Fréttablaðið - 12.01.2012, Blaðsíða 12

12. janúar 2012 FIMMTUDAGUR12
Tvö ár eru liðin síðan mannskæður jarðskjálfti skók Haítí
Tvö ár eru liðin frá því
að öflugur jarðskjálfti
reið yfir Haítí og kostaði
á þriðja hundrað þúsund
mannslífa. Uppbyggingar-
starfið hefur gengið hægt
en UNICEF segir mikil
tækifæri til langtíma-
þróunar samfélagsins.
Í dag eru tvö ár liðin frá því að
geysiöflugur jarðskjálfti reið yfir
Haítí, en talið er að hátt í 300 þús-
und manns hafi látist af völdum
hans, auk þess sem eignatjón var
gríðarlegt og 1,6 milljónir manna
misstu heimili sín. Íbúar Haítí eru
um 10 milljónir.
Síðan þá hafa hjálparstofnanir og
alþjóðasamtök aðstoðað við endur-
reisn og umbætur samfélagsins, en
Haítí var jafnvel fyrir hamfarirnar
fátækasta land á vesturhveli jarðar.
Sem stendur hefst rúmlega hálf
milljón manna enn við í neyðarskýl-
um víða um höfuðborgina Port-au-
Prince og illdeilur á stjórnmála-
sviðinu, milli
forseta og þings,
hafa tafið nauð-
synleg verkefni,
líkt og uppbygg-
ingu íbúðarhúsa
og atvinnulífs.
Þá gekk þar ill-
vígur kóleru-
faraldur í fyrra,
sem hefur sýkt
um 500 þúsund
manns og kostað sjö þúsund lífið.
Þó hefur mikið unnist á þessum
tíma þar sem skólastofur hafa verið
reistar fyrir tugi þúsunda barna og
milljónir rúmmetra af húsarústum
hafa verið fjarlægðar.
Sigríður Víðis Jónsdóttir, starfs-
maður UNICEF á Íslandi, tekur í
svipaðan streng en hún fór til Haítí
í október síðastliðnum.
„Mannlífið heldur áfram - mark-
aðir eru opnir og börn ganga í
skóla. Það eru þess vegna einkenni-
legar andstæður á milli borgarinn-
ar sem er enn í sárum eftir skjálft-
ann og svo iðandi mannlífsins.“
Hún segir neyðina í tjaldbúðun-
um þó enn mikla.
„Þetta er einmitt fólkið sem er
berskjaldaðast, fátækast og það
fólk sem bjó áður við illan kost.“
Sigríður segir starf UNICEF,
sem er meðal annars fjármagnað
með framlögum heimsforeldra á
Íslandi, sé á mörgum sviðum.
Þau hafi komið börnum í skóla,
jafnvel þeim sem ekki höfðu áður
tækifæri til að setjast á skólabekk,
unnið gegn vannæringu og vatns-
skorti og síðast en ekki síst unnið
að barnavernd.
„Á því sviði höfum við unnið
mikið og gott starf, í samstarfi
við stjórnvöld, til dæmis við að
kortleggja barnaheimili og mun-
aðarleysingjahæli landsins og
hinn mikla fjölda barna sem var á
sínum tíma sendur burt í vist vegna
fátæktar heima við.“
Þrátt fyrir óstöðugleika í stjórn-
málalífi landsins segir Sigríður að
náin samvinna við stjórnvöld sé
lykilatriði.
„Við látum slíkt ekki hafa of
mikil áhrif á starfið. Samvinna
er eina leiðin þegar hugsað er til
lengri tíma. Nú er neyðaraðstoð
að miklu leyti lokið en við megum
ekki stoppa. Það er mjög mikilvægt
að halda áfram að vinna frekar að
langtímaaðstoð og þróunarsam-
vinnu.“
Sigríður segir að þrátt fyrir
hörmungarnar sem riðu yfir Haítí
sé nú tækifæri til að færa þjóðina
áfram.
„Vegna hamfaranna kom fjár-
magn inn í landið og nú er mögu-
leiki á að laga hlutina almennilega
til langs tíma. Sérstaklega mál-
efni barna sem voru í lamasessi.
UNICEF vill skila bjartri framtíð
fyrir þessi hundruð þúsunda barna
og nú er tækifærið.“
„Mannlífið heldur áfram – markaðir
eru opnir og börn ganga í skóla“
Þorgils
Jónsson
thorgils@frettabladid.is
SIGRÍÐUR VÍÐIS
JÓNSDÓTTIR
Michel Martelly var kjörinn forseti Haítí á síðasta ári. Mestallur tími hans
í embætti hefur einkennst af deilum við þingið og tilheyrandi töfum á
aðgerðum til að bæta ástandið.
Meðal annars sakaði þingið Martelly um að hafa handtekið andstæðing
sinn á þinginu í trássi við lög. Í kjölfarið beittu þingmenn sér gegn öllum
hans ákvörðunum og meðal annars tók það forsetann hálft ár að fá þingið
til að samþykkja þann sem hann tilnefndi til forsætisráðherra.
Stjórnmáladeilur tefja endurreisn:
■ Styrkur jarðskjálftans sem olli
hörmungunum var 7 á Richter-
kvarðanum. Upptök hans voru um
25 km frá Port-au-Prince.
■ Meira en 200.000 manns létust.
■ Rúmlega 300.000 manns
slösuðust.
■ Um 300.000 hús eyðilögðust eða
skemmdust í skjálftanum.
■ 300 milljörðum hefur þegar verið
varið til uppbyggingarinnar.
7 á Richter-kvarða
Á SKÓLABEKK Hundruð þúsunda barna á Haítí hafa fengið tækifæri til að halda áfram skólagöngu sinni fyrir tilstilli hjálparsam-
taka eins og UNICEF. MYND/SIGRÍÐUR VÍÐIS JÓNSDÓTTIR
IÐANDI MANNLÍF Lífið heldur áfram hjá Íbúum Port-au-Prince. Hér sést margmenni á
markaði í höfuðborginni. NORDICPHOTOS/AFP
HREINSUNARSTARF Aðstaðan í tjaldbúðunum þar sem þessi maður safnar sorpi til
endurvinnslu er afar óhrjáleg en rúm milljón manna hefur þó þegar verið flutt úr
slíkum búðum í varanlegri híbýli.
ALGER EYÐILEGGING Svona var aðkoman víða fyrir réttum tveimur árum þegar þessi mynd var tekin. Heilu borgarhlutarnir
hrundu til grunna, en nú hefur um helmingur rústanna verið fjarlægður. NORDICPHOTOS/AFP
Nú er neyðaraðstoð
að miklu leyti lokið
en við megum ekki stoppa.
SIGRÍÐUR VÍÐIS JÓNSDÓTTIR
STARFSMAÐUR UNICEF Á ÍSLANDI