Fréttatíminn - 01.04.2011, Blaðsíða 60

48 bíó Helgin 1.-3. apríl 2011
Þ að er alltaf gaman á setti hjá Óla því hann er svo ofboðslega áfjáður
í samtal við leikarana og þess
vegna fannst mér nú mjög
skemmtilegt að fara með hon-
um inn í aðra mynd. Og mér
fannst líka Stóra planið alveg
frábærlega skemmtileg,“ seg-
ir Eggert og stingur upp í sig
nikótíntyggjói.
Kurteist fólk gerist í Búðar-
dal og fjallar um brask og til-
raunir sveitarstjórans Mar-
kels, sem Eggert leikur, til að
koma sláturhúsi á staðnum
aftur í gagnið. Ólafur ólst upp
í Búðardal og þekkir því vel til
á söguslóðum.
„Þetta er svona skábyggt
á raunveruleikanum og af-
skræmt. En það er alveg rétt
að það er þarna sláturhús sem
stendur autt. Það var gert upp
en svo var skipt um stjórn og
nýja stjórnin vildi ekki vera að
elta draum eldri stjórnarinnar
heldur drepa það og færa kvót-
ann yfir á Hvammstanga. Það
er svolítið gaman að sjá þennan
míkrókosmos af heimspólitík
og þessa litlu spillingu sem
verður svo gagnsæ að hún
verður hálf kjánaleg á Íslandi,“
segir Ólafur.
„Þarna beið bara sviðsmynd-
in eftir okkur. Heilt sláturhús,“
segir Eggert og hlær. „Svo er
annar kostur í þessu,“ heldur
Ólafur áfram. „Að þarna er
maður að hitta fólk sem maður
ólst upp með og mætir rosaleg-
um velvilja, fær að ganga inn
í öll hús og svona. Þarna er í
raun bara heilt Hollywood-sett
sem við fengum að ganga inn
í, nema bara að það býr fólk í
settinu.“
„Hollywood-sett, hvað er
það?“ spyr Eggert og heldur
áfram: „Fólk lánaði bara húsin
sín og fylgdist svo bara með út
um eldhúsgluggann í næsta
húsi.“
Þegar Eggert er spurður
hvort hann hafi horft til raun-
verulegra sveitarstjórnar-
manna í túlkun sinni á Mar-
keli, segir hann: „Ég var nú
ekkert að breyta þessari bíó-
mynd sko, en fyrir tveimur til
þremur árum voru mikil læti
í sveitarfélagi hérna á höfuð-
borgarsvæðinu. Þar var ansi
litríkur bæjarstjóri sem ég stal
nokkrum frösum frá.“
Eggert segist hafa mikinn
áhuga á stofnanamáli sem
gangi út á það að segja eitthvað
sem enginn skilur. „Maður er
bara kominn á þann aldur að
maður liggur bara við sjón-
varpið, bara eins og Eiður
Guðnason, og talar við sjón-
varpið: „Heyrðu, maður segir
ekki svona!“ Ha?“ Eggert bæt-
ir því við að eftir á að hyggja
hefði hann kannski átt að koma
með það í myndina. „Markeli
hefði sjálfsagt gengið betur í
myndinni ef hann hefði bara
sagt eitthvað sem enginn
skildi.“
Ólafur er afkastamikill leik-
stjóri og er búinn að gera aðra
bíómynd síðan þeir Eggert
brugðu á leik í Búðardal. Sú
mynd er væntanleg í haust,
heitir Borgríkið og er „spennu
eitthvað,“ eins og Ólafur orðar
það. Eggert er ekki í þeirri
mynd. „Hann gaf það frá sér ...“
„Baðst undan því,“ skýtur
Eggert inn í. „Ég hafði ekki
fengið frí í tvö ár eða eitthvað
svoleiðis og vildi taka mér
sumarleyfi og þá var bara að
velja eða hafna. Maður verður
að rækta garðinn sinn líka. Ha?
Hann ræktar sig ekki sjálfur.
Það er ekki hægt að slaufa því
alltaf fyrir karríerinn.“
Ólafur bendir á að Eggert
sé að tala um garðrækt í bók-
staflegri merkingu. „Ég nudd-
ast svona í þessu,“ segir Egg-
ert og bætir aðspurður við að
vissulega sé garðrækt góð
fyrir sálina. „Sjáiði hvað ég
sit vel í sjálfum mér. Þú hefð-
ir nú gott af því að fara í smá
garðyrkju, Óli. Hann vinnur
úr sér hrollinn, sko. Fer bara
alltaf í nýja mynd í staðinn
fyrir að fara bara í garðinn.“
Ólafur segir að nú sé að vísu
komið að því að hann taki sér
dágott frí. „Ha? Verður engin
mynd í sumar?“ spyr Eggert
vantrúaður. „Ekki einu sinni
stuttmynd? Það má skoða að
þú komir í starfskynningu hjá
mér. Það er þarft verk að reyta
arfann, Óli minn. Til þess að
maður geti notið lífsins verður
alltaf að reyta arfann. Annars
bara breytist allt í illgresi.“
 kurteist fólk Í hreppapólitÍk Í Búðardal
 BÍódómur kurteist fólk
 frumsýndar

Nauðsynlegt að reyta arfann
Ólafur Jóhannesson og Eggert Þorleifsson kynntust þegar sá fyrrnefndi leikstýrði hinum í Stóra
planinu. Þeir segjast hafa gaman af því að vinna saman og leiða nú saman hesta sína í Búðar-
dal þar sem Ólafur heimsækir æskuslóðirnar og teflir Eggerti fram sem spilltum sveitarstjóra í
gamanmyndinni Kurteist fólk.
Lárus Skjaldarson er óttalegur lúser, mis-
lukkaður verkfræðingur og illa laskað upp-
komið barn alkóhólista sem ákveður að upp-
fylla hinstu ósk deyjandi föður síns með því
að fara í Búðardal og hjálpa til við endurreisn
sláturhússins í bænum. Í Búðardal gengur
hann inn í litla Sturlungaöld þar sem tveir
smákóngar, Markell sveitarstjóri og Hrafnkell
mjólkurbústjóri, takast á.
Lárus er lykilmaður í þeirri áætlun Markels
að endurvekja sláturhúsið en með því móti
ætlar hann að skapa nánast gjaldþrota verk-
takafyrirtæki sínu arðbært verkefni. Lárus er
ekki mikill bógur og kastast ráðvilltur fram
og til baka í litlu samfélagi þar sem fátt er þó
sem sýnist. Framhjáhald og svikráð í ýmsum
skúmaskotum gera leiðangur Lárusar að einu
allsherjar klúðri.
Kurteist fólk er ekki þannig gamanmynd að
maður sé skellandi upp úr í tíma og ótíma enda
er Ólafur Jóhannesson leikstjóri og hand-
ritshöfundur enginn sprelligosi og gamni
hans fylgir jafnan nokkur alvara. Myndin er
hins vegar lúmskt fyndin og samfélagsgagn-
rýnin bæði kómísk og nokkuð beitt.
Ólafur býður upp á fjölmennnt og litskrúð-
ugt persónugallerí og persónurnar eru það
margar og sögur þeirra flestra það áhuga-
verðar að þær sprengja eiginlega utan af sér
þann tímaramma sem kvikmyndin setur
þeim. Auðvitað er mjög smart að láta sumt
ósagt þegar eyðurnar eru útpældar, eins og í
þessu tilfelli, en maður hefði svo gjarna viljað
fá meira frá mörgum.
Myndin er vel mönnuð léttleikandi liði sem
virðist hafa skemmt sér vel við gerð myndar-
innar. Stefán Karl Stefánsson og Eggert
Þorleifsson eru í forgrunni. Stefán gerir aul-
anum Lárusi fín skil og Eggert er dásamlegur
í hlutverki sveitarstjórans enda svo náttúru-
lega fyndinn að hvert smáatriði í hreyfingum,
tali og látbragði gefa fláráðum sveitarstjór-
anum sérlega tragikómískan blæ.
Hilmir Snær gerir sér mikinn mat úr laus-
girtum mjólkurbússtjóranum og Ágústa Eva
er sæt og kúl að vanda og stórgóð sem barna-
skólakennari sem snertir strengi í hjarta Lár-
usar. Aðrir leikarar standa sig með prýði und-
ir fumlausri stjórn Ólafs sem vex með hverri
mynd.
Þórarinn Þórarinsson
Mörgæsirnar sturluðu, sem hafa stolið senunni með mögnuðum
fíflagangi í Madagascar-teiknimyndunum, eru nú loksins að fá sína
eigin, löngu verðskulduðu, bíómynd. Þriðja Madagascar-myndin er
væntanleg sumarið 2012 en þegar er farið að leggja grunninn að mynd
þar sem mörgæsirnar fjórar, Skipper, Kowalski, Private og Rico, fá
að njóta sín í friði fyrir öðrum úr dýraklíkunni. Handritshöfundarnir
Alan J. Schoolcraft og Brent Simons, sem eiga heiðurinn af handriti
teiknimyndarinnar Megamind, hafa verið fengnir til að skrifa handrit
að ævintýri mörgæsanna en málið er þó ekki komið lengra á veg en
svo að titill er ekki í sjónmáli frekar en leikstjóri eða útgáfudagur.
Hop
James Marsden leikur Fred, atvinnu-
lausan letingja sem er eitthvað annars
hugar einn daginn og keyrir óvart á og
slasar Páskakanínuna. Hann verður því
heldur betur að taka sig saman í andlitinu
og hjúkra Páskakanínunni þannig að ótal
börn úti um allan heim verði ekki fyrir
stórkostlegum vonbrigðum um páskana.
Umönnun Páskakanínunnar er þó enginn
dans á rósum, þar sem kanínan er með
erfiðari gestum sem sögur fara af, en
þessum ólíku félögum tekst samt sem
áður að leysa hin ólíklegustu vandamál
eftir því sem vinabönd þeirra styrkjast.
Russell Brand ljær Páskakanínunni rödd
sína og rödd Hugh Laurie hljómar einnig
í myndinni. Elizabeth Perkins og Kaley
Cuoco úr The Big Bang Theory leika einnig
í myndinni og sjálfur ofurstrandvörðurinn
David Hasselhoff leikur sjálfan sig.
Maður
er bara
kominn á
þann aldur
að maður
liggur bara
við sjón-
varpið,
bara eins
og Eiður
Guðnason,
og talar við
sjónvarpið.
Þórarinn Þórarinsson
toti@frettatiminn.is
bíó
Ólafur Jóhannesson og Eggert Þorleifsson „Þar var ansi litríkur bæjarstjóri sem ég stal nokkrum frösum frá.“
Sucker Punch
Emily Browning leikur Baby Doll sem er
í verulega vondum málum. Illur stjúpfaðir
hennar sendir hana á geðveikrahæli þar
sem til stendur að fjarlægja persónuleika
hennar með heilaskurðaðgerð. Á hælinu
kynnist hún nokkrum ungum konum og
saman nota þær ímyndunaraflið til þess að
flýja ömurlegar aðstæðurnar innan veggja
hælisins. Í framhaldinu fær Baby Doll þá
hugmynd að flýja hælið sjálft með ímynd-
unaraflinu og þegar sú flóttaáætlun er sett
í gang þurrkast mörkin milli raunveruleika
og ímyndunar nánast út og stúlkurnar
mæta ýmsum skrímslum og skuggaverum
á ævintýraferð sinni um hugarheima.
Aðrir miðlar: Imdb: 6,8, Rotten
Tomatoes: 21%, Metacritic: 35/100.
Mörgæsum gefinn laus taumur
Eggert Þorleifsson og Stefán Karl fara fyrir
traustum hópi leikara í Kurteisu fólki.
Innansveitarkrónika
Lj
ós
m
yn
d/
Te
it
ur
Mörgæsirnar
í Madagascar
hafa unnið sig
upp metorða-
stigann og
byrjað er að
vinna að þeirra
eigin bíómynd.
SKRÁÐU ÞIG NÚNA
á worldclass.is og í síma 55 30000
Opið allan sólarhringinn
í World Class Kringlunni
B
es
tu
n
B
irt
in
ga
hú
s