Fréttablaðið - 19.07.2012, Blaðsíða 6
19. júlí 2012 FIMMTUDAGUR6
SKIPULAGSMÁL Allar verðlaunatil-
lögurnar í samkeppni um Ingólfs-
torg og Kvosina gerðu ráð fyrir því
að breyta Ingólfstorgi og nota hluta
þess undir byggingar.
Tillagan sem lenti í öðru sæti í
samkeppninni kom frá Kanon arki-
tektum. Í henni er gert ráð fyrir
því að Landsímahúsið verði notað
undir hótel og við það byggðar
nýbyggingar bæði við Kirkju-
stræti, eins og í tillögu ASK arki-
tekta sem var í fyrsta sæti, og við
Vallarstræti. Þá er gert ráð fyrir
því, eins og í verðlaunatillögunni,
að salurinn sem hýsir Nasa verði
endurbyggður í svipaðri mynd.
Einn veigamesti munurinn á til-
lögunum tveimur er að í tillögunni
frá Kanon arkitektum er gert ráð
fyrir því að húsin sem nú standa
við Vallarstræti, Vallarstræti 4
og Aðalstræti 7, verði færð fram
á Ingólfstorg og nýbygging verði
byggð þar sem þau standa nú.
Í greinargerð Kanon arkitekta
kemur fram að með því að færa
húsin fram á Ingólfstorg sé verið
að nýta skuggsælasta hluta þess til
uppbyggingar. Í staðinn yrðu húsin
við hinn enda torgsins, þar sem
nú eru skyndibitastaður og ísbúð,
fjarlægð. Þá myndi flutningurinn
styrkja götumyndina og mynda
heilsteypta umgjörð torgsins ásamt
öðrum eldri húsum þar. Í tillögu
Kanon er gert ráð fyrir nýbygg-
ingu við Kirkjustræti, líkt og í til-
lögu ASK arkitekta. Húsið væri þó
ekki hluti hótelsins.
Dómnefndin taldi það ókost við
tillöguna að bygging hótelsins væri
alfarið háð uppbyggingu á Ingólfs-
torgi og flutningi húsanna fram á
torgið. thorunn@frettabladid.is
Hefðu fært gömlu
húsin á Ingólfstorg
Tillagan sem lenti í öðru sæti í samkeppni um Ingólfstorg og Kvosina gerði
ráð fyrir því að gömul hús við Ingólfstorg yrðu færð inn á torgið og nýbygging
kæmi í þeirra stað. Myndu líka byggja við Kirkjustræti og endurbyggja Nasa.
INGÓLFSTORG Gömlu húsin við Vallarstræti 4 og Aðalstræti 7 hefðu verið færð
saman og inn á Ingólfstorg. Í staðinn er gert ráð fyrir að söluskálar við hinn enda
torgsins fari og torgið stækki þeim megin. MYND/KANON ARKITEKTAR
HÓTELIÐ Svona lítur hótelið út samkvæmt tillögu Kanon arkitekta. Byggt hefði verið
við Kirkjustræti líkt og í verðlaunatillögunni, en aðalinngangur hótelsins hefði verið
frá Víkurgarði.
Sími 570 2400 · oryggi.is
Stöndum vaktina allan sólarhringinn
Öryggishnappur sem bjargar
Hjúkrunarfræðingar alltaf á vakt
Með öryggishnappi Öryggismiðstöðvarinnar færðu þráðlausan reykskynjara
beintengdan stjórnstöð. Meiri þjónusta sem eykur öryggi þitt og þinna nánustu.
Það er einfalt og kostar ekkert að skipta um þjónustuaðila.
PI
PA
R\R
TB
W
A
•
T
S
ÍA
•
1
20
62
3
Hringdu núna!
EFNAHAGSMÁL Forgangsmál er að
rjúfa vítahring neikvæðrar þró-
unar banka, ríkja og vaxtarhorfa
í löndum evrunnar. Þetta kemur
fram í nýju áliti sem Alþjóðagjald-
eyrissjóðurinn (AGS) birti í gær.
Sjóðurinn kallar eftir enn nánara
samstarfi og samþættingu á sviði
efnahagsstjórnar í evrulöndunum
17, eigi þau að komast skaðlaust út
úr núverandi efnahagsþrengingum.
Álit sjóðsins er hluti af reglu-
bundinni skoðun á horfum og
stefnu evrulandanna. Mahmood
Pradhan, varaframkvæmdastjóri
Evrópudeildar AGS, sagði á kynn-
ingarfundi í gær að evrusvæðið
virkaði ekki sem skyldi. Hann benti
á að á meðan löndum á borð við
Þýskaland bjóðist langtímalána-
kjör sem séu rétt yfir einu prósenti,
þar sem fjárfestar leiti öruggs vars
fyrir peninga sína, þá eigi önnur
evrulönd, svo sem Ítalía og Spánn,
í vaxandi vandræðum með að selja
skuldir sínar á viðráðanlegum
kjörum. Langtímalánamarkaðir
sé svo alveg lokaðir sumum öðrum
evrulöndum, svo sem Grikklandi,
Írlandi og Portúgal.
Í skýrslu sendinefndar sjóðsins
er aðgerða sagt þörf á þremur
sviðum til að rjúfa efnahagsvíta-
hring evrusvæðisins. Efla þurfi
bankakerfissamruna með sam-
evrópsku tryggingakerfi inn-
stæðna og stuðningskerfi, sem
njóti stuðnings landanna allra
og búi við sameiginlegt eftirlit.
Eins þurfi aukna samþættingu
efnahagsstjórnar í löndunum,
með öflugra samstarfi ríkja og
deildri ábyrgð og áhættu. Í þriðja
lagi þurfi kerfisumbætur, jafnt
í löndum sem skila afgangi og
hinum sem rekin eru með halla,
til þess að ýta undir vöxt og taka á
innra ójafnvægi á svæðinu. - óká
Alþjóðagjaldeyrissjóðurinn kallar eftir sameiginlegu tryggingakerfi innstæðna banka í evrulöndunum:
Samþætta þarf ríki evrunnar enn frekar
Í FRANKFURT Sólblóm við evrutáknið
sem stendur við Seðlabanka Evrópu í
Frankfurt í Þýskalandi. FRÉTTABLAÐIÐ/AP
ÞJÓÐKIRKJAN Séra Ásta Ingi-
björg Pétursdóttir hefur verið
kjörin nýr prestur í Bolungar-
víkurprestakalli. Hún tekur við
embættinu af
séra Agnesi M.
Sigurðar dóttur
sem vígð var
til biskups
yfir Íslandi á
dögunum.
Það er bisk-
upinn sem
skipar Ástu
Ingibjörgu
formlega í
embættið en það er veitt frá 1.
ágúst næstkomandi.
Ásta Ingibjörg hefur gegnt
embætti sóknarprests í Bíldu-
dals- og Tálknafjarðarpresta-
kalli síðan 2009. Hún tekur við af
Agnesi í Bolungarvíkurpresta-
kalli sem er ríflega tvöfalt stærra
en það í Bíldudal og Tálknafirði.
Agnes þjónaði sem sóknarprestur
í Bolungarvík í átján ár og sem
prófastur í Vestfjarðaprófasts-
dæmi í þrettán ár. Magnús Erl-
ingsson, sóknarprestur á Ísafirði,
hefur tekið við prófastsdæminu.
- bþh
Ásta Ingibjörg Pétursdóttir:
Nýr prestur í
Bolungarvík
ÁSTA INGIBJÖRG
PÉTURSDÓTTIR
DANMÖRK Ekki er enn vitað hvað
manninum sem fór inn til tígris-
dýranna í dýragarðinum i Kaup-
mannahöfn gekk til með athæfi
sínu. Maðurinn fannst látinn í
búrinu að morgni sunnudags, en
hann hafði brotist inn í garðinn
kvöldið áður.
Lögregla sagði í tilkynningu
í gær að maðurinn, sem var tví-
tugur að aldri, hefði farið beint
að híbýlum tígrisdýranna. Bana-
mein hans var bit á háls.
Ekki er útilokað að um sjálfs-
morð hafi verið að ræða, en ekk-
ert bendir til þess að um glæp sé
að ræða. - þj
Drepinn af tígrisdýrum:
Óljóst um til-
gang mannsins
LEYNDARDÓMUR Lögregla hefur ekki
enn skorið úr því af hverju ungur maður
braust inn til tígrisdýranna í dýragarð-
inum í Kaupmannahöfn. NORDICPHOTOS/AFP
Vegur lokaður við Kaldá
Mófellsstaðavegi við Kaldá hefur verið
lokað um óákveðinn tíma á meðan
þar fer fram viðgerð á brú. Vega-
gerðin bendir vegfarendum á að fara
Skorradalsveg (númer 508) á meðan
á viðgerð stendur.
VEGAMÁL
Sumar á húsnæðismarkaði
Alls 91 kaupsamningi var þinglýst á
höfuðborgarsvæðinu vikuna 6. til 12.
júlí. Heildarvelta á húsnæðismarkaði
var 2,7 milljarðar króna en veltan á
markaðnum hefur minnkað síðustu
vikur eftir fjörlegt vor.
FASTEIGNAMARKAÐUR
NOREGUR Jens Stoltenberg, for-
sætis ráðherra Noregs, hefur
áhyggjur af fordómum sam-
landa sinna í garð rómafólks, sem
einnig er kallað sígaunar. Hann
sagði í samtali við NRK að hatrið
sem einkennt hefði umræðuna
þar í landi síðustu vikur væri
ekki í samræmi við norsk gildi,
til dæmis umburðarlyndi og fjöl-
breytileika samfélagsins.
„Því eru mikil vonbrigði að
verða vitni að nýlegum yfirlýs-
ingum um rómafólk,“ sagði hann.
Málefni rómafólks í Noregi hafa
komist í hámæli eftir að tugir úr
þeirra hópi settust að í búðum í
nágrenni Óslóar um helgina. - þj
Forsætisráðherra Noregs:
Hefur áhyggjur
af fordómum
KJÖRKASSINN
Ætlar þú að fylgjast með
Ólympíuleikunum í London í
næsta mánuði?
JÁ 53,5%
NEI 46,5%
SPURNING DAGSINS Í DAG
Á að leyfa vínveitingar á
dvalarheimilum aldraðra?
Segðu þína skoðun á Vísir.is