Fréttablaðið - 31.01.2013, Blaðsíða 68

31. janúar 2013 FIMMTUDAGUR| MENNING | 52
Leikkonan Liberty Ross hefur sótt
um skilnað við leikstjórann Rupert
Sanders. Hjónabandið leystist upp
í sumar er Sanders viðurkenndi
framhjáhald með leikkonunni
ungu Kristen Stewart á meðan þau
voru við tökur á myndinni Snow
White and the Huntsman. Ross og
Stewart, sem hafa verið gift í tíu
ár og eiga tvö börn saman, hafa
reynt að laga hjónabandið í haust
en það virðist ekki hafa gengið
upp. Sanders ku vera í molum
vegna þess enda var hann harður á
því að bæta fyrir mistök sín. Sam-
kvæmt heimildum US Weekly var
Ross of sár og reið yfir svikunum
til að fyrirgefa eiginmanni sínum.
Sækir um
skilnað
EIN Á BÁTI Liberty Ross er búin að
sækja um skilnað frá eiginmanni sinn til
tíu ára, Rupert Sanders. NORDICPHOTOS/GETTY
BÍÓ ★★★ ★★
Fáðu já
Leikstjóri: Páll Óskar Hjálmtýsson. Handrit: Brynhildur
Björnsdóttir, Páll Óskar Hjálmtýsson og Þórdís Elva
Þorvaldsdóttir.
Ofsalega verð ég glöð í hjartanu þegar gott fólk
gerir góða hluti. Sú var upplifun mín af mynd-
inni Fáðu Já.
Stuttmyndin Fáðu Já – mörkin milli ofbeldis
og kynlífs er leikin mynd fyrir unglinga í
grunn- og framhaldsskólum um kynlíf, en sér-
staklega hvað sé kynlíf og hvað ofbeldi. Myndin
hefur létt yfirbragð en alvarlegan undirtón
sem ég tel eiga vel erindi til allra þeirra sem
stunda kynlíf eða eru að hugsa um að stunda
það. Í myndinni er tekið fram að klám varpi
ekki réttu ljósi á kynlíf og þar er ég hjartanlega
sammála enda líki ég því gjarnan við Hringa-
dróttinssögu. Ég hef það á tilfinningunni að
Páll Óskar, leikstjóri og einn handritshöfund-
anna, þekki vel unglingshjartað og sé ekki einn
af þeim fullorðnu sem hafa gleymt þjáningunni
og ringulreiðinni sem getur fylgt fyrstu ástar-
samböndunum. Kynlíf er háð samþykki beggja
aðila og eina leiðin til að stunda kynlíf með
annarri manneskju er með meðvitaðri þátttöku
hennar og því að fá já.
Í myndinni eru tekin fjöldamörg dæmi,
utan kynlífs, þar sem mörkin milli ofbeldis og
samþykkis eru skýr og þar ítrekað að kynlíf
eigi ekki að vera neitt frábrugðið og þar er ég
hjartanlega sammála. Kynlíf á ekkert skylt við
ofbeldi og við þurfum að temja okkur að tala
saman og spyrja hvert annað hvort allt sé í lagi
og geta sagt hvað okkur þyki gott. Ég hef haldið
fyrirlestra fyrir fleiri þúsundir unglinga og
er það mín faglega, og persónulega, reynsla að
þessi mynd muni hitta beint í mark og vonandi
opna á samræður sem eru löngu tímabærar. Þá
ætti áhorfið ekki að einskorðast við unglinga
því margur hefði gott af því að hrista upp í
gömlum rótgrónum mýtum tengdum kynlífi og
óræðnu látbragði. Góð vísa er aldrei of oft kveð-
in. Kynlíf er gott, ofbeldi er það ekki. Það væri
ekki vitlaust ef dómarar í kynferðisbrotamálum
myndu taka vel eftir því að það má alltaf segja
nei, en það virðist vefjast fyrir mörgum við
kvaðningu dóma í slíkum málum.
Þá myndi ég gjarnan vilja fá menntamála-
ráðuneytið til að koma sér upp almennilegri
aðgerðaráætlun í kynfræðslu í skólum landsins
til að styðja við þær samræður sem þessi mynd
opnar. Hún er mikilvægur hlekkur í hugsana-
breytingu sem þarf að eiga sér stað, bæði inni
á heimilum og í skólum, á milli barna, foreldra,
kennara og ráðamanna þjóðarinnar.
Til hamingju Palli, Þórdís og Brynhildur, þið
stóðuð ykkur vel. Sigríður Dögg Arnardóttir
NIÐURSTAÐA: Mikilvægur hlekkur í hugsana-
breytingu sem þarf að eiga sér stað.
Hrist upp í rótgrónum mýtum
FÁÐU JÁ „Myndin hefur létt yfirbragð en alvarlegan undirtón sem ég tel eiga vel erindi til allra þeirra sem
stunda kynlíf eða eru að hugsa um að stunda það.“
Noel Gallagher þjáist af eyrna-
suði, samkvæmt niðurstöðu lækna.
Fyrrverandi gítarleikari Oasis
er ekki sá eini sem glímir við
þennan kvilla því Chris Martin
úr Coldplay og Pete Townsend úr
The Who, ásamt fjölda annarra
tónlistarmanna, heyra mikið suð
í eyrunum þrátt fyrir að þögn sé í
kringum þá. „Ég held að þetta sé
vegna þess að ég hef spilað á gítar
síðustu tuttugu ár. Þetta er saman-
safn af mörgum hlutum en ég hef
skemmt mér vel á meðan, þannig
að ef ég dey úr heila sjúkdómi
verður það þess virði,“ sagði
Gallagher við Talksport.
Noel Gallagher
með eyrnasuð
NOEL GALLAGHER Gítarleikarinn þjáist
af eyrnasuði. NORDICPHOTOS/GETTY
Nicole Kidman ætlar aldrei að fá
sér bótox aftur. Hin 42 ára leik-
kona, sem er gift tónlistarmann-
inum Keith Urban, hefur prófað
efnið á andlitið á sér en í fram-
tíðinni vill hún hafa fulla stjórn á
svipbrigðum sínum.
„Engin aðgerð fyrir mig.
Ég prófaði bótox, því miður,
en ég komst út úr því og núna
get ég loksins hreyft andlitið
á mér aftur,“ sagði hún við La
Repubblica. Nýjasta mynd Kid-
man er hryllingsmyndin Stoker í
leikstjórn Park Chan-wook.
Kidman er
hætt í bótoxi
PRÓFAÐI BÓTOX Kidman mælir ekki
með notkun á bótoxi. NORDICPHOTOS/GETTY
Django Unchained í leikstjórn
Quentins Tarantino hefur hitt
rækilega í mark síðan hún var
frumsýnd á jóladag í Bandaríkj-
unum og Kanada.
Hún hefur núna tekið fram úr
síðustu mynd hans, Inglourious
Basterds, og er orðin tekjuhæsta
mynd hans vestanhafs með
aðsókn upp á tæpar 150 milljón-
ir dollara. Hún hefur einnig verið
vinsælasta mynd Íslands síðustu
tvær vikur.
Tarantino, sem verður fimm-
tugur í mars, getur því vel við
unað enda hefur hann gert tvær
myndir í röð sem hafa farið
yfir 100 milljón dollara markið
vestanhafs. Aðeins Pulp Fiction
hefur einnig náð þessu eftirsótta
marki. Fimmtán ár liðu á milli
Pulp Fiction og næstu 100 milljón
dollara myndar hans, Inglourious
Basterds, sem er enn vinsælasta
mynd hans á heimsvísu. Reynd-
ar er aðeins tímaspursmál er
hvenær Django Unchained siglir
fram úr henni.
Vinsældir Django eru merki-
legar miðað við gagnrýnina sem
Tarantino hefur fengið fyrir
ofbeldið í henni, tíða notkun N-
orðsins og hvernig þrælahaldið í
Bandaríkjunum er túlkað.
Django er dýrasta mynd Tar-
antinos og Inglourious Basterds
kemur þar á eftir. Báðar hafa
þær samt skilað framleiðendum
sínum vænum fúlgum fjár. Pulp
Fiction er aftur á móti sú Tar-
antino-mynd sem hefur skilað
mestum hagnaði á ferli hans og
ef verðbólga er tekin með í reikn-
inginn er hún enn vinsælasta
mynd hans með miðasölutekjur
upp á 197 milljónir dollara. Death
Proof, sem var hluti af bíótvenn-
unni Grindhouse, er sú eina sem
hefur komið út í tapi.
Miðað við peningana sem Tar-
antino hefur búið til með síðustu
myndum sínum ætti hann að
geta gert það sem honum dett-
ur í hug er hann hefst handa við
sitt næsta verkefni. Það hljóta að
teljast góð tíðindi fyrir dyggan
aðdáendahóp hans, sem fer sífellt
stækkandi. freyr@frettabladid.is
Django Unchained orðin
tekjuhæsta mynd Tarantinos
Hefur tekið fram úr síðustu mynd leikstjórans, Inglorius Basterds, og er vinsælasta myndin á Íslandi.
VINSÆLUST Django Unchained er vinsælasta mynd Quentins Tarantino í Norður-
Ameríku.
ÞRISVAR YFIR 100 MILLJÓNIR Taran-
tino hefur þrisvar náð myndum sínum
yfir 100 milljón dollara markið.
KOM ÚT Í TAPI Death Proof er eina mynd Tarantinos sem hefur komið
út í tapi.
Miðasölutekjur og kostnaður
Miðasölutekjur í Norður-
Ameríku
í milljónum dollara
Django Unchained 146
Inglourious Basterds 120.5
Pulp Fiction 108
Kill Bill 1 70
Kill Bill 2 66
Jackie Brown 39
Grindhouse 25
Reservoir Dogs 2,8
Miðasölutekjur á heimsvísu
í milljónum dollara
Inglourious Basterds 321,4
Django Unchained 257,7
Pulp Fiction 214
Kill Bill 1 181
Kill Bill 2 152
Jackie Brown 72,6
Grindhouse
25,4
Reservoir Dogs 14,6
Kostnaður Tarantino-myndanna
í milljónum dollara
Django Unchained 100
Inglourious Basterds 70
Kill Bill 1 og 2 (samtals) 55
Grindhouse 53
Jackie Brown 12
Pulp Fiction 8,5
Reservoir Dogs 1,2
MESTI GRÓÐINN Pulp
Fiction hefur grætt
mest allra.