Fréttablaðið - 12.01.2012, Blaðsíða 58

12. janúar 2012 FIMMTUDAGUR42
sport@frettabladid.is
HANDBOLTI Serbneski handbolta-
markvörðurinn Dane Sijan hélt
því fram í viðtali við TV2 í Dan-
mörku um helgina að Ísland hefði
reynt að kaupa sig fyrir 2-3 árum.
Sijan, sem leikur með Viborg í
Danmörku og var áður hjá Flens-
burg í Þýskalandi, sagðist hafa
fengið freistandi tilboð frá Íslandi
en hefði hafnað því þar sem hann
nennti ekki að bíða í þrjú ár eftir
því að spila næst landsleik. Það
er sá tími sem þarf að líða þegar
menn skipta um ríkisfang.
Einar Þorvarðarson, fram-
kvæmdastjóri HSÍ, segist ekkert
skilja í þessum yfirlýsingum
Serbans. „Þetta er bara brandari.
HSÍ hefur aldrei talað við þennan
mann og myndi ekki fara í slíkar
aðgerðir. Hann hefði þurft að
flytja hingað og búa í þrjú ár áður
en hann gæti spilað með landslið-
inu. Þetta er fáránlegt og ég fór að
hlæja er ég sá þetta,“ sagði Einar
ákveðinn.
„Við höfum ekki einu sinni getu
til þess að bjóða svona lagað og
þess utan vinnum við ekki á þenn-
an hátt.“
Arnar Freyr Theodórsson er
umboðsmaður Sijan og hann
segir að rangt hafi verið haft eftir
skjólstæðingi sínum á TV2.
„Það var maður ótengdur HSÍ
sem viðraði þessa hugmynd
við Dane árið 2005 eða 2006.
Sá maður ræddi einnig óform-
lega við þáverandi umboðsmann
Dane. Þar við sat. Aldrei var
rætt um neinar peningaupphæðir
eða annað. Þetta mál fór aldrei á
alvarlegt stig,” sagði Arnar. - hbg
Einar um ummæli Sijan:
Þetta er bara
brandari
DANE SIJAN Fagnar hér í leik með þýska
liðinu Flensburg. NORDIC PHOTOS/BONGARTS
Iceland Express-d. kvenna
KR - Njarðvík 88-95 (e. framlengingu)
KR: Sigrún Sjöfn Ámundadóttir 25, Erica Prosser
18, Helga Einarsdóttir 13, Bryndís Guðmunds
dóttir 12, Margrét Kara Sturludóttir 10, Anna
María Ævarsdóttir 6, Hafrún Hálfdánadóttir, 4
Njarðvík: Shanae Baker 33, Petrúnella Skúladóttir
25,Lele Hardy 19, Ásdís Vala Freysdóttir 12, Aníta
Carter Kristmundardóttir 4, Erna Hákonardóttir 2.
Valur - Fjölnir 62-67 (27-29)
Valur: Guðbjörg Sverrisdóttir 10, Melissa Leic-
hlitner 10, Kristrún Sigurjónsdóttir 10, María Ben
Erlingsdóttir 10, Lacey Katrice Simpson 7, Þórunn
Bjarnadóttir 6, Berglind Karen Ingvarsdóttir 5,
María Björnsdóttir 4.
Fjölnir: Brittney Jones 26, Katin Mandylaris
21, Birna Eiríksdóttir 9, Erla Sif Kristinsdóttir 6,
Bergdís Ragnarsdóttir 3, Eva María Emilsdóttir 2.
Haukar - Snæfell 67-60
Hamar - Keflavík 61-79
STAÐAN
Keflavík 16 13 3 1262-1112 26
Njarðvík 16 12 4 1354-1206 24
KR 16 9 7 1207-1124 18
Haukar 16 9 7 1182-1152 18
Snæfell 16 8 8 1101-1136 16
Valur 16 6 10 1117-1186 12
Fjölnir 16 5 11 1151-1284 10
Hamar 16 2 14 1061-1235 4
Enska úrvalsdeildin
Tottenham - Everton 2-0
1-0 A. Lennon (35.), 2-0 B. Assou-Ekotto (62.).
Enski deildabikarinn
Manchester City - Liverpool 0-1
0-1 Steven Gerrard, víti (13.)
ÚRSLIT
KÖRFUBOLTI Stjarnan verður enn
á ný án Jovans Zdravevski þegar
liðið mætir Grindavík í toppslag
Iceland Express-deildar karla
í kvöld. Jovan hefur verið einn
allra besti leikmaður Stjörnulið-
sins undanfarin tímabil en hann
hefur nánast ekkert verið með í
vetur vegna meiðsla.
Teitur Örlygsson, þjálfari
Stjörnunnar, segir Jovan ekkert
vera að lagast og að það líti allt út
fyrir að hann verði ekkert með í
vetur. Stjörnumenn hafa brugð-
ist við þessu með því að semja
við kraftframherjann Renato
Lindmets sem stóð sig vel með
Stjörnunni í fyrra þegar liðið fór
alla leið í lokaúrslitin um Íslands-
meistaratitilinn.
„Við vitum ekki neitt og staðan
á Jovan núna er nákvæmlega eins
og hún var fyrir tveimur og hálf-
um mánuði síðan. Hann er ekkert
byrjaður að æfa með okkur aftur.
Við vitum ekki hvort hann geti
harkað af sér en það væri óskandi
að sársaukinn verði það lítill að
hann nái að spila í gegnum hann,“
segir Teitur en svo bíður Jovans
væntanlega aðgerð eftir tímabilið.
Hann skaddaði sinafestingar undir
öðrum fætinum þar sem sinin fest-
ist í hælinn.
„Ég er löngu kominn yfir það að
vera bjartsýnn og það verður bara
bónus ef við fáum hann aftur inn.
Hann reynir að gera aðrar æfing-
ar og heldur sér í formi. Hann er
búinn að létta sig síðan í fyrra
og það hjálpar honum. Honum er
virkilega alvara að reyna að ná sér
góðum,“ segir Teitur.
Jovan hefur ekkert spilað síðan
hann fór út af í fyrsta leikhluta á
móti KR í lok október. Stjarnan
var þá 26-15 yfir en tapaði síðustu
32 mínútum leiksins með 19 stiga
mun. Stjörnumenn hafa samt sem
áður haldið velli og eru í 2. sæti
deildarinnar með 8 sigra í 10 leikj-
um. „Það er ömurlegt að hann hafi
ekkert verið með okkur. Einu leik-
irnir sem hann gat spilað voru á
móti Val og Haukum þar sem við
þurftum ekki á honum að halda,“
segir Teitur og bætir við:
„Jovan er ofboðslega mikilvæg-
ur fyrir okkur því hann er eini
maðurinn sem ég get skipt á milli
þess að spila bakvörð og að spila
inni í teig. Hann kann allar stöður
í öllum kerfum og hefur frábæra
körfuboltagreind. Hann hjálp-
ar okkur að teygja varnir mót-
herjanna,“ segir Teitur. „Þetta er
algjör snillingur og það elska allir
Jovan sem hafa spilað með honum.
Við krossum nú putta því það væri
alveg stórkostlegt að fá hann til
baka,“ sagði Teitur að lokum. - óój
Teitur Örlygsson óttast að Jovan Zdravevski verði ekkert meira með Stjörnuliðinu á þessu tímabili:
Vitum ekki hvort að hann geti harkað af sér
JOVAN ZDRAVEVSKI Hefur aðeins spilað í
tæpar 62 mínútur í deildinni í vetur.
FRÉTTABLAÐIÐ/VALLI
ÍSLAND hefur aðeins einu sinni tapað fyrir Noregi á stórmóti en það var þegar Norðmenn unnu 36-33
sigur á Íslandi í lokaleiknum á EM í Sviss 2006. Kjetil Strand skoraði 19 mörk (8 víti) í leiknum. Íslenska
liðið er í riðli með Noregi á EM í Serbíu og fær því tækifæri til að vinna Norðmenn á þriðja stórmótinu í
röð. Ísland vann 29-22 sigur á Noregi á HM í Svíþjóð 2011 og 35-34 sigur á Noregi á EM í Austurríki 2010.
EM
í handbolta
2012
5
DAGAR
Sjá einnig á www.isi.is
Fjarnám ÍSÍ í þjálfaramenntun!
1. stig alm. hluta hefst 6. feb. Opið öllum með grunnskólapróf og
gildir jafnt fyrir allar íþróttagreinar. Skráning á namskeid@isi.is eða
í síma 514-4000. Nánari uppl. í síma 460-1467 og á vidar@isi.is
GOLF Tinna Jóhannsdóttir úr
GK tryggði sér í gær keppnis-
rétt á lokaúrtökumótinu fyrir
Evrópumóta-
röðina í golfi.
Hún hafnaði
í 13.-15. sæti
á úrtökumóti
sem lauk í gær
en 35 efstu
kylfingarnir
komust áfram
á lokamótið
sem fer fram á
Spáni í næstu
viku.
Tinna lék reyndar sinn lakasta
hring í gær en hún skilaði sér
inn á 78 höggum, sex höggum
yfir pari. Samtals lék hún á fimm
höggum yfir pari á mótinu. - esá
Evrópumótaröðin í golfi:
Tinna komst á
lokamótið
TINNA
JÓHANNSDÓTTIR
SNORRI STEINN Hefur verið lykilmaður í íslenska landsliðinu undanfarin ár. FRÉTTABLAÐIÐ/VALLI
HANDBOLTI Í gær var gengið frá
bókun á flugmiða fyrir Snorra
Stein Guðjónsson frá Kaupmanna-
höfn til Íslands en óvíst er hvort
hann verði um borð í flugvélinni.
Landslið Íslands er nú að búa sig
undir Evrópumeistaramótið sem
hefst í Serbíu á sunnudaginn.
Ísland á fyrsta leik á mánudags-
kvöldið.
Snorri Steinn hefur ekkert tekið
þátt í undirbúningi landsliðsins
þar sem hann hefur verið heima
í Kaupmannahöfn með fjölskyldu
sinni. Ástæðan er sú að kona hans,
Marín Sörens Madsen, átti von á
sér og eignuðust þau dóttur nú um
helgina.
„Það er ekki hundrað prósent að
ég komi heim á morgun [í dag],“
sagði Snorri Steinn í viðtali við
Fréttablaðið í gærkvöldi. „Ég er
með flugmiða en hef ekki tekið
endanlega ákvörðun um hvort ég
komi.“
Honum er illa við að fara frá
fjölskyldu sinni svo stuttu eftir
fæðingu barnsins og ætlar að taka
ákvörðun um framhaldið í sam-
vinnu við Guðmund Guðmundsson
landsliðsþjálfara.
„Út frá handboltanum væri auð-
vitað best að koma heim á morg-
un og ná síðustu æfingum fyrir
mótið,“ bætir hann við en Ísland
mætir Finnlandi í æfingalandsleik
í Laugardalshöllinni á föstudags-
kvöldið. Liðið spilaði á æfingamóti
á Jótlandi í Danmörku um helgina
en Snorri Steinn spilaði vitanlega
ekkert með liðinu þá.
„Undirbúningurinn er að mestu
leyti farinn í vaskinn hjá mér
hvort eð er. Guðmundur verður að
eiga lokaorðið um hvort ég eigi að
hoppa beint út í keppnina í Serbíu.
Þetta er auðvitað engin óskastaða
fyrir hann,“ segir Snorri.
Vil auðvitað vera með
„Auðvitað vill maður alltaf vera
með og það kitlar mikið að fá
að taka þátt í stórmóti,“ segir
Snorri. „Ég hef verið að fylgjast
með umræðunni heima í gegn-
um netið og það er alltaf mikil og
góð stemning í kringum stórmót í
handbolta.“
Sagði mér að fara
En hann segir að það verði að vera
á réttum forsendum. „Því miður
get ég ekki gefið nein betri svör
eins og er. Þrátt fyrir allt er manni
illa við að fara frá fjölskyldunni á
þessari stundu þó svo að konan
hafi nánast sagt mér að fara bara,“
segir hann og hlær. „Þetta er því
bara ákvörðun sem ég þarf að taka
og verður hún ekki auðveld.“
En þó svo að Snorri Steinn kæmi
ekki heim í dag er enn möguleiki
á því að hann spili með liðinu í
Serbíu. „Ef ég kem ekki heim á
morgun verðum við Guðmundur
þjálfari að taka ákvörðun saman
um framhaldið.“
Landsliðið tók sér frí frá æfing-
um í gær en æfir í dag og á morg-
un auk þess að spila leikinn við
Finna á föstudaginn. Hópurinn
heldur svo utan á laugardagsmorg-
un. eirikur@frettabladid.is
Verður afar erfið ákvörðun
Snorri Steinn Guðjónsson á bókað flugfar heim til Íslands í dag en óvíst er hvort
hann verði með um borð. Hann þarf að velja á milli þess að vera konu sinni og
nýfæddri dóttur innan handar eða missa af stórmóti með íslenska landsliðinu.
Þrátt fyrir allt er
manni illa við að fara
frá fjölskyldunni á þessari
stundu.
SNORRI STEINN GUÐJÓNSSON
LANDSLIÐSMAÐUR Í HANDBOLTA
HANDBOLTI Hægt verður að horfa
á leiki Evrópumeistaramótsins í
handbolta í beinni útsendingu á
Youtube í flestum löndum heims
á meðan keppninni stendur. Þetta
var tilkynnt í gær.
Þó verður ekki hægt að horfa
á beinar útsendingar í ákveðnum
löndum þar sem sjónvarpsréttur
hefur verið seldur – til að mynda
á Íslandi, Norðurlöndunum,
Þýskalandi og Frakklandi. Nánar
um þetta á Vísi.
EM í handbolta:
Leikir í beinni
á YouTube
FAGNAÐ Steven Gerrard tryggði Liver-
pool sigur á Manchester City í gær.