Fréttatíminn - 22.06.2012, Qupperneq 58

What to Expect When
You’re Expecting
Cameron
Diaz, Chris
Rock, Dennis
Quaid, Jenni-
fer Lopez,
Megan
Mullally og
fleira gott fólk leiðir saman hesta sína í
þessari mynd sem er innblásin af sam-
nefndri metsölubók og fjallar um fimm pör
og hvernig líf þeirra fer allt á hvolf þegar
von er á barni inn á heimilið. Sjónvarps-
líkamsræktarþáttastjórnandinn Jules og
danssýningastjarnan Evan, sjá fyrir sér að
frægðarlíf þeirra muni umturnast. Aðrar
persónur eru svo mistaugaveiklaðar og
einn tilvonandi faðirinn leitar hjálpar hjá
stuðningshópi fyrir karlmenn.
Aðrir miðlar: Imdb: 5.3, Rotten Tom-
atoes: 41%, Metacritic: 47%
Sumartíð
Sumarið er komið í Bíó Paradís við Hverf-
isgötu sem sýnir þessa dagana frönsku
kvikmyndina L’Heure d’éte (Sumartíð) eftir
einn fremsta leikstjóra Frakka, Olivier
Assayas. Myndin hefur fengið einróma
lof gagnrýnenda og áhorfenda sem ein
áhrifamesta fjölskyldusaga síðari ára.
Þegar ættmóðirin fellur frá standa upp-
komin systkinin frammi fyrir breyttum
tímum. Eiga þau að halda gullfallegu
fjölskyldusetrinu áfram í sinni eigu eða
selja það? Hvað með allar bernskuminn-
ingarnar og sameiginlegan samkomustað
fjölskyldunnar?
Aðrir miðlar: Imdb: 7.1, Rotten Tom-
atoes: 93%
50 bíó Helgin 22.-24. júní 2012
Jaxx er
nýhættur
í hljóm-
sveit
sinni
Arsenal
en ýmis-
legt er
á huldu
um
hvernig
þau
starfslok
komu til.
 FrumsýndAr
Abraham Lincoln, sextándi
forseti Bandaríkjanna, er einhver
dáðasti maðurinn sem gengt
hefur embættinu og er hann ekki
síst þekktur fyrir framgöngu sína
í réttindabaráttu þeldökkra þræla
á sínum tíma. Í myndinni Abra-
ham Lincoln: Vampire Hunter er
sýnd ný og áður óþekkt hlið á
forsetanum sem einhverra hluta
vegna láðist að geta þess í Gettys-
borgar-ávarpinu að hann barðist
gegn vampírum sem ætluðu sér
að yfirtaka Bandaríkin.
Rússinn Timur Bekmambetov (Nochnoy dozor, Wanted) leikstýrir þessari dellu sem
hljómar óneitanlega áhugaverð en myndin er byggð á samnefndri skáldsögu frá árinu
2010. Lincoln kemst að því að blóðþyrstar vampírur ætli sér að ræna völdum í Bandaríkj-
unum og hann snýr vörn í sókn og setur sér það göfuga takmark að útrýma ófögnuðinum
og verða um leið mesti vampírubani sögunnar. Hann vinnur samt þessa aukavinnu sína
í skjóli myrkurs og fer ákaflega leynt með blóðsugudrápin og þess vegna teljum við öll
nafna hans Van Helsing vera mesta vampírubana allra tíma.
Benjamin Walker leikur Lincoln og Rufus Sewell (Dark City) fer með hlutverk Adams,
leiðtoga vampíranna.
Blóðsugubaninn Abraham Lincoln
 rock oF Ages söngleikur í bíó
Ástir, kynlíf og rokk og ról
Tom Cruise er mættur til landsins en hér verða tekin upp atriðið í framtíðarspennumyndina
Oblivion. Svo skemmtilega vill til að rétt í kjölfar komu hans til landsins hefjast hér sýningar á
nýjustu mynd hans, Rock of Ages, sem byggð er á samnefndum söngleik sem notið hefur mikilla
og stöðugra vinsælda um árabil.
s öngleikurinn Rock of Ages var fyrst settur á svið árið 2006 og sló í gegn á Broadway 2009 og hefur notið vin-
sælda víða um lönd í kjölfarið. Söngleikurinn
er nú orðinn að kvikmynd þar sem góðum
hópi þekktra leikara er teflt fram og ber
þar vitaskuld fyrstan að nefna sjálfan Tom
Cruise sem um þessar mundir spókar sig á
Íslandi. Russell Brand, Catherine Zeta-Jones,
Paul Giamatti, Malin Åkerman, Bryan Cran-
ston og Alec Baldwin láta einnig til sín taka
en í brennidepli eru kántrí söngkonan unga
Julianne Hough og Diego Boneta.
Rock of Ages gerist árið 1987 og tónlist
þess tíma skipar veigamikinn sess í mynd-
inni og kunnuglegir slagarar á borð við Just
Like Paradise, I Love Rock ‘n’ Roll, Wanted
Dead or Alive, Harden My Heart og Can’t
Fight This Feeling hljóma og ekki minni
kempur en Bon Jovi, Guns N’ Roses, Def
Leppard, Foreigner, Journey, Poison, Whites-
nake, Night Ranger, Twisted Sister og REO
Speedwagon láta til sín taka og leika undir
rokkaðri dramatíkinni í myndinni.
Smábæjarstúlkan Sherrie (Julianne Ho-
ugh) kemur til Los Angeles frá Tulsa í Okla-
homa með stóra drauma um að slá i gegn
sem söngkona. Hún hefur varla náð áttum
í stórborginni þegar plötusafninu hennar,
sem hún burðast með með sér, er stolið. Bar-
þjóninn Drew (Diego Boneta), sem vinnur á
hinum vinsæla klúbbi The Bourbon Room,
verður vitni að þjófnaðinum en tekst ekki
að bjarga vínýlnum hennar Sherrie. Þeim
verður þó vel til vina og frægðardraumar
sameina þau og tilfinnningar vakna. Drew
útvegar Sherrie vinnu á The Bourbon Room
þar sem allt er á suðupunkti fyrir og ekki
dregur úr spennunni að parið vinnur þar
saman.
Eigendur staðarins skulda skatta og eiga
á hættu að klúbbnum verði lokað en skatt-
skuldin er vatn á millu Patriciu Whitmore
(Catherine Zeta-Jones), íhaldsamrar og
strangtrúaðrar eiginkonu borgarstjórans
sem berst harkalega fyrir því að lastabælinu
The Bourbon Room verði endanlega lokað.
Alec Baldwin leikur eiganda klúbbsins,
Dennis Dupree, og hann ákveður, ásamt
hægri hönd sinni Lonny Barnett (Russell
Brand) að reyna að bjarga skuldinni með
stórtónleikum. Helsta tromp þeirra í þessu
plani er rokkstjarnan Stace Jaxx, sem Tom
Cruise leikur, en hann hóf glæstan feril sinn
á sínum tíma í hljómsveit með þeim Dennis
og Lonny á Teh Bourbon Room. Jaxx er ný-
hættur í hljómsveit sinni Arsenal en ýmislegt
er á huldu um hvernig þau starfslok komu til.
Örlög og tilfinningar alls þessa fólks og
fleiri til fléttast sundur og saman í Rock of
Ages og ýmislegt gengur á í The Bourbon
Room eins og lög og óreglur rokksins gera
ráð fyrir.
Aðrir miðlar: Imdb 6.3, Rotten Tomatoes: 41%,
Metacritic: 47%
Tom Cruise á ekki í nokkrum vandræðum með að gera sér upp stjörnustæla í Rock of Ages.
Þórarinn
Þórarinsson
toti@frettatiminn.is
 AngelinA Jolie setur upp hornin
Disney teflir fram sinni verstu norn
t ökur eru hafnar á Disney-myndinni Maleficent sem eins
og nafnið bendir til fjallar um
eitt allra flottasta illmenni
Disney-teiknimyndanna,
nornina Maleficent sem sá til
þess að Þyrnirós stakk sig á
snældu og svaf í hundrað ár.
Angelina Jolie fer með titil-
hlutverkið og fyrsta myndin
af henni sem Maleficent hef-
ur verið gerð opinber og lofar
vægast sagt góðu. Angelina
minnir um margt á fyrir-
myndina úr teiknimyndinni
Sleeping Beauty frá 1959 og
banvænn þokki hornóttar
nornarinnar er svo sannar-
lega til staðar.
Angelina segir Maleficent
vera ráðgátu í nýju mynd-
inni og hún sé miklu meira
en aðeins dæmigert illkvendi
sem breytir sér í dreka. Nú
verði saga Maleficent sögð
og skýrt hvers vegna hún
er eins og hún er þegar hún
birtist gegnsýrð af illsku í
Sleeping Beauty.
Cranston vill meira
Fimmta þáttaröð hinna vinsælu sjónvarpsþátta
Breaking Bad hefur göngu sína í Bandaríkjunum í
júlí. Höfundur þeirra, Vince Gilligan, hefur þegar látið
þau boð út ganga að einungis sextán þættir séu eftir
í seríunni og Breaking Bad klárist 2013.
Aðdáendur þáttanna hafa nú fengið smá vonar-
glætu um að þeir þurfi ekki að kveðja krabbameins-
sjúka efnafræðikennarann Walter White, sem aflar
fjölskyldu sínni lífeyris með fíkniefnaframleiðslu,
endanlega þar sem leikarinn Bryan Cranston hefur
gefið mögulegri gerð bíómyndar um frekari hremm-
ingar Walters undir fótinn.
Cranston segir útlit fyrir að búið sé að skrifa meira
en komist fyrir í þeim sextán þáttum sem eftir eru og
hann hafi áhuga á því að kanna möguleika á að halda
sögu Walters áfram í kvikmynd, að því gefnu að þátt-
unum ljúki ekki með einum allsherjar dómsdegi.Angelina ógnvekj-
andi en seiðandi.
Bryan Cranston hefur slegið
hressilega í gegn í hlutverki
Walters og vill gjarnan teygja
sögu hans yfir í kvikmynd.
MEÐ STUÐNINGI REYKJAVÍKURBORGAR OG KVIKMYNDAMIÐSTÖÐVAR ÍSLANDS  CAFÉ/BAR, opið 17-23
VERTU FASTAGESTUR!
Ódýrara í bíó með aðgangskortum!
Sjá sýningartíma á BIOPARADIS.IS og MIDI.IS
SKÓLANEMAR: 25% afsláttur
gegn framvísun skírteinis!
NÝTT Í BÍÓ PARADÍS!
SAGA SVO
ÓTRÚLEG AÐ
HÚN HLÝTUR
AÐ VERA
SÖNN!
BERNIE JACK BLACKMATTHEW McCONAUGHEYSHIRLEY MACLAINE