Fréttablaðið - 19.07.2012, Blaðsíða 46
19. júlí 2012 FIMMTUDAGUR42
SUMARFRÍIÐ
„Ég ætla að einbeita mér að því
að verða ekki geðveik, bíðandi
eftir ófæddu barni mínu. Ég er
dugleg að hitta vini í bústöðum
um allt land og ég fer með
dóttur mína í sund daglega.“
Edda Blöndal, sjúkraþjálfari og
framkvæmdastjóri Salsa Iceland.
„Maður er bara heimsfrægur, það er
bara svoleiðis,“ segir plötusnúðurinn
Siggi Hlö sem er staddur á Sardiníu
á Ítalíu þar sem hann þeytir skífum í
brúðkaupi næstkomandi laugardag.
Það er nýsjálenskt par sem gengur í
það heilaga á eyjunni fögru og lét það
fljúga með Sigga út til að spila í partý-
inu. „Þau þekkja aðeins til á Íslandi og
vildu bara fá þann besta í málið, þau
treystu engum öðrum í þetta,“ segir
hann. Eiginkona Sigga fékk að fljóta
með og ákváðu þau að gera sér viku-
langa ferð úr þessu og þannig fara í
sumarfrí í leiðinni. Brúðkaupið fer fram
utandyra á ströndinni og verður veislan
þar rétt hjá. „Ég fór og kíkti á aðstæður
áðan. Það er búið að setja upp fínt dans-
gólf og þetta lítur allt voða vel út. Ég er
bara að fara að spila þarna á ströndinni,
það er spennandi,“ segir hann.
Siggi segir ekki miklar líkur á því að
hann spili mörg íslensk lög í veislunni
þó hann hafi tekið með sér disk með
Páli Óskari og Milljónamæringunum.
„Það er smá mambófílingur í honum
svo það er aldrei að vita nema maður
kynni veislugesti fyrir þeim. Annars
geri ég þetta bara eins og venjulega
og reyni að lesa hópinn og láta hann
leiða mig áfram,“ segir hann. Spurður
hvort hann hafi áður spilað við svipaðar
aðstæður neitar hann því. „Þetta er
alveg toppurinn.“ - trs
Siggi Hlö þeytir skífum á Sardiníu
BESTUR Í BRANSANUM Siggi segir parið þekkja til á Íslandi og ekki hafa
treyst neinum öðrum en honum til að halda uppi stuðinu í brúðkaups-
partýinu. FRÉTTABLAÐIÐ/PJETUR
„Þetta er búið að vera mjög gaman,
allavega upp á síðkastið,” segir hinn
hálfíslenski John Harmon Grant um
þá upplifun sína að bera sama nafn
og tónlistarmaðurinn þekkti John
Grant, sem hefur verið búsettur hér
undanfarna mánuði og er mörgum
kunnugur.
Mikið hefur verið fjallað um
Íslandsdvöl hans í fjölmiðlum en
fæstir vita að frægi söngvarinn á
nafna hér á landi. Vinir og vanda-
menn Johns Harmons Grants,
kerfis fræðings hjá Þjóðskrá Íslands,
hafa gert að gamni sínu vegna
málsins og margir hafa tekið hann í
misgripum fyrir tónlistarmanninn á
samskiptasíðunni Facebook.
„Ég gerði smá grín að þessu
þegar hann flutti fyrst til landsins.
Þá breytti ég um forsíðumynd á
Facebook og setti mynd af honum
og fékk skrilljón vinabeiðnir,” segir
hann en á tveimur dögum fékk hann
rúmlega hundrað vinabeiðnir vegna
uppátækisins. „Það voru hinir og
þessir sem eru svo lítið stórir á
Íslandi að reyna að bæta mér við,”
svarar hann. Þrátt fyrir að hafa
breytt um mynd bíða hans oft skila-
boð. „Þau er aðallega fyrir að vera
til, halda góða tónleika og vera frá-
bær tónlistarmaður,” segir hann.
Báðir eru nafnarnir fæddir í í
Colorado-fylki í Banda ríkjunum.
John Grant er frá Denver og
John Harmon Grant frá Colorado
Springs en milli staðanna er rúm-
lega eins og hálfs tíma aksturs-
fjarlægð. Hinn síðarnefndi hefur
þó búið töluvert lengur á landinu
eða að mestu undanfarin 22 ár og
á íslenska móður.
John Grant hélt tónleika á Ice-
land Airwaves-hátíðinni í haust og
heillaðist svo af landi og þjóð að
hann flutti hingað og vinnur nú
að nýrri plötu sem Biggi Veira úr
GusGus annast upptökur á. Söngv-
arinn hlaut mikið lof fyrir fyrri
plötu sína, Queen of Denmark, en
hún var kjörin plata ársins 2010 af
breska tónlistartímaritinu Mojo.
Hann heldur tónleika með
hljómsveit sinni, skipaðri þremur
íslenskum tónlistarmönnum, í
Austurbæ klukkan hálf níu í kvöld
og voru örfáir miðar eftir í gær-
kvöldi. John Harmon Grant hefur
ekki enn mætt á tónleika með nafna
sínum en hyggst bæta úr því.
En ætli sönghæfileikar fylgi
nafninu? „Ég er alveg drullu góður
söngvari þó ég segi sjálfur frá.”
Við þetta bætir hann að söngur-
inn hljómi aðallega í sturtu eða við
akstur en ekki á stórsviðum. „Nei,
það þyrfti að vera aðeins meira
í gangi til þess. Kannski nokkrir
bjórar og karókí,” segir hann eld-
hress.
hallfridur@frettabladid.is
JOHN HARMON GRANT: FÉKK SKRILLJÓN VINABEIÐNIR Á FACEBOOK
Hálfíslenskur John Grant
fær þakkir fyrir að vera til
FRÆGUR Á FACEBOOK John Harmon Grant (t.h.) hefur lent í ýmsum uppákomum eftir að bandaríski tónlistarmaðurinn John
Grant (t.v.) flutti til landsins. Vinir hans og vandamenn hafa gert óspart grín að þessu og hann hefur fengið skilaboð og
vinabeiðnir á Facebook, ætlaðar þekkta söngvaranum. SAMSETT MYND/FRÉTTABLAÐIÐ
„Ég setti mér það markmið að
reyna að safna hálfri milljón og ef
það tekst ætla ég sjálfur að gefa
100.000 krónur í viðbót,“ segir Björn
Bragi Arnarsson, sem hleypur til
styrktar Krabbameinsfélaginu í
Reykjavíkur maraþoninu 18. ágúst.
Sjálfur missti Björn Bragi ástvin
úr krabbameini á síðasta ári og var
það stór ástæða þess að það félag
varð fyrir valinu. „Því miður er það
þannig að flestir Íslendingar þekkja
til einhvers sem hefur þurft að
glíma við þennan sjúkdóm, eða hafa
hreinlega glímt við hann sjálfir, svo
þetta málefni er mörgum hugleikið,“
segir hann. Hann segir það gefa sér
meiri kraft í æfingarnar að vita til
þess að hann sé að láta gott af sér
leiða.
Björn segist hafa fengið smá
bakþanka þegar hann sá fatnaðinn
sem hann átti að hlaupa í og sér-
staklega vöktu buxurnar hjá
honum óhug. „Þetta er þrengsta
flík sem ég hef nokkurn tímann
farið í. Eins og vinur minn orðaði
það þá sést í dýrið úr margra kíló-
metra fjarlægð,“ segir hann. Þrátt
fyrir að hafa verið feiminn að fara
út í þeim fyrst um sinn segir hann
svo þægilegt að hlaupa í þeim að
hann hafi ákveðið að komast yfir
það. Hann hleypur nú alltaf í þeim
en er þó enn ekki farinn að þora
að koma fram í dagsbirtu. „Ég fer
yfirleitt bara út að hlaupa seint á
kvöldin, en þetta er allt að koma.
Ég verð vonandi alveg laus við
sviðsskrekkinn fyrir keppnina og
verð þá með allt á útopnu,“ segir
Björn Bragi. - trs
Gefur sjálfur 100 þúsund
FELA FÁTT Björn Bragi segir hlaupa-
buxurnar vera þrengstu flík sem hann
hafi átt og að dýrið sjáist úr margra
kílómetra fjarlægð. FRÉTTABLAÐIÐ/ERNIRPóstdreifing | Suðurhraun 1 | 210 Garðabær | Sími 585 8300 | www.postdreifing.is
365 miðlar treysta okkur fyrir
öruggri dreifingu á Fréttablaðinu
Við flytjum þér góðar fréttir