Fréttablaðið - 24.01.2013, Page 27

| FÓLK | 3TÍSKA
Ég lærði að prjóna þegar ég var fimm ára og hef ekki lagt prjónana frá mér síðan,“ segir Ólöf Engil-
bertsdóttir prjónaáhugamanneskja.
Á næstu dögum kemur út eftir hana
munsturbókin Kaldir dagar. Í bókinni er
að finna 40 uppskriftir að munstruðum
vettlingum sem Ólöf setti saman.
„Ég hef oft búið til uppskriftir en þetta
er í fyrsta sinn sem ég gef eitthvað út.
Ég er ekki að finna upp hjólið en þetta
eru þó mínar útfærslur og ég reiknaði út
stærðir og annað sjálf. Þarna eru vett-
lingar fyrir alla fjölskylduna, allt frá eins
árs og upp í stóra karlmannsvettlinga.
Ég er að vona að ég fái hana úr prentun
núna fyrir helgina,“ segir Ólöf.
„Mér finnst bara svo rosalega gaman
að prjóna vettlinga,“ segir hún svo
hlæjandi þegar hún er spurð af hverju
bókin innihaldi eingöngu uppskriftir að
vettlingum. „Ég á alveg efni í aðra bók.
Ég lagði upp með að uppskriftirnar væru
einfaldar og hentuðu öllum. Væru þá
fljótleg verkefni fyrir þá sem vanir eru
að prjóna og viðráðanleg fyrir þá sem
eru að byrja. Ég fékk nokkra óvana til að
prufukeyra uppskriftirnar fyrir mig og
fékk ábendingar frá þeim. Allt í bókinni
er úr kambgarni sem er mjúkt og þægi-
legt og stingur ekki eins og lopinn.“
En hefur hún hugmynd um hversu
mörg vettlingapör liggja eftir hana á
ári og hvað gerir hún við alla þessa
vettlinga?
„Ég prjónaði 58 pör af vettlingum í
fyrra. Það var ívið meira en venjulega en
ég held bókhald yfir allt sem ég prjóna.
Jólapakkarnir frá mér eru oft mjúkir,“
segir Ólöf.
Nánar má forvitnast
um Kalda daga á
Facebook.
KALDIR DAGAR
NÝ PRJÓNABÓK Ólöf Engilbertsdóttir hefur sett saman 40 uppskriftir að
munstruðum vettlingum og gefur nú út sína fyrstu prjónabók.
SÍPRJÓNANDI
Ólöf Engilbertsdóttir er
forfallin prjónaáhuga-
manneskja og hefur nú
sett saman uppskriftir
í bók.
MYND/ANTON
EINFALDAR UPP-
SKRIFTIR Ólöf setti
saman munstur sem all-
ir ættu að geta prjónað.
MYND/ÓLÖF ENGILBERTSDÓTTIR
Laugavegur 55 • www.smartboutiq
ue.is
Laugavegur 55, sími 551-1040
Opnunartímar eru
mán-fös 11-18 og lau 10-16
www.smartboutique.is
Framlengjum vinsælasta tilboðið okkar
Refaskott og leðurhanskar 9.900 Ný sending
Leðurhanskar frá 2.990 Ný sending