Orðlaus - 01.11.2005, Blaðsíða 54
Sporðdrekinn passar best við fólk í
tvíburamerkinu, voginni og vatnsberanum.
Frægt fólk í meyjunni:Pablo Picasso, Hillary R.
Clinton, Demi Moore, Goldie Hawn.
Happatölur:16, 21, 35
Þeir sem eru fæddir í sporðdrekamerkinu eru yfirleitt frekar tilfinningaríkir en
jafnf ramt dulir og varkárir. Þeir vilja koma sínu fram og gefast ekki auðveldlega
upp. Sporðdrekinn er skapstór og erfiður andstæðingur. Fólk í sporðdrekanum
er hins vegar vinur vina sinna og þeir sem þekkja hann geta treyst honum.
Sporðdrekinn hefur gjarnan gaman af hlutum sem eru sveipaðir einhverri
duiúð enda eru þetta oftar en ekki forvitnir einstaklingar sem hafa gaman af
að velta hlutunum fyrir sér. Fólk f þessu merki hefur oft þörf fyrir einveru til
þess að hlaða batteríin og endurnýja lífsorku sína.
Sporðdreki
24. október - 22. nóvember
Þú býst við að fá of mikið frá fólki og von-
brigðin leyna sér ekki þegar fólk nær ekki
að standa undir þessum væntingum. Hlust-
aðu betur á vini þína og ekki taka öllum
ábendingum sem gagnrýni. Ljónið er búið
að vera fast í leiðinlegri rútínu og nú ættir
þú því að reyna að breyta aðeins til. Gefðu
færi á þér og vertu opnari fyrir að kynnast
nýju fólki og prófa að fara á nýja staði þegar
þú ferð út á lífið. Fjárhagurinn er í góðu lagi
núna og því ættir þú ekki að eyða tímanum
í að hafa áhyggjur af peningum en reyna
þess í stað að hafa gaman af því að vera til.
Bogamenn hafa verið ótrúlega duglegir síð-
ustu vikur og hafa náð að klára hluti sem
setið hafa á hakanum allt of lengi. Þú ert
þó farin/n að finna fyrir þreytu núna og
ættir að leyfa þér að taka því rólega því þú
þarft ekki alltaf að vera á ferðinni til þess
að hafa gaman. Sumarástarævintýrið virð-
ist ætla að hafa meiri áhrif á þig en þú hélst
í upphafi og nú verður þú að hugsa vel um
hvernig þú vilt haga næsta leik. Ekki taka
fljótfærnislegar ákvarðanir því þú átt auð-
velt með að missa út úr þér hluti sem aðrir
misskilja. Ekki vanrækja vini þína núna, þeir
þurfa á þér að halda.
Hrúturinn hefur verið í stöðugum erfiðleik-
um með sjálfan sig og átt erfitt með að
brosa. Þetta á eftir að snúast við og þú munt
fara að fá meiri athygli og um leið snýst
skeifan við, enda viltu helst vera hrókur alls
fagnaðar. Þú átt eftir að fá góðar fréttir
undir lok mánaðarins sem munu opna fyrir
þér ýmsa spennandi möguleika. Ekki láta
það þó hækka í þér rostann því það leiðist
öllum fólk sem grobbar sig. Passaðu þig að
fara á toppinn á réttum forsendum, því þú
átt það til að nota aðdráttarafl þitt til þess
að koma þér áfram. Þú átt auðvelt með að
heilla hvern sem er upp úr skónum núna og
ekkert að því að nýta sér það ef þú særir
engan á leiðinni.
Meyjan er að stíga inn í nýtt og skemmtilegt
tímabil í lífinu en ef allt á að ganga upp verð-
ur þú að hætta að fresta verkefnunum sem
þú átt eftir að Ijúka. Það á margt eftir að
koma þér á óvart á næstunni og þú munt
lenda í aðstæðum sem þú skilur ekki alveg
en ef þú leyfir þér bara að fljóta áfram gæti
nýtt og spennandi samband verið í uppsigl-
ingu. Eftir því sem líður á veturinn áttu eftir
að kynnast hluta af sjálfri/um þér sem þú
hefðir aldrei trúað að þú byggir yfir. Njóttu
þess!
Steingeitin á auðvelt með að draga að sér
fólk núna og ætti að nýta tækifærið og
plana stórt og gott partý til þess að end-
urvekja gömul kynni. Ótrúleg bjartsýni
einkennir þig sem fær þig til að taka mikl-
ar áhættur í ástarmálunum en þú átt enn
ótrúlega erfitt með að gera einhverjar skuld-
bindingar. Það verður lítil breyting þar á á
næstunni því hugurinn er allur í vinnunni
þar sem þú hefur verið að standa þig ótrú-
lega vel og náð að heilla yfirmennina upp úr
skónum. Gættu þess þó að ofkeyra þig ekki
því þá hættirðu að fá allar þessar frábæru
hugmyndir.
Þú ert tilbúin/n til þess að gefa meira af þér
núna og ættir því að vera opin fyrir öllum
möguleikum. Þú getur verið mjög sannfær-
andi og ef þú undirbýrð þig vel ættir þú að
geta landað draumavinnunni þinni auðveld-
lega. Nautið þarf meiri fjölbreytni til þess
að drepast hreinlega ekki úr leiðindum eftir
því sem líður á veturinn og ætti því að reyna
að krydda aðeins upp á hversdaginn. Ekki
vera hrædd/ur við að eiga í nánum samskipt-
um við hitt kynið því það er enginn að segja
að þú þurfir að binda þig. Njóttu þess að
hafa gaman og hættu að hafa svona miklar
áhyggjur
Þú hefur átt í góðum samskiptum við vini
og fjölskyldu að undanförnu og öllum virð-
ist líka við þig. Á næstunni áttu þó eftir að
lenda upp á kant við nákominn vin þinn
vegna hugsjóna þinna enda hefur þú ekki
viljað hlusta á sjónarmið annarra. Þú ert
mjög tvístígandi varðandi mikilvægt mál í
lífi þínu og ættir að gefa þér góðan tíma í
að hugsa hvað það er sem þú vilt. Þú hefur
ekki verið tilbúin/n í að taka stór skref í ást-
armálunum og ættir ekki að ana út í neitt
á næstunni. Einbeittu þér frekar að því að
koma þér áfram í vinnunni.
Vatnsberinn á eftir að standa í ströngu
næstu vikurnar og þarf að leggja sig allan
fram við að leysa úr fjölmörgum deilumál-
um sem munu koma upp á yfirborðið. Þér
hefur fundist þú vera vanmetin/n í vinnunni
að undanförnu og ættir því að nýta þá orku
sem þú býrð yfir núna í að sýna hvað þú get-
ur. Vinnufélagarnir munu þurfa að éta alla
fordóma ofaní sig og þú munt fara að fá
stærri hlutverk. I ástarmálunum verður þú
líka að taka málin í þínar eigin hendur og
hætta að bíða eftir því að hlutirnir gerist af
sjálfu sér. Þú ert búin/n að missa af of mörg-
um tækifærum með þeim hugsunarhætti
upp á síðkastið.
Þú átt eftir að lenda í deilum við þína nán-
ustu en ef þú manst að það eru yfirleitt
tvær hliðar á öllum mélum ættir þú að geta
leyst vel úr öllum vandamálunum. Óteljandi
tækifæri bíða þín. Nýttu hæfileika þína vel
og þú munt ná langt í viðskiptum á næst-
unni. Þú átt auðvelt með að draga að þér
athyglina núna en á sama tima hefurðu
fjarlægst þína nánustu vini. Gættu þess að
gleyma ekki þeim sem hafa reynst þér vel
því þá áttu eftir að standa ein/n eftir þegar
partýinu er lokið. Ef þú ert ekki í sambandi
er þó góður tími til að fara að litast um.
Sporðdrekinn hefur verið ótrúlega eirðar-
laus að undanförnu og hefur ekki náð að
slaka á eftir mikla vinnutörn. Þú veist ekki al-
veg hvert þú vilt stefna í lífinu og hefur það
valdið þér miklum éhyggjum og haft áhrif á
skapið í þér. Sýndu fordæmi og láttu tilfinn-
ingarnar ekki taka yfir og reyndu að skilja
að það þurfa ekki allir að vera sammála þér.
Nýtt ástarævintýri verður í startholunum
þegar líður á mánuðinn en þá verður þú
að muna að gefa manneskjunni tíma til að
kynnast þér vel. Sýndu hvað þú getur verið
skemmtilegur félagsskapur og ævintýrið
gæti varað lengi.
Framtíðin er óvenju björt hjá fiskunum sem
eiga eftir að lenda í ýmsum óvæntum at-
burðum næstu vikurnar. Þú hefur leyft þér
að dreyma um heima og geima að undan-
förnu og nú er tíminn þar sem þeir draumar
verða að veruleika. Þú ættir að fara út á með-
al fólks og lyfta þér upp meira en þú hefur
verið að gera og ekki hika við að kynnast
nýju fólki. Ef ástarmálin eiga áð ganga jafn
vel og þig dreymir um verður þú þó fyrst og
fremst að viðurkenna tilfinningar þínar og
ekki vera hrædd/ur við að taka áhættur og
leyfa örlögunum að ráða ríkjum.
Þú ert búin/n að hafa allt of miklar áhyggjur
af smámunum undanfarið sem hefur dregið
úr þér allan kraft. Breyttu hugarfarinu og
dreifðu ábyrgðinni í vinnunni á samstarfs-
mennina og reyndu að hafa meira gaman af
því sem þú ert að gera. Ekki bæta stöðugt á
verkefnalistann án þess að klára hlutina og
skildu vinnuna eftir í vinnunni. Ef þú skipu-
leggur þig vel áttu eftir að vera farin/n að
skemmta þér aftur með vinunum undir lok
mánaðarins og átt eftir að kynnast spenn-
andi einstaklingi sem mun gjörbreyta hugar-
fari þínu í leiðinni.
Naut
21. apríl - 21. maí
Krabbi
22. júní - 23. júlí