Prentarinn - 01.01.1985, Blaðsíða 6

Síðustu samningar
Jafnframt þessum hugleiðingum er
ekki úr vegi að leiða hugann að því að
verkalýðshreyfingin hefur nú nýverið
gert kjarasamninga á bilinu 20%
launahækkun. Þessir samningar voru
gerðir í kjölfar kjarasamninga Félags
bókagerðarmanna, en félagið gerði
sína samninga eftir sex vikna verkfall.
Það var fyrst í sjöttu viku verkfalls sem
atvinnurekendur settust við samninga-
borðið. Fram að þeim tíma voru þeir
ekki tilbúnir til viðræðna. í sumum
blöðum hafa kjarasamningarnir verið
kallaðir verðbólgusamningar og undir
það hafa meira að segja sumir forustu-
menn verkalýðshreyfingarinnar tekið.
í slíkum fullyrðingum er gengið útfrá
því að ráðamenn þjóðarinnar séu ekki
með öllum mjalla; þeir kunni einungis
eina leið hagstjórnar, semsagt þá, að
ganga í vasa verkafólks.
Sú umræða sem átt hefur sér stað á
vinnustöðunum eftir þessa samninga
staðfestir þá fullyrðingu Félags bóka-
gerðarmanna að kröfugerð félagsins
var í hæsta máta sanngjörn og í sam-
ræmi við þol fyrirtækjanna. Hún sann-
ar það jafnframt að lengd verkfallsins
verður alfarið að skrifa á kostnað at-
vinnurekenda. í sex vikur þverskallast
þeir við og neita að leiðrétta kjör
fólksins, en staðfesta svo eftir samn-
inga að þeir séu tilbúnir til frekari
samningsgerðar.
Boðið upp á lengri samninga
Því hefur verið haldið fram að verk-
föll séu tíð og auðvitað eru þær rang-
færslur komnar frá atvinnurekendum,
og því merkilegra er þetta fyrir þær
sakir að í tveimur síðustu kjarasamn-
ingum hefur Félag bókagerðarmanna
boðið uppá lengri samninga, en at-
vinnurekendur hafa hafnað því
alfarið.
Er ekki orðið tímabært að atvinnu-
rekendur átti sig á þeirri staðreynd að
fólk er orðið þreytt á því að leggja á
sig ómælda vinnu og aukið álag án
þess að fá greitt í samræmi við það. Er
ekki orðið tímabært að atvinnurekend-
ur átti sig á því að fólk gerir sér grein
fyrir því að það á fullkomlega rétt á
hlutdeild í þeirri miklu framleiðslu-
aukningu sem það hefur komið í
kring. Hitt er líka Ijóst að verkafólk
mun ekki láta aðra skipa málum um
samtök sín, það mun ekki fórna sam-
takamættinum á altari mammons.
Fólk gerir sér grein fyrir því að
samtakamátturinn er eina raunveru-
lega trygging þess hvað hagsmunamál
þess áhrærir, svo sem launakjör,
starfskjör og atvinnuöryggi.
— mes
Frá fjölmennum fundi bókagerðarmanna í Iðnó 1984.
p *
m 1 í * ^6» r
il »! 1 | V % ^
— 1
Híö
V -V
6
PRENTARINN 1.5.'85