Prentarinn - 01.01.1985, Blaðsíða 21

Ávarp Stefáns Ögmundssonar,
formanns MFA við setningu
Felagsmalaskolans í Ölfusborgum
16. febrúar 1975.
„...Að treysta
eigin dómgreind“
Þaö hefur lengi verið á verkefnaskrá alþýöusamtak-
anna aö koma á fót félagsmálaskóla fyrir meðlimi
sína, og þegar Menningar- og fræöslusamband al-
þýöu var stofnað var þaö eitt af aðalverkefnum þess,
aö „vekja áhuga fyrir stofnun og starfsemi verkalýðs-
skóla", eins og þaö er orðað í reglugerö MFA.
Hvað er svo raunverulega átt við með Félagsmála-
skóla alþýðu, að hvaða leyti er hann frábrugðinn
öðrum skólum?
Þessum spurningum vil ég svara þannig, að sá
skóli sem hér er settur, sé frábrugðinn öðrum skólum
bæði hvað námsefni varðar og fræðslusnið. Þessi
sérstaða er skýrt mörkuð í reglugerð um félagsmála-
skólann með þessum orðum: „Hlutverk skólans er að
mennta og þjálfa fólk úr verkalýðshreyfingunni með
það fyrir augum að efla þroska þess og hæfni til að
vinna að bættum kjörum og frelsi alþýðustéttanna".
En um kennsluaðferðir segir: „Fræðslan fer fram í
formi námskeiða og skal námsefni og námskrá
samin í samræmi við þá tilhögun. Starfið fer fram í
fyrirlestrum, umræðu- og starfshópum eða á annan
hátt, sem best þykir henta". Aðferðin er því fyrst og
fremst sú, að kryfja námsefnið sameiginlega með
það fyrir augum að sem bestur árangur náist. Með
slíku námsformi, - þegar vel heppnast, - hafa allir
lagt sitt af mörkum, allir verið nemendur og allir
leiðbeinendur með nokkrum hætti.
Félagsmálaskóla alþýðu er ætlað að ná til verka-
fólks í landinu öllu. Áformað er að skólinn verði
hreyfanlegur, geti flutst milli landshluta eftir því sem
aðstæður leyfa, og þá er ekki hvað síst horft til
orlofsbyggða verkalýðsfélaganna, sem óðum eru að
rísa.
Sú frumraun sem nú er hafin mun færa okkur
reynslu á mörgum sviðum. Ljóst er að framundan
eru erfiðleikar, sem við verðum að sigrast á. Kemur
þá fyrst í hug skortur á hentugu og vönduðu náms-
efni, einkum til framhaldsnáms eða síðari anna.
Öflun þess og gerð mun kosta mikið fé og mikla
vinnu. Þegar fyrstu sporin eru stigin á þessari náms-
braut okkar verður líka úr því skorið hvort þessi skóli
nýtur sama réttar til styrktar af opinberu fé og aðrir
skólar í landinu. Hvort fullorðið vinnandi fólk, sem
kemur beint úr framleiðslustörfunum fær sjálft notið
einhvers af þeim fjármunum, sem það aflar með
vinnu sinni til menntamála.
íslenska verkalýðshreyfingin hefur með samein-
uðu, virku afli möguleika á því að vera sinnar eigin
gæfu smiður í félagslegu uppeldisstarfi. Hún hefur
innan sinna vébanda beint og óbeint næstum tvo
þriðju hluta þjóðarinnar. Hún nýtur þeirrar aðstöðu
umfram verkalýðssamtök fjölmargra annarra þjóða
að svo til allt launafólk í landinu, sem heyrir undir
verkefnasvið hennar er meðlimir í verkalýðsfélagi og
Alþýðusambandi íslands og langmestur hluti þessa
fólks er samþykkur þeim markmiðum samtakanna að
þau skuli hafa „forustu í stéttabaráttu og félagsstarf-
semialþýðunnar á Islandi" eins og segir í lögum ASÍ.
í margbreytileik hinna svokölluðu þróuðu og
menntuðu þjóðfélaga nútímans verða hin félagslegu
verkefni verkalýðsins æ vandasamari, en mesti
vandi hans er þó í því fólginn að láta ekki villa um
fyrir sér, missa ekki sjónar á hinu einfalda, láta ekki
reykský áróðurs hylja raunveruleikann, skilja, að or-
sakir ójafnaðar eru ekki óskýranlegar. Til þess þurf-
um við að afla okkur þekkingar með námi. Sú þekk-
ing til viðbótar skóla hins daglega lífs á að gera
okkur fært að treysta eigin dómgreind sem æðsta
dómara í hverju máli. Það er þetta sem við er átt í
stefnuskrá MFA, þar sem sagt er að hlutverk þess sé
„að auka þroska einstaklingsins, sjálfstraust, vilja og
þrek til þess að gera hann hæfari í baráttunni fyrir
hagsmunum og frelsi alþýðunnar".
Með öflugum félagsmálaskóla og markvísu
fræðslustarfi, þar sem skilningur og þekking er
aflvaki baráttunnar fyrir hagsmunum og jafnrétti al-
þýðunnar, höfum við möguleika til þess á næstu
árum og áratugum að eignast liðsmannasafn, sem
fært verður um að beina brautina og halda á Ijós-
kerinu í starfi íslensku verkalýðsfélaganna. Ég vona
að þessi okkar fyrsta önn megi takast með þeim
hætti, að við förum héðan bjartsýn og reif til starfa að
hálfum mánuði liðnum.
PRENTARINN 1.5.'85
21