Fréttablaðið - 09.08.2012, Qupperneq 11

FIMMTUDAGUR 9. ágúst 2012 11
LÖGREGLUMÁL Lögreglan á höfuð-
borgarsvæðinu lagði hald á sporð-
dreka á gistiheimili í borginni á
dögunum. Svo virðist sem dýrið
hafi komið til landsins með
erlendum ferðamönnum.
RÚV greindi frá því að sporð-
drekinn hefði verið færður á
Náttúrustofnun þar sem honum
var gefin hrossafluga og tvær
köngulær að éta. Honum verður
haldið lifandi þar til Erling Ólafs-
son skordýrafræðingur snýr
aftur til starfa í lok mánaðarins,
þar sem hann á að greina dýrið.
Ekki er algengt að sporð-
drekar finnist hér á landi, en
þeir eru, sem kunnugt er, afar
eitraðir. - sv
Sporðdreki fannst á gististað:
Fær skordýr að
borða í mánuð
Á STÆRÐ VIÐ ELDSPÝTNASTOKK
Sporðdrekanum verður haldið lifandi
þar til skordýrafræðingur greinir hann.
MYND/LÖGREGLAN
MENNING Ögmundur Jónasson innanríkisráð-
herra mun á laugardag afhjúpa minnisvarða
um Hrafna-Flóka en staðsetningin gæti komið
sumum á óvart því hún er ekki á Vest fjörðum,
þaðan sem við höfum mestar fregnir af
honum, heldur í Mó í Fljótum í Skagafirði.
Eins og alþjóð veit átti Hrafna-Flóki mis-
heppnaða vetursetu í Vatnsfirði á Barða-
strönd þar sem hann gaf landi voru nafn eftir
að hafa misst allt kvikfé sitt í íslenskri frost-
hörku. „Já, hann kom aftur og settist þá að
hérna,“ segir Herdís Sæmundardóttir sem fer
fyrir framtakshópnum en afi hennar, Her-
mann Jónsson, og amma, Elín Lárusdóttir,
bjuggu á Ysta-Mó. „Við vorum hérna mikið
og það var svo mikið látið með hann hérna
að við systkinin erum eiginlega alin upp með
Hrafna-Flóka,“ segir Herdís.
Skammt hjá eru síðan Flókasteinar en sú
saga hefur gengið að undir einum liggi fjár-
sjóður landnámsmannsins en undir hinum
liggi Hrafna-Flóki sjálfur.
Herdís tengist frekar slóðum Hrafna-Flóka
en Hermann afi hennar var frá Bíldudal,
en þaðan blasir Ármannsfellið við þar sem
Hrafna-Flóki stóð er hann gaf landi voru
nafn.
Guðbrandur Ægir Ásbjörnsson hannaði
minnisvarðann en Hjalti Pálsson gerði texta á
upplýsingaskilti sem á honum verður. - jse
Ögmundur Jónasson innanríkisráðherra afhjúpar minnisvarða um Hrafna-Flóka í Skagafirði:
Hrafna-Flóka reistur minnisvarði í Skagafirði
HERDÍS OG RAFAEL VIÐ MINNISVARÐANN Innanríkis-
ráðherra mun afhjúpa minnisvarðann á laugardag.
Nýr formaður tekur við
Kristian Thulesen Dahl tók í gær við
embætti formanns danska Þjóðar-
flokksins. Fráfarandi formaður er Pia
Kjærsgaard.
DANMÖRK
Hættulegt duft í báti
Slökkvilið Húsavíkur var kallað í
mannlausan fiskibát í fyrrakvöld.
Töldu menn að reyk legði frá bátnum
en við skoðun kom í ljós að slökkvi-
kerfi hafði farið í gang og sprautað
dufti vítt og breitt um bátinn. Duftið
getur reynst mönnum hættulegt. Til
stóð að fara yfir hið sjálfvirka kerfi
bátsins í gær.
HÚSAVÍK
LÖGREGLUMÁL Erlendur ferða-
maður slasaðist þegar hann datt í
rúllustiga í Flugstöð Leifs Eiríks-
sonar á þriðjudag.
Maðurinn hrasaði fram fyrir
sig í fyrsta þrepi stigans, að því er
lögreglumönnum á vettvangi var
tjáð, og féll niður með þeim afleið-
ingum að höfuð hans skall á einu
þrepanna. Hann hlaut tvo skurði á
höfði, auk skrámu á sköflungi.
Maðurinn var fluttur með
sjúkrabíl á Heilbrigðisstofnun
Suðurnesja þar sem gert var að
sárum hans.
Meiddist á höfði og fæti:
Hrasaði í rúllu-
stiga í Leifsstöð
LÖGREGLUMÁL Brotist var inn í
grunnskólann í Grindavík um
helgina. Lögreglunni á Suður-
nesjum barst tilkynning um
atvikið og fóru lögreglumenn
þegar á vettvang. Við vettvangs-
rannsókn kom í ljós að gluggi
á norðurhlið hússins hafði
verið spenntur upp. Töluverðar
skemmdir eru á gluggakarmi
eftir áhald sem notað var til
verksins.
Ekki lá ljóst fyrir í gær hvort
einhverju hefði verið stolið úr
skólanum. Lögreglan biður þá sem
upplýst gætu um mannaferðir að
hafa samband í síma 420 1800.
Innbrot í Grindavík:
Brotist inn í
grunnskólann
www.m3.is
TIL LEIGU
GRENSÁSVEGUR, ÁRMÚLI, GUÐRÍÐARSTÍGUR OG LYNGHÁLS
Gott atvinnuhúsnæði
Frábærlega vel staðsett verslunar- og skrifstofuhúsnæði
Grensásvegur 10 og 8, 1.203 m
Ármúli 2, 3.384 m
Guðríðarstígur 2–4, 2.045 m
Lyngháls 9, 1.636 m

Nánari upplýsingar gefur:
Hermann Guðmundsson / hermann@m3.is / gsm 661 4700
GRENSÁSVEGUR 10 OG 8 ÁRMÚLI 2
GUÐRÍÐARSTÍGUR 2-4
LYNGHÁLS 9