talsmaður samtaka íslömsku
moskunnar í Kaupmannahöfn,
Bilal Assaad, segir að vandamálið
muni versna áður en það batnar.
„Unga fólkið er milli tveggja
elda. Þau eru fædd og uppalin í
Danmörku en finnst þau ekki vera
Danir. Möguleikarnir að fá atvinnu
þegar nafn manns er Muhammad
eru litlir. Minn eigin sonur segir
mér að hann hafi þann skilning að
tilheyra hópi múslíma en ekki hópi
Dana enda eigi hann fátt sameigin-
legt með þeim.“