Bændablaðið - 26.05.2011, Side 40

41Bændablaðið | fimmtudagur 26. maí 2011
YFIRHEYRSLA
Ekki er nú sumarið alveg komið
og gott að hafa eitthvað hlýtt
og fallegt á höndunum á meðan
við bíðum eftir batnandi tíð og
blómum í haga. Við fengum upp-
skrift af þessum fallegu stúkum
hjá Dýrfinnu Guðmundsdóttur í
Reykholti, Bláskógabyggð.
Efni:
1 dokka Fever garn nr. AN2266 og 80 cm af
svörtum silkiborða.
Aðferð:
Fitjið upp 33 L á tvo prjóna nr. 5.
Ath -Takið alltaf fyrstu L óprjónaða.
Prjónið 2 umferðir perluprjón. *Prjónið 7
umferðir slétt (slétt á réttunni, brugðið á
röngunni). Í 8., 16., 23. og 30. umferð er
kaðlarnir myndaðir: takið fyrstu L óprjónaða,
prjónið 2 L. Færið 3 L á hjálparprjón og prjónið
næstu 3 L, prjónið svo lykkjurnar af hjálpar-
prjóninum. Prjónið áfram þangað til 9 L eru
eftir á prjóninum, færið þá 3 L á hjálparprjón
og prjónið næstu 3 L, prjónið svo lykkjurnar
af hjálparprjóninum. Prjónið svo síðustu 3
lykkjurnar.*
Endurtakið svo frá * til * uns 4 kaðlar hafa
myndast. Í lok þessara síðustu 7 sléttu umferða
prjónið þá 2 umferðir perluprjón, fellið af og
klippið frá.
Heklið tvær umferðir fastahekl meðfram lang-
hliðum prjónaða stykkisins, 1. umferð :2
fastapinnar í 1 prjónaða lykkju. 2.umferð:
fastapinni í fastapinna.
Notið svo enda sem á eftir að ganga frá til
að sauma fyrstu og síðustu 4 fastapinnana
á sitthvorri hliðinni saman, s.s. stúkan er
bara saumuð saman á endunum. Þá er stórt
gat í miðjunni. Takið svartan silkiborða og
klippið niður í 3 jafnlanga borða. Hnýtið svo
borðana og slaufu á þá með jöfnu millibili
í gatið svo það haldist saman en þó þannig
að hægt sé að sjá götin á milli borðanna.
Stúkurnar verða til sýnis í Handavinnubúðinni
í Hveragerði og garnið fæst þar það fæst
líka víða um land á stöðum eins og Vaskur
á Egilsstöðum, Laufskálinn Neskaupsstað,
Sporið Grímsbæ, Ævintýrakistan Akranesi,
Hlín Hvammstanga, Vogue Selfossi ásamt
Handavinnuhúsinu í Borgarnesi.
Bestu kveðjur,
Inga Þyri Kjartansdóttir
Stúkur með kaðlaprjóni og silkiborðum
Emma Ýr Guðmundsdóttir er sex
ára gömul og býr í Kuala Lumpur
í Malasíu vegna starfs föður
hennar. Fjölskyldan hefur búið
þar ytra í rúm fjögur ár og hefur
Emma Ýr stundað nám í leikskóla
þar sem hún lærir meðal annars
þrjú tungumál, ensku, kínversku
og bahasa malay ásamt því að
vera ansi dugleg í reikningi og
myndlist.
Nafn: Emma Ýr Guðmundsdóttir.
Aldur: 6 ára.
Stjörnumerki: Steingeit.
Búseta: Kuala Lumpur.v
Skóli: Taska Setia Mu.
Hvað finnst þér skemmtilegast
í skólanum? Mínus og plús og
margfalda.
Hvert er uppáhalds dýrið þitt?
Kisa og hundur.
Uppáhaldsmatur: Kjúklingur.
Uppáhaldshljómsveit: Hannah
Montana.
Uppáhaldskvikmynd: Chlose´s
closet og Angelina Ballerina.
Fyrsta minningin þín? Frá fyrstu
jólunum.
Æfir þú íþróttir, eða spilarðu á
hljóðfæri? Já, bæði fimleika og
sund og síðan spila ég á píanó.
Hvað er það skemmtilegasta sem
þú gerir í tölvu? Barbie-leikurinn.
Hvað ætlar þú að verða þegar
þú verður stór? Listakona og
dýralæknir.
Hvað er það klikkaðasta sem þú
hefur gert? Að fara í rússíbana
og stepdans.
Hvað er það leiðinlegasta sem
þú hefur gert? Mér finnst leiðin-
legast að gera ekkert.
Ætlar þú að gera eitthvað sér-
stakt í sumar? Ég er að fara til
Íslands þar sem ég ætla á hestbak
og að hitta ömmur mínar og afa
og allar frænkur og frændur og
vini mina. /ehg
Lærir kínversku og malaísku
í leikskólanum
PRJÓNAHORNIÐ
Framfarafélag Fljótsdalshéraðs
(FFF) hefur unnið að því um
nokkurt skeið að fá fulltrúa úr
stjórnlagaráði til fundar við okkur
hér eystra. Framar öðru er lagt
til að umræðan á þessu stefnu-
móti við Stjórnlagaráð snúist í
megindráttum um álit manna og
umræður á eftirfarandi málafylgju
varðandi stjórnskipunarkafla
nýrrar stjórnarskrár í ljósi þess
mikla byggðavanda, sem ríkt hefur
lengi og blasir við í æ ríkari mæli:
Í nýja stjórnarskrá þurfa að koma
inn ákvæði, sem tvímælalaust leggja
grunn að eðlilegum hlut landsbyggð-
arhéraða af opinberum skatttekjum
þjóðarinnar og völd og ábyrgð á
þeim, ásamt réttlátri hlutdeild þeirra
af eigin aflafé og ákvörðunarrétt í
eigin málum.
Þetta markmið hefur lengi svifið
yfir vötnum, en leiðirnar hafa gjarna
látið á sér standa og verið misvís-
andi, en það þarf að leysa.
Til fyrirmyndar
Þó svo að atburðarrás og vandræða-
gangur við að koma á stjórnlaga-
þingi, sé miður, er greinilegt að hið
skipaða stjórnlagaráð hefur tekið
málin föstum tökum og að starfið
hingað til er til fyrirmyndar, eins og
m.a. kemur fram á heimasíðu
Það er því mikill fengur að þrír
ágætir fulltrúar ráðsins hafa nú fallist
á að koma til stefnumóts við lands-
byggðina og mæta á opinn fund á
Egilsstöðum um störf sín og mál,
sem helst brenna á landsbyggðarfólki
til að tryggja sem best eðlilegan hlut
þess í nýrri stjórnarskrá og stuðla að
því að orðtakið ,,jafnvægi í byggð
landsins” fái loks það vægi, sem því
ber á þeim vettvangi.
Má fastlega búast við því að mál-
inu verður fylgt fast eftir þegar til
kasta alþingis kemur.
Þar sem tíminn, sem stjórnlaga-
ráði er ætlaður til að skila af sér er
orðinn naumur, er harla ólíklegt að
annað sambærilegt tækifæri gefist til
beinnar viðræðu við landsbyggðar-
fólk en þessi fundur, sem okkur skilst
að sé sá eini, sem á döfinni er og
hefur verið á þessum vettvangi.
Þess vegna er öllum þeim, sem
áhuga hafa á þessum málum, boðið til
þessa stefnumóts við Stjórnlagaráð,
raunar hvaðan af landinu sem er.
Fundur í Valaskjálf 14. júní
Fundurinn, sem ber yfirskriftina
,,Stefnumót við stjórnlagaráð –
landsbyggðin og stjórnsýslan” verð-
ur haldinn í Valaskjálf á Egilsstöðum
þriðjudaginn 14. júní kl 17-22 og er
dagskráin í stórum dráttum þessi:
Eft i r að bæjarst jóri
Fljótsdalshéraðs, Björn Ingimarsson
hefur sett fundinn og nokkur inn-
gangsorð undirritaðs, formanns
FFF, hefjast framsögur gestanna frá
Stjórnlagaráði, en þeir eru: Salvör
Norðdal, formaður ráðsins, Ari
Teitsson og Vilhjálmur Þorsteinsson.
Framsögur heimamanna flytja þau
Smári Geirsson Neskaupstað, Stefán
Bogi Sveinsson, forseti bæjar-
stjórnar Fljótsdalshéraðs og Stefanía
Kristinsdóttir, framkvæmdastjóri
Þekkingarnets Austurlands. Að
lokum munu gestirnir síðan sitja
í öndvegi undir umræðum, sem
Þorvaldur Jóhannsson á Seyðisfirði
mun stjórna, en hann mun einnig
sjá um fundarstjórn ásamt Sigrúnu
Blöndal. Fundarritarar verða þau
Sigurjón Bjarnason og Helga
Guðmundsdóttir.
Að lokum er ástæða til þess að
þakka gestum okkar úr Stjórnlagaráði
fyrir góðar undirtektir við málaleitan
fundarboðenda og að gefa sér tíma
til fararinnar þrátt fyrir miklar annir
í starfinu.
Eins og fram hefur komið
er fundurinn öllum opinn.
F.h. FFF/Þórarinn Lárusson.
-
Stefnumót við
Stjórnlagaráð
á Austurlandi
Lesendabásinn
Framlög til
aðlögunar að
lífrænum landbúnaði
Hér með er auglýst framlenging á umsóknarfresti um styrki
til aðlögunar að lífrænum búskaparháttum
Styrkir þessir eru veittir þeim framleiðendum sem hefja
aðlögun að lífrænum búskap í ýmsum greinum á árinu
2011 og síðar,til allt að fimm ára,samkvæmt verklags-
reglum Bændasamtaka Íslands um framlög úr ríkissjóði
til stuðnings við lífræna aðlögun í landbúnaði,sem er að
finna á www.bondi.is
Umsóknarfrestur er til 1.júlí næstkomandi.
Bændasamtök Íslands
b.t. Ólafs R. Dýrmundssonar
Bændahöllinni við Hagatorg
107 Reykjavík