Orðlaus - 01.06.2005, Blaðsíða 16
16
Fotalínur
Frœga
Fólksms
Já, þau syngja, dansa og leika.... og hanna föt fyrir fólkið.
^^ennifer Lopez
Hin fjölhæfa "líkleg til alls" Jennifer Lopez
kom heldur betur á óvart með fatalínu sinni
en hagnaður af henni árið 2004 var hvorki
meira né minna en 130 milljónir dollara. Hún
ætlar að gera enn betur árið 2005 og er að
senda frá sér línu sem er ætluð efnaðra fólki
og verður því í dýrari kantinum. Fatalínan sem
heitir einfaldlega JLo samanstendur aðallega
af barnafötum, stelpufötum, fylgihlutum,
nærfötum og fötum í stórum stærðum
fyrir stórar stelpur. Hún framleiðir auk þess
ilmvatnið Glow undir nafni sínu. Þeir sem
vilja kíkja á línuna hennar geta farið á www.
shopjlo.com
Hjá Pamelu Anderson snýst allt um fylgihluti.
Hún hannar allt frá armböndum og belta til
eyrnalokka. Pamela er ekki jafnstórtæk í
þessu og aðrar stjörnur, eins og JLo, en hún
selur línu sína í gegnum Alternative outfitters.
Það kemur kannski mörgum á óvart hversu
stelpuleg línan hennar er en það læðast
groddalegir gaddavírshlutir inn á milli.
Fyrir þá sem vilja skoða betur, farið inn á
www.alternativeoutfitters.com og leitið að
Pamelu Anderson.
(Slizabeth Hurley
Breska þokkadísin Elizabeth Hurley fór af
stað með línu sína Beach nú í apríl. Línan sem
Elizabeth hannaði og lét framleiða á Ítalíu
verður seld í bresku stórversluninni Harrods.
Línan hennar samanstendur af léttum fötum
eins og pilsum, strandtöskum og sundfötum.
Þetta er ekki stór lína og er aðeins boðið upp
á 21 hlut undir hennar nafni. Línan er mjög
litrík og Hurley notast mikið við áprentanir en
hún sagðist hafa fengið mikinn innblástur frá
listamanninum Gustav Klimt. Hún notar líka
steina til að skreyta fatnaðinn sem er í dýrari
kantinum. Frekari upplýsingar má finna á
www.harrods.com
£>\\
e Macpherson
Elle Macpherson hefur verið ein sú duglegasta
í fatabransanum. Nærfatalína hennar hefur
verið í gangi í hvorki meira né minna en 12
ár. Elle selur fötin sín út um allan heim og
hefur bætt við sig línum og má þar nefna
Macpherson Men sem er nærfatalína ætluð
karlmönnum. Það er hægt að kíkja á línuna
hennar á
www.ellemacphersonintimates.com
Daddy
Fatalínan hans gengur undir hans rétta nafni
eða Sean John. Föt hans má finna alls staðar
en frá því að hann byrjaði að selja fatnað
undir nafninu sínu árið 1998 hefur hann grætt
milljónir dollara. Puff Daddy eða P. Diddy
eins og hann heitir víst í dag á eitt þekktasta
fatamerkið af þeim stjörnum sem á annað
borð hafa farið út í fatabransann.
Slóðin á fatalínu hans er www.seanjohn.com
<r>minem
Það hljómar kannski skringilega en við erum
ekki að grínast. Meira að segja rapparinn
Eminem hefur sent frá sér fatalínu. Fatnaður
hans gengur undir nafninu Shady. Shady-
fatnaðinn má finna um allan heim en eins
og lesendur hafa kannski getað sagt sér þá
einbeitir Eminem sér að hip hop fatnaði eins
og hettupeysum, jökkum, gallabuxum og
fleiru. Heimasíða Shady er www.shadyldt.
com
Þessi lína er hönnuð beint eftir sérstökum
fatastíl Gwen en hún þykir vera ein best
klædda kona Hollywood. Línan sem heitir
L.A.M.B. hefur slegið í gegn frá því hún fór
í búðir árið 2004 og í henni má bæði finna
fatnað og fylgihluti. Fötin hennar Gwen eru
einstaklega skemmtileg og öðruvísi. Finna
má fötin á www.shopbob.com og leitið að
L.A.M.B. eða googlið upp L.A.M.B.
&3ono
Söngvarinn, mannvinurinn og
náttúruverndarsinninn Bono lætur ekki
sitt eftir liggja en hann hefur hannað föt
undir nafninu Edun, sem er Nude (allsber)
afturábak. Það sem stendur upp úr í fatalínu
hans er að öll efni sem notuð eru í fötin hans
eru lífræn, sem kemur svo sem ekkert á óvart.
Hann hannar bæði á konur og karla en til að
skoða fötin er best að fara á google því hann
selur þau á mörgum stöðum.
Fatalína hennar, The House of Dereon, er
hönnuð af Beyonce og mömmu hennar, Tinu
Knowles, en hún hefur hannað föt Beyonce
fyrir rauða dregilinn. Okkur hjá Orðlaus finnst
fötin sem hún hefur sést í á dreglinum ekki
vera upp á marga fiska en það er enn ekki
hægt að sjá fötin á netinu þar sem heimasíðan
hennar er í vinnslu. Við vonum bara að þau
séu ekkert í líkingu við það sem við höfum
áður séð. Fylgist með á www.houseofdereon.
com
Þetta er þó aðeins brot af þeim stjörnum
sem sent hafa frá sér föt og má þar helst
bæta við:
Paris Hilton
Nicky Hilton
50 Cent
Nikki Sixx
Eve
Victoria Beckham
Mariah Carrey
Boy George
Anne Nicole Smith
Snoop Dog
lce T
Christy Turlington
Hillary Duff
Kelly Osbourne
Olsen systurnar
Mandy Moore
Jay Z
Nelly