Fréttatíminn - 22.07.2011, Blaðsíða 17

Margar
fjölskyldur
hafa gengið í
marga daga
og jafnvel
misst börnin
sín á leiðinni.
Kate og Jess Ásamt Sadam og ömmu hans Farhiyo. Á þessari mynd sést Sadam borða vítamínbætt jarðhnetumauk sem UNICEF notar sem meðferðarrúrræði við vannæringu.
kvasíórkor eða prótínkröm, sem lýsir
sér þannig að kviðurinn bólgnar upp
en börnin bólgna líka í andlitinu. Það
sem stakk mig mest var að hann brosti
ekki og lék sér ekki eins og önnur
börn. Hann hreyfði sig hægt og það tók
hann langan tíma að sýna viðbrögð.
Það var mjög sorglegt að sjá það en ég
var svo þakklát fyrir hjálp UNICEF því
vegna samtakanna komst Ali á spítala
og þegar hann útskrifast verður áfram
fylgst með ástandi hans.“
Versti staður í heimi fyrir börn
„Það finnst ekki verri staður í heim-
inum fyrir börn að búa á í augnablik-
inu en Mógadisjú,“ fullyrðir Jessica
en höfuðborgin í Sómalíu er í molum
og landið margklofið. „Í Mógadisjú er
hæsta tíðni dauðsfalla meðal barna í
heiminum og stöðug átök. Þess vegna
flýr fólk þaðan. Ástandið gerir hjálpar-
samtökum erfitt fyrir að starfa á svæð-
inu og blaðamenn fá eingöngu leyfi til
að fara þangað í undantekningartilfell-
um og aðeins undir vernd SÞ. Átökin
eru svo öfgafull að það er einfaldlega
mjög hættulegt að fara til Mógadisjú.
Þegar mestu þurrkar í rúma hálfa öld
bættust ofan á þetta varð síðan til eld-
fim blanda,“ bætir Kate við.
Missa börn sín á flótta
Á fáeinum vikum hafa 166.000 Sómalar
flúið suðurhluta landsins og þúsundir
manna flýja yfir landamærin á hverjum
degi. „Fólk á ekki í nein hús að venda
og þegar það flýr, gengur það jafnvel
bara allslaust beint af augum í von um
að finna stað til að vera á,“ segir Jes-
sica.
„Margar fjölskyldur hafa gengið
dögum saman og jafnvel misst börnin
sín á leiðinni,“ segir Kate. „Nýlega
fæddi móðir barn sitt undir tré. Til allr-
ar hamingju var starfsmaður UNICEF
á staðnum og gat hjálpað til. Fjölskyld-
urnar koma frá ýmsum stöðum í suðri
og margar eru á leið í flóttamannabúðir
við landamæri Keníu eða til Eþíópíu.“
Bjarga mannslífum
„Fyrsta konan sem við hittum var móð-
ir að nafni Ninko sem átti þrjú börn.
Sonur hennar Mahamad er fjögurra
ára og það sem tók á mig var að sökum
vannæringar leit hann út fyrir að vera
miklu yngri,“ segir Kate hrærð.
„En ég fékk að sjá þyngdarmælingar
þar sem fram kom að vegna þess að
hann hafði fengið vítamínbætt jarð-
hnetumauk frá UNICEF hafði hann
þyngst mjög mikið á einungis tveimur
vikum. Hann hafði því verið ennþá
minni rétt áður en ég kom. Það er
virkilega mikilvægt fyrir okkur að
sjá að starf UNICEF bjargar mörgum
mannslífum. Ég var svo þakklát að sjá
að hann var að þyngjast,“ segir hún og
ítrekar hve skelfilegar aðstæður eru á
svæðinu.
„Auk þess að vera vannærð, hósta
börnin mikið. Ónæmiskerfið getur
verið mjög veikt og höfuðborgin er
rykug. Þegar vindur blæs getur jafnvel
verið erfitt að ná andanum.“
Mikilvægt að almenningur bregð-
ist við strax
„Það sem ég vil segja að lokum er að
almenningur, vinir og fjölskylda heima
sjá stundum myndir af vannærðum
börnum í Afríku í sjónvarpinu og vilja
helst slökkva eða eru jafnvel orðin
ónæm fyrir þessu,“ segir Kate.
„Ég tel að við megum alls ekki leyfa
okkur að slökkva á sjónvarpinu og að
við verðum að vita og muna að það er
hægt að gera margt til að bregðast við
vandanum. Við verðum að átta okkur á
því að hér eru börn að deyja. UNICEF
meðhöndlar vannærð börn og styrkir
spítalavist fyrir þau, sér fyrir lyfjum
og lífsnauðsynlegum bólusetningum.
Við getum gert mikið með því að styðja
við starfið og við verðum að átta okkur
á því að við eigum ekki að bíða heldur
bregðast við einmitt núna.“
Jessica tekur undir þessi orð. „Eftir
að hafa komið hingað getum við full-
vissað almenning um að framlögin fara
á réttan stað og hjálpa virkilega. Þau
ná að bjarga fólki sem á ekkert nema
fötin sem það stendur í. Þetta er ekki
vonlaust.“ thorakaritas@frettatiminn.is
Sómalía
Eþíópía
Kenía Indlandshaf
UNICEF á Íslandi
stendur fyrir söfnun vegna
neyðaraðgerða samtakanna
í Sómalíu, Eþíópíu, Keníu
og Djíbútí. Viðbrögð al-
mennings á Íslandi hafa
verið afar góð og 13 milljónir
króna þegar safnast – að
langmestu leyti frá ein-
staklingum.
Mahamad Móðir hans óttaðist um líf hans
og þakkar meðferðarúrræði UNICEF fyrir
líf sonar síns. „Syni mínum er að batna.“
Vannært barn á spítala í Lodwar í Keníu,
þar sem 40% barna þurfa tafarlausa að-
stoð. Starfsfólk UNICEF leggur nú dag og
nótt við að koma börnum á neyðarsvæðinu
í Austur-Afríku til hjálpar.
Ef ekkert verður að gert bíður barna á
þessu svæði varanlegur heilsubrestur eða
jafnvel dauði. Von barnanna stendur og
fellur með því að almenningur láti fé af
hendi rakna
Mæðurnar í Sómalíu geta ekki slökkt á
sjónvarpinu. Hungursneyðin og heilsu-
brestur barna er þeirra sorg og veruleiki.
Hægt er að styrkja
söfnunina með því
að hringja í
908-1000
(1.000 krónur),
908-3000
(3.000 krónur) og
908-5000
(5.000 krónur).
Einnig er hægt að
styrkja neyðarstarfið í
gegnum heimasíðuna
www.unicef.is
eða með því að leggja
inn á neyðarreikning
samtakanna:
515-26-102040
(kt. 481203-2950)
fréttaskýring 17 Helgin 22.-24. júlí 2011