Fréttatíminn - 10.06.2011, Blaðsíða 60

 Plötuhorn Dr. Gunna
Don’t Want to Sleep

FM Belfast
Eftir partí
Fyrsta plata FM
Belfast var algjört
dúndur. Svaka
partíplata sem
spriklaði af gleði
og stuði. Þeir sem
héldu að þeir væru
að fara í annað eins
partí á þessari plötu
verða fyrir nokkrum
vonbrigðum því
hún er langt í frá
eins hressandi og
skemmtileg. Platan
er satt að segja
hæggeng og sein-
tekin, mörg laganna
þurfa mikinn tíma
til að mjatlast inn í
tónminnið, en annað
slagið glittir þó í
blátt áfram stuð.
Hljóðheimur sveitar-
innar hefur lítið
breyst – þetta er vel
gert sintapopp með
frísklegu söngáleggi
framlínunnar – það
er bara stemningin
sem er komin úr
fjörinu í eftirpartíið
og þar er fólk ekki
alveg tilbúið að
fara að sofa strax.
Ágæt plata samt, en
líður fyrir að koma í
kjölfar snilldarplötu.
rain on me rain

Andrea & Blúsmenn
Blús við
stofuhita
Andrea Gylfadóttir
og Blúsmenn hennar
eru gríðarlega traust
eining. Andrea er
meiriháttar söngkona
með mikla tilfinningu
fyrir efninu sem hún
ber á borð og bandið
er gríðarþétt á bak við
hana. Áreynslulaus
fagmennska leikur
um þessa fínu plötu,
sem er önnur platan
þeirra (sú fyrsta
kom út 1998). Hér er
blúsað við stofuhita
og blúsinn ekki ýkja
tregafullur, heldur er
huggulega djassleiðin
valin og lög tekin sem
söngkonur eins og
Sarah Vaughan, Ella
Fitzgerald, Billie Ho-
liday og Nina Simone
sungu fyrr á öldum
– samt ekki þekktustu
lögin úr þeim bálki.
Andrea semur tvö lög
sem standa fyllilega
jafnfætis þeim eðal-
steinum sem eru til
grundvallar. Verði
sláin hækkuð kemur
frumsamin plata á
íslensku næst!
Í stillunni hljómar

Mógil
Lágstemmd
suða
Söngkonan Heiða
Árnadóttir og gítar-
leikarinn Hilmar Jens-
son skipa Mógil ásamt
Belgunum Ananta
Roosens fiðluleikara
og Joachim Badenhors
klarinettuleikara. Í
stillunni hljómar fylgir
eftir plötunni Ró sem
kom út árið 2008.
Tónlist sveitarinnar má
kalla tilraunakenndan
þjóðlagaspunadjass
og þótt tónlistin sé
yfirleitt lágstemmd má
greina kraftmikla suðu
í flúruðu samspilinu.
Mörg laganna eru
aðgengileg, nánast
hreinræktað þjóðlaga-
popp með alíslenskum
þjóðsögulegum textum
sem Heiða syngur tærri
og fallegri röddu, en
inn á milli nær tilrauna-
stofan yfirhöndinni
í bröttum spuna,
sem hentar lengra
komnum pælurum.
Hér er fagfólk á ferð
með áheyrilegt verk
sem bæði þjóðlaga- og
djassáhugafólk ætti að
sperra eyrun við.
P
IP
A
R
\T
B
W
A
·
S
ÍA
·
1
1
1
4
5
6
Terra
nýr valkostur fyrir veröndina
Vörur okkar eru sérhannaðar fyrir íslenskar aðstæður.
Fáðu tilboð og gerðu verðsamanburð!
b
m
va
ll
a
.is
Terra er nýtt og fallegt verandarefni úr slípuðum hellum
sem fæst í hvítu, gráu og svörtu.
Terra er hagkvæm og endingargóð lausn á veröndina,
laus við umstang og viðhald sem fylgir hefðbundnum
pallaefnum. Ekki eyða sumarfríinu í viðhald.
Komdu á sýningarsvæði okkar í Fornalundi og skoðaðu
Terra-hellurnar eða hafðu samband við söludeildir okkar.
Sími: 412 5050
Fax: 412 5001
sala@bmvalla.is
BM Vallá ehf.
Bíldshöfða 7
110 Reykjavík
 utanveGahlauP Það erfiðaSta á lanDinu
S jö tinda hlaupið svokallaða, erfiðasta utanvegahlaup landsins, verður haldið í þriðja sinn á laugardaginn en þá er
hlaupið utan vega um fjöll, heiðar og dali
í bæjarlandi Mosfellsbæjar. „Nei, ég veit
ekkert út í hvað ég er að fara. Nema bara að
maður hefur heyrt að þetta sé gríðarlega
erfitt hlaup,“ segir Óskar Jakobsson sem
ætlar að þreyta hlaupið í fyrsta sinn á laugar-
daginn.
„Ég tel að ég sé í þokkalegu formi þannig
að ég held alveg að ég eigi að ljúka þessu.
Maður er samt meira í götuhlaupunum en
ég hef tekið nokkur utanvegahlaup, eins
og Vesturgötuna, og svo stefni ég á að taka
Laugaveginn í fyrsta skipti núna þannig að
þetta er hugsað sem æfing fyrir það.
Mágkona Óskars hefur sigrað í kvenna-
flokki þessa hlaups undanfarin tvö ár og
„hún er svolítið búin að vera að pressa á mig
að prófa þetta.“
Óskar er hvergi smeykur enda hefur hann
æft stíft í vetur. „Svo hljóp ég maraþon í
Rotterdam um daginn þannig að maður er
þokkalega vel staddur.“ Hann hefur ekki
kynnt sér leiðina sérstaklega nema „bara
þegar ég keyri þarna fram hjá þá hef ég eitt-
hvað verið að reyna að horfa yfir þetta. Þetta
eru þúfur og melar og maður fær víst að
prófa allt. Það eru brattar brekkur þarna og
malbik inn á milli.“
Óskar segist halda að besti tíminn í hlaup-
inu sé rétt undir fjórum tímum og stefnir á
að ná einhverju svipuðu. „Ég veit ekkert hvað
er raunhæft í þessu og það getur líka farið
eftir aðstæðum, vindi og öðru, en það væri
gaman að fara þetta á undir fjórum tímum.“
Sjö tinda hlaupið hefst klukkan tíu í fyrra-
málið, laugardagsmorgun, við Íþróttamið-
stöðina að Varmá í Mosfellsbæ og komið er
í mark við Varmá þegar torfærurnar hafa
verið lagðar að baki.
Veit ekkert út í hvað hann er að fara
v ið byrjuðum að spila saman þegar ég missti vinnuna hjá
Sjónvarpinu í kreppunni. Ragn-
heiður hafði verið plötusnúður
lengi en vantaði alltaf einhvern
með sér. Það er miklu betra að
vera tvær til að geta lesið dans-
gólfið og náð upp stuði,“ segir
Valdís sem ekki á langt að sækja
plötusnúðstaktana því móðurbróð-
ir hennar, Páll Óskar Hjálmtýsson,
er öllum kunnur.
Valdís lauk nýlega burtfarar-
prófi í trompetleik frá Tónlistar-
skólanum í Reykjavík. Hún er líka
í hljómsveitinni Wonderbrass, sem
lék undir með Björk á einum af
túrum hennar um heiminn. Ragn-
heiður Maísól var í trúðaskóla í
Danmörku, lærði síðar ljósmynd-
un og er nú á myndlistarbraut í
Listaháskóla Íslands. Hún er líka
í gjörningahópnum Weird Girls
Project sem lýtur stjórn Kitty Von
Sometime.
Stöllurnar hafa spilað víða,
meðal annars á skemmtistöðunum
Karamba og Barböru, í brúðkaup-
um og alls kyns gleðskap.
„Við spilum mjög fjölbreytta
tónlist en markmiðið er alltaf að
koma fólki á dansgólfið. Við erum
lagavalsmeistarar og reynum að
lesa í stemninguna frekar en að
spila bara eitthvað sem við fílum
sjálfar.“
En hver skyldi vera kúnstin við
að koma fólki í stuð?
„Að fylgjast með fólkinu og
vinna út frá því en taka hæfilega
mikið mark á óskalögum. Við
spilum líka mörg one-hit-wonder
lög, tökum stundum tímabilaþemu
með tvist, diskó, hipphopp, næntís
og fleira en gömul íslensk tónlist
klikkar aldrei.“
Dj Nonni og Manni grípa stund-
um í slagverk, þokulúðra, sírenur,
grínfiðlur, glimmer og konfettí-
sprengjur þegar þær koma fram.
„Við erum konurnar sem fundu
upp stuðið.“ thora@frettatiminn.is
 DJ nonni oG Manni SækJa Í SiG veðrið
Óskar er til í tuskið og tekur áskorun mágkonu sinnar um að hlaupa Sjö tinda hlaupið.
Veit ekkert
hvað er
raunhæft í
þessu.
Valdís Þorkelsdóttir og Ragnheiður
Maísól Sturludóttir mynda dj-dúóið
Nonna og Manna.
Lagavalsmeistarar sem fundu upp stuðið
Hinar uppátækjasömu vinkonur, Valdís Þorkelsdóttir og Ragnheiður Maísól Sturludóttir, eru meðal litríkustu plötusnúða landsins.
Lj
ós
m
yn
d
/
H
ar
i
52 dægurmál Helgin 10.-12. júní 2011