Fréttatíminn - 22.06.2012, Qupperneq 11

Fjölmörg fyrirtæki í viðskiptum við Arion banka eru að ná
eftirtektarverðum árangri þrátt fyrir krefjandi aðstæður.
Arion banki fagnar þessum góða árangri.
Kynntu þér málið á arionbanki.is

ÞAÐ ERU JÁKVÆÐ TEIKN Á LOFTI
Í ÍSLENSKU ATVINNULÍFI
B
örn innflytjenda eða
atvinnulausra búa
við mestu fátæktina
á Íslandi, samkvæmt
nýlegri skýrslu UNI-
CEF – Barnahjálpar Sameinuðu
þjóðanna. Börn foreldra með litla
menntun og börn innflytjenda eru
fjórum sinnum líklegri en önnur til
að líða skort samkvæmt mæling-
unni og börn einstæðra foreldra
fimm sinnum líklegri.
Innan við eitt prósent íslenskra
barna býr við efnislegan skort og
búa börn á Íslandi við minnsta
skortinn af þeim 29 ríkjum sem
mæld voru. Mikill munur er þó
milli og innan ákveðinna hópa í ís-
lensku samfélagi.
Vilborg Oddsdóttir, félagsráð-
gjafi hjá hjálparstarfi kirkjunnar,
segir að þeir hópar sem þurfi hvað
mest á stuðningi að halda séu fyrst
og fremst barnafjölskyldur og þá
einna helst einstæðar mæður af
erlendum uppruna. „Þær hafa oft
lítið net í kringum sig og vinna á
lægstu laununum,“ segir Vilborg.
Hún segir að eitt það sem er
hvað mest áberandi er að foreldrar
hafi margir hverjir ekki ráð á því
að fjölskyldan geri hluti saman
og börn þessara foreldra upplifi
því minna með foreldrum sínum
en önnur börn. „Fólk hefur ekki
efni á að fara í Húsdýragarðinn
saman, svo ég nefni dæmi, eða í
bíó. Það skiptir miklu máli að geta
upplifað eitthvað með mömmu og
pabba sem börn geta síðan deilt
með vinum sínum og bekkjar-
félögum. Það getur verið erfitt
fyrir börn að koma í skólann aftur
eftir sumarfrí þegar kennarinn
spyr bekkinn hvað þau hafi nú gert
skemmtilegt í sumar. Sum þeirra
gátu til að mynda ekki fengið að
fara á sumarnámskeið því það var
of dýrt,“ segir Vilborg.
Hún segir að ástandið hjá
sumum fjölskyldum sé þannig að
um leið og kaupa þurfi eitthvað
aukalega fyrir börnin, til að mynda
hjól, verði einfaldlega að taka það
af matarpeningum fjölskyldunnar.
„Dæmi eru um að fólk eigi hrein-
lega ekki fyrir mat en við sjáum
jafnframt að fólk lætur börnin sín
ganga fyrir. Félagsleg fátækt getur
haft alvarlegar afleiðingar og mun
hafa meiri langtímaáhrif en við
gerum okkur grein fyrir,“ segir
Vilborg.
Fimm hópar standa verst
Rauði krossinn tekur annað hvert
ár saman skýrslu um hvaða hópar
í samfélaginu standa höllum fæti.
Síðast var skýrslan, sem nefnist
„Hvar þrengir að“ gerð árið 2010. Í
henni kemur fram að fimm hópar
standa verst í íslensku samfélagi:
atvinnuleitendur, barnafjölskyldur
og einstæðir foreldrar, innflytjend-
ur, öryrkjar og börn og ungt fólk
sem skortir tækifæri.
Þar segir að ástæður þess að
atvinnuleitendur standa höllum
fæti séu einna helst þær að þeir
eiga erfitt með að standa undir
lágmarksútgjöldum og óvissan á
vinnumarkaði geri það að verkum
að þeir vita ekki hversu lengi þeir
þurfa að „redda sér“, líkt og fram
kemur í skýrslunni. Þar af leiðir
að andlegt ástand og félagsleg
staða þeirra versnar. „Afleiðingar
atvinnuleysis á andlega og líkam-
lega líðan fólks geta verið marg-
víslegar. Atvinnuleysi getur leitt
til brostinnar sjálfsmyndar, minna
sjálfstrausts, aðgerðaleysis og
Framhald á næstu opnu
 GuðBjartur Hannesson velferðarráðHerra
Þurfum að fylgjast með
börnum innflytjenda
Í samtali við Fréttatímann segir
Guðbjartur Hannesson velferðar-
ráðherra eftirfarandi um skýrslu
UNICEF og fátækt á Íslandi:
„Almennt eru niðurstöðurnar
frábærlega góðar en varðandi
þá hópa þar sem við erum ekki í
efsta sæti má auðvitað gera betur.
Ráðuneytið hefur verið vakandi
yfir aðstæðum einmitt þessara
barna og velferðarvaktin hefur
fylgst með þessum hópum sér-
staklega og bent á að stjórnvöld
þurfi að koma betur til móts við
aðstæður þeirra.
Ég bendi samt á að ef við skoð-
um stöðu þessara hópa á Íslandi
í samanburði við hinar Evrópu-
þjóðirnar sem skýrsla UNICEF
tekur til, þá er staðan þeirra
betri hér en víðast annars staðar.
Staða barna einstæðra foreldra
er þriðja best á eftir Noregi og
Svíþjóð, staða barna foreldra með
litla menntun er önnur best hér á
landi á eftir Finnlandi, við erum í
fjórða sæti þegar fátækt er mæld
meðal barna foreldra sem eru án
atvinnu á eftir Svíum, Bretum
og Norðmönnum og sömuleiðis í
fjórða sæti þegar mæld er fátækt
barna innflytjenda, á eftir Sví-
þjóð, Írlandi og Noregi.
Það skiptir miklu máli hve
vel okkur hefur tekist að verjast
atvinnuleysi, því það segir sig
sjálft að þegar hvorugt foreldrið
hefur atvinnutekjur er staðan
þröng. Þess má einnig geta að at-
vinnuþátttaka er hvergi í Evrópu
meiri en á Íslandi og það hjálpar
okkur. Eins voru atvinnuleysis-
bætur hækkaðar fljótlega eftir
hrun. Við stefnum að því að taka
upp nýtt húsnæðisbótakerfi, það
mun koma tekjulágum vel en
markmiðið er að jafna opinberan
stuðning hvort sem fólk býr í eig-
in húsnæði eða leiguhúsnæði. Við
vinnum að því hörðum höndum
að endurskoða almannatrygg-
ingakerfið, þar sem meðal annars
er gert ráð fyrir að taka upp nýtt
kerfi barnatrygginga eða að
bæta barnabótakerfið. Þessar
aðgerðir munu að einhverju leyti
gagnast börnum innflytjenda, en
við þurfum greinilega að fylgjast
mjög vel með þeim og sjá hvernig
við getum bætt stöðu innflytj-
endafjölskyldna sem sest hafa að
hér á landi.
Stjórnvöld hafa frá hruni lagt
áherslu á að verja lágtekju- og
millitekjufólk fyrir áhrifum
kreppunnar og það hefur skilað
miklum árangri. Þetta sést meðal
annars á því að árin 2008-2010
rýrnuðu kjör lágtekjufólks um
9 prósent á móti 38 prósenta
rýrnun hjá hæsta tekjuhópnum.
Þær aðgerðir stjórnvalda sem
helst hafa varið kjör lægri tekju-
hópa fólust einkum í hækkun
lágmarksframfærslutryggingu
almannatrygginga og hækkun
vaxtabóta og atvinnuleysisbóta,
jafnframt því sem skattbyrði fólks
í millitekju- og lágtekjuhópum
var lækkuð meðan hún var aukin
hjá fólki í hærri tekjuhópunum.
Ég er afar ánægður með þessa
könnun UNICEF á barnafátækt.
Það er ómetanlegt fyrir stjórn-
völd að fá svona vandaðar upp-
lýsingar og þær hjálpa okkur við
að taka réttar ákvarðanir til að
bæta stöðu þeirra sem helst þurfa
þess með.“
fréttaskýring 11 Helgin 22.-24. júní 2012