Fréttatíminn - 10.06.2011, Síða 38

Bender & Christiansen
É
Ég rak augun í auglýsingu í Fréttatímanum
fyrir viku þar sem töffari, stuttklipptur
veiðimaður með brett upp fyrir olnboga,
hélt í sporð og undir kvið á 19 punda
hrygnu í Laxá í Aðaldal. Hann var augljós-
lega við það að sleppa skepnunni. Myndin
ein er til vitnis um fenginn, fyrir utan minn-
ingu hins stolta laxveiðimanns um barátt-
una við bráð sína.
Veiðitímabilið er að hefjast með mikilli
tilhlökkun þeirra sem fengið hafa bakter-
íuna. Ég hef unnið með þeim mörgum. Órói
kemst í kropp þeirra og hug þegar daginn
fer að lengja. Sumir hefja leikinn strax 1.
apríl, um leið og opnað er fyrir veiði í vötn-
unum, aðrir bíða laxveiðinnar í júníbyrjun.
Dimmar vetrarnætur eru nýttar til flugu-
hnýtinga. Það styttir biðina.
Veiðibaktería þessi hefur hins vegar
aldrei náð bólfestu í mér. Sem strákur í
sveit var ég notaður til að vitja um silung
í neti. Það var vissulega spennandi að sjá
hvort bröndu var að finna í netinu en minni
skemmtun að hreinsa þangið sem þangað
leitaði ekki síður en fiskurinn. Verst var
þegar æðarungar álpuðust í netið og mættu
þar örlögum sínum.
Vegna þessa áhugaleysis var ég vart við-
ræðuhæfur þegar vora tók og vinnufélagar
ræddu um aðskiljanlegar veiðiferðir, veiðiár,
veiðistaði og veiðihús, en síðast en ekki síst
risafiska sem þeir höfðu barist við tímunum
saman. Flestir voru þeir föngulegir með af-
brigðum en stærstir voru þeir sem slitu sig
af rétt við árbakkann. Gott ef þeir stækkuðu
ekki með ári hverju.
Þar kom að tveir áköfustu veiðimenn-
irnir í vinnufélagahópnum, Bender &
Christiansen, sjálfur Gunnar Bender, veiði-
sérfræðingur dagblaða og ljósvakamiðla og
útgefandi veiðiblaðs, og Stefán Kristjáns-
son, fluguhnýtingameistari og síðar veiði-
búðareigandi, sáu að við svo búið mátti ekki
standa. Þeir höfðu leigt fallega silungsá
vestur á fjörðum, veiðiá sem þeir sögðu að
væri einkar heppileg fyrir byrjendur. Ekki
aðeins væri hún í fallegu umhverfi heldur
full af fiski líka. Þaðan væri útilokað að fara
án þess að setja í fisk. Ég var því drifinn
með.
Veiðifélagar mínir fóru degi fyrr en ég.
Kona mín og dætur fylgdu hinum væntan-
lega veiðimanni vestur. Eldri stúlkan var
spennt, treysti á föður sinn. Sú yngri var
of lítil til að leggja mat á veiðihæfileikana.
Konan var raunsærri. Gerði af hyggjuviti
sínu ekki ráð fyrir fullum frystikistum
af silungi og laxi en þó að við fengjum að
minnsta kosti einu sinni í soðið.
Tindilfættir voru þeir Bender & Christi-
ansen þar sem þeir tóku á móti okkur á
bökkum árinnar fögru. „Hafið þið verið
á fá’ann,“ spurði ég enda taldi ég víst að
þannig spyrði veiðimaður þegar hann hitti
aðra veiðimenn. Af svip eldri dótturinnar
las ég að henni þótti vel spurt og fagmann-
lega. Hún var mætt á vettvang sem dóttir
veiðigarps. Svipur konunnar var óræðari.
„Ja,“ sagði Stefán hógvær, „sjötíu bleikjur,
áin er full af fiski.“
Hinir vönu veiðimenn ákváðu að nýliðinn
hefði ána einn þennan dag. Enginn átti að
trufla veiði hans. Stefán lánaði stöng og
stígvél. Bender beitti. Ég fetaði mig varlega
út í ána í átt að hylnum. Það var engu logið
um fiskinn í ánni. Jafnvel óvön veiðiaugu
sáu að hylurinn var nánast eins og sardínu-
dós. Veiðibræðurnir lögðust í vestfirskan
móann og hvíldu lúin bein. Konan fór að
skoða blóm og sætukoppa en eldri stúlkan
fylgdist með föður sínum, full aðdáunar til
að byrja með. Hún sá hann kasta og draga,
kasta og draga en þreyttist fljótt þegar ekk-
ert gerðist. Bender & Christiansen lyftu
auga annað veifið en sáu að ekki var þörf á
að hjálpa nýliðanum við að landa.
Fiskarnir stukku allt í kringum veiði-
manninn en fráleitt var að þeir bitu á. Þeir
litu ekki við agninu. Vel var þó beitt hjá
Bender og stígvél Stefáns héldu vatninu vel
frá leggjum og lærum hins einbeitta veiði-
manns. Þegar leið á daginn var konan kom-
in ofar í hlíðina og stúlkan til hennar og litlu
systur. Hún hafði endanlega misst þolin-
mæðina. Þá loks sá Bender aumur á félaga
sínum. „Komdu,“ sagði hann, „ég reiknaði
með því að svona gæti farið, jafnvel þótt þú
hafir þurft að gæta þín á að stíga ekki ofan á
fiskana í ánni. Ég veiddi því einn í morgun,
áður en þú komst, hélt honum á lífi og setti
hann í poll á kletti hérna skammt frá. Farðu
nú og kræktu í hann svo að þú farir ekki
heim með öngulinn í rassinum. Mæðg-
urnar þurfa ekkert að vita hvaðan fiskurinn
kemur.“
Veiðiklóin leiddi stígvélaðan nýliðann
að pollinum. Þar blakaði uggum
dáfögur bleikja. „Veiddu þessa,“
sagði Bender, „svo látum við gott
heita. Það verður þá sjötíu og eitt
kvikindi á hollið. Það er ekki svo
slæmt,“ sagði hann. „Það þarf eng-
inn að vita hvernig skiptingin er á
milli okkar.“
Það er skemmst er frá því að
segja að bleikjan í pollinum fúlsaði
algerlega við agni mínu. Það var
sama hvaða brögðum ég beitti;
hún lét ekki einu sinni húkka sig.
Bender hló svo stórkarlalega að
félagi Christiansen rumskaði á
milli þúfna. „Þú ert vonlausasti
veiðimaður norðan Alpafjalla,“
sagði hann á milli soganna. „Það
er deginum ljósara að þín sérgrein
er og verður netalagnir.“
„Á ég að taka mynd af þér með
fenginn, elskan,“ sagði konan
þegar hún kom að vitja bónda síns,
„eða viltu láta stoppa upp þennan í
pollinum?“
Te
ik
ni
ng
/H
ar
i
Jónas
Haraldsson
jonas@
frettatiminn.is
HELGARPISTILL
Fást snjóbílar á bílaleigunum?
„Opnun hálendisvega seinkar“
Seinka þarf opnun hálendisvega sunnan­
lands og norðan vegna snjóalaga og
bleytu, að mati starfsmanna Vegagerðar­
innar. Eins metra þykkur nýfallinn snjór
er við Öskju.
Hvað gerum við þá við styttuna
af Ingólfi?
„Segir kenningum um landnám hrundið“
Aldursgreining á fornleifum við Kirkju­
vogs kirkju í Höfnum á Reykjanesi bendir
með 68% öryggi til þess að þar hafi verið
búseta á tímabilinu 770­880. Bjarni F.
Einarsson, fornleifafræðingur sem stýrir
rannsóknunum, segir við Fréttablaðið að
þetta kollvarpi hefðbundnum skýringum
um landnámið, sem miðað hefur verið við
árið 874.
Landkynning í verki
„Íslendingar slást í Noregi“
Lögregla í Haugasundi á suðvesturströnd
Noregs varð að skakka leikinn þegar tveir
Íslendingar lentu í slagsmálum í bænum.
„All in the family“
„Hjón í fararbroddi söluferlis Byrs“
Hlutafé í Byr verður boðið til sölu eftir helgi.
Ráðgjafarfyrirtækið Arctica Finance á að
sjá um söluna en framkvæmdastjóri þess er
eiginmaður formanns slitastjórnar Byrs.
Sumarið er tíminn
„Búast má við næturfrosti næstu tvær
nætur“
Allvíða má búast við næturfrosti næstu
tvær nætur, að sögn Veðurstofunnar. Frost
var í innsveitum norðaustanlands í nótt og
á Egilsstaðaflugvelli.
Hverjum datt það svo
sem í hug?
„Ég hef ekkert með þetta
blessaða bankahrun að
gera“
„Ég hef ekkert með
þetta blessaða
bankahrun að
gera,“ sagði Hannes [Smárason] í síma
fyrir Héraðsdómi Reykjavíkur á föstudag.
Hann telur sig vera ranglega sakaðan um
að vera aðili að bankahruninu sem átti
sér stað í október 2008.
Hver lifir svo sem af þingmanns-
launum? – spyrjið Tryggva Þór
„Ekkert athugavert við aukastörf“
Árni Páll Árnason, efnahags­ og við­
skiptaráðherra, segist ekki sjá neitt at­
hugavert við að hann hafi þegið greiðslur
frá Íbúðalánasjóði fyrir lögfræðiþjón­
ustu eftir að hann varð þingmaður.
Ekkert banni þingmönnum að taka
að sér vinnu samhliða þingstörfum.
Er ekki rétt að bíða eftir því að
okkur fjölgi í 325 þúsund?
„Ísland verði stórveldi innan ESB“
Baldur Þórhallsson, nýr varaþingmaður
Samfylkingarinnar, segir Ísland geta
orðið að stórveldi innan Evrópusam­
bandsins þegar kemur að sjávarútvegs­
málum.
Sólin er sest
„Óeðlileg viðskipti skúffufyrirtækis“
Skiptastjóri skúffufyrirtækisins Sólin skín
lýsir viðskiptum þess við Glitni sem mjög
óeðlilegum. Það tapaði 2.200­földu stofnfé
sínu á 90 dögum en fékk áfram fyrir­
greiðslu.
 VIkAn SEm VAR
Nýtt
BYKOblað
er komið út!
Frábært
verð og
spennandi
vörur!
Þú getur nálgast Fréttatímann frítt á
þjónustustöðvum N1 um land allt
HELGARBLAÐ
30 viðhorf Helgin 10.-12. júní 2011