Prentarinn - 01.02.1985, Blaðsíða 23

Vinnudeilur
[ 3. tbl. málgagns atvinnurekenda,
VSÍ, „Úr atvinnulífinu" er meðfylgj-
andi töflu að finna. Jafnframt er þar
að finna eftirfarandi: „Við íslendingar
eigum því margt ólært í þessum efn-
um, en efnahagslegar framfarir
hljóta m.a. að byggjast á stöðug-
leika í atvinnulífinui".
í framhaldi af þessu má spyrja
hvernig stöðugleiki i atvinnulífinu
verði best tryggður? Verður það best
gert með aðferðum núverandi ríkis-
stjórnar, sem bæði bannar samn-
inga og afnemur umsamda hluti
(verðbætur á laun), auk þess að
ráðast leynt og Ijóst að kaupmætti
verkafólks? Þessu svörum við hik-
laust neitandi. Verður það gert með
því sem nú tíðkast að atvinnurek-
endur sitji einir að þeim arðsauka
sem fengist hefur með auknu vinnu-
álagi samfara tækninýjungum?
Þessu svörum við hiklaust neitandi.
Stöðugleiki í atvinnulífinu verður ein-
ungis tryggður með því að verkafólk
fái mannsæmandi laun og búi jafnt
við efnahagslegt og félagslegt ör-
yggi. Sú tafla sem hér birtist segir
fyrst og fremst þá sögu að misrétti
sé mikið á íslandi eins og á Ítalíu.
Verkafólk býr ekki við þau kjör sem
það á rétt á og hægt væri að tryggja
því miðað við fjármagn í landinu.
Lög og samningar FBM
Lög og samningar félagsins hafa
ekki verið til á lager um nokkurt skeið
og er það vissulega slæmt, einkum
þegar nýir félagar bætast í hópinn.
Það er því ánægjulegt að geta greint
frá því að nú er bæði búið að prenta
lögin og samningana og væntan-
lega búið að dreifa hvorutveggja til
félagsmanna þegar þetta blað berst
mönnum.
í þessu sambandi viljum við vekja
athygli á því að samningarfélagsins
eru gefnir út í öðru broti en vant er
og er það gert í því augnamiði að
fólk geti fært inn athugasemdir við
einstaka greinar og áttað sig þannig
betur á þýðingu samningsins.
Orðsending
Ástæða er til þess að vekja athygli
á eftirfarandi ákvæðum úr samning-
um frá 22. október 1984:
- Hinn 1. desember 1984 hækki
grunnlaun um 3%, 1. júni 1986
hækki þau um önnur 3% og enn
1. september 1985, hækki þau
um 3%.
- Hinn 30. nóvember 1984 skal
hver fastur starfsmaður í fullu
starfi fá sérstaka greiðslu, kr.
3.000,- Hinn 29. mars 1985 skulu
sömu starfsmenn fá greiddar kr.
1.500,- til viðbótar. Starfsmaður í
hlutastarfi skal fá greitt miðað við
starfshlutfall.
- Þeir einir, sem taka laun skv.
taxta aðstoðarfólks (4.234 á viku)
og unnið hafa eitt ár samfellt hjá
viðkomandi atvinnurekanda, fái
aukagreiðslu, kr. 600 mánaðar-
lega.
Auglýsingar
Vinna á Norðurlöndum
Af gefnu tilefni er það undir-
strikað að ef félagsmenn eru að
hugleiða að fá sér störf í bókagerð-
argreinunum á Norðurlöndum þá
ber þeim að snúa sér til félagsins. í
nýgerðri samþykkt stjórnar Nordisk
Grafisk Union kemur fram að á
þessu hafi orðið misbrestur og að
þaö hafi í mörgum tilvikum leitt til
vandræða bæði fyrir einstaklinginn
og viðkomandi félag.
Atvinna
Ef félagsmenn hafa hug á nýjum
störfum eru þeir beðnir um að snúa
sér til skrifstofunnar, sími 28755.
Töluvert er um að fyrirtæki snúi sér
til skrifstofu FBM vanti þau fólk í
vinnu.
PRENTARINN 2.5.'85
23