Fréttablaðið - 19.07.2012, Blaðsíða 40
19. júlí 2012 FIMMTUDAGUR36
sport@frettabladid.is
GYLFI ÞÓR SIGURÐSSON skoraði í gær sitt fyrsta mark fyrir enska úrvalsdeildarfélagið Tottenham Hotspur
í 2-0 sigri á C-deildarliði Stevenage í æfingaleik í gær. Gylfi, sem kom inn á sem varamaður í hálfleik er staðan var
markalaus, skoraði fyrsta mark leiksins níu mínútum síðar með hnitmiðuðu vinstri fótarskoti úr teignum.
Gary Martin
Framherji
Steve Lennon
Framherji
Pepsi-deild kvenna
Stjarnan - Þór/KA 1-2
0-1 Tahnai Annis (5.), 1-1 Harpa Þorsteinsdóttir
(40.), 1-2 Sandra María Jessen (73.)
KR - Selfoss 1-1
1-0 Anna Garðarsdóttir (50.), 1-1 Katrín Ýr Frið-
geirsdóttir (93.)
STAÐAN
Þór/KA 10 8 1 1 28-10 25
Breiðablik 10 6 2 2 26-10 20
Stjarnan 10 6 2 2 27-12 20
ÍBV 10 6 1 3 26-14 19
Valur 10 5 1 4 22-12 16
FH 10 3 2 5 15-23 11
Fylkir 10 3 2 5 11-20 11
Afturelding 10 2 2 6 9-22 8
Selfoss 10 2 2 6 16-45 8
KR 10 0 3 7 9-21 3
ÚRSLIT
FÓTBOLTI Þór/KA gerði góða ferð
í Garðabæinn þegar liðið stal
2-1 sigri á Íslandsmeisturum
Stjörnunnar í gær í tíundu umferð
Pepsi-deildar kvenna.
Þór/KA komst yfir strax á 5.
mínútu með skallamarki Tahnai
Annis eftir sendingu Söndru
Maríu Jessen. Sandra María
Jessen lagði einnig upp hitt færi
gestanna í fyrri hálfleik strax
mínútu síðar en hún tryggði Þór /
KA sigurinn með síðasta marki
leiksins á 73. mínútu, úr þriðja og
síðasta færi Þór/KA í leiknum.
Á milli marka Þórs/KA var
leikurinn eign heimaliðsins en
Harpa Þorsteinsdóttir jafnaði
leikinn fimm mínútum fyrir hálf-
leik. Stjarnan fékk fjölda annarra
færa en Þór/KA refsaði Stjörnunni
grimmilega fyrir að nýta ekki
færin.
„Við höfum verið að spila mjög
vel í síðustu leikjum en seinna
markið sló okkur út af laginu og
við vorum ekki mjög beinskeyttar
eftir það. Fram að því vorum við
með mikla yfirburði á vellinum,“
sagði Þorlákur Árnason þjálfari
Stjörnunnar í leikslok.
Jóhann Kristinn Gunnarsson
þjálfari Þórs/KA tók undir með
Þorláki en hrósaði sínu liði jafn-
framt fyrir vinnusemi og dugnað.
„Fótbolti er ekki sanngjarn og
þetta var ekki sanngjarnt en það
er mikilvægt að koma því að, að
stelpurnar mínar áttu skilið að
fá eitthvað út úr þessu miðað við
baráttuna sem þær lögðu í þetta.
Að því leyti er þetta í báðar áttir
en Stjarnan var með yfirburði
á vellinum, það sjá allir,“ sagði
Jóhann eftir leikinn en lið hans er
nú með fimm stiga forystu á toppi
deildarinnar þegar átta umferðir
eru eftir.
„Við ætlum að vera í toppbar-
áttu. Mér finnst þessi sigur hér
vera góð vísbending um að það sé
mikill karakter í hópnum mínum
þó hann sé með ofboðslega lágan
meðalaldur,“ sagði Jóhann sem vill
geyma allt tal um Íslandsmeistara-
titil þar til síðar.
Sandra María Jessen, besti leik-
maður fyrri hluta Íslandsmótsins,
skoraði sitt ellefta mark í deildinni
og er markahæst. Næst á eftir
henni kemur Harpa Þorsteins-
dóttir í Stjörnunni en markið í gær
var hennar níunda í sumar. -gmi
ÞÓR/KA STAL STIGUNUM
Þór/KA er komið með fimm stiga forystu á toppi Pepsi-deildar kvenna eftir 2-1
sigur á Stjörnunni sem hafði yfirburði í leiknum en nýtti ekki færin sín. Norð-
ankonur hafa fimm stiga forskot á Breiðablik og Stjörnuna í toppsætinu.
BARÁTTA Í HÁLOFTUNUM Arna Sif Ásgrímsdóttir og Þórhildur Ólafsdóttir í liði Þór/KA í skallaeinvígi gegn Stjörnustúlkunni Önnu
Kristjánsdóttur. Anna stökk hæst en norðanstúlkur hrósuðu mikilvægum sigri og hafa gott forskot á toppnum. FRÉTTABLAÐIÐ/VALLI
FÓTBOLTI FH-ingar mæta sænska
liðinu AIK í Solna í Svíþjóð í 2.
umferð forkeppni Evrópudeildar-
innar í dag. Um er að ræða fyrri
viðureign liðanna en landsliðs-
maðurinn Helgi Valur Daníelsson
leikur með sænska liðinu.
„Þetta er flott og allar að-
stæður til fyrirmyndar. AIK er
vel skipulagt og með hættulega
menn frammi. Þetta er verðugt
verkefni fyrir FH,“ sagði Heimir
Guðjónsson, þjálfari FH-inga,
í samtali við Fréttablaðið að
lokinni æfingu liðsins á Råsunda-
leikvanginum í gær.
Heimir segir lið sitt leggja
áherslu á varnarleik en þó þýði
ekki að liggja í vörn í 90 mínútur.
„Við þurfum að stríða þeim
sóknarlega líka. Við höfum
öfluga menn í sóknarlínunni og
eigum að geta strítt þeim þar,“
sagði Heimir sem var í liði KR
sem féll úr keppni samanlagt 2-1
gegn AIK í Evrópukeppni bikar-
hafa árið 1996. Þá mættu ÍBV og
Fylkir sænska liðinu árið 2002 og
2003 en féllu bæði úr keppni.
Allir leikmenn FH eru klárir
í slaginn að meðtöldum Frey
Bjarnasyni sem meiddist í
deildar leik gegn Val á sunnudag.
Freyr æfði með FH-ingum í gær
og verður að óbreyttu í byrjunar-
liði Hafnfirðinga.
Leikir FH og Þórs hefjast
klukkan 17 að íslenskum tíma og
verður fylgst með gangi mála á
Vísi. -ktd
Evrópudeildin í fótbolta:
FH sækir AIK
heim í Solna
FAGNAÐ FH-ingar fagna marki gegn
Eschen/Mauren í 1. umferð keppninnar.
FRÉTTABLAÐIÐ/ERNIR
FÓTBOLTI Þór sækir Mladá Boleslav
heim í samnefndan bæ í Tékklandi.
Um er að ræða fyrri viðureign lið-
anna í 2. umferð forkeppni Evrópu-
deildarinnar í knattspyrnu.
„Aðstæður eru mjög fínar. Þetta
er flottur fimm þúsund manna
völlur í miðju Skoda-verksmiðju-
hverfinu. Liðið er styrkt af Skoda
og það eru Skoda-bifreiðar úti um
allt,“ segir Páll Viðar Gíslason,
þjálfari Þórs.
Páll Viðar segir markmiðið að ná
eins góðum úrslitum og mögulegt
er til að fá alvöruleik á Þórsvelli
eftir viku. Allir leikmenn Þórs eru
heilir og klárir í slaginn.
„Við leggjumst, berjumst og
fórnum okkur hver fyrir annan.
Svo reynum við að nýta þessar fáu
sóknir sem við eflaust komum til
með að fá.“ -ktd
Evrópudeildin í knattspyrnu:
Þórsarar í
Skoda-bænum
MARK Þórsarar fögnuðu fimm sinnum
gegn Bohemians í 1. umferð. MYND/AUÐUNN