Fréttablaðið - 24.10.2012, Page 6

24. október 2012 MIÐVIKUDAGUR6
NEYTENDAMÁL Íslenska neftóbakið
Lundi, sem hefur raunar einkum
verið notað sem munntóbak, er nú
að hverfa úr hillum verslana.
ÁTVR hætti að kaupa það inn
um áramót þegar efasemdir vökn-
uðu um að það gæti flokkast sem
neftóbak. Þá var ákveðið að selja
birgðirnar sem þegar voru til, en
þær eru nú að klárast í verslunum
landsins.
Sigrún Ósk Sigurðardóttir,
aðstoðarforstjóri ÁTVR, segir að
salan á tóbakinu hafi dvínað veru-
lega frá því sem var í upphafi,
þegar 600 kíló seldust á fyrstu
þremur dögunum. Í sumar hafi
þurft að henda óverulegu magni
af gömlum, óseldum Lunda.
Nú er bara gamla íslenska nef-
tóbakið til sölu hjá ÁTVR – svo-
kallaður ruddi. Sigrún Ósk segir
að velferðarráðuneytið hafi gefið
það út að til stæði að leggja fyrir
Alþingi breytingar á skilgrein-
ingum á nef- og munntóbaki, og
ÁTVR bíði nú eftir þeim tillögum
áður en frekari ákvarðanir verða
teknar um Lundann.
„En þangað til hefur innkaupa-
bannið verið framlengt til næstu
áramóta.“ - sh
ÁTVR bíður eftir að velferðarráðuneytið taki af skarið með nef- og munntóbak:
Lundinn að hverfa úr hillum
UMDEILT TÓBAK Þó hætt sé að selja
Lunda verður gamla íslenska neftóbakið
áfram í hillum verslana. FRÉTTABLAÐIÐ/GVA
SVÍÞJÓÐ, AP Tæplega þrítugur
maður hlaut átján mánaða fang-
elsi í Svíþjóð fyrir að hafa stolið
veski af dauðadrukknum manni,
sem hafði dottið niður á lestar-
teina á neðanjarðarstöð í Stokk-
hólmi.
Þjófurinn, sem heitir Nadar
Khiari, skildi síðan við fórnar-
lamb sitt varnarlaust á teinunum,
þar sem það varð skömmu síðar
fyrir lest. Fórnarlambið missti
þar annan fótinn, en lifði af.
Khiari var einnig dæmdur
til að greiða fórnarlambi sínu
jafnvirði tæplega 230 þúsund
íslenskra króna í skaðabætur.
Dómarinn úrskurðaði jafnframt
að Khiari yrði rekinn úr landi
þegar hann hefði afplánað refs-
ingu sína, en hann er frá Túnis.
- gb
Stal af drukknum manni:
Skildi fórnar-
lamb sitt eftir á
lestarteinum
EVRÓPUMÁL Samningaviðræður
hefjast í dag milli Íslands og ESB
í þremur málaflokkum, að því er
heimildir Fréttablaðsins herma.
Þeir koma til viðbótar við þá
átján samningskafla sem þegar
hafa verið opnaðir, eins og það
kallast, en kaflarnir eru alls 33
talsins.
Þeir kaflar sem nú um ræðir
eru um fjármálaþjónustu, hag-
tölur og tollabandalagið. Tveir
fyrstu eru á sviði EES-samnings-
ins, en sá þriðji fellur fyrir utan
það svið. Ríkjaráðstefna Íslands
og ESB fer fram í Brussel í dag,
en ekki er búist við því að neinum
samningsköflum verði lokað.
Næsta ríkjaráðstefna fer fram
í desember. - þj
Aðildarviðræður við ESB:
Samningavið-
ræður um þrjá
kafla hefjast
ÍTALÍA Æðstu yfirmenn almanna-
varna á Ítalíu hafa sagt af sér
í mótmælaskyni við dóm yfir
jarðvísindamönnum vegna jarð-
skjálfta í ĹAquila árið 2009.
Jarðvísindamennirnir voru á
mánudag dæmdir í sex ára fang-
elsi fyrir að hafa ekki varað fólk
nægilega vel við skjálftanum.
Vísindamenn um allan heim hafa
fordæmt réttarhöldin.
Ástæðan fyrir uppsögnunum
var sögð að ekki væri hægt að
vinna við aðstæðurnar sem dóm-
urinn hefði skapað. - þeb
Yfirmenn almannavarna:
Hættu störfum
í mótmælaskyni
VEISTU SVARIÐ?
1. Hvað heitir Tékkinn sem hljóp
hringinn í kring um Ísland?
2. Hver er formaður kjörstjórnar í
Reykjavíkurkjördæmi norður?
3. Með hvaða knattspyrnuliði í
Noregi leikur Veigar Páll Gunnars-
son?
SVÖR:
1. René Kujan. 2. Katrín Theodórsdóttir.
3. Stabæk.
ALÞINGI Lögfræðingahópur sem
stjórnskipunar- og eftirlitsnefnd
Alþingis skipaði til að fara yfir
drög stjórnlagaráðs að stjórnar-
skrá á að skila af sér á mánu-
dag. Páll Þórhallsson, for maður
hópsins, sagði á nefndarfundi í
gær að reynt yrði að virða þau
tímamörk, en það gæti dregist um
einhverja daga þar sem heilmikil
vinna væri eftir.
Hópnum var falið að yfirfara
drögin með tilliti til lagatæknilega
atriða. Páll sagði að engar grund-
vallarbreytingar yrðu gerðar á
drögunum, en hins vegar væru
mörkin á milli lagatæknilegra og
efnislegra athugasemda oft og
tíðum óljós.
„Við erum búin að greina tillög-
urnar og greinargerðina og erum
að koma okkur niður á þær laga-
tæknilegu lagfæringar sem þarf
að gera og bæta greinargerðina.
Það hefur alltaf legið ljóst fyrir að
það þyrfti töluvert mikla vinnu í
að þétta skýringarnar sem fylgdu
með frá stjórnlagaráði,“ sagði Páll
á fundinum, en hópnum er falið
að vinna greinargerð með frum-
varpinu.
Sem dæmi um atriði sem hóp-
urinn væri að skoða nefndi hann
mannréttindakaflann, en mikið
púður hefði farið í hann. Þá mætti
nefna ákvæði um takmörkun á setu
forseta við þrjú kjörtímabil og ráð-
herra við átta ár. Taka þyrfti á því
hvernig það sneri að þeim sem nú
eru í embætti.
Þá mætti nefna ákvæði um
að Alþingi skyldi koma saman
tveimur vikum eftir kosningar og
samspil þess við ákvæði um vand-
aðri feril en nú er við að meta gildi
kosninga. Samræma þyrfti þetta
og jafnvel stytta leiðir í kæruferli
varðandi kosningar.
Sérstök umræða var á Alþingi í
gær um þjóðaratkvæðagreiðsluna.
Jóhanna Sigurðardóttir forsætis-
ráðherra sagði mikilvægt að for-
ystumenn flokka kæmu sér saman
um tímaramma á umræður. Hvað
eðli breytinga hópsins og Alþingis
varðar sagði hún:
„Þannig geta komið fram bæði
tæknilegar og efnislegar breyt-
ingar á tillögum stjórnlagaráðs,
en stjórnlagaráð opnaði sjálft fyrir
svigrúm til breytinga eftir auka-
fund ráðsins í vor, m.a. að Alþingi
hækkaði þröskuldinn vegna þjóðar-
atkvæðagreiðslna.“
Ólöf Nordal, varaformaður Sjálf-
stæðisflokksins, sagði að fyrir-
sjáanlegt væri að breytingar yrðu
gerðar á drögunum. Þjóðarat-
kvæðagreiðslan hefði ekki bundið
hendur Alþingis.
„Alþingi ber ábyrgð á breyting-
um á stjórnarskrá og eru alþingis-
menn bundnir af sinni eigin sann-
færingu í því grundvallarverkefni
þingsins.“ kolbeinn@frettabladid.is
Engar grunnbreytingar á
frumvarpi um stjórnarskrá
Vinna lögfræðinganefndar sem yfirfer drög að stjórnarskrá gæti dregist um nokkra daga. Erfitt verður að
greina á milli lagatæknilegra og efnislegra breytinga. Tillögu að ákvæði um þjóðkirkju var dreift í gær.
STARFIÐ KYNNT Páll Þórhallsson, formaður sérfræðingahóps sem yfirfer drög stjórn-
lagaráðs að stjórnarskrá, kynnti vinnu hópsins fyrir stjórnskipunar- og eftirlitsnefnd í
gær. FRÉTTABLAÐIÐ/GVA
Kjósendur samþykktu á laugardag að í stjórnarskrá ætti
að vera ákvæði um þjóðkirkju. Hjalta Hugasyni, prófessor
við Háskóla Íslands, var falið að gera tillögu að ákvæðinu,
sem kynnt var nefndarmönnum í gær. Það á eftir að fara
fyrir sérfræðingahópinn og síðan í umræðu á Alþingi og
gæti tekið breytingum. Tillagan að ákvæðinu hljóðar svo:
Kveða skal á um stöðu þjóðkirkjunnar sem og annarra
skráðra trú- og lífsskoðunarfélaga í lögum.
Nú samþykkir Alþingi breytingu á ákvæðum laga um
stöðu þjóðkirkjunnar og skal þá leggja það mál undir
atkvæði allra kosningabærra manna í landinu til sam-
þykktar eða synjunar.HJALTI HUGASON
Nýtt ákvæði um þjóðkirkju
Hópnum var falið að taka tillit
til eftirfarandi atriða:
■ Mannréttindasáttmála sem
íslenska ríkið hefur skuldbundið
sig til að fara eftir.
■ Innra samræmis og mögulegra
mótsagna.
■ Réttarverndar miðað við
gildandi stjórnarskrá og greinar-
gerð með tillögum.
■ Málsóknarmöguleika gegn
ríkinu.
Verkefni hópsins