Fréttablaðið - 12.01.2012, Blaðsíða 46

12. janúar 2012 FIMMTUDAGUR30 30
menning@frettabladid.is
Æfingar fyrir leikverkið
Skrímslið litla systir mín
standa nú yfir í Norræna
húsinu, en verkið verður
sýnt þar í febrúar. Í
tengslum við sýninguna
safna þær Helga Arnalds,
höfundur og túlkandi, og
Charlotte Böving leikstjóri
reynslusögum barna af því
að eignast lítið systkini.
„Kveikjan að þessu var sonur
minn, þegar hann var að eignast
sína litlu systur. Um það leyti sem
hún var að fæðast sagði hann mér
sögu af einhverjum sem var ekki
hann, heldur einhver allt annar. Sá
hafði eignast litla systur sem var
skrímsli og át foreldra sína. Ég
fann strax að þetta var hans leið til
að takast á við sínar tilfinningar,
að fara inn í eitthvert ævintýri,“
segir Helga Arnalds, leikkona og
höfundur sýningarinnar Skrímslið
litla systir mín. Verkið verður sýnt
í Norræna húsinu í febrúar.
Í tengslum við sýninguna eru
þær Helga og Charlotte Böving,
leikstjóri sýningarinnar, nú að
safna sögum af því hvernig börn
takast á við þann stórviðburð að
eignast lítið systkini. „Þegar við
byrjuðum að vinna í sýningunni og
fórum að ræða málin komumst við
að því að allir kunna skemmtilegar
sögur af þessu tagi. Þá datt okkur
í hug að safna þeim á einn stað
og opna þannig fyrir umræðuna.
Það er dálítið tabú að vera svona
afbrýðisamur, eins og börn verða
oft þegar þau eignast lítið systkini.
En þetta er ofsalega sterk tilfinn-
ing. Börnin fá aðallega spurningar
eins og: „er litla systir ekki fín?“
og „er ekki gaman að vera stóri
bróðir?“ Það er lítið verið að gefa
þeirra tilfinningum pláss.“ Sög-
urnar má senda inn á Facebook-
síðu Leikhússins 10 fingur.
Aðalsöguhetja verksins er myrk-
fælinn strákur sem hefur nýlega
eignast litla systur. Hann kemst
að því að hún er ekkert venju-
legt barn heldur skrímsli sem
ætlar að éta mömmu hans upp
til agna og kannski bara allan
heiminn. Til að bjarga mömmu
sinni og öllum heiminum frá litla
skrímslinu, þarf hann að ferðast
gegnum skuggalega skóga, um
dimmar drekaslóðir, alla leið út á
heimsenda. Á leiðinni lærir hann
að elska litlu systur sína. „Þetta
fjallar líka um skrímslin inni í
okkur, hvernig þau verða til og
hvernig þau stækka alltaf í myrkr-
inu, ef við tölum ekki um þau,“
segir Helga.
Leikverkið er einhvers staðar
á mörkum leikrits, brúðuleikhúss
og skuggamyndasýningar. „Ég býð
börnunum inn í risapappírsveröld,
sem ég ríf, bleyti, mála á og breyti.
Stundum eru systkinin litlir bréf-
miðar, stundum teiknaðar myndir
og stundum skuggar. Ég er miðlar-
inn, stundum eins og sögumaður
og stundum eins og persóna í sög-
unni.“
Tónlistin leikur stórt hlutverk
í verkinu, en henni lýsir Helga
sem ævintýralegri, náttúrulegri
og frumstæðri. Eivör Pálsdóttir
vinnur tónlistina og notar hljóð-
færi sem Páll Guðmundsson frá
Húsafelli bjó til sérstaklega fyrir
sýninguna.
Eftir leikritið verður börnum
boðið að taka þátt í listasmiðju,
undir handleiðslu Helgu og Evu
Signýjar, þar sem þau fá að skapa
sín eigin skrímsli úr pappírnum
sem Helga notar í sýningunni.
Skrímslið litla systir mín verður
frumsýnt 4. febrúar. Sýningin er
fyrir alla fjölskylduna, fullorðna
og börn frá fjögurra ára aldri.
holmfridur@frettabladid.is
SAFNA SÖGUM AF LITLUM
SYSTRUM OG BRÆÐRUM
AÐSTANDENDUR VERKSINS Páll Guð-
mundsson sérsmíðaði steinhörpuna
sem Eivör Pálsdóttir notaði til að skapa
hljóðheim sýningarinnar. Með þeim
á myndinni eru leikstjórinn Charlotte
Böving og höfundurinn Helga Arnalds.
MYND/LEIKHÚSIÐ TÍU FINGUR
HELGA ARNALDS Skrifaði leikverkið Skrímslið litla systir mín innblásin af reynslu
sonar hennar af því að eignast yngri systur. MYND/LEIKHÚSIÐ TÍU FINGUR
Leikhús ★★★
Póker
eftir Patrick Marber
Sýnt í Tjarnarbíói. Leikarar:
Magnús Guðmundsson, Ellert
A. Ingimundarson, Jón Stefán
Sigurðsson, Þorsteinn Gunnar
Björnsson, Ingi Hrafn Hilmarsson,
Finnbogi Þorkell Jónsson, þýð-
andi: Jón Stefán Sigurðsson, ljós:
Björn E. Sigmarsson, leikmynd:
Svanur Þór Bjarnason, leikstjóri:
Valdimar Örn Flygenring.
Langur forleikur
Spilafíkn, græðgi, einfeldni, von
og örvænting einkenna hegðun
persónanna í leikritinu Póker sem
frumsýnt var á sunnudag. Það gerist
á veitingastaðnum Charlie þar sem
starfsmenn spila saman póker einu
sinni í viku þegar viðskiptavinir hafa
yfirgefið staðinn.
Leikritið sjálft er svo sem ekki
upp á marga fiska en leikurinn hjá
hverjum og einum leikara nokkuð
góður. Ungir nýútskrifaðir leikarar úr
skólum erlendis leika hér með einum
eldri; Ellerti A. Ingimundarsyni sem
með sinni miklu og skemmtilegu
rödd skilar vel hinum grófa en
þó nokkuð skilningsríka Stephen.
Son hans Charlie leikur Ingi Hrafn
Hilmarsson og skilaði hann mjög vel
þessari ábyrgðarlausu hegðun sem
einkennir spilafíkla. Mugsy er einn
þjónanna. Hálfgerður einfeldningur
sem á sér von um eigið veitingahús
en leggur full mikið undir í spilunum
og er meira í skýjunum en niðri á
jörðunni. Magnús Guðmundsson
leikur þennan fyndna þjón og á
marga mjög skemmtilega spretti og
heillaði salinn. Hann hefur einkar
góða nærveru og verður gaman
að fylgjast með honum í fram-
tíðinni. Sweeney er viðkvæmur mat-
reiðslumaður sem Finnbogi Þorkell
Jónsson léði lífi á fantagóðan hátt.
Sá sem kom til þess að innheimta
skuldir og var með hið raunverulega
pókerandlit var leikinn af Þorsteini
Gunnari Bjarnasyni og hélt hann
andlitinu allan tímann. Annar langur
og glettilegur þjónn að nafni Frankie
er einn af pókerspilurunum og leikur
Jón Stefán Sigurðsson hann og á líka
nokkuð hressilega spretti. Ef ekki
væri fyrir húmorinn og hraðann í
samtölum lifði þetta leikverk varla því
undirbúningur undir pókerspil og þá
ógæfu sem því fylgir er varla nóg til
þess að halda spennu. Engu að síður
var varla dauður punktur í sýningunni
og hefur Valdimari Flygenring farnast
það vel úr hendi að ná góðu samspili
hópsins.
Lýsingin sem Björn E. Sigmars-
son er skrifaður fyrir var mjög góð
og hæfði verkinu vel. Áhorfendur
sitja í kringum leiksviðið sem átti
einkum vel við í seinni hluta verksins
þegar mennirnir sex sitja og spila
póker með skæra birtu úr hangandi
ljósakrónu alveg eins og við sjáum
í öllum glæpamyndum. Þess má
geta að lokum að lýsing Björns E.
Sigmarssonar var mjög góð.
Elísabet Brekkan
Niðurstaða: Góður leikur hjá sam-
stilltum hópi en leikritið er ekki upp
á marga fiska.
„Við höfum staðið fyrir nýárs-
tónleikum síðan árið 2004, leik-
um Vínartónlist, valsa og polka,
sprellum og höfum það gaman. Í
ár verður Þóra Einarsdóttir söng-
kona með okkur og tekur nokkur
lög,“ segir Anna Guðný Guðmunds-
dóttir píanóleikari og meðlimur í
kammerhópnum Salon Islandus
sem heldur tónleika í Salnum í
Kópavogi annað kvöld klukkan
átta.
Á laugardag leggja þau svo land
undir fót og halda Vínartónleika í
Miðgarði í Skagafirði. „Þá verður
karlakórinn Heimir með okkur og
söngvararnir Óskar Pétursson og
Helga Rós Indriðadóttir. Að lokn-
um tónleikunum leikur sveitin
fyrir dansi,“ segir Anna sem segir
það óvenjulegt en skemmtilegt
fyrir klassískt menntaða hljóð-
færaleikara að leika fyrir dansi.
Auk Önnu Guðnýjar skipa
Salon Islandus þau Sigurður
Ingvi Snorrason, klarinettuleik-
ari sem er hljómsveitarstjóri, Sig-
rún Eðvaldsdóttir og Pálína Árna-
dóttir fiðluleikarar, Bryndís Halla
Gylfadóttir sellóleikari, Hávarður
Tryggvason sem leikur á kontra-
bassa, Martial Nardeau flautuleik-
ari og Pétur Grétarsson slagverks-
leikari.
Bregða á leik í Kópa-
vogi og Skagafirði
SALON ISLANDUS Spilar í sínu fínasta pússi í Salnum annað kvöld ásamt Þóru Einars-
dóttur söngkonu.
BALKANTÓNLIST Á CAFÉ HAITI Hljómsveitin Skuggamyndir frá Býsans leikur tónlist frá Balkan-
löndunum á Café Haiti, Geirsgötu 7b, föstudaginn 13. janúar klukkan 21.30. Meðlimir sveitarinnar eru
Haukur Gröndal, Ásgeir Ásgeirsson, Þorgrímur Jónsson og Erik Qvick. Aðgangseyrir er 1.500 krónur.
Samband íslenskra kvikmyndaframleiðenda
Association of Icelandic Film Producers
SÍK – Samband íslenskra kvikmyndaframleiðenda
auglýsir eftir umsóknum um greiðslur úr IHM sjóði félagsins.
Rétt til umsókna úr sjóðnum eiga sjálfstæðir
kvikmyndaframleiðendur sem framleitt hafa kvikmyndir sem
sýndar hafa verið í sjónvarpi á árinu 2010.
Umsóknir berist fyrir 27. janúar til:
SÍK – Samband íslenskra kvikmyndaframleiðenda.
Hverfisgötu 54 P.O. Box 5367, 125 Reykjavík
eða með tölvupósti á sik@producers.is
Nánari upplýsingar, reglur og umsóknareyðublöð eru á vefsíðu
SÍK – www.producers.is
Greiðslur úr
IHM sjóði SÍK
Samtök um sorg og sorgarviðbrögð
NÝ DÖGUN
www.nydogun. is www.sorg. is nydogun@nydogun. is
Dr. Berglind Guðmundsdóttir sálfræðingur ræðir um áfallastreitu
í kjölfar missis, n.k. fimmtudagskvöld 12. janúar kl. 20:30 í
safnaðarheimili Háteigskirkju. Húsið opnar kl 19:00 þar sem fólk
getur komið, spjallað og fengið kaffi.
Allir velkomnir.
Dagská á vormisseri 2012
2. febrúar Ungt fólk og sorg
1. mars Barnsmissir – missir við fæðingu
12. apríl Áfall – hvað byggir upp aftur
Fræðslufundirnir eru í safnaðarheimili Háteigskirkju og hefjast kl. 20:30
Áfallastreita
í kjölfar missis