Bændablaðið - 27.06.2006, Side 14

14 Þriðjudagur 27. júní 2006
Ögmundur Jónasson alþingis-
maður lagði fram fyrirspurn til
Halldórs Ásgrímssonar forsætis-
ráðherra og innti hann eftir því
hve mörgum störfum væri gert
ráð fyrir við álver við Húsavík
og hve mörgum störfum við
stækkun álversins í Straumsvík,
ef af verður?
Í svari Halldórs segir að sam-
kvæmt áætlun Alcoa væri gert ráð
fyrir að í nýju álveri við Húsavík
með um 250.000 tonna ársfram-
leiðslugetu muni starfa um 300
manns: 17% háskólamenntaðir,
21% iðnmenntaðir og 62% með al-
menna menntun með sérhæfða
fagþjálfun í rekstri álvers. Sam-
kvæmt upplýsingum frá Alcan á
Íslandi er gert ráð fyrir að við
framleiðsluaukningu álversins í
Straumsvík um 280.000 tonn á ári
þurfi að fjölga starfsmönnum um
300 manns.
Ögmundur: Hve mörg störf
má ætla að tapist vegna ruðnings-
áhrifa og verri skilyrða í öðrum
greinum?
Halldór: Engar rannsóknir
liggja fyrir um störf sem kynnu að
færast frá öðrum atvinnugreinum
vegna umræddra álvera. Störf í
nýjum álverum eru viðbót við þau
störf sem fyrir eru á vinnumarkaði.
Ef atvinnuleysi er lítið í þjóðfélag-
inu á þeirri stundu sem ráðningar í
ný álver eiga sér stað má gera ráð
fyrir að margir þeirra sem ráðnir
verða komi úr öðrum störfum.
Fræðilega séð mundu því jafn
mörg störf losna annars staðar.
Hins vegar verður endurnýjun og
fjölgun á vinnumarkaði, sem ár-
lega nemur um 1.500 störfum á
landsvísu (meðaltal áranna 1991-
2004). Árleg fjölgun fólks á vinnu-
markaði er því miklu meiri en
nemur áætluðum störfum í um-
ræddum álverum.
Ögmundur: Er gert ráð fyrir
að afleidd störf séu fleiri í tengsl-
um við álframleiðslu en í öðrum
greinum, svo sem sjávarútvegi,
heilsutengdri ferðaþjónustu, rann-
sóknum og hátæknistarfsemi?
Halldór: Í skýrslu Nýsis hf. um
samfélagsleg áhrif af álveri á
Norðurlandi eru áætlanir um af-
leidd störf byggðar á reynslu og
rannsóknum erlendis frá. Þannig er
áætlað að afleidd störf af álveri við
Húsavík með 300 starfsmönnum
verði 600-750. Þar af verði 150-
200 störf til á og í nánd við Húsa-
vík, 150-200 störf annars staðar á
Norðurlandi og 300-350 störf utan
Norðurlands. Alls muni því álverið
skapa umsvif sem samsvara 900-
1.050 störfum. Þetta jafngildir
margfeldisáhrifum sem nemur 2,0-
2,5.
Í skýrslu Hagfræðistofnunar
Háskóla Íslands um þjóðhagsleg
áhrif álverksmiðju Fjarðaáls í
Reyðarfirði er beitt svonefndri að-
fanga-afurðagreiningu til að kanna
langtímaáhrif álversins. Niðurstað-
an gerir ráð fyrir 383 föstum lang-
tímastörfum og 548 óbeinum og
afleiddum störfum, samtals 931
starfi. Margfeldisáhrifin nema
þannig 1,43.
Eins og þessar tölur bera með
sér er nokkur óvissa um margfeldis-
áhrif af starfsemi álvera og má gera
ráð fyrir að svipaða sögu sé að
segja um aðra atvinnustarfsemi.
Engin greining hefur átt sér stað á
raunverulegum margfeldisáhrifum
af rekstri þeirra álvera sem nú starfa
á Íslandi, svo kunnugt sé, né heldur
í öðrum atvinnugreinum, og því
ekki hægt að segja til um hvort af-
leidd störf eru fleiri í tengslum við
álframleiðslu en í öðrum atvinnu-
greinum.
Ögmundur: Á hvaða forsend-
um hvíla fullyrðingar ráðherra um
að hagvöxtur verði 5-6% meiri en
ella og tekjur ríkissjóðs 10-15 millj-
örðum kr. meiri ef af fyrrnefndum
álversframkvæmdum verður?
Halldór: Byggt er á upplýsing-
um frá efnahagsskrifstofu fjármála-
ráðuneytisins.
Halldór Ásgrímsson og Ögmundar Jónassonar um störf í álverum
Álver við Húsavík væri um
300 manna vinnustaður
Stækkun í Straumsvík kallaði á annan eins fjölda
Sláttur hófst nú viku til hálfum mánuði seinna á Suðurlandi heldur en síðasta sumar sökum kulda og leiðinlegs
tíðarfars í vor. Bændur eru sammála um að sprettan sé almennt lítil, sem rekja megi beint til kuldatíðar í maí. Tún
á Suðurlandi eru yfirleitt alveg laus við kal. Meðfylgjandi mynd var tekin á dögunum af slætti í Gaulverjabæjar-
hrepp hinum forna, sem nú tilheyrir nýju sveitarfélagi í lágsveitum Árnessýslu, Flóahreppi, en bændur hafa sleg-
ið á fullum krafti síðustu daga þegar veður hefur leyft. Bændablaðsmynd/MHH
Slegið á fullum krafti á Suðurlandi
Kúasýningin KÝR 2006 verður
haldin í fjórða sinn í Ölfushöll-
inni að Ingólfshvoli laugardag-
inn 26. ágúst á vegum Búnaðar-
sambands Suðurlands. Bændur
eru hvattir til að fara að huga að
þjálfun gripa fyrir sýninguna en
gert er ráð fyrir sömu sýningar-
flokkum og síðast en þeir voru
Kálfar, sýnendur 11 ára og yngri,
kálfar, sýnendur 12 ára og eldri,
holdagripir, fyrsta kálfs kvígur
og mólkurkýr.
Varðandi sýningu á kálfum eru
það tilmæli frá Búnaðarsamband-
inu að kálfar yngri en þriggja mán-
aða komi ekki til sýningar þar sem
þeir hafa ekki tekið út nægan
þroska og skortir oftast nokkuð
holdfyllingu til þess að geta talist
fallegir sýningargripir. Að venju
mun Búnaðarsambandið senda út
óskir um sýningu á ákveðnum kúm
og kvígum sem hlotið hafa útlits-
dóm en þó er öllum heimilt að
mæta með þá gripi sem þeir vilja.
,,Það er von okkar að þátttaka verði
ekki lakari nú en á undanförnum
sýningum og að það takist að gera
KÝR 2006 að skemmtilegum við-
burði sem bæði bætir og eflir
ímynd mjólkurframleiðslunnar,
auk þess að styrkja faglegan og fé-
lagslegan grunn nautgriparæktar-
innar,” sagði Guðmundur Jóhann-
esson, ráðunautur hjá Búnaðarsam-
bandi Suðurland og einn af for-
svarsmönnum sýningarinnar í sam-
tali við blaðið. Hægt er að tilkynna
um þátttöku á sýninguna til Bún-
aðarsambandsins í síma 480 1800
eða á netfangið mundi@bssl.is. Á
síðustu sýningu komu 50 gripir til
sýningar, 30 kálfar, 17 kýr og 3
naut og sóttu um 1.000 manns
sýninguna. MHH
Daníel Magnússon, bóndi í Ak-
braut í Holta- og Landsveit var
með nokkra gripi á síðustu sýn-
ingu, sem haldin var í Ölfushöll-
inni fyrir tveimur árum. Hér er
hann með tvær efnilegar kýr sínar
sem náðu góðum árangri á sýn-
ingunni. Bændablaðsmynd/MHH
KÝR 2006 í Ölfushöllinni í lok ágúst

Til á lager á hagstæðu verði.

Joskin haugsuga 8400 L galv………………………………
Avant 635 með skotbómu, lyftigeta 1200 kg………
Avant 220 minivél með sláttuvél……………………………
Reck mykjuhrærur 3 gerðir…………………………………..
Álrampar fyrir minivélar………………………………………
Maschio tætarar 235-260-285-300 cm……………….
Nardi fjórskera plógur 140-160 cm…………………….
Nardi MRAP70 einskorinn brotplógur 52x55………
Lyftu tengdir dráttarkrókar………………………………….
Vökva yfirtengi margar gerðir………………………………
LACOTEC kornmylla PTO 540 ca. 10 t/klst………….
Ávinnsluherfi (slóðar) 4 mt………………………………….
Flaghefill 3 mt. lyftutengdur………………………………..
Vatnsfylltur valtari 2,9 mt. lyftutengdur……………...
Tonutti hjólrakstrarvélar 2,8mt – 6mt…………………
Otma M/551 einskorinn brotplógur 58x63…………..
Michelin traktors dekk 540/65 x 30…………………….
Europower traktotrsrafstöðvar 38 kvA………………
Europower ferðarafstöðvar 1-1,7 kvA………………..
Haugsugudælur 6150-7000-8100-10490 l/min….
Niemeyer sláttuvélar, heytætlur og rakstrarvélar……
FH skotbómulyftari með þrítengibeyzli og PTO…..
Crosmec 2,2mt. safnkassasláttuvél…………………….
Trjáplöntustafir, bakkabelti og bakkahaldarar………
Lambhelt girðinganet og gaddavír………………………
Skógar flekkjarar fyrir dráttavél………………………….
Flekkidiskar fyrir sláttuorf……………………………………
Rafsuðu inverter 180 A. sýður 1,6-5 mm. 8,3 kg.
O
R
K
U
T
Æ
K
N
I
e
h
f.
S
ím
i:
5
8
7
6
0
6
5
.